% Text title            : Advaita Shatakam
% File name             : advaitashatakam.itx
% Category              : major\_works, vedanta, veda, shataka
% Location              : doc\_z\_misc\_major\_works
% Transliterated by     : Naveen Sankar
% Proofread by          : Naveen Sankar
% Latest update         : November 18, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Advaita Shatakam ..}##
\itxtitle{.. advaitashatakam ..}##\endtitles ##
praNamya paramAnandaM svAtmAnaM parameshvaram |
advaitashatakaM vakShye sarvavedAntasa~Ngraham || 1||
j~naptirUpo mahAdevo svechChayA dehamAvishan |
jIvAtmeti shrutau prokto deho mAyeti sa.nj~nitaH || 2||
tasmAddR^ishyamayo deho dehi dR^igrUpa uchyate |
evaM dR^ig dR^ishyarUpeNa saMsthitaM bhUtamaNDalam || 3||
vinA dehena jIvAtmA ki~nchitkartuM na shaktimAn |
vinA jovena deho.api j~nAtuM draShTuM na shaktimAn || 4||
tasmAttAdAtntasambandhaM prApto dehena chetanaH |
dehohamiti nishchitya karmANi kurute sadA || 5||
vapushchaturvidhaM proktaM manuShyANAM vivekinAm |
sthUlaM sUkShmaM kAraNa~ncha sAmAnya~ncheti nAmabhiH || 6||
saMsArArNavamagnAnAM jantUnAmavivekinAm |
sAmAnyadeharahitaM trividhaM vapurUchyate || 7||
jAgare sthUladehasyAtsUkShmadehaH prakIrtitaH |
svapne, suShuptau dehashcha kAraNAkyaH prakIrtitaH || 8||
dR^ishyarUpamidaM sarvaM deha ityAbhidhIyate |
tatravyAptaM paraM jyotirdehoti parigIyate || 9||
ayaM sAmAnya dehasyAtmanuShyANAM vivekinAm |
sAvasthA hi turoyArakhyA bhuvaneShu sudurlabhA || 10||
yadA sAmanyadehe.asmin sthitiH puMsAbhijAyate |
tadA yogIshvaro vedaiH paramAtmeti gIyate || 11||
yadA sthUlAdideheShu manuShyANAM sthitirbhavet |
jIvAtmeti tadA proktaH sa~NkochagrahaNAdbudhaiH || 12||
ayaM jIvo hi saMsAre sadA.asAre paribhraman |
lokAllokAntaraM gatvA garbhapAtraM vishAtyasau || 13||
gatvA garbhagR^ihAdbhUyo mAnuShaM lokamAvishan |
putro.ayaM mama bhArye.ayamasmadIyamidaM dhanam || 14||
idaM gotramidaM mitramasmadIyamidaM gR^iham |
iyaM mAtA mama pitA janA ete mamArayaH || 15||
iti nishchitya jIvAtmA rAgadeShaM dine dine |
etAn prati karotyeva svAj~nAnAdeva kevalam || 16||
ekarUpasya devasya sarveShAmantarAtmanaH |
vyomavadvyAptadehasya bodharUpasya sarvadA || 17||
kutrachiddR^ishyarUpasya mAyAdInAM parigrahAt |
sarvasyAdhArarUpasya meghAdhInAM yathA nabhaH || 18||
sachchidAnandarUpasya brahmarudrAdikalpanAt |
vibhAgaM kurute jIvaH svA.aj~nAnAdeva kevalam || 19||
vyAptarUpasya devasya sa~NkochaM duHkhameva hi |
tadeva jIvaH kurute svA.aj~nAnAdeva kevalam || 20||
atha satyavihInAnAM kAminAM kAmachAriNAm |
svadharmavimukhAnAM cha saMsargaM kurute sadA || 21||
punarvashyAvasho sthitvA taissArdhaM shvakharAgavat |
sarvadharmavinirmukto deho tA eva sevate || 22||
AlApe hariNAkShINAM darshanasparshanAdiShu |
