%@@1
% File name             : Urubhanga.itx
%--------------------------------------------
% Text title            : mahAkavishrIbhAsapraNItam Urubha~Ngam
% Author                : 
% Language              : Sanskrit
% Subject               : Drama
% Description/comments  : 
% Transliterated by     : Arun questions.sanskrit@gmail.com http://www.ibiblio.org/sanskrit/tools/sanscript
% Proofread by          : Arun questions.sanskrit@gmail.com
% Latest update         : 1/21/2011
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Urubhangam by Bhasa ..}##
\itxtitle{.. mahAkavishrIbhAsapraNItam Urubha~Ngam ..}##\endtitles ##
          || shrIH||
     shrIgaNeshAya namaH |

(nAndyante tataH pravishati sUtradhAraH)

sUtradhAraH \-\-

bhIShmadroNataTAM jayadrathajalAM gAndhArarAjahradAM
karNadrauNikRRiporminakramakarAM duryodhanasrotasam |
tIrNaH shatrunadIM sharAsasikatAM yena plavenArjunaH
shatrUNAM taraNeShu vaH sa bhagavAnastu plavaH keshavaH || 1||

evamAryamishrAn vij~nApayAmi | aye kinnukhalu mayi vij~nApanavyagre
shabda iva shrUyate | a~Nga ! pashyAmi |

(nepathye)

ete smo bhoH ! ete smaH |
sUtradhAraH \-\- bhavatu, vij~nAtam |

(pravishya)

pAripArshvakaH \-\- bhAva ! kutonukhalvete,

svargArthamAhavamukhodyatagAtrahomA
nArAchatomarashatairviShamIkRRitA~NgAH |
mattadvipendradashanollikhitaiH sharIrair
anyonyavIryanikaShAH puruShA bhramanti || 2||

sUtradhAraH \-\- mAriSha kiM nAvagachChasi | tanayashatanayashUnye
duryodhanAvasheShe dhRRitarAShTrapakShe, pANDavajanArdanAvashiShTe
yudhiShThirapakShe, rAj~nAM sharIrasamAkIrNe samantapa~nchake,

etad raNAhatagajAshvanarendrayaudhaM
sa~NkIrNalekhyamiva chitrapaTaM praviddham |
yuddhe vRRikodarasuyodhanayoH pravRRitte
yaudhA narendranidhanaikagRRihaM praviShTAH || 3||

(niShkrAntau)

