% Text title            : Atma-Vidya-Vilasa 2
% File name             : AtmavidyAvilAsaH2.itx
% Category              : major\_works, sadAshivabrahmendra
% Location              : doc\_z\_misc\_major\_works
% Author                : Sadashivendra Sarasvati
% Proofread by          : Sunder Hattangadi
% Latest update         : December 2, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. AtmavidyAvilAsaH 2 ..}##
\itxtitle{.. AtmavidyAvilAsaH 2 ..}##\endtitles ##
yatpAdapadmamakarandajuShAM narANAM
     saMsAraghorabhujagAnna bhavetsma bhItiH |
sachchidghanaM sakalasaukhyalavAmburAshiM
     shrIdakShiNAbhimukhamUrtimajaM bhaje.aham || 1||
etAvadeva khalu pumbhiravAptumarhaM
     yachchetaso nilayanaM nijatattvabodhe |
AkroshanaM shrutishirAMsi yadarthameva
     kurvanti yena hi bhavetpuruShaH sukhAbdhiH || 2||
mAteva putramanubodhayati shrutirhi
     lokaM samastamapi yojayituM sukhena |
tasmAchChruterabhihitArthamatandritena
     chittena sAdhayitumatra janA yatadhvam || 3||
AdAvidaM sakalameva jagatsadAsI\-
     tkumbhAdivattadanu shaktiyutAtparasmAt |
AkAshavAyudahanAmbubhuvo babhUvu\-
     rvAtaprasaktasalilAdiva vIchipUraH || 4||
sUkShmAkhyabhUtagatasattvarajastamobhi\-
     rli~NgaM sharIramudabhUdata IshvarechChA |
pa~nchIchakAra viyadAdikabhUtasUkShmA\-
     NyaNDaM hyabhUdata idaM saha jIvabhogyaiH || 5||
sR^iShTvA jagatsakalamevamasheShakartA
     tatprAvishatpunarupAgatajIvabhAvaH |
vismR^itya satyasukhabodhamayasvarUpaM
     bhrAntyA bhramatyanishamastavivekaleshaH || 6||
itthaM pramAdavashataH parimuhyamAno
     dehAtmabuddhiparikalpitakarmabandhaH |
svargAdibhogagamanAgamanAtikhinno
     lUtAvadeSha bhavamabhyagamachchidAtmA || 7||
mAyAyutastvagamadIshvaratAM chidAtmA
     chAvidyayA yugabhavadbhR^itajIvabhAva ||
mAyA bhavedvimalasattvaguNapradhAnA
     proktA malApihitasattvaguNA tvavidyA || 8||
eko.apyaneka iva bhAti sharIrabhedA\-
     dAtmA ghaTAdigatabhedavashAdviyadvat |
dehendriyAdiShu chalatsu nijaprakAshA\-
     tpUrNo.api nishchalataro.api vikAravadvat || 9||
evaM bhavArNavanimajjanaduHkhiteShu
     lokeShu pUrvajanisa~nchitapuNyapu~njaiH |
kashchidvishuddhamatiretya guruM kR^ipAbdhiM
     prAha praNamya bhavasAgarala~NghanechChuH || 10||
saMsAraghorajaladhau bhagavannapAre
     tApatrayaughadahane sahajArinakre |
mohAmbhasi prachaladudbhavamR^ityubha~Nge
     vIkShyAntarasmi patitaM jagadadya bhItaH || 11||
mAtuH sthitasya jaThare vachasAM cha dUraM
     duHkhaM punarjananakAlabhavaM durUhyam |
bAlye.api duHkhamaviShahyamavAraNIya\-
     mAlochya bhItiradhunA mahatI mamotthA || 12||
tAruNyametya kulayauvanarUpasampa\-
     dvidyAtmagarvapihitAtmahitAbhilAShaH |
viNmUtramAMsarudhirAsthimaye sharIre
     nAryA ruchiM samupayAti jano vichitram || 13||
sarvApadAM nilayametya vayo.adhikatvaM
