% Text title            : Svami Nigamananda in Utkalapradesh
% File name             : utkalapradeshesvAminigamAnandaH.itx
% Category              : misc, sahitya, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : May 13, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Svami Nigamananda in Utkalapradesh ..}##
\itxtitle{.. utkalapradeshe svAminigamAnandaH ..}##\endtitles ##
lekhakaH \- nandapradIptakumAraH

svAminigamAnandaH bhAratavarShasya chatvAri dhAmAni saptakhaNDAni cha parivrAjakarUpeNa paribhramya sarvasheShe bhogakShetraM purIdhAma pratyAgatavAn | khrIShTataH chaturvi.nshatyadhikonavi.nshatishatakAdArabhyachaturchatvAri.nshadadhikonavi.nshatishatakaparyantamasau mahAtmA prAyataH puryAM nIlAchalakuTIre.avasthAnaM chakAra |

dashAdhikonavi.nshatishatakasya vaishAkhe mAse mahAtmA nigamAnandaH prathamataH durgApuranAmakAshramAt katipayaiH shiShyaiH sArddhaM purImAgatavAn | tatpashchAttasya manasi puryAvasthAnaM balavattaraM sa.njAtam | sa ekavi.nshatyadhikonavi.nshatishatake svAmisvarUpAnandena saha purImAgatya ashvinIkumAramahAbhAgasya kamalakuTIre bhATakarUpeNa kati mAsAn sthitvA va.ngadeshaM pratyAgatya punaH dvAvi.nshatyadhikonavi.nshatishatake purImAgatya \ldq{}goye.nkA\rdq{} iti dharmashAlAyAM kiyaddinAni uShitvA chaturvi.nshatyadhikonavi.nshatishatake.anena mahAnubhAvena nIlAchalakuTIrasya gR^ihapraveshaH kR^itaH |

utkalAvasthAnasamaye svAminigamAnandaH utkalasya bahuvidhasthAnAni paribhramya tatratyadharmaprANamAnavAnAM manasi svakIyAmR^itavachanasya ga.ngApravAhaM kR^itvA AsanamandirAdIn pratiShThApya gurugatabhaktAnAmantaHkaraNasi.nhAsane \ldq{}sha.nkarasya mataM chaitanasya panthAH\rdq{} iti tattvaM samupasthApya lokapriyo babhUva |

tantraj~nAnayogapremasAdhanachatuShTayasa.npanna \-nigamAnandamatasyAlaukikatA utkalabhUmau mahatvapUrNasthAnaM bhajate iti  na visa.nmbAdaH | yato hi taddarshanaM mukhyatayA pratyakShavAdopari supratiShThitamAsIt | 

idaM nigamAnandadarshanaM na kevalaM mananashAstramapitu anubhUteH vidyuttara.ngarUpam | asmin darshane sa.nshayasya nAsti kimapi sthAnaM yena sa.nsheta | manasi tarkaH | bhautike glAniH, kintu bodhirAjye kuto vA sa.nshayaH kuto vA viparyayaH ?

nigamashabdaH vedapratipAdakaH, sutarAmapauruSheyaH | atIndriyaj~nAnapariplutaH | mantradraShTR^iNAmasau sa.nkShiptavArtA | etasmAt kAraNAt nigamasiddhasAdhakasya svAminigamAnandadarshanasya vichAradhArAyAH pu.nkhAnupu.nkhagaveShaNaM matkR^ite niHsandehaM durbodham, tathApi tasyotkalAvasthAnaviShaye kimapi yAthAtathyaM kathayAmi |