sthApanA |

~~~

(tataH pravishanti bhaTAstrayaH)

sarve \-\- ete smo bhoH ! ete smaH |

prathamaH \-\-

vairasyAkvathanaM balasya nikaShaM mAnapratiShThAgRRihaM
yuddheShvapsarasAM svayaMvarasabhAM shauryapratiShThAM nRRiNAm |
rAj~nAM pashchimakAlavIrashayanaM prANAgnihomakratuM
samprAptA raNasaMj~namAshramapadaM rAj~nAM nabhaHsa~Nkramam || 4||

dvitIyaH \-\- samyag bhavAnAha |

upalaviShamA nAgendrANAM sharIradharA dharA
dishi dishi kRRitA gRRidhrAvAsA hatAtirathA rathAH |
avanipatayaH svargaM prAptAH kriyAmaraNe raNe
pratimukhamime tattat kRRitvA chiraM nihatAhatAH || 5||

tRRitIyaH \-\- evametat |

karivarakarayUpo bANavinyastadarbho
hatagajachayanochcho vairavahnipradIptaH |
dhvajavitatavimAnaH siMhanAdochchamantraH
patitapashumanuShyaH saMsthito yuddhayaj~naH || 6||

prathamaH \-\- idamaparaM pashyetAM bhavantau |

ete parasparasharairhRRitajIvitAnAM
dehai raNAjiramahIM samupAshritAnAm |
kurvanti chAtra pishitArdramukhA viha~NgA
rAj~nAM sharIrashithilAni vibhUShaNAni || 7||

dvitIyaH \-\-

prasaktanArAchanipAtapAtitaH
samagrayuddhodyatakalpito gajaH |
vishIrNavarmA sasharaH sakArmuko
nRRipAyudhAgAramivAvasIdati || 8||

tRRitIyaH \-\- idamaparaM pashyetAM bhavantau |

mAlyairdhvajAgrapatitaiH kRRitamuNDamAlaM
ratnaikasAyakavaraM rathinaM vipannam |
jAmAtaraM pravahaNAdiva bandhunAryo
hRRiShTAH shivA rathamukhAdavatArayanti || 9||

sarve \-\- ahotukhalu
nihatapatitagajaturaganararudhirakalilabhUmipradeshasya
vikShiptavarmacharmAtapatrachAmaratomarasharakuntakavachakabandhAdiparyAkulasya
shaktiprAsahATakabhiNDipAlashUlamusalamudgaravarAhakarNakaNayakarpaNa\-
sha~NkutrAsigadAdibhirAyudhairAkIrNasya samantapa~nchakasya pratibhayatA |

prathamaH \-\- iha hi,

rudhirasarito nistIryante hatadvipasa~NkramA
nRRipatirahitaiH srastaiH sUtairvahanti rathAn hayAH |
patitashirasaH pUrvAbhyAsAd dravanti kabandhakAH
puruSharahitA mattA nAgA bhramanti yatastataH || 10||

dviHtIyaH \-\- idamaparaM pashyetAM bhavantau | ete,

gRRidhrA madhUkamukulonnatapi~NgalAkShA
daityendraku~njaranatA~NkUshatIkShNatuNDAH |
bhAntyambare vitatalambavikIrNapakShA
mAMsaiH pravAlarachitA iva tAlavRRintAH || 11||

tRRitIyaH \-\-
eShA nirastahayanAganarendrayaudhA
vyaktIkRRitA dinakarograkaraiH samantAt |
nArAchakuntasharatomarakha~NgakIrNA
tArAgaNaM patitamudvahatIva bhUmiH || 12||

prathamaH \-\- IdRRishyAmapyavasthAyAmavimuktashobhA virAjante kShatriyAH | iha hi,

satrodvartitanetraShaTpadagaNA tAmroShThapatrotkarA
bhrUbhedA~nchitakesarA svamakuTavyAviddhasaMvartikA |
vIryAdityavibodhitA raNamukhe nArAchanAlonnatA
niShkampA sthalapadminIva rachitA rAj~nAmabhItairmukhaiH ||13||

dvitIyaH \-\- IdRRishAnAmapi kShatriyANAM mRRityuH prabhavati | na shakyaM
khalu viShamasthaiH puruShai rAjabalAdhAnaM kartum |

tRRitIyaH \-\- kiM cha re prabhavati kShatriyANAmiti |

prathamaH \-\- kaH saMshayaH |

dvitIyaH \-\- mA mA bhavAnevam |

spRRiShTvA khANDavadhUmara~njitaguNaM saMshaptakotsAdanaM
svargAkrandaharaM nivAtakavachaprANopahAraM dhanuH |
pArthenAdya balAnmaheshvararaNakShepAvashiShTaiH sharair
darpotsiktavashA nRRipA raNamukhe mRRityoH pratigrAhitAH ||14||

sarve \-\- aye shabdaH |

kiM meghA ninadanti vajrapatanaishchUrNIkRRitAH parvatA
nirghAtaistumulasvanapratibhayaiH kiM dAryate vA mahI |
kiM mu~nchatyanilAvadhUtachapapalakShubdhormimAlAkulaM
shabdaM mandarakandarodaradarIH saMhatya vA sAgaraH ||15||

bhavatu, pashyAmastAvat |

(sarve parikrAmAnti)

prathamaH \-\- aye etat khalu draupadIkeshadharShaNAvamarShitasya
pANDavamadhyamasya bhImasenasya bhrAtRRishatavadhakruddhasya
mahArAjaduryodhanasya cha dvaipAyanahalAyudhakRRiShNavidurapramukhAnAM
kuruyadukuladaivatAnAM pratyakShaM pravRRittaM gadAyuddham |

dvitIyaH \-\-

bhImasyorasi taptakA~nchanashilApIne pratisphAlite
bhinne vAsavahastihastakaThine duryodhanAMsasthale |
anyonyasya bhujadvayAntarataTeShvAsajyamAnAyudhe
yasmiMshchaNDagadAbhighAtajanitaH shabdaH samuttiShThati ||16||

tRRitIyaH \-\- eSha mahArAjaH,

shiShTotkampanavalgamAnAmakuTaH krodhAdhikAkShAnanaH
sthAnAkrAmaNavAmanIkRRitatanuH pratyagrahastochChrayaH |
yasyaiShA ripushoNitArdrakalilA bhAtyagrahaste gadA
kailAsasya girerivAgrashikharoddhUtA mahendrAshaniH ||17||

prathamaH \-\- eSha samprahArarudhirasiktA~NgastAvad dRRishyatAM pANDavaH |

nirbhinnAgralalATavAntarudhiro bhagnAMsakUTadvayaH
sAndrairnirgalitaprahArarudhirairArdrIkRRitoraHsthalaH |
bhImo bhAti gadAbhighAtarudhiraklinnAvagADhavraNaH
shailo merurivaiSha dhAtusalilAsAropadigdhopalaH || 18||

dvitIyaH \-\-

bhImAM gadAM kShipati garjati valgamAnaH
shIghraM bhujaM harati tasya kRRitaM bhinatti |
chArIM gAtiM pracharati praharatyabhIkShNAM
saMshikShito narapatirbalavAMstu bhImaH || 19||

tRRitIyaH \-\- eSha vRRikodaraH,

shirasi gurunikhAtasrastaraktArdragAtro
dharaNidharanikAshaH saMyugeShvaprameyaH |
pravishati girirAjo medinIM vajradagdhaH
shithilavisRRitadhAturhemakUTo yathAdriH || 20||

eSha gADhaprahArashithilIkRRitA~NgaM nipatantaM bhImasenaM dRRiShTvA,

ekAgrA~NgulidhAritonnatamukho vyAsaH sthito vismitaH

dvitIyaH \-\-

dainyaM yAti yudhiShThiro~tra viduro bAShpAkulAkShaH sthitaH |

tRRitIyaH \-\-

spRRiShTaM gANDivamarjunena gaganaM kRRiShNaH samudvIkShate

sarve \-\-

shiShyaprItitayA halaM bhramayate rAmo raNaprekShakaH || 21||

prathamaH \-\- eSha mahArAjaH,

vIryAlayo vividharatnavichitramaulir
yukto~bhimAnavinayadyutisAhasaishcha |
vAkyaM vadatyupahasanna tu bhIma dInaM
vIro nihanti samareShu bhayaM tyajeti || 22||

dvitIyaH \-\- eSha idAnImapahAsyamAnaM bhImasenaM dRRiShTvA
svamUrumabhihatya kAmapi saMj~nAM prayachChati janArdanaH |

tRRitIyaH \-\- eSha saMj~nayA samAshvAsito mArutiH,

saMhRRitya bhrukuTI lalATavivare svedaM kareNAkShipan
bAhubhyAM pratigRRihya bhImavadanashchitrA~NgadAM svAM gadAm |
putraM dInamudIkShya sarvagatinA labdhveva dattaM balaM
garjan siMhavRRiShekShaNaH kShititalAd bhUyaH samuttiShThati || 23||

prathamaH \-\- hanta punaH pravRRittaM gadAyuddham | anena hi,

bhUmau pANitale nighRRiShya tarasA bAhU pramRRijyAdhikaM
sandaShToShThapuTena vikramabalAt krodhAdhikaM garjatA |
tyaktvA dharmaghRRiNAM vihAya samayaM kRRiShNasya saMj~nAsamaM
gAndhArItanayasya pANDutanayenorvorvimuktA gadA || 24||

sarve \-\- hA dhik patito mahArAjaH |

tRRitIyaH \-\- eSha rudhirapatanadyotitA~NgaM nipatantaM kururAjaM
dRRiShTvA khamutpatito bhagavAn dvaipAyanaH | ya eShaH,

helAsaMvRRitalochanena halinA netroparodhaH kRRito
dRRiShTvA krodhanimIlitaM haladharaM duryodhanApekShayA |
sambhrAntaiH karapa~njarAntaragato dvaipAyanaj~nApito
bhImaH kRRiShNakarAvalambitagatirnirvAhyate pANDavaiH || 25||

prathamaH \-\- aye ayamapyamarShonmIlitarabhasalochano
bhImasenApakramaNamudvIkShamANa ita evAbhivartate bhagavAn halAyudhaH |
ya eShaH,

prachalalalitamauliH krodhatAmrAyatAkSho
bhramaramukhavidaShTAM ki~nchidutkRRiShya mAlAm |
asitatanuvilambisrastavastrAnukarShI
kShititalamavatIrNaH pAriveShIva chandraH || 26||

dvitIyaH \-\- tadAgamyatAM vayamapi tAvanmahArAjasya pratyanantarIbhavAmaH |

ubhau \-\- bADham | prathamaH kalpaH |

(niShkrAntAH)

viShkambhakaH |