hAsabhAvavilAseShu manaH samya~N nimajjati || 23||
viShayagrahaNAjjantoH pradveSha upajAyate |
mAtaraM pitaraM putraM vR^iddha~nchAnyajanAn prati || 24||
alabdhaviShayo jantuH chintayA paritapyate |
shokamohabhayakleshakrodhalobhAdhiyuktayA || 25||
labdhe tu paramaprIti saubhAgyashatasaMyutam |
abhiprAyashataM dhyAtvA viShayeShu viShajyate || 26||
alabdhaviShaye labdhe jantuH shreyo na labhyate |
evaM viShayagarteShu parimajjati mAnavaH || 27||
sampAdya mitraM jIvAtmA teShAM duHkhaM dine dine |
mameti manyate nityaM janmAntarakR^itAshrubhAt || 28||
prArabdhakarmaNAM bhuktiM kurvan dehi dine dine |
pauruSheNa prayatnena karmANi kurute sadA || 29||
saMsAre vartamAnAnAM puMsAM tenaiva hetunA |
shrubhAshrubhAni karmANi dvividhanIti sanmatam || 30||
shrubhAshrubhAni karmANi pauruShANi na chedyadi |
vedAnAM vidhivAkyAnAM vyarthatvaM bhavati dhruvam || 31||
na hiMsyAtsarvabhUtAni na kuryAdahitaM satAm |
evamAdIni vAkyAni vyArthanyeva vichAraNe || 32||
anyathA vidhivAkyAni pravartante tu kaM prati |
jIvaM prati pravR^ittishchetso.api karmavashAnugaH || 33||
karmAnusAri jIvashcha karmANyevAnuvartate |
tasmAddhi karmANi kShINe tasya mR^ityurbhaveddhruvam || 34||
ye mUDhA dvividhaM karma nA~NgIkurvanti mohataH |
teShAM hi maraNaM mokSho lokAyatikavaddhruvam || 35||
sthUladehaM gR^ihItvaivamanubhUya shubhAshubham |
pauruShaM sUkShmadehena bhoktumArabhate punaH || 36||
sthUladehAtsUkShmadehavyAvR^ittiM maraNaM smR^itam |
jIvAnAM mR^itikAle.asmin sUkShmadehaH prakIrtitaH || 37||
prArabdhakarmANAM nAshAt upabhogena chetanaH |
sthUladehAtsUkShmadehavyAvR^ittiM kurute.avashaH || 38||
yathA svapne sthUladehAtsUkShmadehasthitirbhavet |
mR^itikAle tathA pusAM sUkShmadehasthitirbhavet || 39||
yatkarma kurute svapne sUkShmadehena chetanaH |
sthUladehena jIvAtmA tadeva kurute tadA || 40||
sthUladehaM vihayaivaM gR^ihItvA sUkShmavigraham |
svargaM vA narakaM vA.api jIvAtmA parigachChati || 41||
jIvAtmA puNyabAhulyAtsvargalokaM yathAkramam |
vikAsayati bhogArthaM svarUpe svena chatesA || 42||
vishuddhaM j~nAnamevaikaM yathA svapne tridhA bhavet |
grAhakagrahaNAdhyaishcha svargaloke tathA bhavet || 43||
yadyatsvapnaprapa~nchasya chopAdAnaM svayaM bhavet |
svargasya narakasyaiva upAdAnaM svayaM bhavet || 44||
jIvAtmA li~Ngadehena svargaM narakameva vA |
gatvA manomayaM pashchAdanubhUya shubhAshubham || 45||
pravishya kAraNaM dehaM paripUrNaM manomayam |
mahatsukhamavApnoti parityajya parishramam || 46||
vihAya kAraNaM dehaM svAtmaj~nAnamayAdbhutam |
shuklArteve susaMshuddhe garbhapAtre prabuddhavAn || 47||
punargarbhagR^ihAdbuddhvA shuddhashuklArtavaM tadA |
upAdhitvena sa~NgR^ihya dehameva kilechChati || 48||
garbhapAtre sthitaM kurvan bahvabhadrAvahaH pumAn |