utkalabhUmau svAminigamAnandasya prabhAvaH sarvopari shrIdurgAcharaNamahAnti upari nipatitaH | yadyapi tadAnIM paramaha.nsasya anye bahavo mantrashiShyAH yathA\- sarvashrIchaitanya charaNa dAsa\-vanamAlidAsha\-dAmodaradAsa\-IshvarachandrasAhu\-haraprasAda\-govindachandrapaTTanAyaka\-shrIgurudAsa\-nR^ipAla ekAdashI\-harichandana\-kShIrodasi.nha\-va.nshIdharaveherA\-ashvinyAdayashcha Asan eteShu durgAcharaNena nigamAnandabhAvadhArAyAH pR^iShThapoShakatA samAcharitA | etasmAt saH nIlAchalasArasvatasa.nghasya parichAlakatvena niyuktaH | asau pUtAtmA utkale svAminigamAnandamatasya bIjavapanakartA AsIt | asya pracheShTayA hi nigamAnanda darshanasambadhIya va.ngIyagranthAH utkalabhAShayA.anuvAditAH, vistAritAshcha |

svAminigamAnanda AsIdutkalIyAnAM kR^ite shAshvatapuruShaH | tasya sulalitaM yogAgnimayasharIraM dR^iShTvA.amR^italiptavANIM cha shrutvA bahavotratyajanAH tasya shiShyatvena pariNatAH santaH taM svakIyaM gururUpeNa sthApayAmAsuH | 

tattvato nigamAnanda\-jIvanadhArA AsIdalaukikI | tajjIvanadarshanamapi amAvAsyAyAM chandraprakAsharUpam | bhAratIyasAdhanA nigamAnandadarshane tara.ngAyitA | tattvapipAsUnAM hR^idayakamale adyAvadhi chirantanI | tasyAdesha upadeshashcha autkalIyAnAmantaHkaraNe anirvachanIya ala.nghanIyaH | yachchoktaM paramarShiNA\-

\ldq{}vatsa ! ahaM sadguruH | jagadgurorichChA hi mayi lIlAyitA | yuShmAkaM muktimArgaM pradarshayituM mama vikAshaH | ye mayi pUrNanirbharAstAnahaM haste dhR^itvA muktidhAma neShyAmi\rdq{} | shiShyabhaktAn prati mahAtmanaH sneha AsIdanAvilaH | asau mahAtmA vArambAraM svashiShyAn AtmasamarpaNakartu.nmupadidesha | tathAhi\- \ldq{}vatsa! mama nirdeshaH yuShmAkaM pakShe na kaShTataraH | yato hi sAdhanadashAyAM mayA sakalaM kR^ichChrama.ngIkR^itam | adhunA yuShmAkaM pR^ithak sAdhanAyAH nAsti kAchit AvashyakatA | mama prANeShu tava prANAn mamechChAyAM tavechChAM cha sa.nyojayan madupadiShTa\-jagaddhitakarakAryeShu rato bhava | mama sAdhanAyAH sakalaM phalaM lapsyate\rdq{} | asau AtmasamarpaNayogaH | iyameva yuShmAkaM kR^ite baliShThA sAdhanA | nigamAnandajIvanadarshanaM paramaM tathA charamamAsIt tachChiShyAnAM kR^ite | tanmate shiShyasya bhaktimAdhyamena hi gurau gurutvasyAvirbhAvaH | yatra bhaktirnAsti tatra  nirasashuShkaj~nAnamAdhyamena brahmAvagatirasampUrNA | premNA chetasa utkarShaH | utkR^iShTe chetasi bhagavataH prativimbaH spaShTaH | bhagavantaM vashIkartuM bhaktiM vinA nAnyatkimapi kAraNAntaram | 

utkalabhUmau nigamAnandasya prabhAvo balavattara AsIt | yadivA nigamAnanda AtmAnamIshvarAvatAra iti kutrApi noktastathApi  katipayA.antara.ngA bhaktA tamIshvararUpeNa adyAvadhi pUjayanti sma | pAramArthike idaM nigamAnandadarshanaM dvaitavAdopari paryavasitamityalaM vivAdena | OM shAntiH |

                                       \-\-\- lekhakaH \- nandapradIptakumAraH
sahAyakagranthAH
1\- j~nAniguruH
2\- yogiguruH
3\- tAntrikaguruH
4\- premikaguruH
5\- brahmacharyasAdhanam
6\- ThAkurera chiThi 
##
Written by Dr. Pradipta Kumar Nanda, Kendrapara, Orissa pknanda65 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}