~~~

(tataH pravishati baladevaH)

baladevaH \-\- bho bhoH pArthivAH ! na yuktamidam |

mama ripubalakAlaM lA~NgalaM la~NghayitvA
raNagatamatisandhiM mAM cha nAvekShya darpAt |
raNashirasi gadAM tAM tena duryodhanorvoH
kulavinayasamRRiddhyA pAtitaH pAtayitvA || 27||

bho duryodhana ! muhUrtaM tAvadAtmA dhAryatAm |

saubhochChiShTamukhaM mahAsurapuraprAkArakUTA~NkushaM
kAlindIjaladeshikaM ripubalaprANopahArArchitam |
hantotkShipyahalaM karomi rudhirasvedArdrapAkottare
bhImasyorasi yAvadadya vipule kedAramArgAkulam || 28||

(nepathye)
prasIdatu prasIdatu bhagavAn halAyudhaH |

baladevaH \-\- evAMgato.apyanugachChati mAM tapasvI duryodhanaH | eShaH,

shrImAn saMyugachandanena rudhireNArdrAnuliptachChavir
bhUsaMsarpaNareNUpATalabhujo bAlavrataM grAhitaH |
nirvRRitte~mRRitamanthane kShitidharAnmuktaH suraiH sAsurair
AkarShanniva bhogamarNavajale shrAntojjhito vAsukiH ||29||

