% Text title            : Dhvanyaloka Udyota 3
% File name             : dhvanyaloka3.itx
% Category              : major\_works
% Location              : doc\_z\_misc\_major\_works
% Transliterated by     : Rajani Arjun Shankar
% Proofread by          : Rajani Arjun Shankar
% Latest update         : January 4, 2002
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dhvanyalokah Udyotah 3 ..}##
\itxtitle{.. dhvanyAlokaH udyotaH 3 ..}##\endtitles ##
|| tR^itIyaH udyotaH ||
evaM vya~Ngyamukhenaiva dhvaneH pradarshite saprabhede svarUpe punarvya~njaka\-
mukhenaitatprakAshyate \-\-\-
avivakShitavAchyasya padavAkyaprakAshatA |
tadanyasyAnuraNanarUpavya~Ngyasya cha dhvaneH || 1||
avivakShitavAchyasyAtyantatiraskR^itavAchye prabhede padaprakAshatA yathA
maharShervyAsasya \-\-\ldq{}saptaitAH samidhaH shriyaH\rdq{} \, yathA vA kAlidAsasya \-\-\ldq{}kaH
sannaddhe virahavidhurAM tvayyupekSheta jAyAm\rdq{} \, yathA vA \-\-\ldq{}kimiva hi madhu\-
rANAM maNDanaM nAkR^itInAm\rdq{}\, eShUdAharaNeShu\ldq{}samidha\rdq{} iti\ldq{}sannaddha\rdq{}iti
\ldq{}madhurANA\rdq{}miti cha padAni vya~njakatvAbhiprAyeNaiva kR^itAni |

tasyaivArthAntarasa~NkramitavAchye yathA \-\- rAmeNa priyajIvitena tu kR^itaM
premNaH priye nochitam\rdq{}. atra rAmeNetyetatpadaM samasAhasaikarasatvAdi\-
vya~NgyAbhisa~NkramitavAchyaM vya~njakam |

yathA vA \-\-\-
evameva janastasyA dadAti kapolopamAyAM shashibimbam |
paramArthavichAre punashchandrashchandra iva varAkaH ||
atra dvitIyashchandrashabdo.arthAntarasa~NkramitavAchyaH |

avivakShitavAchyasyAtyantatiraskR^itavAchye prabhede vAkyaprakAshatA yathA \-\-\-

yA nishA sarvabhUtAnAM tasyAM jAgarti saMyamI |
yasyAM jAgrati bhUtAni sA nishA pashyato muneH ||

anena hi vAkyena nishArtho na cha jAgaraNArthaH kashchidvivakShitaH |
kiM tarhi \? tattvaj~nAnAvahitatvamatattvaparA~NmukhatvaM cha muneH pratipAdyata
iti tiraskR^itavAchyasyAsya vya~njakatvam |

tasyaivArthAntarasa~NkramitavAchyasya vAkyaprakAshatA yathA \-\-\-

viShamayitaH keShAmapi keShAmapi prayAtyamR^itanirmANaH |
keShAmapi viShAmR^itamayaH keShAmapyaviShAmR^itaH kAlaH ||

atra hi vAkye viShAmR^itashabdAbhyAM duHkhasukharUpasa~NkramitavAchyAbhyAM
vyavahAra ityarthAntarasa~NkramitavAchyasya vya~njakatvam |

vivakShitAbhidheyasyAnuraNanarUpavya~Ngyasya shabdashaktyudbhave prabhede
padaprakAshatA yathA \-\-\-

prAtuM dhanairarthijanasya vA~nChAM daivena sR^iShTo yadi nAma nAsmi |
pathi prasannAmbudharastaDAgaH kUpo.athavA kiM na jaDaH kR^ito.aham || 1||

atra hi jaDa iti padaM nirviNNena vakrAtmasamAnAdhikaraNatayA
prayuktamanuraNanarUpatayA kUpasamAnAdhikaraNatAM svashaktyA pratipadyate |
tasyaiva vAkyaprakAshatA yathA harShacharite siMhanAdavAkyeShu \-\-\ldq{}vR^itte.a
sminmahApralaye dharaNIdhAraNAyAdhunA tvaM sheShaH\rdq{} |
etaddhi vAkyamanuraNanarUpamarthAntaraM shabdashaktyA sphuTameva prakAshayati |

asyaiva kaviprauDhoktimAtraniShpannasharIrasyArthashaktyudbhave prabhede pada\-
prakAshatayA yathA harivijaye \-\-\-

chUtA~NkurAvataMsaM kShaNaprasaramahArghamanoharasurAmodam |
asamarpitamapi gR^ihItaM kusumashareNa madhumAsalakShmImukham ||

atra hyasamarpitamapi kusumashareNa madhumAsalakShmyA mukhaM gR^ihItamitya\-
samarpitamapItyetadavasthAbhidhAyipadamarthashaktyA kususmasharasya balAtkAraM
prakAshayati |

atraiva prabhede vAkyaprakAshatA yathodAhR^itaM prAk\ldq{}sajjayati surabhimAso\rdq{}
ityAdi | atra sajjayati surabhimAso na tAvadarpayatyana~NgAya sharAnityayaM
vAkyArthaH kaviprauDhoktimAtraniShpannasharIro manmathonmAthakadanAvasthAM
vasantasamayasya sUchayati |

svataHsambhavisharIrArthashaktyudbhave prabhede padaprakAshatA yathA \-\-\-
vANijaka hastidantAH kuto.asmAkaM vyAghrakR^ittayashcha |
yAvallulitAlakamukhI gR^ihe pariShvakkate snuShA ||
atra lulitAlakamukhItyetatpadaM vyAdhavadhvAH svataHsambhAvitasharI\-
rArthashaktyA suratakrIDAsaktiM sUchaya.nstadIyasya bhartuH satatasambhoga\-
kShAmatAM prakAshayati |

tasyaiva vAkyaprakAshatA yathA \-\-\-
shikhipichChakarNapUrA jAyA vyAdhasya garviNI bhramati |
muktAphalarachitaprasAdhanAnAM madhye sapatnInAm ||

anenApi vAkyena vyAdhavadhvAH shikhipichChikarNapUrAyA navapariNI\-
tAyAH kasyAshchitsaubhAgyAtishayaH prakAshyate | tatsambhogaikarato mayUra\-
mAtramAraNasamarthaH patirjAta ityarthaprakAshanAt tadanyAsAM chirapariNItAnAM
muktAphalarachitaprasAdhanAnAM daurbhAgyAtishayaH khyApyate | tatsasambhoga\-
kAle sa eva vyAdhaH karivaravadhavyApArasamartha AsIdityarthaprakAshanAt |

nanu dhvaniH kAvyavisheSha ityuktaM tatkathaM tasya padaprakAshatA |
kAvyavisheSho hi vishiShtArthapratipattihetuH shabdasandarbhavisheShaH | tadbhAvashcha
padaprakAshatve nopapadyate | padAnAM smArakatvenAvAchakatvAt | uchyate \-\-\-
syAdeSha doShaH yadi vAchakatvaM prayojakaM dhvanivyavahAre syAt | na
tvevam \; tasya vya~njakatvena vyavasthAnAt | kiM cha kAvyAnAM sharIrA\-
NAmiva saMsthAnavisheShAvachChinnasamudAyasAdhyApi chArutvapratItiranvaya\-
vyatirekAbhyAM bhAgeShu kalpyata iti padAnAmapi vya~njakatvamukhena vyava\-
sthito dhvanivyavahAro na virodhI |
\ldq{}aniShTasya shrutiryadvadApAdayati duShTatAm |
shrutiduShTAdiShu vyaktaM tadvadiShTasmR^itirguNam ||
padAnAM smArakatve.api padamAtrAvabhAsinaH |
tena dhvaneH prabhedeShu sarveShvevAsti ramyatA ||
vichChittishobhinaikena bhUShaNeneva kAminI |
padadyotyena sukaverdhvaninA bhAti bhAratI ||\rdq{}
iti parikarashlokAH || 1||

yastvalakShyakramavya~Ngyo dhvanirvarNapadAdiShu |
vAkye sa~NghaTanAyAM cha sa prabandhe.api dIpyate || 2||

tatra varNAnAmanarthakatvAddyotakatvamasambhavItyAsha~Nkyedamuchyate \-\-\-
shaShau sarephasaMyogo DhakArashchApi bhUyasA |
virodhinaH syuH shR^i~NgAre te na varNA rasachyutaH || 3||
ta eva tu niveshyante bIbhatsAdau rase yadA |
tadA taM dIpayantyeva te na varNA rasachyutaH || 4||

shlokadvayenAnvayavyatirekAbhyAM varNAnAM dyotakatvaM darshitaM bhavati |

pade chAlakShyakramavya~Ngyasya dyotanaM yathA \-\-\-

utkampinI bhayapariskhalitAMshukAntA
te lochane pratidishaM vidhure kShipantI |
krUreNa dAruNatayA sahasaiva dagdhA
dhUmAndhitena dahanena na vIkShitAsi ||
atra hi te ityetatpadaM rasamayatvena sphuTamevAvabhAsate sahR^idayAnAm |

padAvayavena dyotanaM yathA \-\-\-
vrIDAyogAnnatavadanayA sannidhAne gurUNAM
baddhotkampaM kuchakalashayormanyumantarnigR^ihya |
tiShThetyuktaM kimiva na tayA yatsamutsR^ijya bAShpaM
mayyAsaktashchakitahariNIhArinetratribhAgaH ||
ityatra tribhAgashabdaH |

vAkyarUpashchAlakShyakramavya~Ngyo dhvaniH shuddho.ala~NkArasa~NkIrNashcheti
dvidhA mataH | tatra shuddhasyodAharaNaM yathA rAmAbhyudaye \-\-\-\ldq{}kR^itaka\-
kupitaiH\rdq{} ityAdi shlokaH | etaddhi vAkyaM parasparAnurAgaM paripoSha\-
prAptaM pradarshayatsarvata eva paraM rasatattvaM prakAshayati |

ala~NkArAntarasa~NkIrNo yathA \-\-\-\ldq{}smaranavanadIpUreNoDhAH\rdq{} ityAdishlo\-
kaH | atra hi rUpakeNa yathoktavya~njakalakShaNAnugatena prasAdhito rasaH
sutarAmabhivyajyate || 3\-4||

alakShyakramavya~NgyaH sa~NghaTanAyAM bhAsate dhvanirityuktaM tatra sa~NghaTanA\-
svarUpameva tAvannirUpyate \-\-\-

asamAsA samAsena madhyamena cha bhUShitA |
tathA dIrghasamAseti tridhA sa~NghaTanoditA || 5||
kaishchit \-\-\- tAM kevalamanUdyedamuchyate \-\-\-
guNAnAshritya tiShThantI mAdhuryAdInvyanakti sA |
rasAn \-\-\-
sA sa~NghaTanA rasAdIn vyanakti guNAnAshritya tiShThantIti | atra
cha vikalpyam guNAnAM sa~NghaTanAyAshchaikyaM vyatireko vA | vyatireke.api
dvayI gatiH | guNAshrayA sa~NghaTanA \, sa~NghaTanAshrayA vA guNA iti | tatrai\-
kyapakShe sa~NghaTanAshrayaguNapakShe cha guNAnAtmabhUtAnAdheyabhUtAnvAshritya
tiShThantI sa~NghaTanA rasAdIn vyanaktItyayamarthaH | yadA tu nAnAtvapakShe
guNAshrayasa~NghaTanApakShaH tadA guNAnAshritya tiShThantI guNaparatantrasvabhAvA
na tu guNarUpaivetyarthaH | kiM punarevaM vikalpanasya prayojanamiti \?

abhidhIyate \-\-\- yadi guNAH sa~NghaTanA chetyekaM tattvaM sa~NghaTanAshrayA
vA guNAH \, tadA sa~NghaTanAyA iva guNAnAmaniyataviShayatvaprasa~NgaH | guNA\-
nAM hi mAdhuryaprasAdaprakarShaH karuNavipralambhashR^i~NgAraviShaya eva | raudrAdbhu\-
tAdiviShayamojaH | mAdhuryaprasAdau rasabhAvatadAbhAsaviShayAveveti viShaya\-
niyamo vyavasthitaH \, sa~NghaTanAyAstu sa vighaTate | tathA hi shR^i~NgAre.api
dIrghasamAsA dR^ishyate raudrAdiShvasamAsA cheti |

tatra shR^i~NgAre dIrghasamAsA yathA \-\-\-\ldq{}mandArakusumareNupi~njaritAlakA\rdq{}
iti. yathA vA \-\-\-

anavaratanayanajalalavanipatanaparimuShitapattralekhaM te |
karatalaniShaNNamabale vadanamidaM kaM na tApayati ||
ityAdau | tathA raudrAdiShvapyasamAsA dR^ishyate. yathA \-\-\ldq{}yo yaH shastraM
bibharti svabhujagurumadaH\rdq{}ityAdau | tasmAnna sa~NghaTanAsvarUpAH \, na cha
sa~NghaTanAshrayA guNAH |

nanu yadi sa~NghaTanA guNAnAM nAshrayastatkimAlambanA ete pari\-
kalpyantAm | uchyate \-\-\- pratipAditamevaiShAmAlambanam |

tamarthamavalambante ye.a~NginaM te guNAH smR^itAH |
a~NgAshritAstvala~NkArA mantavyAH kaTakAdivat || iti |

athavA bhavantu shabdAshrayA eva guNAH \, na chaiShAmanuprAsAditulya\-
tvam | yasmAdanuprAsAdayo.anapekShitArthashabdadharmA eva pratipAditAH |
guNAstu vya~NgyavisheShAvabhAsivAchyapratipAdanasamarthashabdadharmA eva |
shabdadharmatvaM chaiShAmanyAshrayatve.api sharIrAshrayatvamiva shauryAdInAm |

nanu yadi shabdAshrayA guNAstatsa~NghaTanArUpatvaM tadAshrayatvaM vA teShAM
prAptameva | na hyasa~NghaTitAH shabdA arthavisheShapratipAdyarasAdyAshritAnAM
guNAnAmavAchakatvAdAshrayA bhavanti | naivam \; varNapadavya~Ngyatvasya
rasAdInAM pratipAditatvAt |

abhyupagate vA vAkyavya~Ngyatve rasAdInAM na niyatA kAchitsa\-
~NghaTanA teShAmAshrayatvaM pratipadyata ityaniyatasa~NghaTanAH shabdA eva guNAnAM
vya~NgyavisheShAnugatA AshrayAH | nanu mAdhurye yadi nAmaivamuchyate taduchya\-
tAm \; ojasaH punaH kathamaniyatasa~NghaTanashabdAshrayatvam | na hyasamAsA
sa~NghaTanA kadAchidojasa AshrayatAM pratipadyate. uchyate \-\-\- yadi na prasi\-
ddhimAtragrahadUShitaM chetastadatrApi na na brUmaH | ojasaH kathamasamAsA
sa~NghaTanA nAshrayaH | yato raudrAdIn hi prakAshayataH kAvyasya dIptiroja
iti prAkpratipAditam | tachchaujo yadyasamAsAyAmapi sa~NghaTanAyAM syA\-
ttatko doSho bhavet | na chAchArutvaM sahR^idayahR^idayasaMvedyamasti | tasmAdani\-
yatasa~NghaTanashabdAshrayatve guNAnAM na kAchitkShatiH | teShAM tu chakShurAdI\-
nAmiva yathAsvaM viShayaniyamitasya svarUpasya na kadAchidvyabhichAraH |

yattUktam \-\-\-\ldq{}sa~NghaTanAvadguNAnAmapyaniyataviShayatvaM prApnoti |
lakShye vyabhichAradarshanAt\rdq{}iti | tatrApyetaduchyate \- yatra lakShye parikalpita\-
viShayavyabhichArastadvirUpamevAstu | kathamachArutvaM tAdR^ishe viShaye sahR^idayAnAM
nAvabhAtIti chet \? kavishaktitirohitatvAt | dvividho hi doShaH \-\-
kaveravyutpattikR^ito.ashaktikR^itashcha | tatrAvyutpattikR^ito doShaH shaktitira\-
skR^itatvAt kadAchinna lakShyate | yastvashaktikR^ito doShaH sa jhaTiti
pratIyate | parikarashlokashchAtra \-\-\-
\ldq{}avyutpattikR^ito doShaH shaktyA saMvriyate kaveH |
yastvashaktikR^itastasya sa jhaTityavabhAsate ||\rdq{}

tathA hi \-\-\- mahAkavInAmapyuttamadevatAviShayaprasiddhasambhogashR^i~NgAraniba\-
ndhanAdyanauchityaM shaktitiraskR^itatvAt grAmyatvena na pratibhAsate | yathA
kumArasambhave devIsambhogavarNanam | evamAdau cha viShaye yathauchityA\-
tyAgastathA darshitamevAgre | shaktikR^itatvaM chAnvayavyatirekAbhyAmava\-
sIyate | tathA hi shaktirahitena kavinA evaMvidhe viShaye shR^i~NgAra upani\-
badhyamAnaH sphuTameva doShatvena pratibhAsate | nanvasmin pakShe\ldq{}yo yaH
shastraM bibharti\rdq{}ityAdau kimachArutvam \? apratIyamAnamevAropayAmaH |
tasmAd guNavyatiriktatve guNarUpatve cha sa~NghaTanAyA anyaH
kashchinniyamaheturvaktavya ityuchyate |
\-\-\- tanniyame heturauchityaM vaktR^ivAchyayoH || 6||

