% Text title            : Bimbapratibimbavadah by Abhinavagupta
% File name             : bimbapratibimbavAdaH.itx
% Category              : major\_works, abhinavagupta, , kAshmIrashaivadarshanam
% Location              : doc\_z\_misc\_major\_works
% Author                : Abhinavagupta
% Transliterated by     : Ruma Dewan
% Proofread by          : Ruma Dewan
% Description-comments  : Verses 1-23 of tantrAloka, Ahnika-3
% Latest update         : December 27, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bimbapratibimbavadah ..}##
\itxtitle{.. bimbapratibimbavAdaH ..}##\endtitles ##
prakAshamAtraM yatproktaM bhairavIyaM paraM mahaH |
tatra svatantratAmAtramadhikaM pravivichyate || 1||
yaH prakAshaH sa vishvasya prakAshatvaM prayachChati | (sarvasya)
na cha tadvyatirekyasti vishvaM sadvA.avabhAsate || 2||
ato.asau parameshAnaH svAtmavyomanyanargalaH |
iyataH sR^iShTisaMhArADambarasya pravartakaH || 3|| (pradarshakaH)

nirmale makure yadvadbhAnti bhUmijalAdayaH |
amishrAstadvadekasmiMshchinnAthe vishvavR^ittayaH || 4||
sadR^ishaM bhAti nayanadarpaNAmbaravAriShu |
tathA hi nirmale rUpe rUpamevAvabhAsate || 5||
prachChannarAgiNIkAntapratibimbitasundaram |
darpaNaM kuchakumbhAbhyAM spR^ishantyapi na tR^ipyati || 6||
na hi sparsho.asya vimalo rUpameva tathA yataH |
vaimalyaM chAtinibiDamajAtIyaikasa~NgatiH || 7||
(nairmalyaM chAtiniviDasajAtIyaikasa~NgatiH)
svasminnabhedAdbhinnasya darshanakShamataiva yA |
atyaktasvaprakAshasya nairmalyaM tadgurUditam || 8||
nairmalyaM mukhyametasya saMvinnAthasya sarvataH | (mukhyamekasya)
aMshAMshikAtaH kvApyanyadvimalaM tattadichChayA || 9||
bhAvAnAM yatpratIghAti vapurmAyAtmake hi tat | (vapurmAyAtmakaM)
teShAmevAsti sadvidyAmayaM tvapratighAtakam || 10||
tadevamubhayAkAramavabhAsaM prakAshayan |
vibhAti varado bimbapratibimbatayA.akhile || 11|| (bimbapratibimbadR^ishAkhile)

yastvAha netratejAMsi svachChAtpratiphalantyalam |
viparyasya svakaM vaktraM gR^ihNantIti sa pR^ichChyate || 12||
dehAdanyatra yattejastadadhiShThAturAtmanaH |
tenaiva tejasA j~natve korthaH syAddarpaNena tu || 13|| (ko.arthaH)

viparyastaistu tejobhirgrAhakAtmatvamAgataiH |
rUpaM dR^ishyeta vadane nije na makurAntare || 14||
svamukhe sparshavachchaitadrUpaM bhAyAnmametyalam |
na tvasya spR^ishyabhinnasya vedyaikAntasvarUpiNaH || 15||
rUpasaMsthAnamAtraM tatsparshagandharasAdibhiH |
nyagbhUtaireva tadyuktaM vastu tatpratibimbitam || 16||
nyagbhAvo grAhyatAbhAvAttadabhAvo.apramANataH |
sa chArthasa~NgamAbhAvAtso.apyAdarshe.anavasthiteH || 17||
ata eva gurutvAdirdharmo naitasya bhAsate | (lakShyate)

nahyAdarshe saMsthito.asau taddR^iShTau sa upAyakaH || 18||
tasmAttu naiSha bhedena yadbhAti tata uchyate |
AdhArastatra rUpAyA dIpadR^iksaMvidaH kramAt || 19|| (tUpAyA)

dIpachakShurvibodhAnAM kAThinyAbhAvataH param |
sarvatashchApi nairmalyAnna vibhAdarshavatpR^ithak || 20||
etachcha devadevena darshitaM bodhavR^iddhaye |
mUDhAnAM vastu bhavati tato.apyanyatra nApyalam || 21||
pratIghAti svatantraM no na sthAyyasthAyi chApi na |
svachChasyaivAtha kasyApi mahimeti kR^ipAlunA || 22|| (svachChasyaivaiSha)

na desho no rUpaM na cha samayayogo na parimA
       na chAnyonyAsa~Ngo na cha tadapahAnirna ghaTanA | (ghanatA)
na chAvastutvaM syAnna cha kimapi sAraM nijamiti
       dhruvaM mohaH shAmyediti niradishaddarpaNavidhiH || 23||

|| iti shrImanmahAmAheshvarAchAryAbhinavaguptavirachitaH
               bimbapratibimbavAdaH sampUrNaH ||

shrItantrAloke tritIyAhnikAntargatA shlokAni 1\-23

##
Note: 
The text of the composition `Bimbapratibimbavada' essentially
comprises of verses 1-23 of Abhinavagupta's `Tantraloka, Ahnika-3'.

Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}