(tataH pravishati bhagnoruyugalo duryodhanaH)

duryodhanaH \-\- eSha bhoH !

bhImena bhittvA samayavyavasthAM
gadAnipAtakShatajarjaroruH |
bhUmau bhujAbhyAM parikRRiShyamAnaM
svaM dehamardhoparataM vahAmi || 30||

prasIdatu prasIdatu bhagavAn halAyudhaH |

tvatpAdatornipatitaM patitasya bhUmAv
etachChiraH prathamamadya vimu~ncha roSham |
jIvantu te kurukulasya nivApameghA
vairaM cha vigrahakathA cha vayaM cha naShTAH || 31||

baladevaH \-\- bho duryodhanA ! muhUrtaM tAvadAtmA dhAryatAm |

duryodhanaH \-\- kiM bhavAn kariShyati |

baladevaH \-\- shrUyatAm,

AkShiptalA~NgalamukhollikhitaiH sharIrair
nirdAritAMsahRRidayAnmusalaprahAraiH |
dAsyAmi saMyugahatAn sarathAshvanAgAn
svargAnuyAtrapuruShAMstava pANDuputrAn || 32||

duryodhanaH \-\- mA mA bhavAnevam |

pratij~nAvasite bhIme gate bhrAtRRishate divam |
mayi chaivaM gate rAma ! vigrahaH kiM kariShyati || 33||

baladevaH \-\- matpratyakShaM va~nchito bhavAnityutpanno me roShaH |

duryodhanaH \-\- va~nchita iti mAM bhavAn manyate |

baladevaH \-\- kaH saMshayaH |

duryodhanaH \-\- hanta bhoH ! dattamUlyA iva me prANAH | kutaH,

AdIptAnaladAruNAjjatugRRihAd buddhyAtmanirvAhiNA
yuddhe vaishravaNAlaye~chalashilAvegapratisAriNA |
bhImenAdya hiDimbarAkShasasapatiprANapratigrAhiNA
yadyevaM samavaiShi mAM ChalAjitaM bho rAma ! nAhaM jitaH || 34||

baladevaH \-\- bhIMasena idAnIM tava yuddhava~nchanAmutpAdya sthAsyati |

druryodhanaH \-\- kiM chAhaM bhImasenena va~nchitaH |

baladevaH \-\- atha kena bhavAnevaMvidhaH kRRitaH |

rAjA \-\- shrUyatAM,

yenendrasya sa pArijAtakatarurmAnena tulyaM hRRito
divyaM varShasahasramarNavajale suptashcha yo lIlayA |
tIvrAM bhImagadAM pravishya sahasA nirvyAjayuddhapriyas
tenAhaM jagataH priyeNa hariNA mRRityoH pratigrAhitAH || 35||

(nepathye)

ussaraha ayyA ! ussaraha | [utsaratAryAH ! utsarata |]

baladevaH \-\- (vilokya) aye ayamatrabhavAn dhRRitarAShTro gAndhAryA
durjayenAdeshitamArgo~ntaHpurAnubandhaH shokAmabhibhUtahRRidaya ita
evAbhivartate | ya eShaH,

vIryAkaraH sutashatapravibhaktachakShur
darpodyataH kanakayUpavilambabAhuH |
sRRiShTo dhruvaM tridivarakShaNajAtasha~Nkair
devair arAtitimirA~njalitADitAkShaH || 36||

(tataH pravishati dhRRitarAShTro gAndrArI devyau durjayashcha)

dhRRitarAShTraH \-\- putra! kvAsi |

gAndhArI \-\- putta_a ! kahiM si | [putraka! kvAsi |]

devyau \-\- mahArAa ! kahiM si | [mahArAja ! kutrAsi |]

dhRRitarAShTra \-\- bho! kaShTam |

va~nchanAnihataM shrutvA sutamadyAhave mama |
mukhamantargatAsrAkShamandamandhataraM kRRitam || 37||

gAndhAri ! kiM dharase |

gAndhArI \-\- jIvAvida hmi mandabhAA | [jIvitAsmi mandabhAgA |]

devyau \-\- mahArAa ! mahArAa ! | [mahArAja ! mahArAja ! |]

rAjA \-\- bhoH ! kaShTam | yanmamApi striyo rudanti |

pUrvaM na jAnAmi gadAbhighAta-
rujAmidAnIM tu samarthayAmi |
yanme prakAshIkRRitamUrdhajAni
raNaM praviShTAnyavarodhanAni || 38||

dhRRitarAShTraH \-\- gAndhAri ! kiM dRRishyate duryodhananAmadheyaH kulamAnI |

gAndhArI \-\- mahArAa ! Na dissadi | [mahArAja ! na dRRishyate |]

dhRRitarAShTraH \-\- kathaM na dRRishyate | adyAsmi yo~hamanveShTavye
kAle putraM na pashyAmi | kRRitAntahataka !

