Vada Mitra Vada Sanskritam

वद मित्र वद संस्कृतम्

वद मित्र वद संस्कृतं भाषेयं सरला । पठ मित्र पठ संस्कृतं वाणीयं निर्मला ॥ ध्रुवम् ॥ ते वेदाः उपनिषदः ग्रन्थाः सर्वदर्शनानि अष्टादश पुराणानि रम्यानि काव्यानि आनन्दयति देवान् आनन्दयति देवान् स्तुतिमन्त्राणां श्रृङ्खला ॥ १॥ शिवेनैकदा डमरोर्वादनं सनृत्यं कृतं निर्गतानि सूत्राणि जातं चतुर्दशत्वं नमस्तस्मै पाणिनये नमस्तस्मै पाणिनये कृताष्टाध्यायी विरला ॥ २॥ मनुयाज्ञस्मृते नीतेर्ग्रन्थाः यथा पञ्चतन्त्रं सुविख्यातमार्यभट्टस्य गणित ज्योतिषोर्ज्ञानं बाहुल्यं नाटकानां बाहुल्यं नाटकानां सूक्तीनाञ्चेयं सन्धिला ॥ ३॥ नम्याः गुरवः सरलहृदयानि मित्राणि तानि प्रेमाकुलं चित्तमिदं वै स्मरति सर्वाणि अधीतो जय भगवान् अधीतो गीता रामः महाविद्यालयो सःबिरला ॥ ४॥ प्रणेता- जय भगवान शास्त्री, कैथल (हरियाणा)