     jantuH sukhaM na labhate hyapi ki~nchidatra |
puMsAmihAsti na bhayaM khalu mR^ityuto.anya\-
     ddhikkR^itya saMsR^itimimAmabhavaM viraktaH || 14||
svAminkathaM mama bhavArNavala~NghanaM syA\-
     dAyAsalesharahitaM vada tatra hetum |
shrutvA tu shiShyavachanaM ramaNIyamitthaM
     pratyuttaraM gururadAtkR^itamandahAsaH || 15||
dehendriyAsuhR^idayAdikachaityavargA\-
     tpratyakchitervibhajanaM bhavavArirAsheH |
santAraNe plava iti shrutiDiNDimo.ayaM
     tasmAdvichAraya jaDAjaDayoH svarUpam || 16||
pratyakchitirvapuridaM na bhavejjaDatvA\-
     tkuDyAdivajjaDatayApyasavo na chitsyuH |
nApIndriyANi karaNaM kuta eva chitsyA\-
     tkuddAlakAdivaditi pravichAraya tvam || 17||
dR^ishyatvato na manasashcha bhavechchititvaM
     nAha~NkR^itishcha pariNAmavatI chitiH syAt |
buddherachittvamapi janmavinAshavattvA\-
     chchittaM cha dR^ishyamachidityanuchintaya tvam || 18||
bud.hdhvA samastamapi dR^ishyamachitsvarUpaM
     pratyakchitiM cha nijarUpatayA viditvA |
dehendriyAdyakhilasAkShyahamityajasraM
     sa~nchintaya vyapagatAkhilasaMshayaH san || 19||
dehAdikaM jagadasajjaDaduHkharUpaM
     mayyadvitIyanijabodhasadAdirUpe |
sandR^ishyate bhramavashAdgagane niraMshe
     gandharvapattanamivetyanubhAvaya tvam || 20||
yA chitprabhA tvamiti meyavibhAsayitrI
     yatsa~NkramAdghaTapaTAdyavabhAsikA dhIH |
AbrahmakITamahamityavabhAsamAnA
     yA saiva saMviditi chintaya santataM tvam || 21||
jAgranmukhatrividhadhAmasusAkShiNI yA
     jAgranmukhatrividhadhAma vilakShaNAyA |
svapnAdyanusmR^itibalAtsatataikarUpA
     saivAhamasmi chitirityavadhAraya tvam || 22||
nodeti nAstamupayAti na vR^iddhimeti
     naivopayAti pariNAmamapakShayaM vA |
svAdhyastasarvajananAdivikArasAkShi\-
     NyeShA hi saMviditi chintaya santataM tvam || 23||
machCheShatAM samavalambya sutAdisarvaM
     yena priyaM bhavati tena sukhasvarUpaH |
dehendriyAdiviShayapralayaikasAkShI
     yasmAttataH saditi me nijarUpamAssva || 24||
Adau tvameva sadabhUravisheSharUpa\-
     stvattoditaM jagadidaM savisheShajAtam |
tvayyeva tiShThati tathA tvayi chAvasAne
     saMlIyate jalanidhAviva budbudAdiH || 25||
vyApitvahetubalato na dishAsti me.anto
     nityatvahetubalatashcha na kAlato.antaH |
sArvAthyahetubalatashcha na vastuto.anta\-
     stasmAdanantamiti me nijarUpamAssva || 26||
evaM nirantarasamAdhivashAnnirAdhi\-
     rj~nAnAgnidagdhasahakAraNajanmabIjaH |
AvirbhavannijasukhAnubhavaikatR^ipto
     brahmaiva nUnamiha sambhavasi dhruvaM tvam || 27||
itthaM girA vimalayA parasaukhyadAtryA
     vAchA gurorvimathitAkhilasaMshayaughaH |
shiShyaH samAdhiparishIlanatIkShNadivya\-
     j~nAnAsikhaNDitabhavAkhyaviShadrumo.abhUt || 28||
svAnandamapratihataM paribhujya harShA\-
     dashruprapUrNanayanaH pulakA~NgitA~NgaH |
