Surabharati Vijayatam

सुरभारती विजयतां

विजयतां सुरभारती सा गौरवं भारत धरायाः । भासतामतिकाशतां या हर्षदा सचराचरायाः ॥ १॥ विजयतां सुरभारती ॥ राष्ट्रमाबध्नाति भाषा-कलह-कालमपास्य चैषा । व्यास-भास-विभूषिता कविकालिदास-विलासिता था ॥ २॥ विजयतां सुरभारती ॥ पञ्चशील-सुशान्ति-युक्ता धर्म-धाम-धुरन्धरा या । भद्र-भाव-प्रवाह-पूर्णा सत्य-सलिला निम्नगा या ॥ ३॥ विजयतां सुरभारती ॥ विविध-विद्या-विनय-दात्री शक्ति-भक्ति-धृति-प्रदात्री । वेद-शास्त्र-पुराण-नानाविध-रहस्य-समाश्रिता या ॥ ४॥ विजयतां सुरभारती ॥ गीयतां अभिधीयतां संस्कृतगिरैव विहस्यतां च, हे मनुष्याः! विबुध-भाषा सर्वदैव सुषेवनीया ॥ ५॥ विजयतां सुरभारती ॥ --- प्रशस्यमित्रशास्त्री