% Text title : Tirthatanam % File name : tIrthATanam.itx % Category : misc, vAsudevanElayath % Location : doc\_z\_misc\_general % Description/comments : From Bhaktitarangini by Prof. P.C. Vasudevan Elayath % Latest update : December 25, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Tirthatanam ..}## \itxtitle{.. tIrthATanam ..}##\endtitles ## prathamakhaNDaH | mandasmitArdravadanaM karuNAmayalochanam | guruvAyupurodbhAsi pUrNe brahma samAshraye || 1|| manasaH shAntimAdhAtuM tIrthATanamanuShThitam | smR^ityA romanthAyamAno varNayAmi yathAmati || 2|| kirAtavapuShaM devaM paramaM kuladaivatam | tIrthayAtrAsamudyuktaH prArthaye bhaktipUrvakam || 3|| \ldq{}namaste shabarAkAra bhagavan bhaktarakShaka | prasIdaH bhUyAnnirvighnamidaM tIrthATanaM mama\rdq{} || 4|| tataH prasannahR^idayaH prasthitaH svaguhAdaham | nAnAbhaktamamAkANAM sAyaM gurupurImagam || 5|| prAtargurumarudgehe labdhaM nirmAlyadarshanam | dR^iShTaM bhagavato rUpaM sarvAla~NkArabhUShitam || 6|| tatashchAbhya~NgasusnAtaM paTTakaupInadhAriNam | kirITinaM mandahAsasundarAsyendumaNDalam || 7|| karuNAmR^itaniShyandivilolanayanA~nchalam | kadalIpakkasaMshobhivAmetarakarAmbujam || 8|| manoj~nashaishavAvasthaM kR^iShNaM gurumarutpatim | dUShTvAnandAshrusaMruddhakaNThena prarthitaM mayA || 9|| hare, kR^iShNa, dayAsindho guruvAyupurIpate | ramyaM bhaLadrUpamidaM nityaM manasi bhAsatAm || 10|| bhavatprasAdAdbhUyAnme tIrthATanamidaM shubham | yato.ahamApnuyAM shAntiM mAnasImanapAyinIm || 11|| anantaraM chakradharabijelvAnena sUriNA | sAkaM sa.nprasthitaM prAtarguruvAyupurAnmayA || 12|| keralAn draviDAMshchApi nAnAdR^ishyamanoharAn | grAmAMstvathaiva nagarAn dR^iShTvA hR^iShTAntarAtmanA || 13|| prAptA sAye sumampannA ramyA sA trishiraHpurI | yasyAH samIpe kAverI pravahatyatipAvanI || 14|| prAhNe paredyurnagare tatra saMskR^itapaNDitaiH | maNDitA pariShatsamyagArabdhAtimahIyasI || 15|| nimantritau draviDagairbudhaistadadhikAribhiH | AvAM sannihitau tatra sadasi prItipUrvakam || 16|| tasmin saMskR^itasAhityapariShadvArShikotsave | bijelvAnaH sudhIrAsIdagrAsanapade vR^itaH || 17|| tasya prabhAShaNaM sArasampUrNe prauDhasundaram | AnandatundilAMshchake sadasyAn paNDitottamAn || 18|| aparAhNe chAnubaddhA pariShatsA garIyasI | nishAyAM tatra sadasi chalachchitraM pradarshitam || 19|| auttarAhakShetrajAtaM yAvadvadari vishrutam | ga~NgAdIni cha tIrthAni tatra dR^iShTAni yanmayA || 20|| tadetatkAkatAlIyamabhUttIryATakasya me | kevalaM dAkShiNAtyeShu tIrtheShvaTanamichChataH || 21|| athAparandyuruShasi shrAvaNotsavavAsare | giridurgamahAkShetramagamaM suhR^idA samam || 22|| yo bhAti trishiraHpuryo shailaH kR^iShNashilAmayaH | vidAritasya tasyAntaH shilaj~naiH paramAdubhutam || anekatalasa~NklR^iptaM nAnAdevAlayAnvitam | 23 shR^i~NgAgraparyantashobhishilAsopAnasundaram || 24|| atyuchchashailashikhArapratiShThitagaNeshvaram | purANashilpavaidagdhyasarvasvamiva sebhR^itam || 25|| giridurgakShetramidaM \ldq{}pallavA\rdq{} niramApayan | madhyame.atra