उदारभारतवन्दना
वन्दे भारतवर्षमुदारम् ।
वेद-कुरान-वाइविल-जेन्दावेस्ता-विदिताकारम् ।
राम-सुहम्मद-यीशू जरथुस्त्राहित-धर्माचारम् ॥
हिन्दु-मुसल्मेसाई-परसीकानां परमागारम् ।
विविध-संप्रदायाकुलितानां भुक्ति-मुक्ति-सद्वारम् ॥
निराकार-साकार-निरीश्वर वादि वृन्द-परिवारम् ।
संस्कृत-फारस्यङ्ग्रेजी-जेन्दा भाषाभरधारम् ॥
मन्दिर-मस्जिद-गिरजा-ग्यारी-पूजाफलदातारम् ।
कृष्ण-श्वेत-रक्त-पीताङ्गैः ᳚श्रीकर᳚ चेतोहारम् ॥
-अयोध्यावासिनां श्रीकालिप्रसादशास्त्रिणां
(गीतमयं राष्ट्रीयकाव्यमिदं देववाणी परिषद्,
६ वाणीविहार, दिल्ली इति सङ्कतेन लभ्यते ।)
Proofread by Mandar Mali