tatra vaktA kaviH kavinibaddho vA\, kavinibaddhashchApi rasabhAvarahito
rasabhAvasamanvito vA \, raso.api kathAnAyakAshrayastadvipakShAshrayo vA\,
kathAnAyakashcha dhIrodAttAdibhedabhinnaH pUrvastadanantaro veti vikalpAH |
vAchyaM cha dhvanyAtmarasA~NgaM rasAbhAsA~NgaM vA\, abhineyArthamanabhineyArthaM vA\,
uttamaprakR^ityAshrayaM taditarAshrayaM veti bahuprakAram | tatra yadA kavirapagata\-
rasabhAvo vaktA tadA rachanAyAH kAmachAraH | yadApi kavinibaddho vaktA
rasabhAvarahitastadA sa eva\; yadA tu kaviH kavinibaddho vA vaktA rasa\-
bhAvasamanvito rasashcha pradhAnAshritatvAd dhvanyAtmabhUtastadA niyamenaiva
tatrAsamAsAmadhyasamAse eva sa~NghaTane | karuNavipralambhashR^i~NgArayostva\-
samAsaiva sa~NghaTanA | kathamiti chet \; uchyate \-\-\- raso yadA prAdhAnyena
pratipAdyastadA tatpratItau vyavadhAyakA virodhinashcha sarvAtmanaiva pari\-
hAryAH | evaM cha dIrghasamAsA sa~NghaTanA samAsAnAmanekaprakArasambhAvanayA
kadAchidrasapratItiM vyavadadhAtIti tasyAM nAtyantamabhiniveshaH shobhate |
visheShato.abhineyArthe kAvye\, tato.anyatra cha visheShataH karuNavipralambhashR^i~NgA\-
rayoH | tayorhi sukumArataratvAt svalpAyAmapyasvachChatAyAM shabdArthayoH
pratItirmantharIbhavati | rasAntare punaH pratipAdye raudrAdau madhyamasamAsA
sa~NghaTanA kadAchiddhIroddhatanAyakasambandhavyApAreNa dIrghasamAsApi
vA tadAkShepAvinAbhAvirasochitavAchyApekShayA na viguNA bhavatIti sApi
nAtyantaM parihAryA | sarvAsu cha sa~NghaTanAsu prasAdAkhyo guNo vyApI | sa
hi sarvarasasAdhAraNaH sarvasa~NghaTanAsAdhAraNashchetyuktam | prasAdAtikrame hyasa\-
mAsApi sa~NghaTanA karuNavipralambhashR^i~NgArau na vyanakti | tadaparityAge cha
madhyamasamAsApi na na prakAshayati | tasmAtsarvatra prasAdo.anusartavyaH |
ata eva cha\ldq{}yo yaH shastraM bibharti\rdq{}ityAdau yadyojasaH sthitirneShyate
tatprasAdAkhya eva guNo na mAdhuryam | na chAchArutvam \; abhipretarasa\-
prakAshanAt | tasmAdguNAvyatiriktatve guNavyatiriktatve vA sa~NghaTanAyA
yathoktAdauchityAdviShayaniyamo.astIti tasyA api rasavya~njakatvam |
tasyAshcha rasAbhivyaktinimittabhUtAyA yo.ayamanantarokto niyamahetuH sa
eva guNAnAM niyato viShaya iti guNAshrayeNa vyavasthAnamapyaviruddham |
viShayAshrayamapyanyadauchityaM tAM niyachChati |
kAvyaprabhedAshrayataH sthitA bhedavatI hi sA || 7||

vaktR^ivAchyagatauchitye satyapi viShayAshrayamanyadauchityaM sa~NghaTanAM
niyachChati. yataH kAvyasya prabhedA muktakaM saMskR^itaprAkR^itApabhraMsha\-
nibaddham | sandAnitakavisheShakakalApakakulakAni | paryAyabandhaH
parikathA khaNDakathA\-sakalakathe sargabandho.abhineyArthamAkhyAyikA\-kathe
ityevamAdayaH | tadAshrayeNApi sa~NghaTanA visheShavatI bhavati | tatra mukta\-
keShu rasabandhAbhiniveshinaH kavestadAshrayamauchityam | tachcha darshitameva |
anyatra kAmachAraH |

muktakeShu prabandheShviva rasabandhAbhiniveshinaH kavayo dR^ishyante. yathA
hyamarukasya kavermuktakAH shR^i~NgArarasasyandinaH prabandhAyamAnAH prasiddhA
eva | sandAnitakAdiShu tu vikaTanibandhanauchityAnmadhyamasamAsAdIrgha\-
samAse eva rachane | prabandhAshrayeShu yathoktaprabandhauchityamevAnusartavyam |
paryAyabandhe punarasamAsAmadhyamasamAse eva sa~NghaTane | kadAchidarthauchityA\-
shrayeNa dIrghasamAsAyAmapi sa~NghaTanAyAM paruShA grAmyA cha vR^ittiH pari\-
hartavyA | parikathAyAM kAmachAraH\, tatretivR^ittamAtropanyAsena nAtyantaM
rasabandhAbhiniveshAt | khaNDakathAsakalakathayostu prAkR^itaprasiddhayoH kulakA\-
dinibandhanabhUyastvAddIrghasamAsAyAmapi na virodhaH | vR^ittyauchityaM tu yathA\-
rasamanusartavyam | sargabandhe tu rasatAtparye yathArasamauchityamanyathA tu
kAmachAraH\, dvayorapi mArgayoH sargabandhavidhAyinAM darshanAdrasatAtparyaM
sAdhIyaH | abhineyArthe tu sarvathA rasabandhe.abhiniveshaH kAryaH | AkhyA\-
yikAkathayostu gadyanibandhanabAhulyAdgadye cha ChandobandhabhinnaprasthAna\-
tvAdiha niyame heturakR^itapUrvo.api manAkkriyate || 7||

etadyathoktamauchityameva tasyA niyAmakam |
sarvatra gadyabandhe.api Chandoniyamavarjite || 8||

yadetadauchityaM vaktR^ivAchyagataM sa~NghaTanAyA niyAmakamuktametadeva
gadye Chandoniyamavarjite.api viShayApekShaM niyamahetuH | tathA hyatrApi yadA
kaviH kavinibaddho vA vaktA rasabhAvarahitastadA kAmachAraH | rasabhAva\-
samanvite tu vaktari pUrvoktamevAnusartavyam | tatrApi cha viShayauchitya\-
meva | AkhyAyikAyAM tu bhUmnA madhyamasamAsAdIrghasamAse eva sa~NghaTane |
gadyasya vikaTabandhAshrayeNa ChAyAvattvAt | tatra cha tasya prakR^iShyamANa\-
tvAt | kathAyAM tu vikaTabandhaprAchurye.api gadyasya rasabandhoktamauchitya\-
manusartavyam || 8||

rasabandhoktamauchityaM bhAti sarvatra saMshritA |
rachanA viShayApekShaM tattu ki~nchidvibhedavat || 9||
athavA padyavadgadyabandhe.api rasabandhoktamauchityaM sarvatra saMshritA rachanA
bhavati | tattu viShayApekShaM ki~nchidvisheShavadbhavati\, na tu sarvAkAram | tathA
hi gadyabandhe.apyatidIrghasamAsA rachanA na vipralambhashR^i~NgArakaruNayorAkhyA\-
yikAyAmapi shobhate | nATakAdAvapyasamAsaiva na raudravIrAdivarNane |
viShayApekShaM tvauchityaM pramANato.apakR^iShyate prakR^iShyate cha | tathA hyAkhyAyi\-
kAyAM nAtyantamasamAsA svaviShaye.api nATakAdau nAtidIrghasamAsA cheti
sa~NghaTanAyA diganusartavyA || 9||

idAnImalakShyakramavya~Ngyo dhvaniH prabandhAtmA rAmAyaNamahAbhAra\-
tAdau prakAshamAnaH prasiddha eva | tasya tu yathA prakAshanaM tatpratipAdyate \-\-
vibhAvabhAvAnubhAvasa~nchAryauchityachAruNaH |
vidhiH kathAsharIrasya vR^ittasyotprekShitasya vA || 10||
itivR^ittavashAyAtAM tyaktvA.ananuguNAM sthitim |
utprekShyA.apyantarAbhIShTarasochitakathonnayaH || 11||
sandhisandhya~NgaghaTanaM rasAbhivyaktyapekShayA |
na tu kevalayA shAstrasthitisampAdanechChayA || 12||
uddIpanaprashamane yathAvasaramantarA |
rasasyArabdhavishrAnteranusandhAnama~NginaH || 13||
ala~NkR^itInAM shaktAvapyAnurUpyeNa yojanam |
prabandhasya rasAdInAM vya~njakatve nibandhanam || 14||

prabandho.api rasAdInAM vya~njaka ityuktaM tasya vya~njakatve nibandha\-
nam | prathamaM tAvadvibhAvabhAvAnubhAvasa~nchAryauchityachAruNaH kathAsharIrasya
vidhiryathAyathaM pratipipAdayiShitarasabhAvAdyapekShayA ya uchito vibhAvo
bhAvo.anubhAvaH sa~nchArI vA tadauchityachAruNaH kathAsharIrasya vidhirvya\-
~njakatve nibandhanamekam | tatra vibhAvauchityaM tAvatprasiddham | bhAvauchi\-
tyaM tu prakR^ityauchityAt | prakR^itirhyuttamamadhyamAdhamabhAvena divyamAnuShAdi\-
bhAvena cha vibhedinI | tAM yathAyathamanusR^ityAsa~NkIrNaH sthAyI bhAva
upanibadhyamAna auchityabhAg bhavati | anyathA tu kevalamAnuShAshrayeNa
divyasya kevaladivyAshrayeNa vA kevalamAnuShasyotsAhAdaya upanibadhya\-
mAnA anuchitA bhavanti | tathA cha kevalamAnuShasya rAjAdervarNane saptA\-
rNavala~NghanAdilakShaNA vyApArA upanibadhyamAnA sauShThavabhR^ito.api nIrasA
eva niyamena bhavanti\, tatra tvanauchityameva hetuH |

nanu nAgalokagamanAdayaH sAtavAhanaprabhR^itInAM shrUyante\, tadalo\-
kasAmAnyaprabhAvAtishayavarNane kimanauchityaM sarvorvIbharaNakShamANAM kShamA\-
bhujAmiti | na tadasti \; na vayaM brUmo yatprabhAvAtishayavarNanamanuchitaM
rAj~nAm\, kiM tu kevalamAnuShAshrayeNa yotpAdyavastukathA kriyate tasyAM
divyamauchityaM na yojanIyam | divyamAnuShyAyAM tu kathAyAmubhayauchitya\-
yojanamaviruddhameva | yathA pANDvAdikathAyAm | sAtavAhanAdiShu tu yeShu
yAvadapadAnaM shrUyate teShu tAvanmAtramanugamyamAnamanuguNatvena pratibhAsate |
vyatiriktaM tu teShAmevopanibadhyamAnamanuchitam | tadayamatra paramArthaH \-\-\-
anauchityAdR^ite nAnyadrasabhangasya kAraNam |
prasiddhauchityabandhastu rasasyopaniShatparA ||

ata eva cha bharate prakhyAtavastuviShayatvaM prakhyAtodAttanAyakatvaM
cha nATakasyAvashyakartavyatayopanyastam | tena hi nAyakauchityAnauchi\-
tyaviShaye kavirna vyAmuhyati | yastUtpAdyavastu nATakAdi kuryAttasyApra\-
siddhAnuchitanAyakasvabhAvavarNane mahAn pramAdaH |
nanu yadyutsAhAdibhAvavarNane katha~nchiddivyamAnuShyAdyauchityaparIkShA
kriyate tatkriyatAm\, ratyAdau tu kiM tayA prayojanam \? ratirhi bhArata\-
varShochitenaiva vyavahAreNa divyAnAmapi varNanIyeti sthitiH | naivam \;
tatrauchityAtikrameNa sutarAM doShaH | tathA hyadhamaprakR^ityauchityenottama\-
prakR^iteH shR^i~NgAropanibandhane kA bhavennopahAsyatA | trividhaM prakR^ityauchi\-
tyaM bhArate varShe.apyasti shR^i~NgAraviShayam | yatti divyamauchityaM tattatrAnupa\-
kArakameveti chet \-\-\- na vayaM divyamauchityaM shR^i~NgAraviShayamanyatki~nchid\-
brUmaH | kiM tarhi \? bhAratavarShaviShaye yathottamanAyakeShu rAjAdiShu shR^i~NgA\-
ropanibandhastathA divyAshrayo.api shobhate | na cha rAjAdiShu prasiddha\-
grAmyashR^i~NgAropanibandhanaM prasiddhaM nATakAdau\, tathaiva deveShu tatparihartavyam |
nATakAderabhineyArthatvAdabhinayasya cha sambhogashR^i~NgAraviShayasyA\-
sabhyatvAttatra parihAra iti chet \-\-\- na\; yadyabhinayasyaivaMviShayasyAsabhyatA
tatkAvyasyaivaMviShayasya sA kena nivAryate \? tasmAdabhineyArthe.anabhineyArthe
vA kAvye yaduttamaprakR^ite rAjAderuttamaprakR^itibhirnAyikAbhiH saha grAmya\-
sambhogavarNanaM tatpitroH sambhogavarNanamiva sutarAmasabhyam | tathaivo\-
ttamadevatAdiviShayam |
na cha sambhogashR^i~NgArasya suratalakShaNa evaikaH prakAraH\, yAvadanye\-
.api prabhedAH parasparapremadarshanAdayaH sambhavanti\, te kasmAduttamaprakR^iti\-
viShaye na varNyante \? tasmAdutsAhavadratAvapi prakR^ityauchityamanusartavyam |
tathaiva vismayAdiShu. yattvevaMvidhe viShaye mahAkavInAmapyasamIkShyakAritA
lakShye dR^ishyate sa doSha eva | sa tu shaktitiraskR^itatvAtteShAM na lakShyata
ityuktameva | anubhAvauchityaM tu bharatAdau prasiddhameva.
iyattUchyate \-\- bharatAdivirachitAM sthitiM chAnuvartamAnena mahAkavi\-
prabandhA.nshcha paryAlochayatA svapratibhAM chAnusaratA kavinAvahitachetasA
bhUtvA vibhAvAdyauchityabhraMshaparityAge paraH prayatno vidheyaH | auchi\-
tyavataH kathAsharIrasya vR^ittasyotprekShitasya vA graho vya~njaka ityanenaitat
pratipAdayati \-\-\- yaditihAsAdiShu kathAsu rasavatIShu vividhAsu satI\-
Shvapi yattatra vibhAvAdyauchityavatkathAsharIraM tadeva grAhyaM netarat | vR^ittA\-
dapi cha kathAsharIrAdutprekShite visheShataH prayatnavatA bhavitavyam | tatra
hyanavadhAnAtskhalataH kaveravyutpattisambhAvanA mahatI bhavati |

parikarashlokashchAtra \-\-\-
kathAsharIramutpAdyavastu kAryaM tathA tathA |
yathA rasamayaM sarvameva tatpratibhAsate ||

tatra chAbhyupAyaH samyagvibhAvAdyauchityAnusaraNam | tachcha darshi\-
tameva | ki~ncha \-\-\-
santi siddharasaprakhyA ye cha rAmAyaNAdayaH |
kathAshrayA na tairyojyA svechChA rasavirodhinI ||
teShu hi kathAshrayeShu tAvatsvechChaiva na yojyA | yaduktam \-\-\-\ldq{}kathA\-
mArge na chAlpo.apyatikramaH\rdq{}. svechChApi yadi yojyA tadrasavirodhinI
na yojyA |

idamaraM prabandhasya rasAbhivya~njakatve nibandhanam | itivR^ittavashA\-
yAtAM katha~nchidrasAnanuguNAM sthitiM tyaktvA punarutprekShyApyantarAbhIShTa\-
rasochitakathonnayo vidheyaH yathA kAlidAsaprabandheShu | yathA cha sarva\-
senavirachite harivijaye | yathA cha madIya evArjunacharite mahAkAvye |
kavinA kAvyamupanibadhnatA sarvAtmanA rasaparatantreNa bhavitavyam | tatre\-
tivR^itte yadi rasAnanuguNAM sthitiM pashyettademAM bha~NktvApi svatantratayA
rasAnuguNaM kathAntaramutpAdayet | na hi kaveritivR^ittamAtranirvahaNena
ki~nchitprayojanam\, itihAsAdeva tatsiddheH |
rasAdivya~njakatve prabandhasya chedamanyanmukhyaM nibandhanam\, yatsandhInAM
mukhapratimukhagarbhAvamarshanirvahaNAkhyAnAM tada~NgAnAM chopakShepAdInAM ghaTanaM
rasAbhivyaktyapekShayA\, yathA ratnAvalyAm\; na tu kevalaM shAstrasthiti\-
sampAdanechChayA | yathA veNIsaMhAre vilAsAkhyasya pratimukhasandhya~Nga\-
sya prakR^itarasanibandhAnanuguNamapi dvitIye.a~Nke bharatamatAnusaraNamAtrechChayA
ghaTanam |

idaM chAparaM prabandhasya rasavya~njakatve nimittaM yaduddIpanaprashamane
yathAvasaramantarA rasasya\, yathA ratnAvalyAmeva | punarArabdhavishrAnte rasa\-
syA~Ngino.anusandhishcha | yathA tApasavatsarAje | prabandhavisheShasya nATa\-
kAde rasavyaktinimittamidaM chAparamavagantavyaM yadala~NkR^itInAM shaktAvapyA\-
nurUpyeNa yojanam | shakto hi kaviH kadAchidala~NkAranibandhane tadA\-
kShiptatayaivAnapekShitarasabandhaH prabandhamArabhate tadupadeshArthamidamuktam |
dR^ishyante cha kavayo.ala~NkAranibandhanaikarasA anapekShitarasAH prabandheShu |
ki~ncha \-\-\-
anusvAnopamAtmApi prabhedo ya udAhR^itaH |
dhvanerasya prabandheShu bhAsate so.api keShuchit || 15||
asya vivakShitAnyaparavAchyasya dhvaneranuraNanarUpavya~Ngyo.api yaH
prabheda udAhR^ito dviprakAraH so.api prabandheShu keShuchiddyotate | tadyathA
madhumathanavijaye pA~nchajanyoktiShu | yathA vA mamaiva kAmadevasya saha\-
charasamAgame viShamabANalIlAyAm | yathA cha gR^idhragomAyusaMvAdAdau mahA\-
bhArate || 15||

