%@@1 % File name : AtmavidyAvilAsa.itx %-------------------------------------------- % Text title : Atma-Vidya-Vilasa % Author : Sadashivendra Sarasvati % Language : Sanskrit % Subject : philosophy % Description/comments : on advaitic life % Transliterated by : Sunder Hattangadi (sunderh@hotmail.com) % Proofread by : Sunder Hattangadi (sunderh@hotmail.com) % Latest update : August 25, 2007 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskritdocuments.org % http://sanskrit.gde.to %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- % \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Atma-Vidya-Vilasa ..}## \itxtitle{.. Atma\-vidyA\-vilAsaH ..}##\endtitles ## shrIsadAshivendrasarasvatIvirachita AtmavidyAvilAsaH chinmudritakarakamalaM chintitabhakteShTadaM vimalam.h . guruvaramAdyaM ka~nchana niravadhikAnandanirbharaM vande.. vaTatarunikaTanivAsaM paTutaravij~nAnamudritakarAbjam.h . ka~nchana deshikamAdyaM kaivalyAnandakandalaM vande .. 1.. niravadhisa.nsR^itinIradhipatitajanatAraNasphurannaukAm.h . paramatabhedanaghuTikAM paramashivendrAryapAdukAM naumi .. 2.. deshikaparamashivendrAdeshavashidbuddhadivyamahimA.aham.h . svAtmani vishrAntikR^ite sarasaM prastaumi ki~nchididam.h .. 3.. nirupamanityanirIho niShkalanirmAyanirguNAkAraH . vigalitasarvavikalpaH shuddho vR^iddhashchakAsti paramAtmA .. 4.. svAvidyaikanibaddhaH kurvankarmANi muhyamAnaH san.h . daivAdvidhR^itabandhaH svAtmaj~nAnAnmunirjayati .. 5.. mAyAvashena supto madhye pashyansahasrashaH svapnAn.h . deshikavachaHprabuddho dIvyatyAnandavAridhau ko.api .. 6.. prAkR^itabhAvamapAsya svIkR^itanijarUpasachchidAnandaH . guruvarakaruNApA~NgAdgauravamAsAdya mAdyati prAj~naH .. 7.. shrIgurukR^ipayA sachchitsukhanijarUpe nimagnadhIrmaunI . viharati kashchana vibuddhaH shAntAhanto nitAntamuditAntaH .. 8.. guruvarakaruNAlaharIvyatikarabharashItalasvAntaH . ramate yativara eko nirupamasukhasImani svairam.h .. 9.. shrIdeshikavarakaruNAravikarasamapohitAntaradhvAntaH . viharanmaskarivaryo niravadhikAnandanIradhAvAste .. 10.. janiviparItakramato buddhyA pravilApya pa~nchabhUtAni . parishiShTamAtmatattvaM pashyannAste muniH shAntaH .. 11.. jagadakhilamidamasAraM mAyikameveti manasi manvAnaH . paryaTati pATitAshaH pragalitamadamAnamatsaraH ko.api .. 12.. nAtmani ki~nchinmAyA tatkAryaM vA.asti vastuto vimale . iti nishchayavAnantaH hR^iShyatyAnandanirbharo yogI .. 13.. tvamahamabhimAnahIno moditanAnAjanAchAraH . viharati bAlavadeko vimalasukhAmbhonidhau magnaH .. 14.. avadhUtakarmajAlo jaDabadhirAndhopamaH ko.api . AtmArAmo yatirADaTavIkoNeshvaTannAste .. 15.. shAntyA dR^iDhopagUDhaH shAntasamastAnyavedanodAraH . ramate rasaj~na eko ramye svAnandaparya~Nke .. 16.. unmUlitaviShayAriH svIkR^itavairAgyasarvasvaH . svAtmAnandamahimni svArAjye.asmin.h virAjate yatirAT.h .. 17.. savitaryapi shItaruchau chandre tIkShNe.apadho vahatyagnau . mAyikamidamiti jAnanjIvanmukto na vismayI bhavati .. 