shiShyaH sagadgadamuvAcha guruM ghR^iNAbdhiM
     natvA tada~NghriyugalaM vinayopayuktaH || 29||
svAminbhavadvachanadivyasudhAbhiShikta\-
     svAnandama~njunagare viharAmi nitye |
aj~nAnadurhR^idamatIva shitena samya\-
     gj~nAnAsinA parivilUya sahAnujAtam || 30||
gachChAmi kutra kimahaM karavANi kiM vA
     gR^ihNAmi kiM parijahAmi mayi prapUrNe |
nirvyAjasaukhyajaladhau paridR^ishyamAnaM
     phenAdikaM jagaditi sthiranishchayo me || 31||
mAyAbhidho jaladharo jagadAkhyamambu
     varShatvanena mama chidvapuShaH kShatiH kA |
lAbho.api vA ka iti santatamAtmarUpaM
     sa~nchintayansthiramatirviharAmi nitye || 32||
vAkkAyamAnasabhavaM sakalaM hi karma
     proktaM shubhAshubhamayaM na tato.asti bhinnam |
vAgAdisAkShiNi kathaM mayi nirmale syA\-
     tkarmadvayaM taduditaM jananAdikaM vA || 33||
vyAvR^ittarUpamidameva jagadvibhinnaM
     j~nAnaM tvabhinnamanuvR^ittatayAkhileShu |
j~nAnaM cha bhinnamiti chejjaDatAdidoSha\-
     prAptirbhavechChrutishirAMsi na taM sahante || 34||
naivendriyANi viShayeShu niyojayAmi
     prAgvAsanAvashata eva hi tAni yAnti |
svAngocharAnprati mamAsti na sAkShitApi
     sA sAkShyabhedakalitA khalu so.apyasatyaH || 35||
bhedo.api sAkShyagata eva na sAkShiNo me
     bhedasya sAkShiNi kathaM prabhavetsa bhedaH |
bhedo na suptisamaye.anupalambhanAchcha
     sannAstitA na iha dR^iShTatayA na vAchyA || 36||
vishvaM sadetaditi kAryakaratvaheto\-
     ryadyasya sattvamiha sAdhayituM yatethAH |
tarhyatra rajjubhujagAdyapi sadbalAtsyA\-
     tsatyatvaheturidamAhurabAdhitatvam || 37||
kIdR^igvidhaM jagadaye vada sattvachittyA\-
     dyAkArahInamiti pR^iShTavate.asti mahyam |
pratyuttaraM kimiti te tava maunameva
     pratyuttaraM bhavati mAM prati gachCha jAlma || 38||
j~nAnAgnidagdhamapi bhAti jagadvichitraM
     yachcha dhvanibhramavataH savisheShabodhAt |
tasminbhrame vimathite.api tathaiva bhAti
     digvatyatho mama cha tadvadato na sattat || 39||
bhUmiM jale tadapi tejasi tachcha vAyau
     taM vyomni tattriguNayA saha mayyanante |
pUrNe vilApya parishiShTamakhaNDasaMvi\-
     tsvAnandarUpamanubhUya rame.ahamadya || 40||
aj~nAnatannirasane mayi bodharUpe
     syAtAM kathaM timiratadviratI ivArke |
bandhashcha mokSha iti kalpanamapyasatyaM
     bhrAntyaiva bhAtyakhilasAkShiNi nityamukte || 41||
ArabdhakarmaNi cha bhogata eva naShTe
     prANAdayo.api mama notkramituM samarthAH |
taptAgniniShThajatuvanmathi pUrNabodhe
     lInA bhavanti na punarjananAdikaM syAt || 42||
AmnAyamastakasusaMskR^itavaibhavo.ahaM
     vyomno.api pUrNatamamUrtirahaM sthito.aham |
sarvAlayo.ahamahamAdyavabhAsako.ahaM
     vAgAdyagocharasadoditasaukhyako.aham || 43||

iti shrIsadAshivendrasarasvatyA virachitaH AtmavidyAvilAsaH (2) sampUrNaH ||

##
Proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}