supti~NvachanasambandhaistathA kArakashaktibhiH |
kR^ittaddhitasamAsaishcha dyotyo.alakShyakramaH kvachit || 16||
alakShyakramo dhvanerAtmA rasAdiH subvisheShaisti~NvisheShairvachanavishe\-
ShaiH sambandhavisheShaiH kArakashaktibhiH kR^idvisheShaistaddhitavisheShaiH samAsaishcheti |
chashabdAnnipAtopasargakAlAdibhiH prayuktairabhivyajyamAno dR^ishyate |
yathA \-\-\-
nyakkAro hyayameva me yadarayastatrApyasau tApasaH
so.apyatraiva nihanti rAkShasakulaM jIvatyaho rAvaNaH |
dhigdhikChakrajitaM prabodhitavatA kiM kumbhakarNena vA
svargagrAmaTikAviluNThanavR^ithochChUnaiH kimebhirbhujaiH ||
atra hi shloke bhUyasA sarveShAmapyeShAM sphuTameva vya~njakatvaM dR^ishya\-
te | tatra\ldq{}me yadarayaH\rdq{}ityanena supsambandhavachanAnAmabhivya~njakatvam |
\ldq{}tatrApyasau tApasaH\rdq{}ityatra taddhitanipAtayoH .\ldq{}so.apyatraiva nihanti
rAkShasakulaM jIvatyaho rAvaNaH\rdq{}ityatra ti~NkArakashaktInAm .\ldq{}dhigdhi
kChakrajitam\rdq{}ityAdau shlokArdhe kR^ittaddhitasamAsopasargANAm | evaMvi\-
dhasya vya~njakabhUyastve cha ghaTamAne kAvyasya sarvAtishAyinI bandha\-
chChAyA samunmIlati | yatra hi vya~NgyAvabhAsinaH padasyaikasyaiva tAva\-
dAvirbhAvastatrApi kAvye kApi bandhachChAyA kimuta yatra teShAM bahUnAM
samavAyaH | yathAtrAnantaroditashloke | atra hi rAvaNa ityasmin pade\-
.arthAntarasa.nkramitavAchyena dhvaniprabhedenAla~NkR^ite.api punaranantaroktAnAM
vya~njakaprakArANAmudbhAsanam | dR^ishyante cha mahAtmanAM pratibhAvisheShabhA\-
jAM bAhulyenaivaMvidhA bandhaprakArAH |
yathA maharShervyAsasya \-\-\-
atikrAntasukhAH kAlAH pratyupasthitadAruNAH |
shvaH shvaH pApIyadivasA pR^ithivI gatayauvanA ||
atra hi kR^ittaddhitavachanairalakShyakramavya~NgyaH\,\ldq{}pR^ithivI gatayauvanA\rdq{}
ityanena chAtyantatiraskR^itavAchyo dhvaniH prakAshitaH |
eShAM cha subAdInAmekaikashaH samuditAnAM cha vya~njakatvaM mahAkavI\-
nAM prabandheShu prAyeNa dR^ishyate | subantasya vya~njakatvaM yathA \-\-\-
tAlaiH shi~njadvalayasubhagaiH kAntayA nartito me |
yAmadhyAste divasavigame nIlakaNThaH suhR^idvaH ||
ti~Nantasya yathA \-\-\-
apasara roditumeva nirmite mA puMsaya hate akShiNI me |
darshanamAtronmattAbhyAM yAbhyAM tava hR^idayamevaMrUpaM na j~nAtam ||
yathA vA \-\-\-
mA panthAnaM rudhaH apehi bAlaka aprauDha aho asi ahrIkaH |
vayaM paratantrA yataH shUnyagR^ihaM mAmakaM rakShaNIyaM vartate ||
sambandhasya yathA \-\-\-
anayatra vraja bAlaka snAntIM kiM mAM pralokayasyetat |
bho jAyAbhIrukANAM taTameva na bhavati ||

kR^itakaprayogeShu prAkR^iteShu taddhitaviShaye vya~njakatvamAvedyata eva |
avaj~nAtishaye kaH | samAsAnAM cha vR^ittyauchityena viniyojane | nipA\-
tAnAM vya~njakatvaM yathA \-\-\-
ayamekapade tayA viyogaH priyayA chopanataH suduHsaho me |
navavAridharodayAdahobhirbhavitavyaM cha nirAtapArdharamyaiH ||
ityatra chashabdaH | yathA vA
muhura~NgulisaMvR^itAdharauShThaM pratiShedhAkSharaviklavAbhirAmam |
mukhamaMsavivarti pakShmalAkShyAH kathamapyunnamitaM na chumbitaM tu ||
atra tushabdaH | nipAtAnAM prasiddhamapIha dyotakatvaM rasApekShayokta\-
miti draShTavyam | upasargANAM vya~njakatvaM yathA \-\-\-
nIvArAH shukagarbhakoTaramukhabhraShTAstarUNAmadhaH
prasnigdhAH kvachidi~NgudIphalabhidaH sUchyanta evopalAH |
vishvAsopagamAdabhinnagatayaH shabdaM sahante mR^igA\-
stoyAdhArapathAshcha valkalashikhAniShyandalekhA~NkitAH ||
ityAdau | dvitrANAM chopasargANAmekatra pade yaH prayogaH so.api
rasavyaktyanuguNatayaiva nirdoShaH | yathA \-\-\ldq{}prabhrashyatyuttarIyatviShi
tamasi samudvIkShya vItAvR^itIndrAgjantUn\rdq{}ityAdau | yathA vA \-\-\-
\ldq{}manuShyavR^ittyA samupAcharantam\rdq{}ityAdau |

nipAtAnAmapi tathaiva | yathA \-\-\-\ldq{}aho batAsi spR^ihaNIyavIryaH\rdq{}
ityAdau | yathA vA \-\-\-
ye jIvanti na mAnti ye sma vapuShi prItyA pranR^ityanti cha
prasyandipramadAshravaH pulakitA dR^iShTe guNinyUrjite |
hA dhikkaShTamaho kva yAmi sharaNaM teShAM janAnAM kR^ite
nItAnAM pralayaM shaThena vidhinA sAdhudviShaH puShyatA |
ityAdau |

padapaunaruktyaM cha vya~njakatvApekShayaiva kadAchitprayujyamAnaM shobhA\-
mAvahati | yathA \-\-\-
yadva~nchanAhitamatirbahuchATugarbhaM
kAryonmukhaH khalajanaH kR^itakaM bravIti |
tatsAdhavo na na vidanti vidanti kintu
kartuM vR^ithApraNayamasya na pArayanti |
ityAdau |
kAlasya vya~njakatvaM yathA \-\-\-
samaviShamanirvisheShAH samantato mandamandasa~nchArAH |
achirAdbhaviShyanti panthAno manorathAnAmapi durla~NghyAH ||
atra hyachirAdbhaviShyanti panthAna ityatra bhaviShyantItyasmin pade
pratyayaH kAlavisheShAbhidhAyI rasaparipoShahetuH prakAshate | ayaM hi
gAthArthaH pravAsavipralambhashR^i~NgAravibhAvatayA vibhAvyamAno rasavAn |
yathAtra pratyayAMsho vya~njakastathA kvachitprakR^ityaMsho.api dR^ishyate | yathA \-\-\-
tadgehaM natabhitti mandiramidaM labdhAvagAhaM divaH
sA dhenurjaratI charanti kariNAmetA ghanAbhA ghaTAH |
sa kShudro musaladhvaniH kalamidaM sa~NgItakaM yoShitA\-
mAshcharyaM divasairdvijo.ayamiyatIM bhUmiM samAropitaH ||
atra shloke divasairityasmin pade prakR^ityaMsho.api dyotakaH | sarva\-
nAmnAM cha vya~njakatvaM yathAnantarokte shloke | atra cha sarvanAmnAmeva
vya~njakatvaM hR^idi vyavasthApya kavinA kvetyAdishabdaprayogo na kR^itaH |
anayA dishA sahR^idayairanye.api vya~njakavisheShAH svayamutprekShaNIyAH | eta\-
chcha sarvaM padavAkyarachanAdyotanoktyaiva gatArthamapi vaichitryeNa vyutpattaye
punaruktam |
nanu chArthasAmarthyAkShepyA rasAdaya ityuktam\, tathA cha subAdInAM
vya~njakatvavaichitryakathanamananvitameva | uktamatra padAnAM vya~njakatvo\-
ktyavasare | ki~nchArthavisheShAkShepyatve.api rasAdInAM teShAmarthavisheShANAM vya\-
~njakashabdAvinAbhAvitvAdyathApradarshitaM vya~njakasvarUpaparij~nAnaM vibhajyo\-
payujyata eva | shabdavisheShANAM chAnyatra cha chArutvaM yadvibhAgenopadarshitaM
tadapi teShAM vya~njakatvenaivAvasthitamityavagantavyam |
yatrApi tatsamprati na pratibhAsate tatrApi vya~njake rachanAntare
yad dR^iShTaM sauShThavaM teShAM pravAhapatitAnAM tadevAbhyAsAdapoddhR^itAnAmapyava\-
bhAsata ityavasAtavyam | ko.anyathA tulye vAchakatve shabdAnAM chArutva\-
viShayo visheShaH syAt |
anya evAsau sahR^idayasaMvedya iti chet\, kimidaM sahR^idayatvaM
nAma \? kiM rasabhAvAnapekShakAvyAshritasamayavisheShAbhij~natvam\, uta
rasabhAvAdimayakAvyasvarUpaparij~nAnanaipuNyam | pUrvasmin pakShe tathA\-
vidhasahR^idayavyavasthApitAnAM shabdavisheShANAM chArutvaniyamo na syAt |
punaH samayAntareNAnyathApi vyavasthApanasambhavAt | dvitIyasmi.nstu pakShe
rasaj~nataiva sahR^idayatvamiti | tathAvidhaiH sahR^idayaiH saMvedyo rasAdisamarpaNa\-
sAmarthyameva naisargikaM shabdAnAM visheSha iti vya~njakatvAshrayyeva teShAM
mukhyaM chArutvam | vAchakatvAshrayANAntu prasAda evArthApekShAyAM teShAM
visheShaH | arthAnapekShAyAM tvanuprAsAdireva || 15\-16||
evaM rasAdInAM vya~njakasvarUpamabhidhAya teShAmeva virodhirUpaM lakSha\-
yitumidamupakramyate \-\-\-
prabandhe muktake vApi rasAdInbanddhumichChatA |
yatnaH kAryaH sumatinA parihAre virodhinAm || 17||
prabandhe muktake vApi rasabhAvanibandhanaM pratyAdR^itamanAH kavirviro\-
dhiparihAre paraM yatnamAdadhIta | anyathA tvasya rasamayaH shloka eko.api
samya~Nna sampadyate || 17||

kAni punastAni virodhIni yAni yatnataH kaveH parihartavyAnItyuchyate \-\-\-
virodhirasasambandhivibhAvAdiparigrahaH |
vistareNAnvitasyApi vastuno.anyasya varNanam || 18||
akANDa eva vichChittirakANDe cha prakAshanam |
paripoShaM gatasyApi paunaHpunyena dIpanam |
rasasya syAdvirodhAya vR^ittyanauchityameva cha || 19||
prastutarasApekShayA virodhI yo rasastasya sambandhinAM vibhAvabhAvA\-
nubhAvAnAM parigraho rasavirodhahetukaH sambhavanIyaH | tatra virodhirasa\-
vibhAvaparigraho yathA shAntarasavibhAveShu tadvibhAvatayaiva nirUpiteShvananta\-
rameva shR^i~NgArAdivibhAvavarNane | virodhirasabhAvaparigraho yathA priyaM prati
praNayakalahakupitAsu kAminIShu vairAgyakathAbhiranunaye | virodhirasAnu\-
bhAvaparigraho yathA praNayakupitAyAM priyAyAmaprasIdantyAM nAyakasya ko\-
pAveshavivashasya raudrAnubhAvavarNane |
ayaM chAnyo rasabha~NgaheturyatprastutarasApekShayA vastuno.anyasya katha\-
~nchidanvitasyApi vistareNa kathanam | yathA vipralambhashR^i~NgAre nAyakasya
kasyachidvarNayitumupakrAnte kaveryamakAdyala~NkAranibandhanarasikatayA mahatA
prabandhena parvatAdivarNane | ayaM chAparo rasabha~Ngaheturavagantavyo yadakANDa\-
eva vichChittiH rasasyAkaNDa eva cha prakAshanam | tatrAnavasare virAmo
rasasya yathA nAyakasya kasyachitspR^ihaNIyasamAgamayA nAyikayA kayA\-
chitparAM paripoShapadavIM prApte shR^i~NgAre vidite cha parasparAnurAge samAga\-
mopAyachintochitaM vyavahAramutsR^ijya svatantratayA vyApArAntaravarNane |
anavasare cha prakAshanaM rasasya yathA pravR^itte pravR^ittavividhavIrasa~NkShaye kalpa\-
sa~NkShayakalpe sa~NgrAme rAmadevaprAyasyApi tAvannAyakasyAnupakrAntaviprala\-
mbhashR^i~NgArasya nimittamuchitamantareNaiva shR^i~NgArakathAyAmavatAravarNane | na
chaivaMvidhe viShaye daivavyAmohitatvaM kathApuruShasya parihAro yato rasabandha
eva kaveH prAdhAnyena pravR^ittinibandhanaM yuktam | itivR^ittavarNanaM tadupAya
evetyuktaM prAk\ldq{}AlokArthi yathA dIpashikhAyAM yatnavA~njanaH\rdq{}ityAdinA |

ata eva chetivR^ittamAtravarNanaprAdhAnye.a~NgA~NgibhAvarahitarasabhAvaniba\-
ndhena cha kavInAmevaMvidhAni skhalitAni bhavantIti rasAdirUpavya~Ngya\-
tAtparyamevaiShAM yuktamiti yatno.asmAbhirArabdho na dhvanipratipAdana\-
mAtrAbhiniveshena | punashchAyamanyo rasabha~NgaheturavadhAraNIyo yatparipoShaM
gatasyApi rasasya paunaHpunyena dIpanam | upabhukto hi rasaH svasAmagrI\-
labdhaparipoShaH punaH punaH parAmR^ishyamAnaH parimlAnakusumakalpaH kalpate |
tathA vR^ittervyavahArasya yadanauchityaM tadapi rasabha~Ngahetureva | yathA nAyakaM
prati nAyikAyAH kasyAshchiduchitAM bha~NgimantareNa svayaM sambhogAbhilA\-
Shakathane | yadi vA vR^ittInAM bharataprasiddhAnAM kaishikyAdInAM kAvyA\-
la~NkArAntaraprasiddhAnAmupanAgarikAdyAnAM vA yadanauchityamaviShaye nibandhanaM
tadapi rasabha~NgahetuH | evameShAM rasavirodhinAmanyeShAM chAnayA dishA svayamu\-
tprekShitAnAM parihAre satkavibhiravahitairbhavitavyam | parikarashlokAshchAtra \-\-\-
mukhyA vyApAraviShayAH sukavInAM rasAdayaH |
teShAm nibandhane bhAvye taiH sadaivApramAdibhiH ||
nIrasastu prabandho yaH so.apashabdo mahAn kaveH |
sa tenAkavireva syAdanyenAsmR^italakShaNaH ||
pUrve vishR^i~NkhalagiraH kavayaH prApyakIrtayaH |
tAnsamAshritya na tyAjyA nItireShA manIShiNA ||
vAlmIkivyAsamukhyAshcha ye prakhyAtAH kavIshvarAH |
tadabhiprAyabAhyo.ayaM nAsmAbhirdarshito nayaH || iti || 19||

vivakShite rase labdhapratiShThe tu virodhinAm |
bAdhyAnAma~NgabhAvaM vA prAptAnAmuktirachChalA || 20||
svasAmagryA labdhaparipoShe tu vivakShite rase virodhinAM virodhi\-
rasA~NgAnAM bAdhyAnAma~NgabhAvaM vA prAptAnAM satAmuktiradoShA | bAdhyatvaM hi
virodhinAM shakyAbhibhavatve sati nAnyathA | tathA cha teShAmuktiH prastuta\-
rasaparipoShAyaiva sampadyate | a~NgabhAvaM prAptAnAM cha teShAM virodhitvameva
nivartate | a~NgabhAvaprAptirhi teShAM svAbhAvikI samAropakR^itA vA | tatra
yeShAM naisargikI teShAM tAvaduktAvavirodha eva | yathA vipralambhashR^i~NgAre tada\-
~NgAnAM vyAdhyAdInAM teShA~ncha tada~NgAnAMevAdoSho nAtada~NgAnAm | tada~Ngatve
cha sambhavatyapi maraNasyopanyAso na jyAyAn | AshrayavichChede rasasyA\-
tyantavichChedaprApteH | karuNasya tu tathAvidhe viShaye paripoSho bhaviShya\-
tIti chet na \; tasyAprastutatvAt prastutasya cha vichChedAt | yatra tu
karuNarasasyaiva kAvyArthatvaM tatrAvirodhaH | shR^i~NgAre vA maraNasyAdIrghakAla\-
pratyApattisambhave kadAchidupanibandho nAtyantavirodhI | dIrghakAla\-
pratyApattau tu tasyAntarA pravAhavichCheda evetyevaMvidhetivR^ittopanibandhanaM
rasabandhapradhAnena kavinA parihartavyam |

