% Text title            : Rishigautamaprokta Tirtheshvara Mahima
% File name             : tIrtheshvaramahimARRiShigautamaproktA.itx
% Category              : misc, shivarahasya
% Location              : doc\_z\_misc\_general
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 36| 53-77 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rishigautamaprokta Tirtheshvara Mahima ..}##
\itxtitle{.. R^iShigautamaproktA tIrtheshvaramahimA ..}##\endtitles ##
sAdhu pR^iShTamidaM kShetra tIrthottamamiti smR^itam |
ayaM tIrtheshvaro devo li~NgaM tIrtheshvarAbhidham || 1||
asya tIrthasya mahimA vedairvij~nAyate param |
mayA.api tatprasAdena katha~nchit j~nAyate khalu || 2||
atra pUrvaM munivarAH sha~NkarArAdhanotsukAH |
bahavastIrthanAthasya pUjAdhyAnaratAH sadA || 3||
te labdhvA kAmanichayaM bhuktvA bhogAn yathechChayA |
antarhitAH prayatena li~Nge tIrtheshvarAbhidhe || 4||
idaM tu kAmadaM li~NgaM bhuktidaM cha munIshvarAH |
etannirmAlyapUjApi muktisAdhanamuchyate || 5||
purA vijayayA sR^iShTaM jayayApi puraM param |
dhIre kShIranadItIre gaurItIrtheshvarAj~nayA || 6||
ratnaprAkArasa~NkIrNaM ratnagopurasa~Nkulam |
tatastAbhyAM mahAdevastIrtheshaH prArthitaH stavaiH || 7||
tvayA tvadAj~nayA sR^iShTe nagare ratnamandire |
vasatiH satataM kAryA dayayA parayetyapi || 8||
tayostadvachanaM shrutvA tathAstvityAha sha~NkaraH |
tataH paraM gataM tAbhyAM santoSheNa shivAj~nayA || 9||
svabhaktAnugrahaM kartuM svanirmAlye.api sha~NkaraH |
sthitaH samarchito bhaktyA sarvAbhIShTaprado bhavet || 10||
tataH svabhaktamIte.api sthito nirmAlyachandane |
shivastannagaraM prApa tadabhIShTaprado budhAH || 11||
tatrAbhIShTaprado jAtaH svabhaktebhyaH sadAshivaH |
kariShyantyatra bahavaH tatpUjAM bhAgyalipsavaH || 12||
ye nityaM tIrthanAthasya nirmAlyasyApi pUjanam |
kariShyanti prayatnena te pUjyAH syuH surairapi || 13||
yadA yadA yatra sa tIrthanAtho dhyAtaH svabhaktairapi pUjitaH syAt |
tatra sthitastatkR^itapUjayaiva dAsyatyavashyaM tadabhIpsitAni || 14||
etannirmAlyamAdAya divyachandanalakShaNam |
vijayA paTTaNaM prApya ka~nchilli~NgaM kariShyati || 15||
talli~NgapUjayA tAvat j~nAnaM bhAgyaM cha bhAsuram |
prAptavyamasya yatnena shivabhaktena tena hi || 16||
tatsantatipravR^iddhishcha bhaviShyati dine dine |
talli~Ngachandanenaiva pravR^ittiM sa kariShyati || 17||
tasya putrAshcha pautrAshcha talli~NgArchanatatparAH |
sarve saubhAgyasampannAH vR^iddhiM yAsyanti sarvathA || 18||
talli~NgadarshanaM kartuM shA~NkaraH kashchiduttamaH |
Agatya tasya li~Ngasya pUjanaM sa kariShyati || 19||
tadbhAvali~NgamAlokya pratyahaM tasya pUjanam |
kR^itvA sthAsyati tadgehe tadannaireva poShitaH || 20||
so.api shAmbhavamAlokya tena snehaM kariShyati |
shR^iNvan shivakathAstasmAt tuShTaH sthAsyati sarvathA || 21||
kAle kAle prayatnena tasya li~Ngasya sevayA |
tachchittaM nirmalaM tena sa tatsevAM kariShyati || 22||
sannidhAnaM maheshasya tIrtheshasyAsya sarvadA |
siddhipradAyakasyAsya bhAvali~Nge bhaviShyati || 23||
bhAvali~NgAlayasyAsya bahubhAgyapradasya cha |
smaraNAdeva siddhayanti phalAni vividhAnyapi || 24||
siddhali~NgeShvidaM li~NgaM prasiddhaM sarvakAmadam |
etadabhyarchanenaiva muktiH karatalAshrayA || 25||

|| iti shivarahasyAntargate R^iShigautamaproktA tIrtheshvaramahimA sampUrNA ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 36| 53\-77 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 36. 53-77 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}