tale ramye mahArhaM mantramaNDapam || 26|| sandR^iShTaM pallavAnAM tadvinAyakasurakShitam | gUDhanirgamane shailaguhAmArgo.atra nirmitaH || 27|| tatropadevAnAnamya shilpAnyudvIkShya vismitaH | shailashR^i~NgaM samAruhra chAdrAkShaM gaNanAyakam || 28|| taM tu~NgapIbarAkAraM manoj~namukuTA~nchitam | dhIrapi~NgalanetrAntanissaratkaruNAmR^itam || 29|| ekadantaM dIrghashuNDAmR^iShTatundaM chaturbhujam | mahAgaNapatiM devaM vyanamaM bhaktipUrvakam || 30|| karpUranIrAjanAdi kArayitvA prasannadhIH | anauShaM vighnarAjaM taM kR^itA~njalipuTo mudA || 31|| yasya kR^ipAmR^itavarShA\- tsampannA yAti sarvatobhadrA | trisharaHpurI sa devo dadAtu naH shAshvatAni bhavyAni || 32|| \ldq{}bhagavan, gaNanAtha, vibho, bhaktaM duHkhArditaM bhavaddAsam | pAdabjapraNatamamuM\rdq{} dR^iShTyA.anugR^ihANa shAntidAyinyA || 33|| tatashchAtyunnate shailashR^i~Nge tiShThan sakautukam | apashyaM paritaH kR^itsnAM nagarIM ramyadarshanam || 34|| ki~nchAdUre virAjantIM sudIrghA cha suvistR^itAm | puNyodakAM tIrthavarAM kAverIM tAM dR^ishA.apiban || 35|| tasyAH pAre.ahamadrAkShaM jambukeshvaragopuram | atyunnataM ramyarUpaM darshanAdeva pApaham || 36|| athAvaruhra shailendrashR^i~NganmitrasamanvitaH | prAhNe sAhityapariShatsammelanamupAgamam || 37|| bahavaH kavayastatra kAvyaiH svasvavinirmitaiH | sabhAsadaH sahR^idayAn paNDitAn samatoShayan || 38|| tatrAhamapaThaM \ldq{}premasAyujyaM\rdq{} navyakalpanam | gItakAvyaM madIyaM tatsadasyairanumoditam || 39|| aparAhNe sammilitA pariShadvitatAra me | virudaM chApi \ldq{}sarasasAhitIvallabhA\rdq{}hvayam || 40|| atha prabhAShitaM tatra nAtisa.nkShepavistaram | gairvANyA kAvyasaundaryamarmANi spR^ishatA mayA || 41|| dinadvaye.api sadasi tatra vikhyAtapaNDitAH | darshaneShu cha sAhitye prabhAShaNamakurvat || 42|| dvedhApyamR^itabhAShAtvaM saMskR^itasyAvabodhayan | paNDitAnAM vAgvilAsastatra samyAgvyajR^imbhata || 43|| evaM saMskR^itasAhityapariShadvArShikotsavaH | sarasvatIpuNyatIrthasnAnaM me manaso vyadhAt || 44|| athAnyasmin dine prAtaH prasthitaM suhR^idA saha | kartuM mayA puNyatame kAverIsnAnatarpaNe || 45|| kAveryAM snAnaghaTTo.asti yo.ambAmaNDapasa.nj~nitaH | shrIra~NgakShetrasavidhe prathito bhaktasa~NkulaH || 46|| tatra vI vIkalasvAnamudgirantI suhAsinI | puNyatIrthavarA devI kAverI vanditA mayA || 47|| \ldq{}namaste devi kAveri, puNyasnAnaM karomyaham | bhUyAsaM pApanirmuktaH prashAntahR^idayaH sadA\rdq{} || 48|| tatara tIrthAmbuni svachChashItale.anekama~njanaiH | bhaktyA.akArShakamahaM puNye kAverIsnAnatarpaNe || 49|| athAhaM gopuraistu~NgaiH shilAshilpamanoharaiH | prAkArairunnaternAnAkakShyAvIthIbhirAvR^itam || 50|| shrIra~NganAthakShetraM tat prAvishaM bhaktinirbharaH | nAnAbhaktavaritrANaM smR^itihrmadayamAvishat || 51|| bhaktyunmAdAmR^itAmbhodhinimagnahR^idayAntaraH | vyaharadyatra chaitanyo vishvaM vismApayaMshchiram || 52|| tadidaM vaiShNavaM dhAma vishato hR^idayaM mama | jAtaM prasannamAnandasamplave lInama~njasA || 53|| uparyutkhachitAnekasauvarNaphalakojvale | tatra garbhagR^ihe bhAntaM mahAntaM nAgashAyinam || 54|| mandahAsA~nchitamukhaM shrIbhUmibhyAmupAsitam | shrIra~NganAthamadrAkShaM harShotphullavilochanaH || 55|| mayAvinamrashIrSheNa baddhA~njalipuTena cha | puNyaikadR^ishyo bhagavAn ra~NganAtho.abhisaMstutaH || 56|| \ldq{}shrIra~NganAtha, bhagavan karuNaikasindho, mAM pAhi duHkhashatadhAravidIrNachitam | diShTyA bhavatsavidhamAgatavAMstu bhUyAt so.ayaM prashAntahR^idayastava dAsadAsaH || 57|| atyantapAvanatame marudAlaye shrI\- ra~Nge cha ma~Ngalatame haribhaktira~Nge pashyAmi tulyaruchi bhAntamahaM bhavantaM tvayyastu me ratiranantasukhasvarUpin || 58|| shrIra~NganAtha, praNatArtihAribhiH suma~NgalairmugdhatamairvilochanaiH | dayAmayairme vitarAkhilaprabho, prashAntimAnandadhanAmanashvarIm || 59|| tataH pratinivR^ityahamadUre jambukeshvaram | mahAkShetraM shilashilpashobhitaM prAvishaM mudA || 60|| tatra puNyatame kShetre bhaktasa~NghasamAkule | shuddhe garbhagR^ihe gulphamAtnatIrthajalAplute || 61|| nirbhAntaM li~NgarUpeNa sha~NkaraM bhaktavatsalam | praNamya prArthayaM chaivaM bhaktigadgadayA girA || 62|| shrIjambukeshvara, natapriya, dInabandho, shrIpArvatIhR^idayavallabha, divyamUrte | dAso.asmi deva, tava; he bhagavan prasanna \- stvaM dehi bhaktimamalAM manasashcha shAntim || 63|| ityabhiShTUya tuShTo.ahaM nivR^itto jambukeshvarAt | sa.nprApaM sasuhR^idvAsagR^ihaM \ldq{}mAyavaraM\rdq{} varam || 64|| madhyAhne kR^itakR^ityaH sa vijelvAnaH prasannadhIH | pratasthe mAmupAmantrya guruvAyupuraM prati || 65|| athaikAko vAsagR^ihe vishrAntohaM vyachintayam | tIrthATanasya puNyasya prabhAvaM matryajIvite || 66|| manasA nyaname sAdhUstyaktakauTumbikavyathAn | nityatIrthATakAn bhaktij~nAnasaMshuddhajIvitAn || 67|| dvitIyakhaNDaH | atha tasmin dine sandhyAkAle samamilaM mudA | guravAyupurAdabhyAgataistIrthATakeraham || 1|| tatra mitraM kaviH kR^iShNanuNNiH patnI cha mAmikA | kR^iShNannampUpirishchAsIt sakuTumbaH suhR^ittamaH || 2|| susajjabassAkhyamahAvAhanena samAgatAH | sarve.api te vyadR^ishyanta sotsAhAstuShTamAnasAH || nishAyAM trishiraHpuryo vishrAntAstIrthachAriNaH | prage yayushcha kAperIM shrIra~NgaM jambukeshvaram || 3|| eteShAM tIrthamukhyAnAM punardarshanabhAgyataH | mano madIyamAtmAnaM dhanyadhanyamamamanyata || 4|| tataH prasthAya pUrvAhNe kumbhakoNaM samAgataH | dR^iShTvA.anamastetra tIrthe kumbhamelAspadaM mudA || 5|| tatashcha sAra~NgapANikShetraM sarve prapedire | shA~NrgapANiM tatra bhAntaM praNemurbhaktipUrvakam || 6|| tato nirgatya madhyAhne prAptAsta~njApurIM same | yatra bhAti mahAkShetraM vikhyAtaM bR^ihadIshvaram || 7|| shilAshilpA~nchitamahAgopure kShetrasattame | puNye garbhagR^ihe bhAti shivali~NgaM bR^ihattamam || 8|| tachcha chandrakalAdhAri sphuraddIpaprakAshitam | dR^iShTvA bhaktyA praNamyaivaM prArthayaM taM maheshvaram || 9|| \ldq{}shambho mahAdeva, pAdapraNate bhR^itake mayi | nidhehi dR^iShTeM sadayAM bhAyAsaM shAntamAnasaH\rdq{} || 10|| tatra shilAshatAkIrNe vistR^ite bAhramaNDape | shete nandI kR^iShNashilAshilparUpo