18.. aj~nAnavairivijayI praj~nAmAta~NgamastakarUDhaH . viharati sa.nyamirAjaH samarasasukhadhAmni sarvato ramye .. 19.. shAntAha.nkR^itidoShaH susamAhitamAnasaH ko.api . pUrNendushishirabhAvo rAjatyAnandasatyachidrasikaH .. 20.. tiShThanparatra dhAmni svIyasukhAsvAdaparavashaH kashchit.h . kvApi dhyAyati kuhachidgAyati kutrApi nR^ityati svaram.h .. 21.. agR^ihItAghakala~NkaH prashamitasa~NkalpavibhramaH prAj~naH . nyakkR^itakAryakalApastiShThatyApUrNasImani kvApi .. 22.. chapalaM manakura~NgaM chAru gR^ihItvA vimarshavAgurayA . nigamAraNyavihArashrAntaH shete svadhAmni ko.apyekaH .. 23.. dAruNachittavyAghraM dhIramanaHkhaDgadhArayA hatvA . abhayAraNye ko.api svairavihArI jayatyekaH .. 24.. sajjanahR^idayasarojonmIlanakaraprasaraH . eko yativarapUShA nirdoShcharati chidgagane .. 25.. kuvalayavikAsakAraNamaj~nAnadhvAntakaumudIpraj~naH . shuddho munIndrachandraH surasevye lasati viShNupade .. 26.. svAnandAmR^itasekairAntarasa.ntApasa.ntatiM shamayan.h . chitramacha~nchalavR^ittishchidvyomani bhAti yogivaryaghanaH .. 27.. sumanaHsaurabhama~njulasa~nchAranivAritAkhilashrAntiH . sa.nyamichArusamIro viharatyAnandasa.nvidArAme .. 28.. niHshreyasasarasaphale nirmalavij~nAnapallvamanoj~ne . vItabhaye vipinatale yatishitikaNTho vibhAti ko.apyekaH .. 29.. niHsArabhuvanamarutalamutsAryAnandasArarasapUrNe . varasarasi chinmaye.asminparaha.nsaH ko.api dIvyati svairam.h .. 30 . nikhilAgamapallavite nigamashirastantrashItalodyAne . madhuratarama~njuvAchaH kUjannAste yatIdrakalakaNThaH .. 31.. dAritamohamadebho dUrIkR^itasakaladuritashArdUlaH . vibudhottamasi.nhavaro viharatyAnandavitatakAntAre .. 32.. aj~nAnamR^igaviro~njhitavij~nAnottu~NgashR^i~Ngashikharitale . matisalilashItalA~Ngo yatimadakalabho virAjate viharan.h .. 33.. nAsA~nchalanihitAkSho nAmAdibhyo nivartitasvAntaH . taTinItaTeShu tattvaM dhyAyannAste yatiH ko.api .. 34.. AshAvasano maunI nairAshyAla~NkR^itaH shAntaH . karatalabhikShApAtrastarutalanilayo munirjayati .. 35.. vijananadIku~njagR^ihe ma~njulapulinaikama~njutaratalpe . shete ko.api yatIndraH samarasasukhabodhavastunistandraH .. 36.. bhUtalamR^idutarashayyaH shItalavAtaikachAmaraH shAntaH . rAkAhimakaradIpo rAjati yatirAjashekharaH ko.api .. 37.. vipulashilAtalaphalake vimalasaridvAriparivR^itodAre . mandaM malayajapavane vAti prasvapiti ko.api yatirAjaH .. 38.. AntaramekaM ki~nchitsantatamanusandadhanmahAmaunI . karapuTabhikShAmashnannaTati hi vIthyAM jaDAkR^itiH ko.api .. 39.. pravilApya jagadasheShaM parishiShTAkhaNDavastuparatantraH . prAshnAti kavalamAsye prAptaM prArabdhakarmaNA ko.api .. 40.. nindati kimapi na yogI nandati naivAparaM kimapyantaH . chandanashItalahR^idayaH kandalitAnandamantharaH svAste .. 41.. santyajya shAstrajAlaM saMvyavahAraM cha sarvatastyaktvA . Ashritya pUrNapadavImAste niShkampadIpavadyogI .. 42.. tR^iNapa~NkacharchitA~NgastR^iNamiva vishvaM vilokayanyogI . viharati rahasi vanAnte vijarAmarabhUmni vishrAntaH .. 