tatra labdhapratiShThe tu vivakShite rase virodhirasA~NgAnAM bAdhyatvenoktA\-
vadoSho yathA \-\-\-
kvAkaryaM shashalakShmaNaH kva cha kulaM bhUyo.api dR^ishyeta sA
doShANAM prashamAya me shrutamaho kope.api kAntaM mukham |
kiM vakShyantyapakalmaShAH kR^itadhiyaH svapne.api sA durlabhA
chetaH svAsthyamupaihi kaH khalu yuvA dhanyo.adharaM pAsyati ||
yathA vA puNDarIkasya mahAshvetAM prati pravR^ittanirbharAnurAgasya dvitIya\-
munikumAropadeshavarNane | svAbhAvikyAma~NgabhAvaprAptAvadoSho yathA \-\-\-
bhramimaratimalasahR^idayatAM pralayaM mUrchChAM tamaH sharIrasAdam |
maraNaM cha jaladabhujagajaM prasahya kurute viShaM viyoginInAm ||
ityAdau | samAropitAyAmapyavirodho yathA \-\-\-\ldq{}pANDukShAmam\rdq{}ityAdau |
iyaM chA~NgabhAvaprAptiranyA yadAdhikArikatvAtpradhAna ekasminvAkyArthe
rasayorbhAvayorvA parasparavirodhinordvayora~NgabhAvagamanaM tasyAmapi
na doShaH | yathoktaM\ldq{}kShipto hAstAvalagnaH\rdq{}ityAdau | kathaM tatrAvirodha
iti chet\, dvayorapi tayoranyaparatvena vyavasthAnAt | anyaparatve.api
virodhinoH kathaM virodhanivR^ittiriti chet\, uchyate \-\-\- vidhau viruddha\-
samAveshasya duShTatvaM nAnuvAde |
yathA \-\-\-
ehi gachCha patottiShTha vada maunaM samAchara |
evamAshAgrahagrastaiH krIDanti dhanino.arthibhiH ||
ityAdau | atra hi vidhipratiShedhayoranUdyamAnatvena samAveshe na
virodhastathehApi bhaviShyati | shloke hyasminnIrShyAvipralambhashR^i~NgArakaruNa\-
vastunorna vidhIyamAnatvam | tripuraripuprabhAvAtishayasya vAkyArthatvA\-
ttada~Ngatvena cha tayorvyavasthAnAt |
na cha raseShu vidhyanuvAdavyavahAro nAstIti shakyaM vaktum\, teShAM
vAkyArthatvenAbhyupagamAt | vAkyArthasya vAchyasya cha yau vidhyanuvAdau
tau tadAkShiptAnAM rasAnAM kena vAryate | yairvA sAkShAtkAvyArthatA rasAdInAM
nAbhyupagamyate\, taisteShAM tannimittatA tAvadavashyamabhyupagantavyA |
tathApyatra shloke na virodhaH | yasmAdanUdyamAnA~Nganimittobhayarasavastu\-
sahakAriNo vidhIyamAnAMshAdbhAvavisheShapratItirutpadyate tatashcha na
kashchidvirodhaH | dR^ishyate hi viruddhobhayasahakAriNaH kAraNAtkAryavisheSho\-
tpattiH | viruddhaphalotpAdanahetutvaM hi yugapadekasya kAraNasya viruddhaM
na tu viruddhobhayasahakAritvam | evaMvidhaviruddhapadArthaviShayaH kathamabhinayaH
prayoktavya iti chet\, anUdyamAnaivaMvidhavAchyaviShaye yA vArtA sAtrApi
bhaviShyati | evaM vidhyanuvAdanayAshrayeNAtra shloke parihR^itastAvadvirodhaH |

kiM cha nAyakasyAbhinandanIyodayasya kasyachitprabhAvAtishaya\-
varNane tatpratipakShANAM yaH karuNo rasaH sa parIkShakANAM na vaiklavyamAda\-
dhAti pratyuta prItyatishayanimittatAM pratipadyata ityatastasya kuNThashakti\-
katvAttadvirodhavidhAyino na kashchiddoShaH | tasmAdvAkyArthIbhUtasya
rasasya bhAvasya vA virodhI rasavirodhIti vaktuM nyAyyaH\, na tva~Nga\-
bhUtasya kasyachit |
athavA vAkyArthIbhUtasyApi kasyachitkaruNarasaviShayasya tAdR^ishena
shR^i~NgAravastunA bha~NgivisheShAshrayeNa saMyojanaM rasaparipoShAyaiva jAyate |
yataH prakR^itimadhurAH padArthAH shochanIyatAM prAptAH prAgavasthAbhAvibhiH
saMsmaryamANairvilAsairadhikataraM shokAveshamupajanayanti | yathA \-\-\-
ayaM sa rashanotkarShI pInastanavimardanaH |
nAbhyUrujaghanasparshI nIvIvisraMsanaH karaH ||
ityAdau | tadatra tripurayuvatInAM shAmbhavaH sharAgnirArdrAparAdhaH
kAmI yathA vyavaharati sma tathA vyavahR^itavAnityanenApi prakAreNAstyeva
nirvirodhatvam | tasmAdyathA yathA nirUpyate tathA tathAtra doShAbhAvaH |
itthaM cha \-\-\-
krAmantyaH kShatakomalA~NguligaladraktaiH sadarbhAH sthalIH
pAdaiH pAtitayAvakairiva patadbAShpAmbudhautAnanAH |
bhItA bhartR^ikarAvalambitakarAstvadvairinAtho.adhunA
dAvAgniM parito bhramanti punarapyudyadvivAhA iva ||
ityevamAdInAM sarveShAmeva nirvirodhatvamavagantavyam |
evaM tAvadrasAdInAM virodhirasAdibhiH samAveshAsamAveshayorviShaya\-
vibhAgo darshitaH || 20||

idAnIM teShAmekaprabandhaviniveshane nyAyyo yaH kramastaM pratipAdayitu\-
muchyate \-\-\-
prasiddhe.api prabandhAnAM nAnArasanibandhane |
eko raso.a~NgIkartavyasteShAmutkarShamichChatA || 21||
prabandheShu mahAkAvyAdiShu nATakAdiShu vA viprakIrNatayA~NgA~NgibhAvena
bahavo rasA upanibadhyanta ityatra prasiddhau satyAmapi yaH prabandhAnAM
ChAyAtishayayogamichChati tena teShAM rasAnAmanyatamaH kashchidvivakShito
raso.a~Ngitvena viniveshayitavya ityayaM yuktataro mArgaH || 21||

nanu rasAntareShu bahuShu prAptaparipoSheShu satsu kathamekasyA~NgitA na
virudhyata ityAsha~Nkyedamuchyate \-\-\-
rasAntarasamAveshaH prastutasya rasasya yaH |
nopahantya~NgitAM so.asya sthAyitvenAvabhAsinaH || 22||
prabandheShu prathamataraM prastutaH san punaH punaranusandhIyamAnatvena
sthAyI yo rasastasya sakalabandhavyApino rasAntarairantarAlavartibhiH
samAvesho yaH sa nA~NgitAmupahanti |
etadevopapAdayitumuchyate \-\-\-
kAryamekaM yathA vyApi prabandhasya vidhIyate |
tathA rasasyApi vidhau virodho naiva vidyate || 23||

sandhyAdimayasya prabandhasharIrasya yathA kAryamekamanuyAyi vyApakaM
kalpyate na cha tatkAryAntarairna sa~NkIryate\, na cha taiH sa~NkIryamANasyApi
tasya prAdhAnyamapachIyate\, tathaiva rasasyApyekasya sanniveshe kriyamANe
virodho na kashchit | pratyuta pratyuditavivekAnAmanusandhAnavatAM sachetasAM
tathAvidhe viShaye prahlAdAtishayaH pravartate || 23||

nanu yeShAM rasAnAM parasparAvirodhaH yathA \-\-\- vIrashR^i~NgArayoH shR^i~NgAra\-
hAsyayoH raudrashR^i~NgArayorvIrAdbhutayorvIraraudrayo raudrakaruNayoH shR^i~NgArAdbhuta\-
yorvA tatra bhavatva~NgA~NgibhAvaH | teShAM tu sa kathaM bhavedyeShAM parasparaM bAdhya\-
bAdhakabhAvaH | yathA \-\-\- shR^i~NgArabIbhatsayorvIrabhayAnakayoH shAntaraudrayoH
shantashR^i~NgArayorvA ityAsha~Nkyedamuchyate \-\-\-
avirodhI virodhI vA raso.a~Ngini rasAntare |
paripoShaM na netavyastathA syAdavirodhitA || 24||
a~Ngini rasAntare shR^i~NgArAdau prabandhavya~Ngye sati avirodhI virodhI
vA rasaH paripoShaM na netavyaH | tatrAvirodhino rasasyA~NgirasApekShayA\-
tyantamAdhikyaM na kartavyamityayaM prathamaH paripoShaparihAraH | utkarSha\-
sAmye.api tayorvirodhAsambhavAt |
yathA \-\-\-
ekato roditi priyA anyataH samaratUryanirghoShaH |
snehena raNarasena cha bhaTasya dolAyitaM hR^idayam |
yathA vA \-\-\-
kaNThAchChitvAkShamAlAvalayamiva kare hAramAvartayantI
kR^itvA parya~NkabandhaM viShadharapatinA mekhalAyA guNena |
mithyAmantrAbhijApasphuradadharapuTavya~njitAvyaktahAsA
devI sandhyAbhyasUyAhasitapashupatistatra dR^iShTA tu vo.avyAt ||
ityatra |
a~NgirasaviruddhAnAM vyabhichAriNAM prAchuryeNAniveshanam\, niveshane
vA kShipramevA~NgirasavyabhichAryanuvR^ittiriti dvitIyaH |
a~Ngatvena punaH punaH pratyavekShA paripoShaM nIyamAnasyApya~NgabhUtasya
rasasyeti tR^itIyaH | anayA dishAnye.api prakArA utprekShaNIyAH |
virodhinastu rasasyA~NgirasApekShayA kasyachinnyUnatA sampAdanIyA |
yathA shAnte.a~Ngini shR^i~NgArasya shR^i~NgAre vA shAntasya | paripoSharahitasya
rasasya kathaM rasatvamiti chet \-\-\- uktamatrA~NgirasApekShayeti | a~Ngino hi
rasasya yAvAn paripoShastAvA.nstasya na kartavyaH\, svatastu sambhavI
paripoShaH kena vAryate | etachchApekShikaM prakarShayogitvamekasya rasasya
bahuraseShu prabandheShu rasAnAma~NgA~NgibhAvamanabhyupagachChatApyashakyapratikShepa\-
mityanena prakAreNAvirodhinAM virodhinAM cha rasAnAma~NgA~NgibhAvena samAveshe
prabandheShu syAdavirodhaH | etachcha sarvaM yeShAM raso rasAntarasya vyabhichArI\-
bhavati iti darshanaM tanmatenochyate | matAntare.api rasAnAM sthAyino
bhAvA upachArAdrasashabdenoktAsteShAma~NgatvaM nirvirodhameva || 24||

evamavirodhinAM virodhinAM cha prabandhasthenA~NginA rasena samAveshe
sAdhAraNamavirodhopAyaM pratipAdyedAnIM virodhiviShayameva taM pratipAda\-
yitumidamuchyate \-\-\-
viruddhaikAshrayo yastu virodhI sthAyino bhavet |
sa vibhinnAshrayaH kAryastasya poShe.apyadoShatA || 25||
ekAdhikaraNyavirodhI nairantaryavirodhI cheti dvividho virodhI |
tatra prabandhasthena sthAyinA~NginA rasenauchityApekShayA viruddhaikAshrayo
yo virodhI yathA vIreNa bhayAnakaH sa vibhinnAshrayaH kAryaH | tasya
vIrasya ya AshrayaH kathAnAyakastadvipakShaviShaye sanniveshayitavyaH |
tathA sati cha tasya virodhino.api yaH paripoShaH sa nirdoShaH | vipakSha\-
viShaye hi bhayAtishayavarNane nAyakasya nayaparAkramAdisampatsutarAmu\-
ddyotitA bhavati | etachcha madIye.arjunacharite.arjunasya pAtAlAvataraNa\-
prasa~Nge vaishadyena pradarshitam |
evamaikAdhikaraNyavirodhinaH prabandhasthena sthAyinA rasenA~NgabhAva\-
gamane nirvirodhatvaM yathA tathA taddarshitam | dvitIyasya tu tatpratipAda\-
yitumuchyate \-\-\-
ekAshrayatve nirdoSho nairantarye virodhavAn |
rasAntaravyavadhinA raso vya~NgyaH sumedhasA || 26||
yaH punarekAdhikaraNatve nirvirodho nairantarye tu virodhI sa rasAnta\-
ravyavadhAnena prabandhe niveshayitavyaH | yathA shAntashR^i~NgArau nAgAnande
niveshitau |
shAntashcha tR^iShNAkShayasukhasya yaH paripoShastallakShaNo rasaH pratIyata
eva | tathA choktam \-\-\-
yachcha kAmasukhaM loke yachcha divyaM mahatsukham |
tR^iShNAkShayasukhasyaite nArhataH ShoDashIM kalAm ||
yadi nAma sarvajanAnubhavagocharatA tasya nAsti naitAvatAsA\-
valokasAmAnyamahAnubhAvachittavR^ittivisheShaH pratikSheptuM shakyaH | na cha
vIre tasyAntarbhAvaH kartuM yuktaH | tasyAbhimAnamayatvena vyavasthApanAt |
asya chAha~NkAraprashamaikarUpatayA sthiteH | tayoshchaivaMvidhavisheShasadbhAve.api
yadyaikyaM parikalpyate tadvIraraudrayorapi tathA prasa~NgaH | dayAvIrAdInAM
cha chittavR^ittivisheShANAM sarvAkAramaha~NkArarahitatvena shAntarasaprabhedatvam\,
itarathA tu vIraprabhedatvamiti vyavasthApyamAne na kashchidvirodhaH |
tadevamasti shAnto rasaH | tasya chAviruddharasavyavadhAnena prabandhe virodhi\-
rasasamAveshe satyapi nirvirodhatvam | yathA pradarshite viShaye |

etadeva sthirIkartumidamuchyate \-\-\-
rasAntarAntaritayorekavAkyasthayorapi |
nivartate hi rasayoH samAveshe virodhitA || 27||
rasAntaravyavahitayorekaprabandhasthayorvirodhitA nivartata ityatra na
kAchidbhrAntiH | yasmAdekavAkyasthayorapi rasayoruktayA nItyA
viruddhatA nivartate | yathA \-\-\-
bhUreNudigdhAnnavapArijAtamAlArajovAsitabAhumadhyAH |
gADhaM shivAbhiH parirabhyamANAnsurA~NganAshliShTabhujAntarAlAH ||
sashoNitaiH kravyabhujAM sphuradbhiH pakShaiH khagAnAmupavIjyamAnAn |
saMvIjitAshchandanavArisekaiH sugandhibhiH kalpalatAdukUlaiH ||
vimAnaparya~Nkatale niShaNNAH kutUhalAviShTatayA tadAnIm |
nirdishyamAnA.nllalanA~NgulIbhirvIrAH svadehAn patitAnapashyan ||
ityAdau | atra hi shR^i~NgArabIbhatsayostada~NgayorvA vIrarasavyavadhAnena
samAvesho na virodhI |

virodhamavirodhaM cha sarvatretthaM nirUpayet |
visheShatastu shR^i~NgAre sukumAratamA hyasau || 28||
yathoktalakShaNAnusAreNa virodhAvirodhau sarveShu raseShu prabandhe.anyatra
cha nirUpayetsahR^idayaH\; visheShatastu shR^i~NgAre | sa hi ratiparipoShAtmakatvAd
rateshcha svalpenApi nimittena bha~NgasambhavAtsukumAratamaH sarvebhyo rasebhyo
manAgapi virodhisamAveshaM na sahate |

avadhAnAtishayavAn rase tatraiva satkaviH |
bhavettasmin pramAdo hi jhaTityevopalakShyate || 29||
tatraiva cha rase sarvebhyo.api rasebhyaH saukumAryAtishayayogini
kaviravadhAnavAn prayatnavAn syAt | tatra hi pramAdyatastasya sahR^idayamadhye
kShipramevAvaj~nAnaviShayatA bhavati | shR^i~NgAraraso hi saMsAriNAM niyamenA\-
nubhavaviShayatvAt sarvarasebhyaH kamanIyatayA pradhAnabhUtaH |

evaM cha sati \-\-\-
vineyAnunmukhIkartuM kAvyashobhArthameva vA |
tadviruddharasasparshastada~NgAnAM na duShyati || 30||
shR^i~NgAraviruddharasasparshaH shR^i~NgArA~NgAnAM yaH sa na kevalamavirodhalakSha\-
Nayoge sati na duShyati yAvadvineyAnunmukhIkartuM kAvyashobhArthameva vA
kriyamANo na duShyati | shR^i~NgArarasA~NgairunmukhIkR^itAH santo hi vineyAH
sukhaM vinayopadeshAn gR^ihNanti | sadAchAropadesharUpA hi nATakAdigoShThI
vineyajanahitArthameva munibhiravatAritA |
kiM cha shR^i~NgArasya sakalajanamanoharAbhirAmatvAttada~NgasamAveshaH
kAvye shobhAtishayaM puShyatItyanenApi prakAreNa virodhini rase shR^i~NgArA\-
~NgasamAvesho na virodhI | tatashcha \-\-\-
satyaM manoramA rAmAH satyaM ramyA vibhUtayaH |
kiM tu mattA~NganApA~Ngabha~NgalolaM hi jIvitam ||
ityAdiShu nAsti rasavirodhadoShaH |