ripusamaravimardaM mAnavIryapradIptaM
sutashatamatidhIraM vIramutpAdya mAnI |
dharaNitalavikIrNaM kiM sa yogyo na bhoktuM
sakRRidapi dhRRitarAShTraH putradattaM nivApam || 39||

gAndhArI \-\- jAda ! suyodhaNa | dehi me paDiva_aNaM |
puttasadaviNAsadukkhidaM mahArAaM cha mandabhAaM | [jAta ! suyodhana
! dehi me prativachanaM | putrashatavinAshaduHkhitaM mahArAjaM cha
mandabhAgam |]

baladevaH \-\- aye iyamatrabhavatI gAndhArI |

yA putrapautravadaneShvakutUhalAkShI
duryodhanAstamitashokanipItadhairyA |
asrairajasramadhunA patidharmachihnam
ArdrIkRRitaM nayanabandhamidaM dadhAti || 40||

dhRRitarAShTraH \-\- putra ! duryodhana ! aShTAdashAkShauhiNImahArAja ! kvAsi |

rAjA \-\- adyAsmi mahArAjaH |

dhRRitarAShTraH \-\- putrashatajyeShTha ! dehi me prativachanam |

duryodhanaH \-\- anyandadAmi khalu vRRittAntam | anena vRRittAntena vrIDito.asmi |

dhRRitarAShTraH \-\- ehi putra | abhivAdayasva mAm |

rAjA \-\- ayamayamAgachChAmi | (utthAnaM rUpAyitvA patati) hA dhik |
ayaM me dvitIyaH prahAraH | kaShTaM bhoH !

hRRitaM me bhImasenena gadApAtakachagrahe |
samamUrudvayenAdya guroH pAdAbhivandanam || 41||

gAndhArI \-\- ettha jAdA ! | [atra jAte ! |]

devyau \-\- ayye ! imA hma | [Arye ! ime svaH]

gAndhArI \-\- aNNesaha bhattAraM | [anveShethA bhartAraM |]

devyau \-\- gachChAmi mandabhAA | [gachChAmi mandabhAgA]

dhRRitarAShTraH \-\- ka eSha bhoH ! mama vastrAntamAkarShan mArgamAdeshayati |

durjayaH \-\- tAda ! ahaM dujjayo | [tAta ! ahaM durjayaH |]

dhRRitarAShTra \-\- pautra ! durjaya ! pitaramanvichCha |

durjayaH \-\- parissanto khu ahaM | [parishrAntaH khalvahaM |]

dhRRitarAShdraH \-\- gachCha, pitura~Nke vishramayiShyasi |

durjayaH \-\- tAda ! ahaM gachChAmi | (upasRRitya) tAda ! kahiM si |
[tAta ! ahaM gachChAmi | tAta ! kutrAsi |]

rAjA \-\- aye ayamapyAgataH | sarvAvasthAyAM hRRidayasannihitaH putrasneho
mAM dahati | kutaH,

duHkhAnAmanabhij~neyo mamA~NkashayanochitaH |
nirjitaM durjayo dRRiShTvA kinnu mAmabhidhAsyati || 42||

durjayaH \-\- a_aM mahArAo bhUmIe uvaviTTho | [ayaM mahArAjo bhUmyAmupaviShTaH |]

rAjA \-\- putra | kimarthamAgataH |

durjayaH \-\- tuvaM chirAyasi tti | [tvaM chirAyasIti |]

rAjA \-\- aho asyAmavasthAyAM putrasneho hRRidayaM dahati |

durjayaH \-\- ahaM pi khu de a~Nke uvavisAmi | (a~NkamArohati) [ahaMapi
khalu te a~Nke upavishAmi |]

rAjA \-\- (nivArya) durjaya ! durjaya ! bhoH ! kaShTam |

hRRidayaprItijanano yo me netrotsavaH svayam |
so~yaM kAlaviparyAsAchchandro vahnitvamAgataH || 43||

durjayaH \-\- a~Nke uvavesaM kiMNimittaM tuvaM vAresi | [a~Nke upavesha
kinnimittaM tvaM vArayasi |]

rAjA \-\-

tyaktvA parichitaM putra ! yatratatra tvayAsyatAm |
adyaprabhRRiti nAstIdaM pUrvabhuktaM tavAsanam || 44||

durjaya \-\- kahiMNukhu mahArAo gamissadi | [kutranukhalu mahArAjo gamiShyati |]

rAjA \-\- bhrAtRRishatamanugachChAmi |

durjayaH \-\- maM pi tahiM Nehi | [mAmapi tatra naya |]

rAjAM \-\- gachCha putra ! vRRikodaraM brUhi |

durjayaH \-\- ehi mahArAa ! aNNesIasi | [ehi mahArAja ! anviShyase |]

rAjA \-\- putra ! kena |

durjayaH \-\- ayyAe, ayyeNa, savveNa anta_ureNa a | [AryayAryeNa
sarveNantaHpureNa cha |]