43.. pashyati kimapi na rUpaM na vadati na shR^iNoti ki~nchidapi vachanam.h . tiShThati nirupamabhUmani niShThAmavalambya kAShThavadyogI .. 44.. jAtyabhimAnavihIno jantuShu sarvatra pUrNatAM pashyan.h . gUDhaM charati yatIndro mUDhavadakhilAgamArthatattvaj~naH .. 45.. upadhAya bAhumUlaM paridhAyAkAshamavanimAstIrya . prasvapiti virativanitAM parirabhyAnandaparavashaH ko.api .. 46.. gatabhedavAsanAbhiH svapraj~nodAravAranArIbhiH . ramate saha yatirAjastrayyantAntaHpure ko.api .. 47.. vairAgyavipulamArgaM vij~nAnoddAmadIpikoddIptam.h . Aruhya tattvaharmyaM muktyA saha modate yatirAT.h .. 48.. vijanatalotpalamAlAM vanitAvaitR^iShNyakalpavallIM cha . apamAnAmR^itaguTikAmAtmaj~naH ko.api gR^ihNAti .. 49.. na niShedhati doShadhiyA guNabuddhyA vA na ki~nchidAdatte . Avidyamakhilamiti j~nAtvodAste muniH ko.api .. 50.. bhUtaM kimapi na manute bhAvi cha ki~nchinnachintayatyantaH . pashyati na purovartyapi vastu samastArthasamarasaH ko.api .. 51.. nigR^ihItAkhilakaraNo nirmR^iShTAsheShaviShayehaH . tR^iptimanuttamasImAM prAptaH paryaTati ko.api yativaryaH .. 52.. santyajati nopapannaM nAsampannaM cha vA~nchati kvApi . svasthaH shete yatirADAntaramAnandamanubhavannekaH .. 53.. kAmapi vimalAM padavImAsAdyAnandasaMvidunnidrAm.h . Aste bhikShuka eko viharannirmuktabandhanaH svairam.h .. 54.. vastunyastamitAkhilavishvavihAre vilInamanAH . rAjati parAnapekSho rAjA.akhilavItarAgANAm.h .. 55.. AchAryApA~NgadR^ishA samavAptApArasaMvidAkAraH . prashamitasakalavibhedaH parahaMsaH kashchidAbhAti .. 56.. varNAshramavyavasthAmuttIrya vidhUya vidhyAdIn.h . parishiShyate yatIndraH paripUrNAnandabodhamAtreNa .. 57.. kShayamupanIya samastaM karma prArabdhamupabhujya . pravigalitadehabandhaH prAj~no brahmaiva kevalaM bhavati .. 58.. stimitamanantamanAdyaM santatamAnandabodhaghanam.h . avikalpamAdyamekaM sanmAtraM vidyate kimapi .. 59.. akSharamajaramajAtaM sUkShmatarApUrvashuddhavij~nAnam.h . pragalitasarvakleshaM paratattvaM vartate kimapi .. 60.. sukhataramamaramadUraM sAraM saMsAravAridhestIram.h . samarasamabhayamapAraM tatki~nchana vidyate tattvam.h .. 61.. arasamagandhamarUpaM virajaskamasattvamatamaskam.h . nirupamanirbhayatattvaM tatkimapi dyotate nityam.h .. 62.. iti gurukaruNApA~NgAdAryAbhirdvyadhikaShaShTisa~NkhyAbhiH . niravadyAbhiravochaM nigamashirastantrasArabhUtArtham.h .. 63.. gaditamimamAtmavidyAvilAsamanuvAsaraM smaranvibudhaH . pariNataparAtmavidyaH prapadyate sapadi paramArtham.h .. 64.. paramashivendrashrIgurushiShyeNetthaM sadAshivendreNa . rachiteyamAtmavidyAvilAsanAmnI kR^itiH pUrNA .. 65.. iti shrImatparamahaMsaparivrAjakAchArya\- shrIparamashivendrasarasvatIpAdAbjasevAparAyaNa\- shrIsadAshivendrasarasvatyA virachitaH AtmavidyAvilAsaH samAptaH .. ## Encoded and proofread by Sunder Hattangadi sunderh at hotmail.com \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}