bR^ihadvapuH || 11|| vIkShya taM chetanamiva praharShotphullamAnasAH | natrAtiShThAma sarve.api vayaM chitrArpitA iva || 12|| tatastasmAnmahAkShetrAdvikhyAtATubR^ihadIshvarAt | nivR^itya tadanu prAptAH svAmishekaM manoharam || 13|| AsyAyaM tatra vishrAntAHkShetropAnte vayaM same | sAyamuddhATitaM kShetre praviShTAstatra sAdaram || 14|| yatrA.aste bhagavAn sphandaH shilAsopAnasundare | bhaktasa~NgasamAkIrNe shailashR^i~Nge samunnate || 15|| nAnAvarNA~nchitashilAshilpaiH sammohanaM dR^ishAm | paripUtaM mahAkShetraM guhasyaitat suvishrutam || 16|| kArtikeyaM samAnamya svAminaM taM mahaujasam | manasA prArthayaM chaivaM baddhA~njalipuTo mudA || 17|| \ldq{}devasenApate, svAmin, dharmasaMsthApaka, prabho | prasIda pAdadAse mayyantaH shAntiM vidhehi me || 18|| bhavantaM karuNApUrNe mayUravaravAhanam | bhavasantArakaM devaM tArakAntakAmAshraye\rdq{} || 19|| tataH pratinanivR^ityAhaM sarvaishcha sahayAtrikaiH | samAgame nishIthinyAH prApaM puNyaM chidambaram || 20|| yat purANeShu vikhyAtaM puNyakShetraM pinAkinaH | yatra pratiShThitaH sAkShAnnaTarAjo maheshvaraH || 21|| tasya sandarshanAdeva prahR^iShTe mama chetasi | vikhyAtA nantanArAdyA bhaktAH sannidhibhagyayuH || 22|| dIrghayAtrAparishrAntA rAtrau tIrthATakA vayam | prashAntapAvane tatra kShetropAnte vishashramuH || 23|| prage parandyustatkShetraM tu~Ngagopuravaprakam | shilAshilpasahasrADhyaM prAvishaM bhaktipUrvakam || 24|| adrAkShaM tatra nirbhAntaM naTarAjaM jagatprabhum | apUjaye bhaktipUrve stotravilvadakairaham || 25|| \ldq{}charAcharAtmakaM vishvaM yadIyanaTanAtmakam | vande chidambarAdhIshamAdyaM nATyakalAgurum || 26|| vichitrapAdavinyAsatAladhvanitatadi~Nmukham | niku~nchitaikapAdaM taM naTarAjaM namAmyaham || 27|| bhrUlatAchAlanairdR^iShTivilAsaira~NgahArakaiH | vishvabhAvAn bhAvayantaM naTarAjamupAsmahe || 28|| suvyaktasachchidAnandaM dayA~nchitadR^iga~njalam | vande digambaraM devaM chidambaranaTeshvaram || 29|| yannATyashAstravij~nAnAdbharatAdyA maharShayaH | nATyAchAryAH samabhavannaTarAjaM tamAshraye || 30|| nAnAmudrA~nchitAnekavimohanakarA~nchalam | nR^ittashlathajaTAbhAraM bhAvaye.ahaM mahAnaTam\rdq{} || 31|| nIrAjanaM kArayitvA karpUrajyotiShA tataH | prasAda bhasma tat pUtaM sAdaraM svIkR^itaM mayA || 32|| upadevAn samAnamya shilAyAM tatra kalpitam | vyalokayaM shilpashataM vismayAnandasamplutaH || 33|| nATyashAstraprasiddhAni mudrAjAlAni gopure | a~NgahArAshcha vividhAH samutkIrNAH shilAsu ye || 34|| chirAddidR^ikShitAste cha mayA sAdhu nirIkShitAH | apUrvadarshanAttasmAdAtmA sa.nprApa nirvR^itim || 35|| tatashchidambarAt prAhNe prasthAya vayamAgatAH | sAyaM lakShprIvilAsADhyAM prathitAM madhurApurIm || 36|| pANDyarAjastirumalanAyakaH khyAtavikramaH | tatra yAM shilpasampannAM rAjadhAnImakalpayat || 37|| tAmavAlokayaM naShTashiShTAM vismitamAnasaH | tatrAdrAkShaM sambhR^itAni purAvastushatAni cha || 38|| shilparatnAni vividhAnyadbhutaM vyadadhuH param | mantramaNDapamadrAkShaM rAj~naH shilpopashobhitam || 39|| atha