rAjA \-\- gachCha putra ! nAhamAgantuM samarthaH |

durjayaH \-\- ahaM tuvaM NaissaM | [ahaM tvAM neShyAmi |]

rAjA \-\- bAlastvamasi putra ! |

durjayaH \-\- (parikramya) ayyA ! a_aM mahArAo | [AryAH ! ayaM mahArAjaH |]

devyau \-\- hA hA mahArAo | [hA hA mahArajaH |]

dhRRitarAShTraH \-\- kvAsau mahArajaH |

gAndhArI \-\- kahiM me puttao | [kutra me putrakaH |]

durjayaH \-\- a_aM mahArAo bhUmie uvaviTTho | [ayaM mahArAjo bhUmyAmupaviShTaH |]

dhRRitarAShTraH \-\- hanta bhoH ! kimayaM mahArAjaH |

yaH kA~nchanastambhasamapramANo
loke kilaiko vasudhAdhipendraH |
kRRitaH sa me bhUmigatastapasvI
dvArendrkIlArdhasamapramANaH || 45||

gAndhArI \-\- jAda ! suyodhaNa ! parissanto si | [jAta ! suyodhana
! parishrAnto.asi |]

rAjA \-\- bhavatyAH khalvAhaM putraH |

dhRRitarAShTraH \-\- keyaM bhIH ! |

gAndhArI \-\- mahArAa ! ahamabhIdaputtappaAiNI | [mahArAja
! ahamabhItaputrapadAyinI |]

rAjA \-\- adyotpannamivAtmAnamavagachChAmi | bhostAta ! kimidAniM vaiklavyena |

dhRRitarAShTraH \-\- putra ! kathaM viklavo bhaviShyAmi |

yasya vIryabalotsiktaM saMyugAdhvaradIkShitam |
pUrvaM bhrAtRRishataM naShTaM tvayyekasmin hate hataM || 46||

(patati)

rAjA \-\- hA dhik | patito~trabhavAn | tAta ! samAshvAsayAtrabhavatIm |

dhRRitarAShTraH \-\- putra ! kimiti samAshvasayAmi |

rAjA \-\- aparA~Nmukho yudhi hata iti | bhostAta ! shokanigraheNa kriyatAM
mamAnugraH |

tvatpAdamAtrapraNatAgramaulir
jvalantamapyagnimachintayitvA |
yenaiva mAnena samaM prasUtas
tenaiva mAnena divaM prayAmi || 47||

dhRRitarAShTraH \-\-

vRRiddhasya me jIvitanisspRRihasya
nisargasammIlitalochanasya |
dhRRirtiM nigRRihyAtmani sampravRRittas
tIvraH samAkrAmati putrashokaH || 48||

baladevaH \-\- bhoH kaShTam |

duryodhananirAshasya nityAstamitachakShuShaH |
na shaknomyatrabhavataH kartumAtmanivedanAm || 49||

rAjA \-\- vij~nApayAmyatrabhavatIm |

gAndhArI \-\- bhaNAhi jAda ! | [bhaNa jAta ! |]

rAjA \-\-

namaskRRitya vadAmi tvAM yadi puNyaM mayA kRRitam |
anyasyAmapi jAtyaM me tvaMeva jananI bhava || 50||

gAndhArI \-\- mama maNoraho khu tue bhaNido | [mama manorathaH khalu tvayA
bhaNitaH |]

rAjA \-\- mAlavi ! tvamapi shRRiNu |

bhinnA me bhrukuTI gadAnipatitairvyAyuddhakAlotthitair
vakShasyutpatitaiH prahArarudhirairhArAvakAsho hRRitaH |
pashyemau vraNakA~nchanA~Ngadadharau paryAptashobhau bhujau
bhartA te na parA~Nmukho yudhi hataH kiM kShatriye rodiShi || 51||

devI \-\- bALA esA sahadhammachAriNI rodAmi | [bAlA eShA sahadharmachAriNI
rodAmi |]

rAjA \-\- pauravi ! tvamapi shRRiNu |

vedoktairvividhairmakhairabhimatairiShTaM dhRRitA bAndhavAH
shatrUNAmupari sthitaM priyashataM na vyaMsitAH saMshritAH |
yuddhe~ShTAdashavAhinInRRipatayaH santApitA nigrahe
mAnaM mAnini vIkShya me nahi rudantyevaMvidhAnAM striyaH ||52||

pauravI \-\- ekkakidappavesaNichchaA Na rodAmi | [ekakRRitapraveshanishchayA
na rodAmi |]

rAjA \-\- durjaya ! tvamapi shRRiNu |

dhRRitarAShTraH \-\- gAndhAri | kinnukhalu vakShyati |

gAndhArI \-\- ahaM pi taM javva chintemi | [ahamapi tadeva chintayAmi |]