vij~nAyetthaM rasAdInAmavirodhavirodhayoH |
viShayaM sukaviH kAvyaM kurvanmuhyati na kvachit || 31||
itthamanenAnantaroktena prakAreNa rasAdInAM rasabhAvatadAbhAsAnAM
parasparaM virodhasyAvirodhasya cha viShayaM vij~nAya sukaviH kAvyaviShaye
pratibhAtishayayuktaH kAvyaM kurvanna kvachinmuhyati |
evaM rasAdiShu virodhAvirodhanirUpaNasyopayogitvaM pratipAdya
vya~njakavAchyavAchakanirUpaNasyApi tadviShayasya tatpratipAdyate \-\-\-
vAchyAnAM vAchakAnAM cha yadauchityena yojanam |
rasAdiviShayeNaitatkarma mukhyaM mahAkaveH || 32||
vAchyAnAmitivR^ittavisheShANAM vAchakAnAM cha tadviShayANAM rasAdi\-
viShayeNauchityena yadyojanametanmahAkavermukhyaM karma | ayameva hi mahAka\-
vermukhyo vyApAro yadrasAdInAmeva mukhyatayA kAvyArthIkR^itya tadvyaktya\-
nuguNatvena shabdAnAmarthAnAM chopanibandhanam |

etachcha rasAditAtparyeNa kAvyanibandhanaM bharatAdAvapi suprasiddha\-
meveti pratipAdayitumAha \-\-\-
rasAdyanuguNatvena vyavahAro.arthashabdayoH |
auchityavAnyastA etA vR^ittayo dvividhAH sthitAH || 33||
vyavahAro hi vR^ittirityuchyate | tatra rasAnuguNa auchityavAn
vAchyAshrayo yo vyavahArastA etAH kaishikyAdyA vR^ittayaH | vAchakAshrayA\-
shchopanAgarikAdyAH | vR^ittayo hi rasAditAtparyeNa sa.nniveshitAH kAmapi
nATyasya kAvyasya cha ChAyAmAvahanti | rasAdayo hi dvayorapi
tayorjIvabhUtAH | itivR^ittAdi tu sharIrabhUtameva |
atra kechidAhuH \-\-\-\ldq{}guNaguNivyavahAro rasAdInAmitivR^ittAdibhiH
saha yuktaH\, na tu jIvasharIravyavahAraH | rasAdimayaM hi vAchyaM pratibhAsate
na tu rasAdibhiH pR^ithagbhUtam\rdq{}iti | atrochyate \-\-\- yadi rasAdimayameva
vAchyaM yathA gauratvamayaM sharIram | evaM sati yathA sharIre pratibhAsamAne
niyamenaiva gauratvaM pratibhAsate sarvasya tathA vAchyena sahaiva rasAdayo.api
sahR^idayasyAsahR^idayasya cha pratibhAseran | na chaivam\; tathA chaitatpratipAdi\-
tameva prathamoddyote |
syAnmatam \; ratnAnAmiva jAtyatvaM pratipattR^ivisheShataH saMvedyaM vAchyAnAM
rasAdirUpatvamiti | naivam \; yato yathA jAtyatvena pratibhAsamAne ratne
ratnasvarUpAnatiriktatvameva tasya lakShyate tathA rasAdInAmapi vibhAvA\-
nubhAvAdirUpavAchyAvyatiriktatvameva lakShyeta | na chaivam\; na hi
vibhAvAnubhAvavyabhichAriNa eva rasA iti kasyachidavagamaH | ata eva
cha vibhAvAdipratItyavinAbhAvinI rasAdInAM pratItiriti tatpratItyoH
kAryakAraNabhAvena vyavasthAnAtkramo.avashyambhAvI | sa tu lAghavAnna
prakAshyate\ldq{}ityalakShyakramA eva santo vya~NgyA rasAdayaH\rdq{}ityuktam |

nanu shabda eva prakaraNAdyavachChinno vAchyavya~NgyayoH samameva
pratItimupajanayatIti kiM tatra kramakalpanayA | na hi shabdasya vAchya\-
pratItiparAmarsha eva vya~njakatve nibandhanam | tathA hi gItAdishabdebhyo\-
.api rasAbhivyaktirasti | na cha teShAmantarA vAchyaparAmarshaH | atrApi
brUmaH \-\-\- prakaraNAdyavachChedena vya~njakatvaM shabdAnAmityanumatamevaitadasmA\-
kam | kiM tu tadvya~njakatvaM teShAM kadAchitsvarUpavisheShanibandhanaM kadAchi\-
dvAchakashaktinibandhanam | tatra yeShAM vAchakashaktinibandhanaM teShAM yadi
vAchyapratItimantareNaiva svarUpapratItyA niShpannaM tadbhavenna tarhi vAchaka\-
shaktinibandhanam | atha tannibandhanaM tanniyamenaiva vAchyavAchakabhAva\-
pratItyuttarakAlatvaM vya~NgyapratIteH prAptameva |
sa tu kramo yadi lAghavAnna lakShyate tatkiM kriyate | yadi cha
vAchyapratItimantareNaiva prakaraNAdyavachChinnashabdamAtrasAdhyA rasAdipratItiH
syAttadanavadhAritaprakaraNAnAM vAchyavAchakabhAve cha svayamavyutpannAnAM
pratipattR^INAM kAvyamAtrashravaNAdevAsau bhavet | sahabhAve cha vAchyapratIte\-
ranupayogaH\, upayoge vA na sahabhAvaH | yeShAmapi svarUpavisheShapratIti\-
nimittaM vya~njakatvaM yathA gItAdishabdAnAM teShAmapi svarUpapratItervya~Ngya\-
pratIteshcha niyamabhAvI kramaH | tattu shabdasya kriyApaurvAparyamananyasAdhya\-
tatphalaghaTanAsvAshubhAvinIShu vAchyenAvirodhinyabhidheyAntaravilakShaNe
rasAdau na pratIyate |

kvachittu lakShyata eva | yathAnuraNanarUpavya~NgyapratItiShu | tatrApi
kathamiti cheduchyate \-\-\- arthashaktimUlAnuraNanarUpavya~Ngye dhvanau tAvada\-
bhidheyasya tatsAmarthyAkShiptasya chArthasyAbhidheyAntaravilakShaNatayAtyanta\-
vilakShaNe ye pratItI tayorashakyanihnavo nimittanimittibhAva iti
sphuTameva tatra paurvAparyam | yathA prathamoddyote pratIyamAnArthasiddhyartha\-
mudAhR^itAsu gAthAsu | tathAvidhe cha viShaye vAchyavya~Ngyayoratyanta\-
vilakShaNatvAdyaiva ekasya pratItiH saivetarasyeti na shakyate vaktum |
shabdashaktimUlAnuraNanarUpavya~Ngye tu dhvanau \-\-\-
gAvo vaH pAvanAnAM paramaparimitAM prItimutpAdayantu
ityAdAvarthadvayapratItau shAbdyAmarthadvayasyopamAnopameyabhAvapratIti\-
rupamAvAchakapadavirahe satyarthasAmarthyAdAkShipteti\, tatrApi sulakShamabhidheya\-
vya~NgyAla~NkArapratItyoH paurvAparyam |
padaprakAshashabdashaktimUlAnuraNanarUpavya~Ngye.api dhvanau visheShaNapada\-
syobhayArthasambandhayogyasya yojakaM padamantareNa yojanamashAbdamapyarthA\-
davasthitamityatrApi pUrvavadabhidheyatatsAmarthyAkShiptAla~NkAramAtrapratItyoH
susthitameva paurvAparyam | Arthyapi cha pratipattistathAvidhe viShaye
ubhayArthasambandhayogyashabdasAmarthyaprasAviteti shabdashaktimUlA kalpyate |
avivakShitavAchyasya tu dhvaneH prasiddhasvaviShayavaimukhyapratItipUrvakamevArthA\-
ntaraprakAshanamiti niyamabhAvI kramaH | tatrAvivakShitavAchyatvAdeva
vAchyena saha vya~Ngyasya kramapratItivichAro na kR^itaH |
tasmAdabhidhAnAbhidheyapratItyoriva vAchyavya~NgyapratItyornimittani\-
mittibhAvAnniyamabhAvI kramaH | sa tUktayuktyA kvachillakShyate kvachinna
lakShyate |
tadevaM vya~njakamukhena dhvaniprakAreShu nirUpiteShu kashchidbrUyAt \-\-\-
kimidaM vya~njakatvaM nAma vya~NgyArthaprakAshanam \, na hi vya~njakatvaM
vya~NgyatvaM chArthasya vya~njakasiddhyadhInaM vya~Ngyatvam\, vya~NgyApekShayA cha
vya~njakatvasiddhirityanyonyasaMshrayAdavyavasthAnam | nanu vAchyavyati\-
riktasya vya~Ngyasya siddhiH prAgeva pratipAditA tatsiddhyadhInA cha
vya~njakasiddhiriti kaH paryanuyogAvasaraH | satyamevaitat\; prAguktayukti\-
bhirvAchyavyatiriktasya vastunaH siddhiH kR^itA\, sa tvartho vya~Ngyatayaiva
kasmAdvyapadishyate yatra cha prAdhAnyenAnavasthAnaM tatra vAchyatayaivAsau
vyapadeShTuM yuktaH\, tatparatvAdvAkyasya | atashcha tatprakAshino vAkyasya
vAchakatvameva vyApAraH | kiM tasya vyApArAntarakalpanayA \? tasmA\-
ttAtparyaviShayo yo.arthaH sa tAvanmukhyatayA vAchyaH | yA tvantarA
tathAvidhe viShaye vAchyAntarapratItiH sA tatpratIterupAyamAtraM padArthapratI\-
tiriva vAkyArthapratIteH |
atrochyate \-\-\- yatra shabdaH svArthamabhidadhAno.arthAntaramavagamayati tatra
yattasya svArthAbhidhAyitvaM yachcha tadarthAntarAvagamahetutvaM tayoravisheSho
visheSho vA | na tAvadavisheShaH\; yasmAttau dvau vyApArau bhinnaviShayau
bhinnarUpau cha pratIyete eva | tathAhi vAchakatvalakShaNo vyApAraH
shabdasya svArthaviShayaH gamakatvalakShaNastvarthAntaraviShayaH | na cha
svaparavyavahAro vAchyavya~NgyayorapahnotuM shakyaH\, ekasya sambandhitvena
pratIteraparasya sambandhisambandhitvena | vAchyo hyarthaH sAkShAchChabdasya
sambandhI taditarastvabhidheyasAmarthyAkShiptaH sambandhisambandhI | yadi
cha svasambandhitvaM sAkShAttasya syAttadArthAntaratvavyavahAra eva na syAt |
tasmAdviShayabhedastAvattayorvyApArayoH suprasiddhaH | rUpabhedo.api prasiddha
eva | na hi yaivAbhidhAnashaktiH saivAvagamanashaktiH | avAchakasyApi
gItashabdAde rasAdilakShaNArthAvagamadarshanAt | ashabdasyApi cheShTAderartha\-
visheShaprakAshanaprasiddheH | tathA hi\ldq{}vrIDAyogAnnatavadanayA\rdq{}ityAdishloke
cheShTAvisheShaH sukavinArthaprakAshanahetuH pradarshita eva | tasmAdbhinnaviShaya\-
tvAdbhinnarUpatvAchcha svArthAbhidhAyitvamarthAntarAvagamahetutvaM cha shabdasya
yattayoH spaShTa eva bhedaH | visheShashchenna tarhIdAnImavagamanasyAbhidheyasA\-
marthyAkShiptasyArthAntarasya vAchyatvavyapadeshyatA | shabdavyApAragocharatvaM
tu tasyAsmAbhiriShyata eva\, tattu vya~Ngyatvenaiva na vAchyatvena | prasiddhA\-
bhidhAnAntarasambandhayogyatvena cha tasyArthAntarasya pratIteH shabdAnta\-
reNa svArthAbhidhAyinA yadviShayIkaraNaM tatra prakAshanoktireva yuktA |

na cha padArthavAkyArthanyAyo vAchyavya~NgyayoH | yataH padArthapratI\-
tirasatyaiveti kaishchidvidvadbhirAsthitam | yairapyasatyatvamasyA nAbhyupeyate
tairvAkyArthapadArthayorghaTatadupAdAnakAraNanyAyo.abhyupagantavyaH | yathAhi
ghaTe niShpanne tadupAdAnakAraNAnAM na pR^ithagupalambhastathaiva vAkye tadarthe
vA pratIte padatadarthAnAM teShAM tadA vibhaktatayopalambhe vAkyArthabuddhireva
dUrIbhavet. na tveSha vAchyavya~NgyayornyAyaH\, na hi vya~Ngye pratIyamAne
vAchyabuddhirdUrIbhavati\, vAchyAvabhAsAvinAbhAvena tasya prakAshanAt |
tasmAd ghaTapradIpanyAyastayoH\, yathaiva hi pradIpadvAreNa ghaTapratItAvutpannA\-
yAM na pradIpaprakAsho nivartate tadvya~NgyapratItau vAchyAvabhAsaH | yattu
prathamoddyote\ldq{}yathA padArthadvAreNa\rdq{}ityAdyuktaM tadupAyatvamAtrAtsAmya\-
vivakShayA |

nanvevaM yugapadarthadvayayogitvaM vAkyasya prAptaM tadbhAve cha tasya vA\-
kyataiva vighaTate\, tasyA aikArthyalakShaNatvAt \; naiSha doShaH \; guNapradhAnabhA\-
vena tayorvyavasthAnAt | vya~Ngyasya hi kvachitprAdhAnyaM vAchyasyopasa\-
rjanabhAvaH kvachidvAchyasya prAdhAnyamaparasya guNabhAvaH | tatra vya~NgyaprA\-
dhAnye dhvanirityuktameva \; vAchyaprAdhAnye tu prakArAntaraM nirdekShyate |
tasmAt sthitametat \-\-\- vya~Ngyaparatve.api kAvyasya na vya~NgyasyAbhidhe\-
yatvamapi tu vya~Ngyatvameva |

kiM cha vya~Ngyasya prAdhAnyenAvivakShAyAM vAchyatvaM tAvadbhavadbhirnA\-
bhyupagantavyamatatparatvAchChabdasya | tadasti tAvadvya~NgyaH shabdAnAM kashchi\-
dviShaya iti | yatrApi tasya prAdhAnyaM tatrApi kimiti tasya svarUpama\-
pahnUyate | evaM tAvadvAchakatvAdanyadeva vya~njakatvam \; itashcha vAchakatvA\-
dvya~njakatvasyAnyatvaM yadvAchakatvaM shabdaikAshrayamitarattu shabdAshrayamarthAshrayaM
cha shabdArthayordvayorapi vya~njakatvasya pratipAditatvAt |
guNavR^ittistUpachAreNa lakShaNayA chobhayAshrayApi bhavati | kintu
tato.api vya~njakatvaM svarUpato viShayatashcha bhidyate | rUpabhedastAvadayam \-\-
yadamukhyatayA vyApAro guNavR^ittiH prasiddhA | vya~njakatvaM tu mukhyatayaiva
shabdasya vyApAraH | na hyarthAdvya~NgyatrayapratItiryA tasyA amukhyatvaM
manAgapi lakShyate |
ayaM chAnyaH svarUpabhedaH \-\-\- yadguNavR^ittiramukhyatvena vyavasthitaM vAcha\-
katvamevochyate | vya~njakatvaM tu vAchakatvAdatyantaM vibhinnameva | etachcha
pratipAditam | ayaM chAparo rUpabhedo yadguNavR^ittau yadArtho.arthAntaramupala\-
kShayati tadopalakShaNIyArthAtmanA pariNata evAsau sampadyate | yathA\ldq{}ga~NgA\-
yAM ghoShaH\rdq{}ityAdau | vya~njakatvamArge tu yadArtho.arthAntaraM dyotayati tadA
svarUpaM prakAshayannevAsAvanyasya prakAshakaH pratIyate pradIpavat | yathA \-\-\-
\ldq{}lIlAkamalapatrANi gaNayAmAsa pArvatI\rdq{}ityAdau | yadi cha yatrAti\-
raskR^itasvapratItirartho.arthAntaraM lakShayati tatra lakShaNAvyavahAraH kriyate\, ta\-
devaM sati lakShaNaiva mukhyaH shabdavyApAra iti prAptam | yasmAtprAyeNa
vAkyAnAM vAchyavyatiriktatAtparyaviShayArthAvabhAsitvam |

nanu tvatpakShe.api yadArtho vya~NgyatrayaM prakAshayati tadA shabdasya
kIdR^isho vyApAraH | uchyate \-\-\- prakaraNAdyavachChinnashabdavashenaivArthasya tathA\-
vidhaM vya~njakatvamiti shabdasya tatropayogaH kathamapahnUyate | viShayabhedo.api
guNavR^ittivya~njakatvayoH spaShTa eva | yato vya~njakatvasya rasAdayo.ala
~NkAravisheShA vya~NgyarUpAvachChinnaM vastu cheti trayaM viShayaH | tatra rasAdi\-
pratItirguNavR^ittiriti na kenachiduchyate na cha shakyate vaktum | vya~NgyA\-
la~NkArapratItirapi tathaiva | vastuchArutvapratItaye svashabdAnabhidheyatvena
yatpratipipAdayitumiShyate tadvya~Ngyam | tachcha na sarvaM guNavR^itterviShayaH
prasiddhyanurodhAbhyAmapi gauNAnAM shabdAnAM prayogadarshanAt | tathoktaM
prAk | yadapi cha guNavR^itterviShayastadapi cha vya~njakatvAnupraveshena | tasmA\-
dguNavR^itterapi vya~njakatvasyAtyantavilakShaNatvam | vAchakatvaguNavR^ittivi\-
lakShaNasyApi cha tasya tadubhayAshrayatvena vyavasthAnam |

