उपदेशात्मकं पत्रम्
(अनुष्टुप्छन्दः)
यतस्त्वयि न वृत्तिर्हि निर्विकल्पे चिदात्मनि ।
नाहं न त्वं जगन्नेदं सोऽहं भावैस्तवास्ति किम् ॥ १॥
दासोऽहमिति चाज्ञानं तथा नोऽहमिति भ्रमम् ।
अहं स इति सम्मोहं त्यक्त्वा स्वस्थो भवानघ ॥ २॥
निर्भेद निर्मले नित्ये ब्रह्मरूपे निजात्मके ।
ब्रह्मैवाऽहं तथा सोऽहं दासोऽहं मन्यसे कथम् ॥ ३॥
अखण्डैकरसे नित्ये निराधारे निरञ्जने ।
यतः सदा स्थितोऽसि त्वं नेह नानास्ति किञ्चन ॥ ४॥
कर्तव्यो धर्म इत्याहुः स धर्म स्वात्मना स्थितिः ।
इत्येवमेव जानीयान्नेहना नास्ति किञ्चन ॥ ५॥
मिथ्यैष व्यवसायस्ते यदिदं पत्रलेखनम् ।
अनन्ते परमे व्योग्नि तिष्ठ त्वं स्वविचारतः ॥ ६॥
न कोऽपि गुरुरस्त्यत्र कनीयान् शिष्य एव वा ।
आत्मैवेदं श्रुतिर्वक्ति द्वितीयाद्वै भयं यतः ॥ ७॥
इति श्रीमत् परमहंसपरिव्राजकाचार्य सद्गुरु भगवान्
श्रीधरस्वामीमहाराजविरचितं उपदेशात्मकं पत्रं सम्पूर्णम् ।
रचनास्थानं - सज्जनगिरि, संवत्सरः - १९३६
Proofread by Manish Gavkar