mUrchChAvasthAM gR^ihItvAdau janmAntarasubhAshubhAt || 49||
pravAhato.anAdimayaM dehameva punaH punaH |
dhyAtvA dhyAtvA kAlavashAt deha eva prajAyate || 50||
upAdhitvena sa~NgR^ihya sthitashshuklArtavaM yadA |
dehaM vinA sthiyasyAsya kathaM dhyAnaM bhavettadA || 51||
bodhamAtraikarUpasya devasyAnandarUpiNaH |
svasvarUpe.aparichChedyA mAyA syAtpArameshvarI || 52||
j~naptirUpasya devasya j~naptirUpo.ahameva hi |
iti j~nAnavihInasya bodho mAyeti kathyate || 53||
evaM vichAraNe mAyA daivIti parikalpitA |
tayA sa~NkochamAttasya bandho.anAdirihochyate || 54||
anAdhyantavatI mAyA sthitA mAyAvichAraNe |
charAcharamidaM vishvaM tatkAryatvAttathA bhavet || 55||
ata eva hi devasya sachchidAnandarUpiNaH |
saptayoniShvahambhAvastatra tatra dR^iDhaM bhavet || 56||
lokeShu vartamAnAnAM puMsAM tena cha hetunA |
dehaM vinApyaha~NkAro vartate vAsanAvashAt || 57||
vR^ikShabIje yathA vR^ikSho sthitashshAkhAdisaMyutaH |
tathAhami sthito deho hastapAdAdisaMyutaH || 58||
tasmAdgarbhasthitiM kurvan jIbo.avidyAdisaMyutaH |
aha~NkAravashAdeva deha eva prajAyate || 59||
dehi sampUrNadeho.asau janmAntarashubhAshubhAt |
punargarbhagR^ihAdgatvA mUrchChAmApa suvismitAm || 60||
evaM dehatraye kurvan sthitiM dehi paribhraman |
jIvAtmetuchyate sadbhiH sarvavedAntapAragaiH || 61||
evaM saMsarataH puMsaH svenArjitashubhAshubhAt |
deshikAlokanAdeva vairAgyaM jAyate hR^idi || 62||
evaM vairAgyayuktasya puMso hR^idi nirantaram |
AvirbabhUva shuddhAtmA vichArassoyamIdR^ishaH || 63||
dhanena duHkharopeNa durlabhenAtmamR^ityunA |
puMsAM kA prItirevasyAtpAparUpeNa sarvadA || 64||
kiM me gehena kiM bhogaiH kiM dhanaIrdhanadairapi |
kiM mitrabAndhavaIH kAryaM sarva kAlavashAdasat || 65||
kiM striyA pAparUpiNyA kiM putrairbhandahetukaiH |
mR^ityunA gR^ihyamANasya taiH kiM kAryaM kShaNe kShaNe || 66||
atItA bahavaH putrAH dArA janmani janmani |
prArabdhakarmabhoktR^iNAM puMsAM kimiha taiH phalam || 67||
bhAveShvaratiyuktasya puMsassatyArthabhAShiNaH |
ko.ahaM kathamida~ncheti chintA syAtsuvhishAradA || 68||
sA chintA deshikaM vipraM vedashAstrAgamAnvitam |
brahmaj~nAnavatAM puMsAM varaM ghaTayati kShaNAt || 69||
shaktipAtapavitro.ayaM jIvAtmA guruvigraham |
dR^iShTvA paravasho bhUtvA nati~nchakai punaH punaH || 70||
natvA devaM mahAtmAnaM deshikaM karuNAmayam |
svasvarUpaM parij~nAtuM prA~njalistamabhAShata || 71||
svarUpaM paramAnandaM j~nAtubhichChAmi deshika |
saMsArAbdhititIrShUNAM karNadhAro.asi dehinAm || 72||
iti pR^iShTo viraktena shiShyeNa paramArthavit |
svasvarUpaM pAM dhyAyan deshikastamabhAShata || 73||
yamAshritya pravartante janAssarve nirantaram |
svarUpamiti taM vidyAtkaraNaishchakShurAdibhiH || 74||
jAgratkAle yamAshritya sthUladehaH prabartate |
sUkShmadehastathA svapne svarUpaM taM vidurbudhAH || 75||