rAjA \-\- ahamiva pANDavAH shushrUShayitavyAH tatrabhavatyAshchAmbAyAH
kuntyA nidesho vartayitavyaH | AbhimanyorjananI draupadI chobhe mAtRRivat
pUjayitavye | pashya putra,

shlAghyashrIrabhimAnadIptahRRidayo duryodhano me pitA
tulyenAbhimukhaM raNe hata iti tvaM shokamevaM tyaja |
spRRiShTvA chaiva yudhiShThirasya vipulaM kShaumApasavyaM bhujaM
deyaM pANDusutaistvayA mama samaM nAmAvasAne jalam || 53||

baladevaH \-\- aho vairaM pashchAttApaH saMvRRittaH | aye shabda iva

sannAhadundubhininAdaviyogAmUke
vikShiptabANakavachavyajanAtapatre |
kasyaiSha kArmukaravo hatasUtayodhe
vibhrAntavAyasagaNaM gaganaM karoti || 54||

(nepathye)

duryodhanenAtatakArmukeNa
yo yuddhayaj~naH sAhitaH praviShTaH |
tameva bhUyaH pravishAmyashUnyam
adhvaryuNA vRRittamivAshvamedham || 55||

baladevaH \-\- aye ayaM guruputro.ashvatthAmeta evAbhivartate | ya eShaH,

sphuTitakamalapatraspaShTavistIrNadRRiShTI
ruchirakanakayUpavyAyatAlambabAhuH |
sarabhasamayamugraM kArmukaM karShamANaH
sadahana iva meruH shRRi~NgalagnendrachApaH || 56||

(tataH pravishatyashvatthAmA)

ashvatthAmA \-\- (pUrvoktameva paThitvA) bhoH !
samarasaMrambhobhayabalajaladhisa~NgamasamayasamutthitashastranakrakRRitta\-
vigrahAH stokAvasheShAH shvAsAnubaddhamandaprANAH samarashlAghino rAjAnaH !
shRRiNvantu shRRiNvantu bhavantaH |

ChalabaladalitoruH kauravendro na chAham
shithilaviphalashastraH sUtputrashcha nAham |
iha tu vijayabhUmau draShTumadyodyatAstraH
sarabhasamahameko droNAputraH sthito.asmi || 57||

kimanayA mamApyapratilAbhavijayashlAghayA samarashriyA | (parikramya) mA
tAvat | mayi gurunivapanavyagre va~nchitaH kurutilakabhUtaH kururAjaH |
ka etachChraddhAsyati | kutaH,

udyatprA~njalayo rathadvipagatAshchApadvitIyaiH karair
yasyaikAdashavAhinInRRipatayastiShThanti vAkyonmukhAH |
bhIShmo rAmasharAvalIDhakavachastAtashcha yoddhA raNe
vyaktaM nirjita eva so.apyatirathaH kAlena duryodhanaH || 58||

tat kvanukhalu gato gAndhArIputraH | (parikramyAvalokya) aye
ayamabhihatagajaturaganararathaprAkAramadhyagataH samarapayodhipAragaH
kururAjaH | ya eShaH,

maulInipAtachalakeshamayUkhajAlair
gAtrairgadAnipatanakShatashoNitArdraiH |
yAtyastamastakashilAtalasanniviShTaH
sandhyAvagADha iva pashchimakAlasUryaH || 59||

(upasRRitya) bhoH kururAja ! kim idam |

rAjA \-\- guruputra ! phalamaparitoShasya |

ashvatthAmA \-\- bhoH kururAja ! satkAramUlamAvarjayiShyAmi |

rAjA \-\- kiM bhavAn kariShyati |

ashvatthAmA \-\- shrUyatAM,

yuddhodyataM garuDapRRiShThaniviShTadehaM
aShTArdhabhImabhujamudyatashAr~Ngachakram |
kRRiShNaM sapANDutanayaM yudhi shastrajAlaiH
sa~NkIrNalekhyamiva chitrapaTaM kShipAmi || 60||

rAjA \-\- mA mA bhavAnevam |

gataM dhAtryutsa~Nge sakalamabhiShiktaM nRRipakulaM
gataH karNaH svargaM nipatitatanuH shantanusutaH |
shataM bhrAtRRINAM me hatamabhimukhaM saMyugamukhe
vayaM chaivambhUtA gurusuta dhanurmu~nchatu bhavAn || 61||

ashvatthAmA \-\- bho kururAja |

saMyuge pANDuputreNa gadApAtakachagrahe |
samamUrudvayenAdya darpo.api bhavato hRRitaH || 62||

rAjA \-\- mA maivam | mAnasharIrA rAjAnaH | mAnArthameva mayA nigraho
gRRihItaH | pashya guruputra !

