% Text title            : Shri Anantanandacharyapranitah Siddhantadipakah
% File name             : siddhAntadIpakaH.itx
% Category              : misc, rAmAnanda, advice, upadesha
% Location              : doc\_z\_misc\_general
% Author                : anantAnandAchArya 
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampraday Dig-Darshan
% Latest update         : November 11, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Anantanandacharyapranitah Siddhantadipakah ..}##
\itxtitle{.. shrIanantAnandAchAryapraNItaH siddhAntadIpakaH ..}##\endtitles ##
sAketAdhIshvaraH shrImajjAnAkIvallabho vibhuH |
avyAchChAshvataM rAmo bhaktAbhIShTaprado hariH || 1||
prapannAnAM gatiM hyekAM janasantAraNotsukAm |
vAtsalyarasapUrNA~NgIM rAmakAntAM sadA bhaje || 2||
mArutiM vIravajrA~NgaM bhaktarakShaNadIkShitam |
hanUmantaM sadA vande rAmamantrapravarttakam || 3||
rakShakaM shrutishAstrANAM yamaduHkhasya bhakShakam |
takShakaM mlechChayUthAnAM rAmAnandaM samAshraye || 4||
sItAnAthasamArambhAM shrIbodhAyanamadhyamAm |
asmadAchAryaparyantAM vande guruparamparAm || 5||
dharmamArgachyutA mUrkhA aj~nAnadhvAntapIDitAH |
prApnuvantvachirAnmArgaM labdhvA siddhAntadIpakam || 6||
AnandabhAShyakAra shrIrAmAnandajagadguroH |
siddhAnto vaidiko mAnyo vishiShTAdvaitanAmakaH || 7||
shAstrashruteshcha satsa~NgAdAtmaprabodhanAdapi |
svabhAvadUShitA lokA na shudhyanti kadAchana || 8||
prItirnaisargikI kAryA hyuttamashlokavallabhe |
viShayAsaktajIvAnAM nAnuraktiH kadAchana || 9||
pUrayedaShTagandhena si~nchayet puShpavAriNA |
khalavadugragandhaM cha palANDurnaiva mu~nchati || 10||
laukikInAM hi vR^ittInAM daihikInAM cha siddhaye |
udAsInena chittenetareShAmalpasa~NgatiH || 11||
svAdhyAyavratasattIrthadAnayaj~natapAMsi hi |
viShayAturajIvAnAM kurvantyAtmavishodhanam || 12||
kintvAtmashodhane hyete na svatantrAH kadAchana |
bhagavatkR^ipayA yuktAH shaktAH syurAtmashuddhaye || 13||
nigamAgamasAraj~nA bhaktAH shrIrAmanirbharAH |
sharaNAgatimevaikAM gR^ihNantyAtmaprasAdinIm || 14||
sakR^ideva prapannAya kR^itA shrIrAmayAchanA |
sarvAbhayavidhAtrI syAt satyaM shrImukhabhAShaNam || 15||
IshvarapraNidhAnAchcha bhagavaddharmapAlanAt |
AchAryasaMshrayAchchaiva jIvo bandhAdvimuchyate || 16||
bhagavaddharmatattvaj~nAH pa~nchasaMskArasaMskR^itAH |
prapannA nirbharA rAme vaiShNavA bhuvi durlabhAH || 17||
rAmAt parataraM tattvaM shrutisiddhAntagocharam |
tattvaj~nA naiva pashyanti tameva shashvadAshrayet || 18||
idaM hi sarvashAstrANAM sArabhUtaM rahasyakam |
sarvAntaryAmiNaM rAmaM j~nAtvA seveta shuddhadhIH || 19||
bhagavadbhaktihInAnAM dveShiNAM cha guroH satAm |
na shrotavyaM na mantavayaM vAkyaM bhaktivivarjitam || 20||
mamatAshUnyachetaskaH padmapatramivAmbhasA |
prArabdhabhogaparyantaM dehakAryANi sAdhayet || 21||
kAyena vAchA manasA dhanena cha janena cha |
rAmasevA sadA kAryA bhavapAshavimochinI || 22||
vAtsalyAjjAnakIdevyAH sAdhusadgurusevanAt |
shashvachChrIrAmachandro hi kR^ipApUrNo bhavejjane || 23||
adhiShThAtrIM hi lokAnAM sarvashaktishiromaNim |
j~nAtvA sItAM mahAdevIM nAnyAM kA~nchid bhajed budhaH || 24||
rAma eva paraM brahma tatsamo.abhyadhikashcha kaH |
laukike vaidike dhyeyaH pUjyashcha sa hi karmaNi || 25||
bhagavachChaktisampannA sasurAsuramAnavAH |
tena tyaktena bhu~njIthA yatki~ncha bhuvane sadA || 26||
j~nAnayogAt kriyAyogAdbhaktiyogAchcha sarvathA |
dainyAdAtmArpaNaM shreShThaM proktaM shrIrAmatoShakam || 27||
shravaNadvAramityAhurbhagavattattvabodhakam |
uttamashlokavIryANi nAmAni shR^iNuyAttattaH || 28||
priyA bhAgavatA yeShAM teShAM ki~nchinna durlabham |
vashIbhUto hariryeShAM hR^idayAbjAnna sarpati || 29||
deshAn samAshrayet puNyAn bhagavadbhaktivardhakAn |
harerarchAshritA.Nshchaiva sAdhubhiH sevitA~nChubhAn || 30||
archayet parayA bhaktyA rAmamUrtiM manoharAm |
sasItAM sAnujAshchaiva sapArShadAM cha sAyudhAm || 31||
bhagavachCheShanirmAlyaM naivedyaM charaNodakam |
durlabhaM brahmarudrAdyairupAsyaM bhaktivardhakam || 32||
sevanIyaM sadA vij~nairvaiShNavai rAmavallabhaiH |
sAdhusadgurupAdAbjatIrthaM paramapAvanam || 33||
brAhmaNaiH kShatriyairvaishyaiH shUdrairbhaktiparAyaNaiH |
striyA sahaiva karttavyaM sadA shrIrAmapUjanam || 34||
pratibandho na vidyeta harerAdhane kvachit |
sarvapUjyaH sadA pUjyo rAmo bhuvanapAvanaH || 35||
sUtake mR^itake chApi na tyAjyaM rAmapUjanam |
dIkShitena visheSheNa chordhvapuNDrAdikaM kvachit || 36||
AtmarUpaM sadA nintyaM sachchidAnandarUpakam |
sevAsukhapradaM shashvadrAmAdhInaM nirAmayam || 37||
sAketanAyako rAmo jagataH kAraNaM param |
kriyAH sAMsArikAH sarvAstadadhInA hi nishchitAH || 38||
dehAnte chinmayaM rUpaM shrIrAmasya parAtparam |
dhyAtvA rasanayA jalpan rAmanAmaiva mokShadam || 39||
prAkR^itaM dehamutsR^ijya bhittvA bhAnoshcha maNDalam |
gatvA shrIrAmasAnnidhyaM prApnuyAddhi kR^itArthatAm || 40||
mAyAtIte mahAdivye sAkete rAmavallabhe |
nityA sthitiH sadA bhAvyA svAtmano yogidurlabhA || 41||
janAnAM bhrAntamArgANAmaj~nAnadhvAntashAntaye |
shrutishAstraguhAviShTatattvaratnaprakAshakaH || 42||
siddhAntadIpakashchAyamanantAnandadIpitaH |
bhUyAdbhaktajanAnandadAyakastattvadIptaye || 43||

iti shrIanantAnandAchAryapraNItaH siddhAntadIpakaH sampUrNaH |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}