% Text title            : Vishvavishrutam Bharatam
% File name             : vishvavishrutaMbhAratam.itx
% Category              : misc, sanskritgeet, hkmeher
% Location              : doc\_z\_misc\_general
% Author                : Harekrishna Meher meher.hk at gmail.com
% Transliterated by     : Harekrishna Meher
% Proofread by          : Harekrishna Meher
% Description/comments  : Svasti-Kavitanjalih
% Acknowledge-Permission: Dr. Harekrishna Meher
% Latest update         : November 2, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. VishvavishrutaM Bharatam ..}##
\itxtitle{.. vishvavishrutaM bhAratam ..}##\endtitles ##
bhArataM priyaM bhAratam,
vishvavishrutaM bhAratam |
yasya rAjate antarAtmanA
saMskR^itistathA saMskR^itam |
vishvavishrutaM bhAratam || (dhruvam)||
dharaNI puNyA bhAti vareNyA mahIyasI,
nisarga\-ramyA sujalA saumyA garIyasI |
atulyashobhA suratnagarbhA svanirbharA,
aikya\-bhAvanA yashovarddhanA saukhyabharA |
bhArata\-jananIM lokapAvanIM
tAM praNamAmaH santatam |
bhArataM priyaM bhAratam,
vishvavishrutaM bhAratam || 1||
desha\-rakShaNe vrataM bhrAjate nirantaram,
vIrapu~NgavaiH shauryavaibhavai\-rvibhAsvaram |
rAShTraketanaM priyaM trira~NgaM mahonnatam,
chiraM prashasyaM sadA namasyaM samAdR^itam |
mAtR^ivandanaM shuchi\-spandanaM
hR^idaye nityaM sa~Ngatam |
bhArataM priyaM bhAratam,
vishvavishrutaM bhAratam || 2||
jagad\-vyApinI niyataM navyA prItimayI,
mAnavatAyA bhAti suprabhA dIptimayI |
vishvabandhutA\-mArga\-subandhA vasundharA,
AstikatAyA asmitAmayI svastibharA |
ekaM nIDaM vishAla\-vishvaM
yatra yathArthaM bhAShitam |
bhArataM priyaM bhAratam,
vishvavishrutaM bhAratam || 3||
bhAtu sarvataH shubhaM sorabhaM sAMskR^itikam,
rasAplAvanaM bhAtu rAShTriyaM nAndanikam |
bhAtu jagatyAM bhAratIyatA\-sumAdhurI,
bhAtu bhAratI saMskR^itA~NkitA priya~NkarI |
sudhAvarShiNI sudhI\-toShiNI
sA priyabhAShA nishchitam |
bhArataM priyaM bhAratam,
vishvavishrutaM bhAratam || 4||
bhAtu saMskR^itaM paryAvaraNaM mahItale,
yAtu duShkR^itaM mudA rAjatAM hR^idassthale |
lokacharitraM bhAtu pavitraM sukarmaNA,
sarasI manaso bhAtu nirmalA sudarpaNA |
saMskR^itAmR^itaM tanotu shAntiM
rasaiH subhAvaiH sambhR^itam |
bhArataM priyaM bhAratam,
vishvavishrutaM bhAratam || 5||


  \-\- gIta\-rachanA \: DA.c harekR^iShNa\-meheraH
##
Copyright Dr.Harekrishna Meher

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}