vya~njakatvaM hi kvachidvAchakatvAshrayeNa vyavatiShThate\, yathA vivakShitA\-
nyaparavAchye dhvanau | kvachittu guNavR^ittyAshrayeNa yathA avivakShitavAchye
dhvanau | tadubhayAshrayatvapratipAdanAyaiva cha dhvaneH prathamataraM dvau prabhedAvupa\-
nyastau | tadubhayAshritatvAchcha tadekarUpatvaM tasya na shakyate vaktum |
yasmAnna tadvAchakatvaikarUpameva\, kvachillakShaNAshrayeNa vR^itteH | na cha lakShaNai\-
karUpamevAnyatra vAchakatvAshrayeNa vyavasthAnAt | na chobhayadharmatvenaiva
tadekaikarUpaM na bhavati | yAvadvAchakatvalakShaNAdirUparahitashabdadharmatvenA\-
pi | tathAhi gItadhvanInAmapi vya~njakatvamasti rasAdiviShayam | na cha
teShAM vAchakatvaM lakShaNA vA katha~nchillakShyate | shabdAdanyatrApi viShaye vya\-
~njakatvasya darshanAdvAchakatvAdishabdadharmaprakAratvamayuktaM vaktum | yadi cha
vAchakatvalakShaNAdInAM shabdaprakArANAM prasiddhaprakAravilakShaNatve.api vya~nja\-
katvaM prakAratvena parikalpyate tachChabdasyaiva prakAratvena kasmAnna parika\-
lpyate | tadevaM shAbde vyavahAre trayaH prakArAH \-\-\- vAchakatvaM guNavR^ittirvya\-
~njakatvaM cha | tatra vya~njakatve yadA vya~NgyaprAdhAnyaM tadA dhvaniH\, tasya
chAvivakShitavAchyo vivakShitAnyaparavAchyashcheti dvau prabhedAvanukrAntau
prathamataraM tau savistaraM nirNItau |

anyo brUyAt \-\-\- nanu vivakShitAnyaparavAchye dhvanau guNavR^ittitA
nAstIti yaduchyate tadyuktam | yasmAdvAchyavAchakapratItipUrvikA yatrArthA\-
ntarapratipattistatra kathaM guNavR^ittivyavahAraH\, na hi guNavR^ittau yadA nimi\-
ttena kenachidviShayAntare shabda Aropyate atyantatiraskR^itasvArthaH yathA \-\-
\ldq{}agnirmANavakaH\rdq{}ityAdau\, yadA vA svArthamaMshenAparityaja.nstatsambandhadvA\-
reNa viShayAntaramAkrAmati\, yathA \ldq{}ga~NgAyAM ghoShaH\rdq{}ityAdau | tadAvi\-
vakShitavAchyatvamupapadyate | ata eva cha vivakShitAnyaparavAchye dhvanau vA\-
chyavAchakayordvayorapi svarUpapratItirarthAvagamanaM cha dR^ishyata iti vya~nja\-
katvavyavahAro yuktyanurodhI | svarUpaM prakAshayanneva parAvabhAsako vya\-
~njaka ityuchyate\, tathAvidhe viShaye vAchakatvasyaiva vya~njakatvamiti guNa\-
vR^ittivyavahAro niyamenaiva na shakyate kartum |

avivakShitavAchyastu dhvanirguNavR^itteH kathaM bhidyate | tasya
prabhedadvaye guNavR^ittiprabhedadvayarUpatA lakShyata eva yataH | ayamapi
na doShaH | yasmAdavivakShitavAchyo dhvanirguNavR^ittimArgAshrayo.api
bhavati na tu guNavR^ittirUpa eva | guNavR^ittirhi vya~njakatvashUnyApi
dR^ishyate | vya~njakatvaM cha yathoktachArutvahetuM vya~NgyaM vinA na
vyavatiShThate | guNavR^ittistu vAchyadharmAshrayeNaiva vya~NgyamAtrAshrayeNa chAbhe\-
dopachArarUpA sambhavati\, yathA \-\-\- tIkShNatvAdagnirmANavakaH\, AhlAda\-
katvAchchandra evAsyA mukhamityAdau | yathA cha\ldq{}priye jane nAsti puna\-
ruktam\rdq{}ityAdau | yApi lakShaNarUpaguNavR^ittiH sApyupalakShaNIyArthasamba\-
ndhamAtrAshrayeNa chArurUpavya~NgyapratItiM vinApi sambhavatyeva\, yathA \-\-\-
ma~nchAH kroshantItyAdau viShaye |

yatra tu sA chArurUpavya~NgyapratItihetustatrApi vya~njakatvAnupraveshe\-
naiva vAchakatvavat | asambhavinA chArthena yatra vyavahAraH\, yathA \-\-\-
\ldq{}suvarNapuShpAM pR^ithivIm\rdq{}ityAdau tatra chArurUpavya~NgyapratItireva prayoji\-
keti tathAvidhe.api viShaye guNavR^ittau satyAmapi dhvanivyavahAra eva
yuktyanurodhI | tasmAdavivakShitavAchye dhvanau dvayorapi prabhedayorvya~nja\-
katvavisheShAvishiShTA guNavR^ittirna tu tadekarUpA sahR^idayahR^idayAhlAdinI
pratIyamAnA pratItihetutvAdviShayAntare tadrUpashUnyAyA darshanAt | etachcha
sarvaM prAksUchitamapi sphuTatarapratItaye punaruktam |

api cha vya~njakatvalakShaNo yaH shabdArthayordharmaH sa prasiddhasamba\-
ndhAnurodhIti na kasyachidvimativiShayatAmarhati | shabdArthayorhi prasiddho
yaH sambandho vAchyavAchakabhAvAkhyastamanurundhAna eva vya~njakatvalakShaNo
vyApAraH sAmagryantarasambandhAdaupAdhikaH pravartate | ata eva vAchaka\-
tvAttasya visheShaH | vAchakatvaM hi shabdavisheShasya niyata AtmA vyu\-
tpattikAlAdArabhya tadavinAbhAvena tasya prasiddhatvAt | sa tvaniyataH\,
aupAdhikatvAt | prakaraNAdyavachChedena tasya pratIteritarathA tvapratIteH |
nanu yadyaniyatastatkiM tasya svarUpaparIkShayA | naiSha doShaH \; yataH
shabdAtmani tasyAniyatatvam\, na tu sve viShaye vya~NgyalakShaNe | li~Nga\-
tvanyAyashchAsya vya~njakabhAvasya lakShyate\, yathA li~NgatvamAshrayeShvaniyatA\-
vabhAsam\, ichChAdhInatvAt \; svaviShayAvyabhichAri cha | tathaivedaM yathA
darshitaM vya~njakatvam | shabdAtmanyaniyatatvAdeva cha tasya vAchakatvapra\-
kAratA na shakyA kalpayitum | yadi hi vAchakatvaprakAratA tasya
bhavettachChabdAtmani niyatatApi syAdvAchakatvavat | sa cha tathAvidha
aupAdhiko dharmaH shabdAnAmautpattikashabdArthasambandhavAdinA vAkyatattva\-
vidA pauruShApauruSheyayorvAkyayorvisheShamabhidadhatA niyamenAbhyupagantavyaH\,
tadanabhyupagame hi tasya shabdArthasambandhanityatve satyapyapauruSheyapauruShe\-
yayorvAkyayorarthapratipAdane nirvisheShatvaM syAt | tadabhyupagame tu pauru\-
SheyANAM vAkyAnAM puruShechChAnuvidhAnasamAropitaupAdhikavyApArAntarANAM
satyapi svAbhidheyasambandhAparityAge mithyArthatApi bhavet |

dR^ishyate hi bhAvAnAmaparityaktasvasvabhAvAnAmapi sAmagryantara\-
sampAtasampAditaupAdhikavyApArAntarANAM viruddhakriyatvam | tathA hi \-\-
himamayUkhaprabhR^itInAM nirvApitasakalajIvalokaM shItalatvamudvahatAmeva
priyAvirahadahanadahyamAnamAnasairjanairAlokyamAnAnAM satAM santApakAritvaM
prasiddhameva | tasmAtpauruSheyANAM vAkyAnAM satyapi naisargike.arthasambandhe
mithyArthatvaM samarthayitumichChatA vAchakatvavyatiriktaM ki.nchidrUpamaupAdhikaM
vyaktamevAbhidhAnIyam | tachcha vya~njakatvAdR^ite nAnyat | vya~NgyaprakAshanaM
hi vya~njakatvam | pauruSheyANi cha vAkyAni prAdhAnyena puruShAbhiprAya\-
meva prakAshayanti | sa cha vya~Ngya eva na tvabhidheyaH\, tena sahAbhidhAna\-
sya vAchyavAchakabhAvalakShaNasambandhAbhAvAt | nanvanena nyAyena sarveShA\-
meva laukikAnAM vAkyAnAM dhvanivyavahAraH prasaktaH | sarveShAmapyanena
nyAyena vya~njakatvAt | satyametat\; kiM tu vaktrabhiprAyaprakAshanena
yad vya~njakatvaM tatsarveShAmeva laukikAnAM vAkyAnAmavishiShTam | tattu
vAchakatvAnna bhidyate vya~Ngyam hi tatra nAntarIyakatayA vyavasthitam |
na tu vivakShitatvena | yasya tu vivakShitatvena vya~Ngyasya sthitiH
tadvya~njakatvaM dhvanivyavahArasya prayojakam |

yattvabhiprAyavisheSharUpaM vya~NgyaM shabdArthAbhyAM prakAshate tadbhavati
vivakShitaM tAtparyeNa prakAshyamAnaM sat | kintu tadeva kevalamaparimitavi\-
Shayasya dhvanivyavahArasya na prayojakamavyApakatvAt | tathA darshitabheda\-
trayarUpaM tAtparyeNa dyotyamAnamabhiprAyarUpamanabhiprAyarUpaM cha sarvameva
dhvanivyavahArasya prayojakamiti yathoktavya~njaktvavisheShe dhvanilakShaNe
nAtivyAptirna chAvyAptiH | tasmAdvAkyatattvavidAM matena tAvadvya~njaka\-
tvalakShaNaH shAbdo vyApAro na virodhI pratyutAnuguNa eva lakShyate |
parinishchitanirapabhraMshashabdabrahmaNAM vipashchitAM matamAshrityaiva pravR^itto.ayaM
dhvanivyavahAra iti taiH saha kiM virodhAvirodhau chintyete | kR^itrima\-
shabdArthasambandhavAdinAM tu yuktividAmanubhavasiddha evAyaM vya~njakabhAvaH
shabdAnAmarthAntarANAmivAvirodhashcheti na pratikShepyapadavImavatarati |

vAchakatve hi tArkikANAM vipratipattayaH pravartantAm\, kimidaM svA\-
bhAvikaM shabdAnAmAhosvitsAmayikamityAdyAH | vya~njakatve tu tatpR^i\-
ShThabhAvini bhAvAntarasAdhAraNe lokaprasiddha evAnugamyamAne ko vima\-
tInAmavasaraH | alaukike hyarthe tArkikANAM vimatayo nikhilAH prava\-
rtante na tu laukike | na hi nIlamadhurAdiShvasheShalokendriyagochare
bAdhArahite tattve parasparaM vipratipannA dR^ishyante | na hi bAdhArahitaM
nIlaM nIlamiti bruvannapareNa pratiShidhyate naitannIlaM pItametaditi |
tathaiva vya~njakatvaM vAchakAnAM shabdAnAmavAchakAnAM cha gItadhvanInAma\-
shabdarUpANAM cha cheShTAdInAM yatsarveShAmanubhavasiddhameva tatkenApahnUyate |
ashabdamarthaM ramaNIyaM hi sUchayanto vyAhArAstathA vyApArA nibaddhA\-
shchAnibaddhAshcha vidagdhapariShatsu vividhA vibhAvyante | tAnupahAsyatA\-
mAtmanaH pariharan ko.atisandadhIta sachetAH | brUyAt\, astyatisandhA\-
nAvasaraH vya~njakatvaM shabdAnAM gamakatvaM tachcha li~Ngatvamatashcha vya~Ngya\-
pratItirli~NgipratItireveti li~Ngili~NgabhAva eva teShAM vya~Ngyavya~njakabhAvo
nAparaH kashchit | atashchaitadavashyameva boddhavyaM yasmAdvaktrabhiprAyApekShayA
vya~njakatvamidAnImeva tvayA pratipAditaM vaktrabhiprAyashchAnumeyarUpa eva |

atrochyate \-\-\- nanvevamapi yadi nAma syAttatkiM nashChinnam | vAcha\-
katvaguNavR^ittivyatirikto vya~njakatvalakShaNaH shabdavyApAro.astItyasmA\-
bhirabhyupagatam | tasya chaivamapi na kAchit kShatiH | taddhi vya~njakatvaM
li~Ngatvamastu anyadvA | sarvathA prasiddhashAbdaprakAravilakShaNatvaM shabdavyA\-
pAraviShayatvaM cha tasyAstIti nAstyevAvayorvivAdaH | na punarayaM
paramArtho yadvya~njakatvaM li~Ngatvameva sarvatra vya~NgyapratItishcha li~NgipratI\-
tireveti |

yadapi svapakShasiddhaye.asmaduktamanUditaM tvayA vaktrabhiprAyasya vya~Ngya\-
tvenAbhyupagamAttatprakAshane shabdAnAM li~Ngatvameveti tadetadyathAsmAbhira\-
bhihitaM tadvibhajyaM pratipAdyate shrUyatAm \-\-\- dvividho viShayaH shabdAnAM \-\-\-
anumeyaH pratipAdyashcha | tatrAnumeyo vivakShAlakShaNaH | vivakShA cha shabda\-
svarUpaprakAshanechChA shabdenArthaprakAshanechChA cheti dviprakArA | tatrAdyA na
shAbdavyavahArA~Ngam | sA hi prANitvamAtrapratipattiphalA | dvitIyA tu
shabdavisheShAvadhAraNAvasitavyavahitApi shabdakaraNavyavahAranibandhanam |
te tu dve apyanumeyo viShayaH shabdAnAm | pratipAdyastu prayokturarthaprati\-
pAdanasamIhAviShayIkR^ito.arthaH |

sa cha dvividhaH \-\-\- vAchyo vya~Ngyashcha | prayoktA hi kadAchitsvasha\-
bdenArthaM prakAshayituM samIhate kadAchitsvashabdAnabhidheyatvena prayojanA\-
pekShayA kayAchit | sa tu dvividho.api pratipAdyo viShayaH shabdAnAM na
li~NgitayA svarUpeNa prakAshate\, api tu kR^itrimeNAkR^itrimeNa vA sambandhA\-
ntareNa | vivakShAviShayatvaM hi tasyArthasya shabdairli~NgitayA pratIyate na tu
svarUpam | yadi hi li~NgitayA tatra shabdAnAM vyApAraH syAttachChabdArthe
samya~NmithyAtvAdi vivAdA eva na pravarteran dhUmAdili~NgAnumitAnu\-
meyAntaravat | vya~NgyashchArtho vAchyasAmarthyAkShiptatayA vAchyavachChabdasya
sambandhI bhavatyeva | sAkShAdasAkShAdbhAvo hi sambandhasyAprayojakaH |
vAchyavAchakabhAvAshrayatvaM cha vya~njakatvasya prAgeva darshitam | tasmAdvaktra\-
bhiprAyarUpa eva vya~Ngye li~NgatayA shabdAnAM vyApAraH | tadviShayIkR^ite tu
pratipAdyatayA | pratIyamAne tasminnabhiprAyarUpe.anabhiprAyarUpe cha vAchakatve
naiva vyApAraH sambandhAntareNa vA | na tAvadvAchakatvena yathoktaM prAk |
sambandhAntareNa vya~njakatvameva | na cha vya~njakatvaM li~NgatvarUpameva
AlokAdiShvanyathA dR^iShTatvAt | tasmAtpratipAdyo viShayaH shabdAnAM na
li~Ngitvena sambandhI vAchyavat | yo hi li~Ngitvena teShAM sambandhI
yathA darshito viShayaH sa na vAchyatvena pratIyate\, api tUpAdhitvena |
pratipAdyasya cha viShayasya li~Ngitve tadviShayANAM vipratipattInAM lauki\-
kaireva kriyamANAnAmabhAvaH prasajyeteti | etachchoktameva |

yathA cha vAchyaviShaye pramANAntarAnugamena samyaktvapratItau kvachi\-
tkriyamANAyAM tasya pramANAntaraviShayatve satyapi na shabdavyApAra\-
viShayatAhAnistadvya~NgyasyApi | kAvyaviShaye cha vya~NgyapratItInAM satyA
satyanirUpaNasyAprayojakatvameveti tatra pramANAntaravyApAraparIkShopa\-
hAsAyaiva sampadyate | tasmAlli~NgipratItireva sarvatra vya~NgyapratItiriti na
shakyate vaktum |

yattvanumeyarUpavya~NgyaviShayaM shabdAnAM vya~njakatvaM taddhvanivyavahAra\-
syAprayojakam | api tu vya~njakatvalakShaNaH shabdAnAM vyApAra autpa\-
ttikashabdArthasambandhavAdinApyabhyupagantavya iti pradarshanArthamupanyastam |
taddhi vya~njakatvaM kadAchilli~Ngatvena kadAchidrUpAntareNa shabdAnAM
vAchakAnAmavAchakAnAM cha sarvavAdibhirapratikShepyamityayamasmAbhiryatna
ArabdhaH | tadevaM guNavR^ittivAchakatvAdibhyaH shabdaprakArebhyo niyamenaiva
tAvadvilakShaNaM vya~njakatvam | tadantaHpAtitve.api tasya haThAdabhidhIya\-
mAne tadvisheShasya dhvaneryatprakAshanaM vipratipattinirAsAya sahR^idayavyutpattaye
vA tatkriyamANamanatisandheyameva | na hi sAmAnyamAtralakShaNenopayogi\-
visheShalakShaNAnAM pratikShepaH shakyaH kartum | evaM hi sati sattAmAtrala\-
kShaNe kR^ite sakalasadvastulakShaNAnAM paunaruktyaprasa~NgaH | tadevam \-\-\-

