% Text title            : Shri Bharata Tatparya Sangraha Stotram
% File name             : bhAratatAtparyasangrahastotram.itx
% Category              : major\_works, appayya-dIkShita
% Location              : doc\_z\_misc\_major\_works
% Author                : Appayya Dixit
% Transliterated by     : Rama Prakasha ramaprakashak at gmail.com
% Proofread by          : Rama Prakasha ramaprakashak at gmail.com
% Latest update         : October 12, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bharata Tatparya Sangraha Stotram  ..}##
\itxtitle{.. shrI bhArata\-tAtparya\-sa~Ngrahastotram ..}##\endtitles ##
shrIbAdarAyaNamuniH svayameva viShNuH
     pArthachChalAttamadhikR^itya kR^ite prabandhe |
tasyApi nityamahitaM shashibhUShaNatvAM
     AmreDayan gururadarshayadAdi tattvam || 1||
mohAbhibhUtamakhilaM jagadAviri~nchaM
     tvAmekamevaM bhagavan rahitaM cha tena |
vikhyApyama~NkaNaka divyakathAnuShaktyA
     tvAM brahmatena cha muniH sphuTayAmbabhUva || 2||
sasmAchcha (tasmAchcha) mohatadabhAvakR^itAdvisheShAt
     janmasthiti pralaya bhAgakhilaM tvadanyat |
tatkartR^ivastu paramaM tvamiti prabodhaM
     jAtaM vibhAvayati tasya tadIya vAchA || 3||
kailAsashailashikhare haripArthadR^iShTaM
     tvAM brahmanAtha paramaM samudIrya sAkShAt |
tallakShaNaM tvayamananyatadIya dharmaM
     krAnte kiyachcha bhavati sphuTamAchachakShe || 4||
nArAyaNasya suchiraM tvadupAsakasya
     yatbrahmabhAvamavadattava bhAvanAptam |
yatte stutiM taduditAM parabhAvagarbhAM
     tvAM brahma tena cha muniH sphuTayA~nchakAra || 5||
mUlaM kR^iShNo brahma cha brAhmaNAshchet
     yAdAvevaM brahmabhAvaM mahesha |
pArthAnAM te nityasaMrakShakasya
     vyAsastatrodghATayAmAsa shambho || 6||
brahmA viShNushsha~Nkarashcheti devAH
     kartAro ye sargarakShAlayAnAm |
teShAM sR^iShTiM saMhR^itiM cha tvadIchChA
     dhInAmUche dyotayan brahmatattvam || 7||
vishAlAkShasthANurdruhiNatanayaH saMharaNakR^it
     sarojAkShakrodhaprabhava iti vaisheShikapadam |
vibhUtitvaj~naptyai kimapinihitannAtha niyataM
     nikarShoktistAbhyAM bhavataitibuddhiM nirasitum ||
yatredR^ishaM nAsti vibhUti rudratA
     vij~nApakaM nAtha visheShakaM padam |
sA.api svadharma gR^ihamAnavaishasAt
     sarveshvaraM tvAM nanikarShagIspR^ishet || 9||
gItAsugUDhamuditaM bhavataH paratvaM
     naivasphuTaM tadata eva hi savyasAchI |
gIthArthameva sahasApunarapyapR^ichChat
     tabodhanArthamuditA hariNAnugItA || 10||
tameva chAdyaM puruShaM prapadye
     tyudIritaM yanmadhukaiTabhadviShA |
tameva sarvAn bhramayantamIshvaraM
     mahAphalAptyai sharaNaM vrajeti yat || 11||
etena kR^iShNasya samaM mumukShuNA
     svArAdhanIyaH pratibhAsate paraH |
sarvasya chAhaM hR^idisanniviShTe
     tyAdyaistu viShNuH tadudetisaMshayaH || 12||
itthamasya yadi saMshayo bhavet
     anyathAgrahaNameva vA punaH |
nAgrahInmadupaviShTa evaM
     ityagrahaM hariravochaduttare || 13||
uktvA cha saMshayaviparyayoH nirAsaM
     chakre harishchaturayA drutamuktibha~NgyA |
shakyantadadya na mayA bhaNituM yathoktaM
     yogAdhirUDamanasA na bahirdR^isheti || 14||
adhunA tadupAsya saMshayAdyapagachChatviti sauhR^idaM smaran |
iti hoktamihashrutammayetyupadeshye kiyadAha tatra saH || 15||
tasya sthirIkaraNamAtmani pUrvavR^ittaM
     svasyaiva buddhimanasI dvijadampatI cha |
kR^itvAnuyojanataduttarayoranuktvA
     vikhyApya tadvivaraNaM cha chakAra shauriH || 16||
agretattvaM paraM kiM tvahamapi cha kutaH sarva bhUtAni cheti
     prashneshiShyasya tasmai gurukR^itamakhilaM brahmatattvopadesham |
mokShaM shiShyasya choktvApunarapivijaye nAnuyukto guruH kaH
     shiShyoveti svameveshvaragurumavadat svasyachittaM svashiShyam || 17||
brahmaNyevaM svacheto miyamanasamupasthApitaM granthimokShaM
     svenaivoktaM vimR^ishya prapadanavachanaM tatpratItArthaniShTham |
yattatsarvasyachAhaM hR^idimukhavachanaM tatpunashshAstradR^iShTayA
     ityevaM pArtho.avagachCheditivivR^itirakAryatra gItAshayasya || 18||
tachcha brahmaprapatyAspadasuraripoH IshvaratvaM na chAnyaH
     nAhaM ka~nchchitprapadye vibudhamitivachaH shroturutkR^iShTabhaktyai |
sevante nIlakaNThaM parimitaphaladaM na prabuddhachA itIdaM
     brahmaikyadhyAtR^i vidvadviShayamitarathA nAsti bhUyonurodhaH || 19||
itthaM chakre bhArataM yaH prabandhaM
     vyaktyA vyAsashshAmbhavotkarShavarShI |
dhvanyadhvanyadhvanya mUrdhanya dhanyastaM
     shauriM tatsAkShiNaM chAnato.asmi || 20||

iti shrIappayyadIkShitavirachitaM shrIbhAratatAtparyasa~NgrahastotraM sampUrNam |
##
Encoded and proofread by Rama Prakasha ramaprakashak at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}