yat kRRiShTA karanigrahA~nchitakachAdyUte tadA draupadI
yad bAlo.api hatastadA raNamukhe putro~bhimanyuH punaH |
akShavyAjajitA vanaM vanamRRigairyat pANDavAH saMshritA
nanvalpaM mayi taiH kRRitaM vimRRisha bho ! darpAhRRitaM dIkShitaiH || 63||

ashvatthAmA \-\- sarvathA kRRitapratij~no.asmi |

bhavatA vAtmanA chaiva vIralokaiH shapAmyaham |
nishAsamaramutpAdya raNe dhakShyAmi pANDavAn || 64||

baladevaH \-\- etad bhaviShyatyudAhRRitaM guruputreNa |

ashvatthAmA halAyudho~trabhavAn |

dhRRitarAShTraH \-\- hanta sAkShimatI khalu va~nchanA |

ashvatthAmA \-\- durjaya ! itastAvat |

pitRRivikramadAyAdye rAjye bhujabalArjite |
vinAbhiShekaM rAjA tvaM viproktairvachanairbhava || 65||

rAjA \-\- hanta kRRitaM me hRRidayAnuj~nAtam | parityajanti me
prANAH | ime~trabhavantaH shantanuprabhRRitayo me pitRRipitAmahAH |
etat karNamagrataH kRRitvA samutthitaM bhrAtRRishatam |
ayamapyairAvatashiroviShaktaH kAkapakShadharo mahendrakaratalamavalambya
kruddho.abhibhAShate mAmabhimanyuH | imA urvashyAdayo.apsaraso
mAmabhigatAH | ime mUrtimanto mahArNavAH | etA ga~NgAprabhRRitayo
mahAnadyaH | eSha sahasrahaMsaprayukto mAM netuM vIravAhI vimAnaH kAlena
preShitaH | ayamayamAgachChAmi | (svargaM gataH)

(yavanikAstaraNaM karoti)

dhRRitarAShTraH \-\-
yAmyeSha sajjanadhanAni tapovanAni
putrapraNAshaviphalaM hi dhigastu rAjyam |

ashvatthAmA \-\-
yAto~dya sauptikavadhodyatabANapANiH
gAM pAtu no narapatiH shamitAripakShaH || 66||

(niShkrAntAH sarve)
Urubha~Ngamavasitam |
shubhaM bhUyAt |

##

Encoded and proofread by Arun questions.sanskrit@gmail.com

% Urubhangam
%
% The printing of the text that I reference here has some idiosyncrasies.
% Exclamation marks are frequently used, and the anusvAra (M) is usually
% printed as the nasal that follows. I have left the spelling of words as-is
% (unless an error has been made \-\- see notes below). Exclamation marks that
% originally appeared in verses have been removed, but those in sentences
% have remained where they are.
%
% Some characters speak in Prakrit. Their text is given in Prakrit; a Sanskrit
% gloss immediately follows in square brackets [ ].
%
% Here is a list of the discrepancies you may find between the copy below
% and the original text. If you think you have found a deviation from the
% original text, check here to make sure that it is not already accounted
% for. For example, the text uses "viklaba" and "vaiklabya" where "viklava"
% and "vaiklavya" should be used.
%
% (These entries are in Harvard-Kyoto format).
%
% p. 88 line 5 : mA(rSa ? riSa!)
% 4a : kva(ta?tha)naM
% 5a : zarIradharAdharA
% 9b : ra(tnai?tnyai)kasAyaka(va?dha)
% 13a : (satro?)*dvartita ... ["sipro ita syAt"]
% p. 91 line 14 : kiM(ci?ca)re(bha?)
% 14c: pArthenA(ddhra?dhya)
% 16a: (tapta)kAjcana
% 17d: kailAsasya gireri(vogracaritAddhotA?)mahendrAza(pi?niH)||
% 22c: bhIma !
% p. 95 line 13 : (ya eSaH?)* ["'dvitIyaH \-\- ' iti syAt"]
% p. 95 line 18 : (rabhasaM?)locano
% 28c : (ram?re)
% 30c : pari(karS?kRSya)
% p. 98 line 16 : (ta?ma)tpratyakSaM
% 34b : (pratisAlinA?)* ["'pratisAriNA' iti syAt"]
% p 99 line 17 : (rI?ryA)durjayena
% 39b : mA(naM?nI) |
% p. 102 line 11 : vrIlito'smi
% p. 107 line 2 : midAnIM vaiklabyena
% p. 107 line 3 : kathaM viklabo bhaviSyAmi
% 51d : naparAGmukho
% 52b : (taM na ? tAnna)
% 52d : mAnaM mAnini !
% p. 109 line 12 : pazya putra !
% 60b : *(vaSTASTa?) ["'vaSTASTa' ityasya sthAne 'aSTArdha' iti pAthyaM bhAti"]
% p. 114 line 7 : abhimanyaH | (imA) urvazyAdayo' ...
% p. 114 line 12 : (dhRtarASTraH) \-\-
% Now, the text.
% # # # # # # # # #

\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}