suShUptau tu yamAshritya bhAsate kAraNaM vapuH |
svAj~nAnamayamavyaktaM svarUpamavadhAraya || 76||
yo jAgradAdibhedena mithyArUpeNa bhAsate |
teShAM draShTR^isvarUpeNa sa eva parameshvaraH || 77||
sa eva tvaM shivo viShNuragnirindrachaturmukhaH |
sa eva sUryassomashcha saH shAstA sa vinAyakaH || 78||
vANI shrIgirijA durgA devI chetyAdinAmabhiH |
vibhidya prochyate prAj~nairmatibhedena nAnyathA || 79||
ekarUpaM samAshritya sa~Nkalpa~ncha vikalpakam |
yadA karotyasau dehI mana ityuchyate tadA || 80||
saMshayaM parityajyaM cha rUpaM pratyavadhAritaH |
yasmin kAle pratyagAtmA buddhirityuchyate tadA || 81||
yadA.asau svaparAmarshAdidamitthamiti sphuTam |
rUpaM prati vijAnAti tadAha~NkAravAn bhavet || 82||
yadA hastaH kara iti bAhoH paryAya eva hi |
manobuddhiraha~NkArashchittaM cheti tathAtmanaH || 83||
yathAvahnorvartibhedAt ikShoH pAkavisheShataH |
nAmarUpAtmako bhedaH sa tathA jIvasya nAnyathA || 84||
yathA kShIre ghR^itaM vyApta tathyA dR^ishye paraH pumAn |
upAdhibhedAtbhedassyAt tasmAdekasya nAnyathA || 85||
ekarUpo mahAdevaH sarvabhUteShvavasthitaH |
ekarUpo mahAkAsho ghaTAdiShu yathA sthitaH || 86||
pR^ithak pR^ithak sthitAnA~ncha dehAnAmavivAdataH |
pANipAdAdiyuktAnAM bhedo nAsti vichAraNe || 87||
charAcharamidaM vishvaM pa~nchabhUtAtmakaM smR^itam |
dehAnAM pa~nchabhUtAnAM bhedo nAsti tathAsthite || 87||
mR^inmayatvAdghaTAdInAM yathA bhedo na vidyate |
pa~nchabhUtAtmakatvena dehAnA~ncha tathaiva cha || 89||
evaM vichAraNe tAta nAsti bhedaH kadAchana |
dehAnAM pa~nchabhUtAnAM jaDAnAmAshunAshinAm || 90||
navapradeshamAtro.ayaM hastapAdAdimAnaham |
iti nishchayavAn loke jIva ityabhidhIyate || 91||
sarvatra paripUrNo.ahamayaM deho sameti cha |
iti nishchayavAnantaH paramAtmeti kathyate || 92||
evaM sthite na bhedassyAtjIvAtmaparamAtmanoH |
tayorabheda eva syAtchitsvarUpAvisheShataH || 13||
dehasAkShI prANa eva iti chettanna sa~Ngatam |
suShuptau sarvadehAnAM jaDatvAdeva nAnyathA || 14||
svavyApArakR^ite prANo dehoparatidarshanAt |
dehasya kartA na prANa ityevamavadhAraya || 95||
yachchintyate bhUpatinA tatkurvantyanujIvinaH |
tasmAtprANo na kartA syAditi lokeShu darshanAt || 96||
dehatrayasamudbhUtAM vAsanAM samparityajan |
parigR^ihya paraM dehaM paripUrNaM paro bhava || 97||
paripUrNamayaM rUpaM parigR^ihya shubhashubham |
nityanaimittikaM karma sadA kurvanna lityate || 98||
kR^itAni vA~NmanaH kAyairloke karmANi jantubhiH |
toShAmanyatamatvena kathaM kartA bhaviShyati || 99||
sarvatrAvasthitaM shAntaM svasvarUpAbhidhaM shivam |
anubhUya vapustyaktvA j~nAptimAtramayo bhava || 100||

iti shrIga~NgAdharAshAstriNA virachitaM advaitashatakaM sampUrNam |

##

Encoded and proofread by Naveen Sankar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}