sandhyArAgashubhannAnAvistR^itavIthikAm | vikreyavastumpUrNamahApaNagaNAnvitAm || 40|| uttu~NgasaudhanikaradarshanIyAM janAkulAm | madhurAnagarIM dR^iShTvA harShe chAdbhutamadhyagAm || 41|| mInAkShImandiropAnte sarve tIrthATakA nishi | sukhaM vishramya navatAM lebhire vigataklamAH || 42|| tataH prabhAte prathamaM sapatnIkaH sahAnugaH | prAvishaM tadguhakShetraM kuNDaM shrIparapUrvakam || 43|| dR^iShTvA.anamya cha senAnyaM prArthayaM susamAhitaH | \ldq{}svAmin, bhayebhyastrAyasva manasaH shAntirastu me\rdq{} || 44|| atha natvA tathaivopadevAn shilpAnyudvIkShya cha | mInAkShImandiraM prApya devIM bhaktyA samAnamam || 45|| \ldq{}mInAkShi, madhurAnAthe, jagadamba, namo.astu te | sarvavidyAtmike, devi, prakAshasva sadA hR^idi\rdq{} || 46|| tataH pravishya mahitaM sundareshvaramandiram | praNamya prArthayaM bhaktyA bhagavantaM maheshvaram\rdq{} || 47|| \ldq{}mInAkShIprANasarvasva, namaste sundareshvara | sachchidAnandarUpaM te bhAsatAM hR^idaye mama\rdq{} || 48|| tataH pravishya vistIrNe sahasrAstambhamaNDapam | nAnAshilpAnyadbhUtAni purAvastushatAni cha || 49|| saptasvarastambhajAtaM tatrApi cha visheShataH | adrAkSha; mashrauShamevaM stambhotyaM svarasa~nchayam || 50|| gAyantamiva pANDyAnAM shilpavaidagdhyasadyashaH | nimagnamadbhutAnandasa~Nkare manmanastadA || 51|| tato nirgatya purato gopure shilpasundare | lagnAM dR^iShTiM samAkR^iShya katha~nchit prasthitA vayam || 52|| dIrghAM yAtrA samArabdhA puNyaM rAmeshvaraM prati | prAhuNe prahR^iShTahR^idayairasmAbhistIrthachAribhiH || 53|| anekAn grAmanagarAn vividhAn janasa~nchayAn | jAvAsavihInAMshcha pradeshAnativistR^itAn || 54|| darshedarshamanAkhyeyanAnAbhAvA~nchitAntaraH | nAvidaM dIrghayAtrotthaM kleshajAtamihANvapi || 55|| samudropari sA vahnishakaTenAlpaveginA | yAtrA vichitramAnandamatanonmAnase mama || 56|| sandhyAtapasamAraktachelA~nchitakalevarAH | nanR^iturvIchikAstatra hahantyo mAnasaM mama || 57|| nAnAtAlalayonmeShA tAsAM sA gAnavaikharI | vyAsi~nchidamR^itAsArairmadIyAnandavallarIm || 58|| evamAnandaniShyandasnAnapUtahR^idantarAH | sAya~NkAle vayaM prAptAH puNyaM rAmeshvaraM same || 59|| kShetropAnte nishAM nItvA prabhAte shAntamAnasAH | samudratIraM sa.nprAptA nAnAbhaktajanAkulam || 60|| tatrApashyAma vividhaveShabhAShAsamanvitAn | nAnAdeshAgatAn puNyatIrthasnAnAya sa~NgatAn || 61|| bAlAruNakarAmR^iShTanR^ityadvIchIkalasvanam | bhaktasa~NghairanuShThIyamAnasnAnakriyAvidhim || 62|| tIropAntasamudraM taM puNyatIrthamanuttamam | AlokyabhUvima vayamAnandAmagnachetasaH || 63|| koTitIrthe samudre.atra snAnaM kR^itvA yathAvidhi | kShetrapiNDaM vyatanuma shraddhAbhaktisamanvitAH || 64|| atha pApopashAntyarthe pitR^iprItyarthameva cha | sapatnIkaH samudre.atra punaH snAnaM samAcharam || 65|| purohitena nirdiShTau dUrato.atra mahAmbudhau | dhanuShkoTI rAmasetu~nchApi sa~Nkalpya vanditau || 66|| hanta! prakR^itivikShobhAddurdiShTaprArAvoditAt | nAtidUre bhUtakale samudrAplAvitAvimau || 67|| punardAnAdikaM kR^itvA puNyatIrtheShu bhUriShu | uparAmeshvarakShetramabhiSheko.apyanuShThitaH || 68|| tato rAmeshvarakShetraM nAnAshilpopashobhitam | tu~NgagopuravaprADhyamupadevairadhiShThitam || 69|| pravishyAntarmayA dR^iShTaM sItArAmapratiShThitam | shivali~NgaM mahApuNyaM divyachaitanyabhAsvaram || 70|| kR^itA~njalipuTo bhaktyA mukulIbhUtalochanaH | praNamyachAstauShamevaM mahAdevaM jagatpatim || 71|| namaH shivAyaH bhagavan, mahAdeva, maheshvara | chandrashekhara, vishvAtman diShTyA dR^iShTo bhavAnmayA || 72|| sarvaprAyashchittamastu praNAmo.ayaM bhavatpade | prabho, pratigR^ihANAmuM tathaivAnugR^ihANa mAm || 73|| yathA duritajAtaM me jhaTityeva vinashyati | sahasrAbhAnAvudite gADhamandhaM tamo yathA\rdq{} || 74|| karpUranIrAjanAdi kArayitvA prasannadhIH | vibhUtyAdikamAdAya prasAdaM nirvato.abhavam || 75|| athopadevAnanamaM tatrApi cha visheShataH | sItArAmau dharmamUrtI lakShmaNo bhrAtR^idaivataH || 76|| hanUmAn svAmibhaktashcha mahAvIro mahAbalaH | bhAratasyAdarshabhUtA ime samAbhivAnditAH || 77|| prasArya bhAvanApakShaM manmanovihagastadA | AdikAvyasyAntarikShe vijahAra vishR^i~Nkhalam || 78|| tato nirgatya purato vistR^ite bAhramaNDape | apashyamadbhutAnandaniShpandIkR^italochanaH || 79|| manoharaM shilAshilpaM himAdrishikharopamam | shvetaM mahokShamAramyavarNashilpakalA~nchitam || 80|| kakudmantaM tIkShNashR^i~NgaM dhIroddhatavilochanam | shayAnaM pIvarAkAraM jIvantamiva nandinam || 81|| pradakShiNIkR^itya bhaktipUrve taM shambhuvAhanam | kR^itArthaH sannivR^itto.ahaM mahAkShetrAt prasannadhIH || 82|| tR^itIyakhaNDaH | tIrthayAtrAmukhyalakShyaM sAdhayitvA praharShitAH | kanyAkumArImuddishya tataH sa.nprasthitA vayam || 1|| ApUrvAhNAdAnishaM sA dIrghA yAtrA pravartitA | prAyastIrthATakAstatra babhUvuH shrAntamAnasAH || 2|| vichitravaividhyajuShAM bhUbhAgAnAM nirIkShaNAt | anvabhUvaM mahAnandaM vyasmaraM shrAntivaidhurIm || 3|| mArgamadhye tirichchantUriti prakhyAtamuttamam | kArtikayamahAkShetraM dR^iShTaM sAyaM janAkulam || 4|| punarunmeShamApannAH sarve.api sahayAtrikAH | svAminaM guhamAnamya bhaktyA sa.nprArthitaM mayA || 5|| \ldq{}shivashaktyorekarUpaM bhagavaMstvAM namAmyaham | prasIda mayi dAse.asmin manaHshAntiM vidhehi me\rdq{} || 6|| uttu~NganAnAvaprADhyaM sashilponnagopuram | darshe darshe mahAkShetraM santuShTAstIrthachAriNaH || 7|| tataH prasthAya sarvepi navatvamupalambhitAH | naktaM dvitIyayAme tu prAptAH kanyAkumArikAm || 8|| tatrovitAH pure navye vivekAnandasa.nj~nite | anyedyuruShasi prAptA vayamabdhitaTaM mudA || 9|| sUryodayadidR^ikShA.asIdudvekA hR^idayeShu naH | tadA meghAvR^itaM jAtaM hantaH prAchIdishAmukham || 10|| tathApi vIchIsa.nkShobhisamudratrayamelanam | nirIkShya harShonmattA.abhUchchetanA sarvathaiva naH || 11|| tu~Ngaistara~Ngasa~NghAtaiH samAkrAnnA pade pade | samudravelA tatrAsmadvihArAspadatAM gatA || 12|| kechidAgulphapAtinyA vIchyA lIlAM vitenire | anye chAjAnupAtinyA chikriDustuShTamAnasAH || 13|| pare dUre sthitAstu~Ngatara~NgAghAtachAturIm | dadR^ishuH sarva evAsannAnandonmattachetasaH || 14|| itastataH samudre.atra yantranaukAshchakAshire | vikAratarale chitte sa~NkalpA vividhA iva || 15|| samudre.anatidUre sA dR^iShTAtimahatI shilA | atyugravIchikAghAte chirArabdhepi nishchalA || 16|| svAmI vivekAnando.atra sthitvA pUrvaM dinatrayam | dhyAnamagno.abhavadyatra nirmitaM mandirottamam || 17|| shilpavaidagdhyaniShpannajIvachaitanyabhAsurA | mahatI pratimA tatrasthApitA tasya yoginaH || 18|| tasyAshchAbhimukhaM tatra pratichChandadvayaM sthitam | shrIrAmakR^iShNadevasya shAradAmAtureva cha || 19|| prashAntaM pAvanaM tatra kalitaM dhyAnamandiram | purA yatra sthito.avApamavAchyAmAtmanirvR^itim || 20|| kanyAkumArIpAdabjachihnaM yatrAvabhAsate | tat sthAnaM shilpasubhagaM kR^itvA.atra parirakShitam || 21|| etatsarvaM yathAdhyakShaM chakAshe smR^itimaNDale | manasA.anamyachAstauShaM vivekAnandayoginam || 22|| \ldq{}yogatrayavishuddhAtmannApAdAnashatAni te | gAyanti tyatpadopAnte namrA vAridhivIchayaH || 23|| samudratrayasaMyogastIrthatIrthIbhavatyayam | vatastvatpAda saMspR^iShTAM shilAM spR^ishati vIchibhiH || 24|| sandeshaM bhAratAmbAyA ratnamadhyAtmadarshanam | chirAtkAlikamAlinyagrastamastaprabhaM sthitam || 25|| punaH shrIrAmakR^iShNena shANagharShaNashodhitam | vishvapremArdrachittena dhIreNa bhavatA syayam || 26|| chakravAlAntavilasatprabhAmaNDalashobhitam | kR^itvA lokAyopahataM namaste vishvavandhave || 27|| tvAM sha~NkarasyAvatAraM mahAyogin, namAmyaham | dayayA.anugR^ihANAmuM manasaH shAntirastu me || 28|| samudradR^ishyAdAkR^iShya sarve dR^iShTiM katha~nchana | nivR^itya tIrAdambhodhe devIkShetre prapedire || 29|| tatra garbhagR^ihe bhAntIM nAnAla~NkArashobhitAm | devIM kanyAkumArIM tAM dR^iShTvA mumudire same || 30|| saundaryasArasarvasvamekatrAhitamadbhutam | devIsvarUpaM dR^iShTvA tatsarve vismitamAnasAH || 31|| baddhA~njalipuTA namrAH sthitAshchitrArpitA iva | anAvamahamevaM tAmAnandAmagnamAnasaH || 32|| kalAvidyAtmike devi, sachchidAnandavigrahe | kanyAkumArI bhavatI nityaM manasi bhAsatAm || 33|| sarva~NkAmadudhe, devi, prasIda praNate mayi | tvadbhaktiparamAnande magnaM bhavatu jIvitam || 34|| atha sa.nprasyitAH sarve syAnandUrapuraM prati | madhyemArge kShetramukhyaM shuchIndraM sa.nprapedire || 35|| shuddhisthAnaM mahendrasya purANaprathitaM maham | kShetrametadato lebhe shuchIndravyapadeshyatAm || 36|| satyAsatyaparIkShA.abhUdyatra pUrve mahAdbhutA | tatphalaM labhyate haste taptAjyaparimajjite || 37|| shilAshilpA~nchitottu~NgamahAgopurasundaram | atyuchchavapravalayamupadevairadhiShThitam || 38|| kShetrametatpravishyAhaM mahAdevamumApatim | madhyAhnapUjAvasAne vyanamaM bhaktipUrvakam || 39|| \ldq{}svAmin, mahAdevashambho, prasIda praNate mayi | yenAhamApnuyAM shAntiM mAnasImanapAyinIm || 40|| puShpA~njaliM kArayitvA prasAdaM parigR^ihra cha | santuShTachittaH pratiShThaM sahAnyaistIrthachAribhiH || 41|| aparAhNe cha sa.nprAptaM sundaraM janasa~Nkulam | tu~NgalaughaNAkIrNaM syAnandUraM purottamam || 42|| shrIpadmanAbhakShetrasya puratastu~Ngagopuram | padmatIrthe cha nikaShA vishrAmaH sAdhu sevitaH || 43|| sAyamuddhATite kShetre prAvishaM tatra sAdaram | vaprAntaH shrIbaligR^ihaM shilAshilpopashobhitam || 44|| darshaM darshamahaM bhaktyA prAdakShiNyaM samAcharam | apashyaM bR^ihataH kAMsyasharAvAn shilpasundarAn || 45|| dR^iShTo baligR^ihastambhe samutkIrNo mahattamaH | hanumAn navanItaM yattasya pAde samarpitam || 46|| pipIlikAdUShitaM vA drutaM vA na bhaviShyati | bhagavAnA~njaneyaH sa vandito nandatA mayA || 47|| \ldq{}rAmanAmAmR^itAsvAdamukulIbhUtalochanam | AnandAshrusamAsiktagaNDaM vAtAtmajaM bhaje || 48|| yadvalaM rAmanAmakaM manovAkvAyakarmasu | bhaktottamaM sarvashaktaM mArutiM praNamAmyaham\rdq{} || 49|| atha chaikashilAmAtra nirmita paramadbhutam | adrAkShaM maNDapaM tatra nAnAshilpakalA~nchitam || 50|| purataH shilpasubhagamukhamaNDapashobhitam | dR^iShTvA garbhagR^ihaM hR^iShTo didR^ikShudevamAsthitaH || 51|| shrIpadmanAbho bhagavAnudAttamadhurAkR^itiH | anantashayane shete prasannavadanAmbujaH || 52|| shiro madhyaM tathA pAdau kamAdvAratrayeNa hi | vIkShituM shakyamasmAbhistAdR^igvaiShNavavigraham || 53|| mahattamaM vIkShya harShavismayastimitekShaNaH | astauShaM taM padmanAbhamahaM suvihitA~njaliH || 54|| svAminnanantavanadR^iShTamarutpuresha, shrIvilvama~NgalasamarchitachArumUrte | shrIpadmanAbha, bhagavan, karuNaikasindho, tvayyastu me ratiranantapurAdhivAsin! || 55|| anantapadmanAbha, tvatpAdapadme patAmyaham | kR^ipayA dehi bhagavan, manaHshAntimanuttamAm || 56|| atha tIrthATakAH sarve sAyaM santuShTamAnasAH | uddishya mArutAgAraM kR^itakR^ityAH pratasthire || 57|| rAtrau tR^itIyayAme tu prAptA gurumamarutpurIm | parasparamupAmantrya sarva jagmuryathAgatam || 58|| snAtvA chAhaM sapatnIkaH puNyaM tailAbhiShechanam | sha~NkhAbhiShekaM chAdrAkShaM harergurupurIpateH || 59|| naivedyaM navanItena madhuraiH kAdalairapi | sitApu~njaishcha nirvR^ittamAsvAdya prItamutthitam || 60|| gR^ihItakaishoraveShaM pUrNaM brahma sanAtanam | kR^iShNaM marutpurAdhIshaM dR^iShTvA.anandAshrusamplutaH || 61|| gadgadAruddhakaNThashcha praNamya vihitA~njaliH | nyavedayaM prArthayaM cha bhagavantaM dayAnidhim || 62|| \ldq{}guruvAyupurAdhIsha bhavatkaruNayA mayA | avighnA tIrthayAtreyaM sukhaM parisamApitA || 63|| bahUnAM puNyatIrthAnAM vibhUtInAM tava prabho | niShevaNAt prashAntAtmA satsa~NgAshcha prasannadhIH || 64|| pratyAgato.asmi bhagavatpAdamUlamupAsitum | majjIvitamidaM bhUyadbhavachcharaNasevanam || 65|| shukanAradamukhyAshcha ye bhAgavatasattamAH | nityatIrthATakAH siddhA bhavadbhaktA gurUttamAH || 66|| taddarshitena mArgeNa manmanastvatkR^ipAbalAt | karotu nityamadhyAtmatIrthATanamatandritam\rdq{} || 67|| atha cha svagR^ihaM prAptaH prAk sUryodayakAlataH | kirAtamUrtiM natvAhaM prArthayaM bhaktipUrvakam || 68|| kAmakrodhAdidurjantUn nAshayan nishitaiH sharaiH | kirAtamUrte, svAntaM me shAntaM kuru tapovanam || 69|| iti shrIvAsudevan elayathena virachitaM tIrthATanaM sampUrNam | ## \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}