vimativiShayo ya AsInmanIShiNAM satatamaviditasatattvaH |
dhvanisa~nj~nitaH prakAraH kAvyasya vya~njitaH so.ayam ||

prakAro.anyo guNIbhUtavya~NgyaH kAvyasya dR^ishyate |
yatra vya~NgyAnvaye vAchyachArutvaM syAtprakarShavat || 34||

vya~Ngyo.artho lalanAlAvaNyaprakhyo yaH pratipAditastasya prAdhAnye
dhvanirityuktam | tasya tu guNIbhAvena vAchyachArutvaprakarShe guNIbhUta\-
vya~Ngyo nAma kAvyaprabhedaH prakalpyate | tatra vastumAtrasya vya~Ngyasya
tiraskR^itavAchyebhyaH pratIyamAnasya kadAchidvAchyarUpavAkyArthApekShayA
guNIbhAve sati guNIbhUtavya~NgyatA |

yathA \-\-\-
lAvaNyasindhuraparaiva hi keyamatra
yatrotpalAni shashinA saha samplavante |
unmajjati dviradakumbhataTI cha yatra
yatrApare kadalikANDamR^iNAladaNDAH ||

atiraskR^itavAchyebhyo.api shabdebhyaH pratIyamAnasya vya~Ngyasya
kadAchidvAchyaprAdhAnyena kAvyachArutvApekShayA guNIbhAve sati guNI\-
bhUtavya~NgyatA\, yathodAhR^itam \-\-\ldq{}anurAgavatI sandhyA\rdq{}ityevamAdi |
tasyaiva svayamuktyA prakAshIkR^itatvena guNIbhAvaH\, yathodAhR^itam \-\-\-
\ldq{}sa~NketakAlamanasam\rdq{}ityAdi | rasAdirUpavya~Ngyasya guNIbhAvo rasavada\-
la~NkAre darshitaH \; tatra cha teShAmAdhikArikavAkyApekShayA guNIbhAvo
vivahanapravR^ittabhR^ityAnuyAyirAjavat | vya~NgyAla~NkArasya guNIbhAve
dIpakAdiviShayaH |
tathA \-\-\-
prasannagambhIrapadAH kAvyabandhAH sukhAvahAH |
ye cha teShu prakAro.ayameva yojyAH sumedhasA || 35||
ye chaite.aparimitasvarUpA api prakAshamAnAstathAvidhArtharamaNIyAH
santo vivekinAM sukhAvahAH kAvyabandhAsteShu sarveShvevAyaM prakAro guNI\-
bhUtavya~Ngyo nAma yojanIyaH | yathA \-\-\-
lakShmI duhitA jAmAtA hariH tathA gR^ihiNI ga~NgA |
amR^itamR^igA~Nkau cha sutau aho kuTumbaM mahodadheH ||

vAchyAla~NkAravargo.ayaM vya~NgyAMshAnugame sati |
prAyeNaiva parAM ChAyAM bibhrallakShye nirIkShyate || 36||
vAchyAla~NkAravargo.ayaM vya~NgyAMshasyAla~NkArasya vastumAtrasya vA
yathAyogamanugame sati chChAyAtishayaM bibhrallakShaNakArairekadeshena darshitaH |
sa tu tathArUpaH prAyeNa sarva eva parIkShyamANo lakShye nirIkShyate |
tathA hi \-\- dIpakasamAsoktyAdivadanye.apyala~NkArAH prAyeNa vya~NgyAla~NkA\-
rAntaravastvantarasaMsparshino dR^ishyante | yataH prathamaM tAvadatishayokti\-
garbhatA sarvAla~NkAreShu shakyakriyA | kR^itaiva cha sA mahAkavibhiH kAmapi
kAvyachChaviM puShyati\, kathaM hyatishayayogitA svaviShayauchityena kriyamANA
satI kAvye notkarShamAvahet | bhAmahenApyatishayoktilakShaNe yaduktam \-\-\-
saiShA sarvaiva vakroktiranayArtho vibhAvyate |
yatno.asyAM kavinA kAryaH ko.ala~NkAro.anayA vinA || iti |

tatrAtishayoktiryamala~NkAramadhitiShThati kavipratibhAvashAttasya
cArutvAtishayayogo.anyasya tvala~NkAramAtrataiveti sarvAla~NkArasharIrasvI\-
karaNayogyatvenAbhedopachArAtsaiva sarvAla~NkArarUpetyayamevArtho.avaga\-
ntavyaH | tasyAshchAla~NkArAntarasa.nkIrNatvaM kadAchidvAchyatvena kadachidvya\-
~Ngyatvena | vya~Ngyatvamapi kadAchitprAdhAnyena kadAchidguNabhAvena |
tatrAdye pakShe vAchyAla~NkAramArgaH | dvitIye tu dhvanAvantarbhAvaH |
tR^itIye tu guNIbhUtavya~NgyarUpatA |

ayaM cha prakAro.anyeShAmapyala~NkArANAmasti\, teShAM tu na sarvaviShayaH |
atishayoktestu sarvAla~NkAraviShayo.api sambhavatItyayaM visheShaH | yeShu
chAla~NkAreShu sAdR^ishyamukhena tattvapratilambhaH yathA rUpakopamAtulyayogitA\-
nidarshanAdiShu teShu gamyamAnadharmamukhenaiva yatsAdR^ishyaM tadeva shobhAtishaya\-
shAli bhavatIti te sarve.api chArutvAtishayayoginaH santo guNIbhUtavya\-
~Ngyasyaiva viShayAH | samAsoktyAkShepaparyAyoktAdiShu tu gamyamAnAMshAvi\-
nAbhAvenaiva tattvavyavasthAnAdguNIbhUtavya~NgyatA nirvivAdaiva | tatra cha
guNIbhUtavya~NgyatAyAmala~NkArANAM keShA~nchidala~NkAravisheShagarbhatAyAM niyamaH |
yathA vyAjastuteH preyo.ala~NkAragarbhatve | keShA~nchidala~NkAramAtragarbhatAyAM
niyamaH | yathA sandehAdInAmupamAgarbhatve | keShA~nchidala~NkArANAM paraspa\-
ragarbhatApi sambhavati | yathA dIpakopamayoH | tatra dIpakamupamAgarbhatvena
prasiddham | upamApi kadAchiddIpakachChAyAnuyAyinI | yathA mAlopamA |
tathA hi\ldq{}prabhAmahatyA shikhayeva dIpaH\rdq{}ityAdau sphuTaiva dIpakachChAyA
lakShyate |

tadevaM vya~NgyAMshasaMsparshe sati chArutvAtishayayogino rUpakAdayo.a
la~NkArAH sarva eva guNIbhUtavya~Ngyasya mArgaH | guNIbhUtavya~NgyatvaM cha
teShAM tathAjAtIyAnAM sarveShAmevoktAnuktAnAM sAmAnyam | tallakShaNe sarva
evaite sulakShitA bhavanti | ekaikasya svarUpavisheShakathanena tu sAmAnya\-
lakShaNarahitena pratipAdapATheneva shabdA na shakyante tattvato nirj~nAtum\,
AnantyAt | anantA hi vAgvikalpAstatprakArA eva chAla~NkArAH |
guNIbhUtavya~Ngyasya cha prakArAntareNApi vya~NgyArthAnugamalakShaNena
viShayatvamastyeva | tadayaM dhvaniniShyandarUpo dvitIyo.api mahAkaviviSha\-
yo.atiramaNIyo lakShaNIyaH sahR^idayaiH | sarvathA nAstyeva sahR^idayahR^idayahA\-
riNaH kAvyasya sa prakAro yatra na pratIyamAnArthasaMsparshena saubhAgyam |
tadidaM kAvyarahasyaM paramiti sUribhirbhAvanIyam |

mukhyA mahAkavigirAmala~NkR^itibhR^itAmapi |
pratIyamAnachChAyaiShA bhUShA lajjeva yoShitAm || 37||
anayA suprasiddho.apyarthaH kimapi kAmanIyakamAnIyate |
tadyathA \-\-\-
vishrambhotthA manmathAj~nAvidhAne ye mugdhAkShyAH ke.api lIlAvisheShAH |
akShuNNAste chetasA kevalena sthitvaikAnte santataM bhAvanIyAH ||
ityatra ke.apItyanena padena vAchyamaspaShTamabhidadhatA pratIyamAnaM
vastvakliShTamanantamarpayatA kA ChAyA nopapAditA |
arthAntaragatiH kAkvA yA chaiShA paridR^ishyate |
sA vya~Ngyasya guNIbhAve prakAramimamAshritA || 38||
yA chaiShA kAkvA kvachidarthAntarapratItirdR^ishyate sa vya~NgyasyArthasya
guNIbhAve sati guNIbhUtavya~NgyalakShaNaM kAvyaprabhedamAshrayate | yathA \-\-\-
\ldq{}svasthA bhavanti mayi jIvati dhArtarAShTrAH\rdq{}.
yathA vA \-\-\-
Am asatyaH uparama pativrate na tvayA malinitaM shIlam |
kiM punarjanasya jAyeva nApitaM taM na kAmayAmahe ||
shabdashaktireva hi svAbhidheyasAmarthyAkShiptakAkusahAyA satyartha\-
visheShapratipattiheturna kAkumAtram | viShayAntare svechChAkR^itAtkAkumAtrA\-
ttathAvidhArthapratipattyasambhavAt | sa chArthaH kAkuvisheShasahAyashabdavyApA\-
ropArUDho.apyarthasAmarthyalabhya iti vya~NgyarUpa eva | vAchakatvAnugamenaiva
tu yadA tadvishiShTavAchyapratItistadA guNIbhUtavya~NgyatayA tathAvidhArtha\-
dyotinaH kAvyasya vyapadeshaH | vya~NgyavishiShTavAchyAbhidhAyino hi
guNIbhUtavya~Ngyatvam |
prabhedasyAsya viShayo yashcha yuktyA pratIyate |
vidhAtavyA sahR^idayairna tatra dhvaniyojanA || 38||
sa~NkIrNo hi kashchiddhvanerguNIbhUtavya~Ngyasya cha lakShye dR^ishyate
mArgaH | tatra yasya yuktisahAyatA tatra tena vyapadeshaH kartavyaH | na
sarvatra dhvanirAgiNA bhavitavyam | yathA
patyuH shirashchandrakalAmanena spR^isheti sakhyA parihAsapUrvam |
sA ra~njayitvA charaNau kR^itAshIrmAlyena tAM nirvachanaM jaghAna ||
yathA cha \-\-\-
prayachChatochchaiH kusumAni mAninI vipakShagotraM dayitena lambhitA |
na ki~nchidUche charaNena kevalaM lilekha bAShpAkulalochanA bhuvam ||
ityatra\ldq{}nirvachanaM jaghAna\rdq{}\ldq{}na ki~nchidUche\rdq{}iti pratiShedhamukhena vya\-
~NgyasyArthasyoktyA ki~nchidviShayIkR^itatvAd guNIbhAva eva shobhate | yadA
vakroktiM vinA vya~Ngyo.arthastAtparyeNa pratIyate tadA tasya prAdhAnyam |
yathA\ldq{}evaM vAdini devarShau\rdq{}ityAdau | iha punaruktirbha~NgyAstIti vAchya\-
syApi prAdhAnyam | tasmAnnAtrAnuraNanarUpavya~Ngyadhvanivyapadesho vidheyaH |

prakAro.ayaM guNIbhUtavya~Ngyo.api dhvanirUpatAm |
dhatte rasAditAtparyaparyAlochanayA punaH || 40||
guNIbhUtavya~Ngyo.api kAvyaprakAro rasabhAvAditAtparyAlochane
punardhvanireva sampadyate | yathAtraivAnantarodAhR^ite shlokadvaye | yathA cha \-\-\-
durArAdhA rAdhA subhaga yadanenApi mR^ijata\-
stavaitatprANeshAjaghanavasanenAshru patitam |
kaThoraM strIchetastadalamupachArairvirama he
kriyAtkalyANaM vo hariranunayeShvevamuditaH ||

evaM sthite cha\ldq{}nyakkAro hyayameva\rdq{}ityAdishlokanirdiShTAnAM
padAnAM vya~NgyavishiShTavAchyapratipAdane.apyetadvAkyArthIbhUtarasApekShayA
vya~njakatvamuktam | ne teShAM padAnAmarthAntarasa.nkramitavAchyadhvanibhramo
vidhAtavyaH\, vivakShitavAchyatvAtteShAm | teShu hi vya~NgyavishiShTatvaM
vAchyasya pratIyate na tu vya~NgyarUpapariNatatvam | tasmAdvAkyaM tatra
dhvaniH\, padAni tu guNIbhUtavya~NgyAni | na cha kevalaM guNIbhUtavya~NgyA\-
nyeva padAnyalakShyakramavya~Ngyadhvanervya~njakAni yAvadarthAntarasa.nkramita\-
vAchyAni dhvaniprabhedarUpANyapi | yathAtraiva shloke rAvaNa ityasya prabhedA\-
ntararUpavya~njakatvam | yatra tu vAkye rasAditAtparyaM nAsti guNIbhUta\-
vya~NgyaiH padairudbhAsite.api tatra guNIbhUtavya~Ngyataiva samudAyadharmaH |
yathA \-\-\-
rAjAnamapi sevante viShamamapyupayu~njate |
ramante cha saha strIbhiH kushalAH khalu mAnavAH ||
ityAdau | vAchyavya~NgyayoH prAdhAnyAprAdhAnyaviveke paraH prayatno
vidhAtavyaH\, yena dhvaniguNIbhUtavya~Ngyayorala~NkArANAM chAsa~NkIrNo viShayaH
suj~nAto bhavati | anyathA tu prasiddhAla~NkAraviShaya eva vyAmohaH prava\-
rtate | yathA \-\-\-
lAvaNyadraviNavyayo na gaNitaH klesho mahAn svIkR^itaH
svachChandasya sukhaM janasya vasatashchintAnalo dIpitaH |
eShApi svayameva tulyaramaNAbhAvAdvarAkI hatA
ko.arthashchetasi vedhasA vinihitastanvyAstanuM tanvatA ||
ityatra vyAjastutirala~NkAra iti vyAkhyAyi kenachittanna chaturasram\,
yato.asyAbhidheyasyaitadala~NkArasvarUpamAtraparyavasAyitve na sushliShTA |
yato na tAvadayaM rAgiNaH kasyachidvikalpaH | tasya \ldq{}eShApi svayameva
tulyaramaNAbhAvAdvarAkI hatA\rdq{}ityevaMvidhoktyanupapatteH | nApi nIrAgasya\;
tasyaivaMvidhavikalpaparihAraikavyApAratvAt | na chAyaM shlokaH
kvachitprabandha iti shrUyate\, yena tatprakaraNAnugatArthatAsya parikalpyate |
tasmAdaprastutaprashaMseyam | yasmAdanena vAchyena guNIbhUtAtmanA nissA\-
mAnyaguNAvalopAdhmAtasya nijamahimotkarShajanitasamatsarajanajvarasya
visheShaj~namAtmano na ka~nchidevAparaM pashyataH paridevitametaditi prakAshyate |
tathA chAyaM dharmakIrteH shloka iti prasiddhiH | sambhAvyate cha tasyaiva |
yasmAt \-\-\-
anadhyavasitAvagAhanamanalpadhIshaktinA\-
pyadR^iShTaparamArthatattvamadhikAbhiyogairapi |
mataM mama jagatyalabdhasadR^ishapratigrAhakaM
prayAsyati payonidheH paya iva svadehe jarAm ||
ityanenApi shlokenaivaMvidho.abhiprAyaH prakAshita eva | aprastuta\-
prashaMsAyAM cha yadvAchyaM tasya kadAchidvivakShitatvaM\, kadAchidavivakShitatvaM\,
kadAchidvivakShitAvivakShitatvamiti trayI bandhachChAyA | tatra vivakShita\-
tvaM yathA \-\-\-

parArthe yaH pIDAmanubhavati bha~Nge.api madhuro
yadIyaH sarveShAmiha khalu vikAro.apyabhimataH |
na samprApto vR^iddhiM yadi sa bhR^ishamakShetrapatitaH
kimikShordoSho.asau na punaraguNAyA marubhuvaH ||
yathA vA mamaiva \-\-\-
amI ye dR^ishyante nanu subhagarUpAH saphalatA
bhavatyeShAM yasya kShaNamupagatAnAM viShayatAm |
nirAloke loke kathamidamaho chakShuradhunA
samaM jAtaM sarvairna samamathavAnyairavayavaiH ||
anayorhi dvayoH shlokayorikShuchakShuShI vivakShitasvarUpe eva na cha
prastute | mahAguNasyAviShayapatitatvAdaprAptaparabhAgasya kasyachitsvarUpa\-
mupavarNayituM dvayorapi shlokayostAtparyeNa prastutatvAt | avivakShita\-
tvaM yathA \-\-\-
kastvaM bhoH kathayAmi daivahatakaM mAM viddhi shAkhoTakaM
vairAgyAdiva vakShi\, sAdhu viditaM kasmAdidaM kathyate |
vAmenAtra vaTastamadhvagajanaH sarvAtmanA sevate
na chChAyApi paropakArakariNI mArgasthitasyApi me ||
na hi vR^ikShavisheSheNa sahoktipratyuktI sambhavata ityavivakShitAbhidhe\-
yenaivAnena shlokena samR^iddhAsatpuruShasamIpavartino nirdhanasya kasyachi\-
nmanasvinaH paridevitaM tAtparyeNa vAkyArthIkR^itamiti pratIyate |
vivakShitatvAvivakShitatvaM yathA \-\-\-
utpathajAtAyA ashobhanAyA phalakusumapatrarahitAyAH |
badaryA vR^ittiM dadatpAmAraH bhoH hasiShyase ||

atra hi vAchyArtho nAtyantaM sambhavI na chAsambhavI | tasmAdvA\-
chyavya~NgyayoH prAdhAnyAprAdhAnye yatnato nirUpaNIye |

