% Text title            : ShaTpanchAshikA
% File name             : ShaTpanchAshikAVS.itx
% Category              : major\_works, vAsudevAnanda-sarasvatI, vedanta
% Location              : doc\_z\_misc\_major\_works
% Author                : vAsudevAnandasarasvatI TembesvAmi
% Proofread by          : Sunder Hattangadi
% Description-comments  : From stotrAdisangraha
% Latest update         : December 31, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ShaTpa~nchAshikA ..}##
\itxtitle{.. ShaTpa~nchAshikA ..}##\endtitles ##
tryAtmA sachchitsukho datto raktoShNAkAshadIpavat |
mAyAbdhinaurdR^iDhA.asa~NgA tadbhaktirna tathA plavaH || 1||
bhavAdhvatApashrAntasya sItArAmaH samAshrayaH |
yathAdhvatApashrAntasya shItArAmaH samAshrayaH || 2||
bhavAmbudhinimagnasya tAriNI bhagavatkathA ||
yathAmbudhinimagnasya taraNirvidhichoditA || 3||
bhavatApAbhitaptasya sharaNaM na guroH param |
davatApAbhitaptasya sharaNaM na dhanAtparam || 4||
rochate suviraktasya na sAMsArikapu~NkathA |
yathA pittajvarArtasya surasAnnAdisatkathA || 5||
shR^iNoti sarvaM sannyasya shrutivArtAM sa AdarAt |
paravyasaninI nArI jAravArtAM yathA.a.adarAt || 6||
katha~nchana tyajennaiva vivekI shAntigehinIm |
yathA kAmasantapto.avivekI kAntagehinIm || 7||
muktirna sulabhA.adhyAsabhAtanAnAtvadarshinaH |
AdarshabimbitAnekadvAradarshishishoriva || 8||
dhImA~nChamAdisampannaH sadgurUktyA labhetpadam |
choraistyakto vane yadvattadabhij~nagirA naraH || 9||
bhavAnbhUmetyakartAtmatvaM vrajetsadgurorgirA |
bhillapAlitarATputra AptoktyA rAjatAmiva || 10||
kUTasthasachchidAnandatanorbandhavimochane |
putrasya jAtivandhyAyA iva janmotsavAtyayau || 11||
vAchArambhaNamAtraM chittanau vishvaM na chAparam ||
vastvantaraM yathA dhvAnte rajjau sarpavisarpaNam || 12||
viShayagrahaNechChA tu svAtmavij~nAnataH purA |
aj~nasya shuktivij~nAnAtpureva rajasaspR^ihA || 13||
bhramamAtramasadvishvaM j~nAtaM chettena kaH sukhI |
ko nAma shuktiraupyeNa jAto dhanasamR^iddhimAn || 14||
jagadastitvavAdo na svAtmaj~nAne prakAshite |
dhvAnte sthANau pishAchAdibhrAntirdIpa ivAhR^ite || 15||
AshcharyametadvishvaM na purAdyordhvaM na bhAti chet |
bhAtu nAmendrajAlAbhaM chidAtmani tu mAyayA || 16||
asachchejj~nasya neto.api vyavahAraH kShaNaM kutaH |
nAyaM doSho.api jAnansannindrajAlaM hi vIkShate || 17||
eko.api sannayaM bhUmA mAyayA bhAtyanekavat |
puMso yathAkShidoSheNa chandra eko dvitIyavat || 18||
AtmopAdhivashAdbhAti nishchalo.api hi cha~nchalaH |
vikArI nirvikAro.api jalopAdhigatArkavat || 19||
nityaM bhramAdivAbhAti mAyAbhramavijR^imbhitam |
jagachchakraM yathA.alAtachakraM bhrAntadR^isheriha || 20||
vidyotate nAtmavidyA yAvattAvachchidambare |
vividhaM bhAti vishvaM khe gandharvanagaraM yathA || 21||
AropitajagadbAdha AtmaikaH parishiShyate |
shatrUnhatvAkhilAnyuddhe mahAvIro yathaikakaH || 22||
vikShepaH shiShyate mAyAvaraNe.api vighAtite |
upAdAne vinaShTe.api kAryaM tiShThati hi kShaNam || 23||
same prArabdhabhoge.api j~nAnI klishyati nAj~navat |
same.apyadhvashrame.adhvaj~no dainyaM naiti yathAj~navat || 24||
patatvadya yugAnte vA vapurmuktasya chittanoH |
kumbhe bhagne sthite vA dyorhAnilAbhau kutastataH || 25||
sa~NkalpamAtraM vishvaM sadbhAti mandamateryathA |
sa~NkalpamAtrabhAtA strI satyA virahiNo bhramAt || 26||
svasvarUpasthitau satyAM duHkhaM naiva sukhAtmani |
yathA vAsyAdike tyakte kaShTaM tvaShTari naiva tat || 27||
nAdhyAtmikAdiChanno.apijAtvekarasatAM vibhuH |
tyajatyAtmA yathA loke paTatAM chitritaH paTaH || 28||
kAmaM sR^ijatu kUTasthe mAyA vishvaM chidambare |
nAsya lAbho na vA hAnirvarShatyAbde yathA divaH || 29||
karaNavyavahAraistu kUTasthAtmA na lipyate |
na lipyate yathA kUTo lohAnAmapi tADanaiH || 30||
tattanmaya ivAbhAto.apyAtmA koshebhya uttaraH |
tebhyo vivechitaH shuddhaH sphaTiko ra~Ngato yathA || 31||
muktAtmA vyavahAre.api sthitastena na lipyate |
asa~NgatvAttato.anyatvAtpadmapatramivAmbhasA || 32||
dehAditApatapto.ahamiti dhIravivekinaH |
putradAreShu tapyatsu tapamIti matiryathA || 33||
sachchidAnandarUpo.ahamevaM nishchayavAnapi |
martyo.asmIti kadAchiddigbhramavanmanute kShaNam || 34||
nirAkR^itya tyajedvishvaM sAramAsvAdya nIrasam |
yathA tyajati niHsAraM phalaM svAdu rasaM piban || 35||
nAtyantAsannamAtmAnaM mUDhaH pashyati duShTadR^ik |
yathA divAndha uditamarkaM lokaprakAshakam || 36||
vibhAvyAj~no.anyaM prapa~nchaM sukhaM chApi bibheti yaH |
dIpAditA dR^ishyamAnAM svachChAyAmiva bAlakaH || 37||
mAyA khAdivikArairna brahmAnyathayituM kShamA |
vimalaM khaM yathA.adhyastadharmA malinatAdayaH || 38||
vyabhichArisuShuptyAdidashA buddhiguNoditAH |
budhe svIyA na nirmokA yathA sarpaguNoditA || 39||
vyavahAro.a~NgasApekShaH pno(?j~no) jAgraditIkShituH |
gR^ihiNo gehasApekShabAhyAntarvyavahAravat || 40||
yasya nidrA samAdhirvA sukhA sarvopasaMhR^itiH |
vyApArakulitasyeva sukhA sarvopasaMhR^itiH || 41||
kAmaM karotu vidhito muktaH kartAsya tena kim |
stokAbhrachChAdito.arko yo rAhugrasto bhavetsa kim || 42||
mithyAjagatsamullAsAtprabuddhasya kathaM bhayam |
vyAghrAdInpashyataH svapnAtprabuddhasya kathaM bhayam || 43||
AdeyAtmanirIkShArthamanAtmadhiyamujvalAm |
yathA.a.asyahInamukaro mukhasaundaryavIkShaNe || 44||
krameNa vardhamAne.antarbodhe hArdatamaHkShayaH |
kalAbhirvardhamAne.abje yathA naishatamaHkShayaH || 45||
prAj~no.api bodhito.antardR^igjAnAtyanyanna ki~nchana |
grAse grAse bodhito.api nidrANa iva bAlakaH || 46||
svAnubhUtirasAsvAde viShayA virasA vidaH |
yathA.a.aranAlaM virasaM paramAmR^itapAyinaH || 47||
pUrvAbhyAsasamAdhiM j~no vA~nChatyAptAkhilAtmanaH |
kAlAtyayAya rAjeva susamR^iddho.api devanam || 48||
nA.a.anandayati vidhyAdi nistraiguNyAdhvachAriNam |
nirvyApArAlasanaraM deshikA deshinaM yathA || 49||
chintayAno.api tattvaM svaM svachChando na niyamyate |
sAmrAjyagaM svatantraM cha prajAbhiriva rATsutaH || 50||
paramArthadR^ishaH kvApi neShTAniShTe shubhAshubhe |
vR^iShTyA.avR^iShTyA.appUrasthasasyavR^iddhikShayAviva || 51||
shrutyAdyAvR^ittiyogAgnyujvalitaH pUrvarUpabhAk |
jIva Atmaiva chAgantumaladAhe suvarNavat || 52||
kITabhramaradR^iShTyA na chitraM svadhyAnataH svatA |
nAmarUpopAdhyapAye satyaikyaM saridabdhivat || 53||
chitraprApa~nchikaishvaryaM tattvaj~naM ra~njayetkatham |
hAvaiH strIveShadhR^iksvaj~nahR^idunmathayatIha kim || 54||
j~nAnI kShINAnyakarmApi prArabdhaM sahate.avashI |
vyAlagrAhI gR^ihItAhiryathA tatkR^itapIDanam || 55||
prAptakAmaM sthitapraj~naM svayaM kAmA vishanti taiH |
shAnto notsarpati yathA pUrNAbdhirachalAmbubhiH || 56||
yA ShaTpa~nchAshikA vAsudevAnandIyamudgatA |
vAnavAsIpuri tayA prIyatAmatrinandanaH || 57||

shrI paramapUjanIya shrIvAsudevAnandasarasvatIvirachitA
ShaTpa~nchAshikA sampUrNA ||

##
Proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}