pradhAnaguNabhAvAbhyAM vya~NgyasyaivaM vyavasthite |
kAvye ubhe tato.anyadyattachchitramabhidhIyate || 41
chitraM shabdArthabhedena dvividhaM cha vyavasthitam |
tatra ki~nchichChabdachitraM vAchyachitramataH param || 42||
vya~NgyasyArthasya prAdhAnye dhvanisa.nj~nitakAvyaprakAraH guNabhAve tu
guNIbhUtavya~NgyatA | tato.anyadrasabhAvAditAtparyarahitaM vya~NgyArthavishe\-
ShaprakAshanashaktishUnyaM cha kAvyaM kevalavAchyavAchakavaichitryamAtrAshrayeNo\-
panibaddhamAlekhyaprakhyaM yadAbhAsate tachchitram | na tanmukhyaM kAvyam |
kAvyAnukAro hyasau | tatra ki~nchichChabdachitraM yathA duShkarayamakAdi |
vAchyachitraM tataH shabdachitrAdanyadvya~NgyArthasaMsparsharahitaM prAdhAnyena
vAkyArthatayA sthitaM rasAditAtparyarahitamutprekShAdi |
atha kimidaM chitraM nAma \? yatra na pratIyamAnArthasaMsparshaH | pratI\-
yamAno hyarthastribhedaH prAkpradarshitaH | tatra yatra vastvala~NkArAntaraM vA
vya~NgyaM nAsti sa nAma chitrasya kalpyatAM viShayaH | yatra tu rasAdInA\-
maviShayatvaM sa kAvyaprakAro na sambhavatyeva | yasmAdavastusaMsparshitA
kAvyasya nopapadyate | vastu cha sarvameva jagadgatamavashyaM kasyachidra\-
sasya bhAvasya vA~NgatvaM pratipadyate antato vibhAvatvena | chittavR^ittivi\-
sheShA hi rasAdayaH\, na cha tadasti vastu ki~nchidyanna chittavR^ittivisheSha\-
mupajanayati tadanutpAdane vA kaviviShayataiva tasya na syAt kaviviSha\-
yashcha chitratayA kashchinnirUpyate |
atrochyate \-\-\- satyaM na tAdR^ikkAvyaprakAro.asti yatra rasAdInAma\-
pratItiH | kiM tu yadA rasabhAvAdivivakShAshUnyaH kaviH shabdAla~NkAra\-
marthAla~NkAraM vopanibadhnAti tadA tadvivakShApekShayA rasAdishUnyatArthasya
parikalpyate | vivakShopArUDha eva hi kAvye shabdAnAmarthaH | vAchyasAma\-
rthyavashena vA kavivivakShAvirahe.api tathAvidhe viShaye rasAdipratItirbhavantI
paridurbalA bhavatItyanenApi prakAreNa nIrasatvaM parikalpya chitraviShayo
vyavasthApyate | tadidamuktam \-\-\-
\ldq{}rasabhAvAdiviShayavivakShAvirahe sati |
ala~NkAranibandho yaH sa chitraviShayo mataH ||
rasAdiShu vivakShA tu syAttAtparyavatI yadA |
tadA nAstyeva tatkAvyaM dhvaneryatra na gocharaH ||\rdq{}
etachcha chitraM kavInAM vishR^i~NkhalagirAM rasAditAtparyamanapekShyaiva kAvya\-
pravR^ittidarshanAdasmAbhiH parikalpitam | idAnIntanAnAM tu nyAyye
kAvyanayavyavasthApane kriyamANe nAstyeva dhvanivyatiriktaH kAvya\-
prakAraH | yataH paripAkavatAM kavInAM rasAditAtparyavirahe vyApAra
eva na shobhate | rasAditAtparye cha nAstyeva tadvastu yadabhimatarasA~NgatAM
nIyamAnaM na praguNIbhavati | achetanA pi hi bhAvA yathAyathamuchita\-
rasavibhAvatayA chetanavR^ittAntayojanayA vA na santyeva te ye yAnti na
rasA~NgatAm | tathA chedamuchyate \-\-\-
apAre kAvyasaMsAre kavirekaH prajApatiH |
yathAsmai rochate vishvaM tathedaM parivartate ||
shR^i~NgArI chetkaviH kAvye jAtaM rasamayaM jagat |
sa eva vItarAgashchennIrasaM sarvameva tat ||
bhAvAnachetanAnapi chetanavachchetanAnachetanavat |
vyavahArayati yatheShTaM sukaviH kAvye svatantratayA ||
tasmAnnAstyeva tadvastu yatsarvAtmanA rasatAtparyavataH kavestadi\-
chChayA tadabhimatarasA~NgatAM na dhatte | tathopanibadhyamAnaM vA na chArutvA\-
tishayaM puShNAti | sarvametachcha mahAkavInAM kAvyeShu dR^ishyate | asmAbhi\-
rapi sveShu kAvyaprabandheShu yathAyathaM darshitameva | sthite chaivaM sarva eva
kAvyaprakAro na dhvanidharmatAmatipatati rasAdyapekShAyAM kaverguNIbhUtavya\-
~NgyalakShaNo.api prakArastada~NgatAmavalambata ityuktaM prAk | yadA tu
chATuShu devatAstutiShu vA rasAdInAma~NgatayA vyavasthAnaM hR^idayavatIShu cha
supraj~nakagAthAsu kAsuchidvya~NgyavishiShTavAchye prAdhAnyaM tadapi guNIbhUta\-
vya~Ngyasya dhvaniniShpandabhUtatvamevetyuktaM prAk | tadevamidAnIntanakavi\-
kAvyanayopadeshe kriyamANe prAthamikAnAmabhyAsArthinAM yadi paraM chitreNa
vyavahAraH\, prAptapariNatInAM tu dhvanireva kAvyamiti sthitametat |
tadayamatra sa.ngrahaH \-\-\-
yasmin raso vA bhAvo vA tAtparyeNa prakAshate |
saMvR^ittyAbhihitau vastu yatrAla~NkAra eva vA ||
kAvyAdhvani dhvanirvya~NgyaprAdhAnyaikanibandhanaH |
sarvatra tatra viShayI j~neyaH sahR^idayairjanaiH ||

saguNIbhUtavya~NgyaiH sAla~NkAraiH saha prabhedaiH svaiH |
sa~NkarasaMsR^iShTibhyAM punarapyudyotate bahudhA || 43||
tasya cha dhvaneH svaprabhedairguNIbhUtavya~Ngyena vAchyAla~NkAraishcha sa~Nkara\-
saMsR^iShTivyavasthAyAM kriyamANAyAM bahuprabhedatA lakShye dR^ishyate | tathAhi
svaprabhedasa~NkIrNaH\, svaprabhedasaMsR^iShTo guNIbhUtavya~Ngyasa~NkIrNo guNIbhUtavya\-
~NgyasaMsR^iShTo vAchyAla~NkArAntarasa~NkIrNo vAchyAla~NkArAntarasaMsR^iShTaH saMsR^iShTA\-
la~NkArasa~NkIrNaH saMsR^iShTAla~NkArasaMsR^iShTashcheti bahudhA dhvaniH prakAshate |
tatra svaprabhedasa~NkIrNatvaM kadAchidanugrAhyAnugrAhakabhAvena | yathA \-\-\-
\ldq{}evaMvAdini devarShau\rdq{}ityAdau | atra hyarthashaktyudbhavAnuraNanarUpavya~Ngya\-
dhvaniprabhedenAlakShyakramavya~Ngyadhvaniprabhedo.anugR^ihyamANaH pratIyate | evaM
kadAchitprabhedadvayasampAtasandehena | yathA \-\-\-
kShaNaprAghuNikA devara eShA jAyayA kimapi te bhaNitA |
roditi shUnyavalabhIgR^ihe.anunIyatAM varAkI ||
atra hyanunIyatAmityetatpadamarthAntarasa~NkramitavAchyatvena viva\-
kShitAnyaparavAchyatvena cha sambhAvyate | na chAnyatarapakShanirNaye pramANa\-
masti | ekavya~njakAnupraveshena tu vya~NgyatvamalakShyakramavya~Ngyasya
svaprabhedAntarApekShayA bAhulyena sambhavati | yathA \-\-\-\ldq{}snigdhashyAmala\rdq{}
ityAdau | svaprabhedasaMsR^iShTatvaM cha yathA pUrvodAharaNa eva | atra hyarthAntara\-
sa.nkramitavAchyasyAtyantatiraskR^itavAchyasya cha saMsargaH | guNIbhUtavya~Ngya\-
sa~NkIrNatvaM yathA \-\-\-\ldq{}nyakkAro hyayameva me yadarayaH\rdq{}ityAdau | yathA vA \-\-\-
kartA dyUtachChalAnAM jatumayasharaNoddIpanaH so.abhimAnI
kR^iShNAkeshottarIyavyapanayanapaTuH pANDavA yasya dAsAH |
rAjA duHshAsanAdergururanujashatasyA~NgarAjasya mitraM
kvAste duryodhano.asau kathayata na ruShA draShTumabhyAgatau svaH ||
atra hyalakShyakramavya~Ngyasya vAkyArthIbhUtasya vya~NgyavishiShTavAchyA\-
bhidhAyibhiH padaiH sammishratA | ata eva cha padArthAshrayatve guNIbhUtavya\-
~Ngyasya vAkyArthAshrayatve cha dhvaneH sa~NkIrNatAyAmapi na virodhaH
svaprabhedAntaravat | yathAhi dhvaniprabhedAntarANi parasparaM sa~NkIryante
padArthavAkyArthAshrayatvena cha na viruddhAni |
kiM chaikavya~NgyAshrayatve tu pradhAnaguNabhAvo virudhyate na tu vya~Ngya\-
bhedApekShayA\, tato.apyasya na virodhaH | ayaM cha sa~NkarasaMsR^iShTivyavahAro
bahUnAmekatra vAchyavAchakabhAva iva vya~Ngyavya~njakabhAve.api nirvirodha eva
mantavyaH | yatra tu padAni kAnichidavivakShitavAchyAnyanuraNanarUpa\-
vya~NgyavAchyAni vA tatra dhvaniguNIbhUtavya~NgyayoH saMsR^iShTatvam | yathA \-\-
\ldq{}teShAM gopavadhUvilAsasuhR^idAm\rdq{}ityAdau | atra hi\ldq{}vilAsasuhR^idAm\rdq{}
\ldq{}rAdhArahaHsAkShiNAm\rdq{}ityete pade dhvaniprabhedarUpe\ldq{}te\rdq{}\ldq{}jAne\rdq{}ityete cha
pade guNIbhUtavya~NgyarUpe |
vAchyAla~NkArasa~NkIrNatvamalakShyakramavya~NgyApekShayA rasavati
sAla~NkAre kAvye sarvatra suvyavasthitam | prabhedAntarANAmapi kadAchi\-
tsa~NkIrNatvaM bhavatyeva | yathA mamaiva \-\-\-
yA vyApAravatI rasAn rasayituM kAchitkavInAM navA
dR^iShTiryA pariniShThitArthaviShayonmeShA cha vaipashchitI |
te dve apyavalambya vishvamanishaM nirvarNayanto vayaM
shrAntA naiva cha labdhamabdhishayana tvadbhaktitulyaM sukham ||
ityatra virodhAla~NkAreNArthAntarasa.nkramitavAchyasya dhvaniprabhedasya
sa~NkIrNatvam |
vAchyAla~NkArasaMsR^iShTatvaM cha padApekShayaiva | yatra hi kAnichitpadAni
vAchyAla~NkArabhA~nji kAnichichcha dhvaniprabhedayuktAni | yathA \-\-\-
dIrghIkurvan paTu madakalaM kUjitaM sArasAnAM
pratyUSheShu sphuTitakamalAmodamaittrIkaShAyaH |
yatra strINAM harati surataglAnima~NgAnukUlaH
siprAvAtaH priyatama iva prArthanAchATukAraH ||
atra hi maitrIpadamavivakShitavAchyo dhvaniH | padAntareShvala~NkArAnta\-
rANi |
saMsR^iShTAla~NkArAntarasa~NkIrNo dhvaniryathA \-\-\-
dantakShatAni karajaishcha vipATitAni
prodbhinnasAndrapulake bhavataH sharIre |
dattAni raktamanasA mR^igarAjavadhvA
jAtaspR^ihairmunibhirapyavalokitAni ||
atra hi samAsoktisaMsR^iShTena virodhAla~NkAreNa sa~NkIrNasyAlakShya\-
kramavya~Ngyasya dhvaneH prakAshanam | dayAvIrasya paramArthato vAkyArthI\-
bhUtatvAt |
saMsR^iShTAla~NkArasaMsR^iShTatvaM cha dhvaneryathA \-\-\-
abhinavapayodhararasiteShu pathikashyAmAyiteShu divaseShu |
shobhate prasAritagrIvANAM nR^ittaM mayUravR^indAnAm ||
atra hyupamArUpakAbhyAM shabdashaktyudbhavAnuraNanarUpavya~Ngyasya dhvaneH
saMsR^iShTatvam |

evaM dhvaneH prabhedAH prabhedabhedAshcha kena shakyante |
sa~NkhyAtuM di~NmAtraM teShAmidamuktamasmAbhiH || 44||
anantA hi dhvaneH prakArAH sahR^idayAnAM vyutpattaye teShAM di~NmAtraM
kathitam |

ityuktalakShaNo yo dhvanirvivechyaH prayatnataH sadbhiH
satkAvyaM kartuM vA j~nAtuM vA samyagabhiyuktaiH || 45||
uktasvarUpadhvaninirUpaNanipuNA hi satkavayaH sahR^idayAshcha niyatameva
kAvyaviShaye parAM prakarShapadavImAsAdayanti |

asphuTasphuritaM kAvyatattvametadyathoditam |
ashaknuvadbhirvyAkartuM rItayaH sampravartitAH || 46||
etaddhvanipravartanena nirNItaM kAvyatattvamasphuTasphuritaM sadashaknu\-
vadbhiH pratipAdayituM vaidarbhI gauDI pA~nchAlI cheti rItayaH pravartitAH |
rItilakShaNavidhAyinAM hi kAvyatattvametadasphuTatayA manAksphuritamAsI\-
diti lakShyate tadatra sphuTatayA sampradarshitenAnyena rItilakShaNena na
ki~nchit |

shabdatattvAshrayAH kAshchidarthatattvayujo.aparAH |
vR^ittayo.api prakAshante j~nAte.asmin kAvyalakShaNe || 47||
asmin vya~Ngyavya~njakabhAvavivechanamaye kAvyalakShaNe j~nAte sati
yAH kAshchitprasiddhA upanAgarikAdyAH shabdatattvAshrayAH vR^ittayo yAshchArtha\-
tattvasambaddhAH kaishikyAdayastAH samyagrItipadavImavataranti | anyathA
tu tAsAmadR^iShTArthAnAmiva vR^ittInAmashraddheyatvameva syAnnAnubhavasiddhatvam |
evaM sphuTatayaiva lakShaNIyaM svarUpamasya dhvaneH | yatra shabdAnAmarthAnAM cha
keShA~nchitpratipattR^ivisheShasaMvedyaM jAtyatvamiva ratnavisheShANAM chArutvamanA\-
khyeyamavabhAsate kAvye tatra dhvanivyavahAra iti yallakShaNaM dhvaneruchyate
kenachittadayuktamiti nAbhidheyatAmarhati | yataH shabdAnAM svarUpAshraya\-
stAvadakliShTatve satyaprayuktaprayogaH | vAchakAshrayastu prasAdo vya~njakatvaM
cheti visheShaH | arthAnAM cha sphuTatvenAvabhAsanaM vya~NgyaparatvaM vya~NgyAMsha\-
vishiShTatvam cheti visheShaH |
tau cha visheShau vyAkhyAtuM shakyete vyAkhyAtau cha bahuprakAram |
tadvyatiriktAnAkhyeyavisheShasambhAvanA tu vivekAvasAdabhAvamUlaiva | yasmA\-
danAkhyeyatvaM sarvashabdAgocharatvena na kasyachitsambhavati | antato.anA\-
khyeyashabdena tasyAbhidhAnasambhavAt | sAmAnyasaMsparshivikalpashabdA\-
gocharatve sati\, prakAshamAnatvaM tu yadanAkhyeyatvamuchyate kvachit
tadapi kAvyavisheShANAM ratnavisheShANAmiva na sambhavati | teShAM
lakShaNakAraivyAkR^itarUpatvAt | ratnavisheShANAM cha sAmAnyasambhAvanayaiva
mUlyasthitiparikalpanAdarshanAchcha | ubhayeShAmapi teShAM pratipattR^ivisheShasaMve\-
dyatvamastyeva | vaikaTikA eva hi ratnatattvavidaH\, sahR^idayA eva hi
kAvyAnAM rasaj~nA iti kasyAtra vipratipattiH |
yattvanirdeshyatvaM sarvalakShaNaviShayaM bauddhAnAM prasiddhaM tattanmataparIkShAyAM
granthAntare nirUpayiShyAmaH | iha tu granthAntarashravaNalavaprakAshanaM sahR^idaya\-
vaimanasyapradAyIti na prakriyate | bauddhamatena vA yathA pratyakShAdilakShaNaM
tathAsmAkaM dhvanilakShaNaM bhaviShyati | tasmAllakShaNAntarasyAghaTanAdashabdA\-
rthatvAchcha tasyoktameva dhvanilakShaNaM sAdhIyaH | tadidamuktam \-\-\-
anAkhyeyAMshabhAsitvaM nirvAchyArthatayA dhvaneH |
na lakShaNaM\, lakShaNaM tu sAdhIyo.asya yathoditam ||

iti shrIrAjAnakAnandavardhanAchAryavirachite dhvanyAloke tR^itIyaH udyotaH ||
##
Encoded by Rajani Arjun Shankar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}