% Text title            : shuddhAdvaitabrahmavidyAdhigamaprakAramImAMsA
% File name             : shuddhAdvaitabrahmavidyAdhigamaprakAramImAMsA.itx
% Category              : misc, vedanta, sachchidAnanda-shivAbhinava-nRisiMhabhAratI
% Location              : doc\_z\_misc\_general
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shuddhadvaitabrahmavidyadhigamaprakaramimamsa ..}##
\itxtitle{.. shrIshuddhAdvaitabrahmavidyAdhigamaprakAramImAMsA ..}##\endtitles ##
parahaMsaM chintyamAnaM karacharaNAdya~Ngarahitamapi ramyam |
sa~nchitsukhasvarUpaM brahmAsmyAmnAyamastakAvedyam || 1||

tatra parahaMso dvividhaH\, vidvadvividiShubhedAt | tallakShaNaM tu
shrImadvidyAraNyavirachitajIvanmuktiviveke spaShTamupalabhyate |
tatra vividiShorvidyAgrahaNaprakAraH kathyate | tathA
hi\-nityAnityavastuvivekAdisAdhanachatuShTayasampannaH brahmaniShThaM
sadguraM prapadya prArthanApUrvakaM shravaNaM kuryAt | prArthanAprakArastu
shrImachCha~NkarabhagavatpAdAchAryakR^itavivekachUDAmaNAvanusandheyaH |
tathA cha shrutiH\-\- \ldq{}parIkShya lokAn karmachitAnbrAhmaNo
nirvedamAyAnnAstyakR^itaH kR^itena | tadvij~nAnArthaM sa
gurumevAbhigachChetsamitpANiH shrotriyaM brahmaniShTham\rdq{}
iti | atra brahmaniShThapadena sa.nnyAsyeva vivakShito
netaraH\, itareShAM AsupterAmR^iteH kAlaM nayedvedAntachintayA
ityuktarItyA sArvadikavichArAdirUpabrahmaniShThAyA asambhavAt |
ata eva shrImachCha~NkarabhagavatpAdaiH muNDakopaniShadvivaraNe\,
\ldq{}brahmaniShThaM hitvA sarvANi karmANi kevale advaye brahmaNi
niShThA yasya so.ayaM brahmaniShThaH\rdq{} iti\, \ldq{}na hi karmiNo
brahmaniShThatA sambhavati\, karmAtmaj~nAnayorvirodhAt\rdq{} iti
chAbhyadhAyi | na cha sa.nnyAsino.api \ldq{}na vyAkhyAnaparo bhavet\rdq{}
ityAdyadhyApananiShedhashravaNAlloke sadgarurdattajalA~njaliH syAditi vAchyam;
satkAramAnapUjAbhikShAdyuddeshyakAdhyApanaparatvAttAdR^ishaniShedhasya |

ata eva manuH \ldq{}nAnushAsanavAdAbhyAM bhikShAM lipseta karhichit\rdq{} iti
bhikShoddeshyakAnushAsanAdInyeva niShedhati | ata eva\,
\ldq{}tachchintanaM tatkathanamanyonyaM tatprabodhanam |
etadekaparatvaM cha brahmAbhyAsaM vidurbudhAH ||\rdq{}
\ldq{}machchittA madgataprANA bodhayantaH parasparam |
kathayantashcha mAM nityaM tuShyanti cha ramanti cha ||\rdq{}
ityAdivAkyAnAmavaiyarthyam |
ata eva cha kalau
luptayatidharmarakShaNabaddhaka~NkaNashrImachCha~NkarabhagavatpAdAn
pratimohasantamasavAsaranAthAMstatra tatra viniveshya vineyAn |

pAlanAya paratattvasaraNyA mAmupaiShyasi tataH kR^itakR^ityaH ||
iti vishveshvarAj~nApi nAnarthakapadabhAgbhavati ||

nanu\, sa.nnyAsividyAguroralAbhe kA gatiriti chet\,
sarvamatasiddhasa.nnyAsigurvekalabhyatvakasya mahAvAkyopadeshasya
yA gatiH saivetyavehi | yadi mahAvAkyopadeShTApi gR^ihasthaH
syAttarhi turIyAshramo vandhyAsUnutAM vindet | na cha
yatidharmaprabodhavAkyAdgR^ihasthasyApi gurutvaM sambhavatIti vAchyam;
pUrvoktamuNDakopaniShadvivaraNavirodhAdashraddheyatvAt | yadi
tachChraddheyatve.apyAgrahastadA\-\-

\ldq{}vinA vipreNa kartavyaM shrAddhaM kushachaTena vai |
AtmAnaM vApi bhu~njIta na vipraM vedavarjitam ||\rdq{}
ityAdivAkyasya\, yathA shrAddhe vedavidvipranimantraNAvashyakatva
eva tAtparyam; na tu kushachaTenAtmanA vA kuryAdityatra; tathA
yatidharmaprabodhavAkyasyApi gR^ihiNo brahmavidyAgurutve na
tAtparyam | paraM tu brahmavidyAgrahaNAvashyakatvapradarshane
tAtparyamitya~NgIkR^itya tachChraddheyatvamupapAdanIyam |
kShatriyakartR^ikabrAhmaNakarmaka\- vaishvAnaravidyAdhyApanabodhikAyAH
kShatriyasya tadvidyAmAtrAdhyApakatvaparatayA brahmavidyAdaurlabhyaparatayA
yugAntaparatayA vA netuM shakyAyAH\, ChAndogya\- shruterbalAt\,
varNavinimayeneva AshramavinimayenApi gurutvasambhAvanAdhInA gR^ihiNo.api
brahmavidyAgurutvapratyAshA\, manuShyatvamAtrasAmyAdatidInasya
mahAsAmrAjyapratyAshAtulyatAM kathaM na prApnuyAt | ki~ncha\,
muNDakopaniSha\- chChiShyagurulakShaNapradarshanapUrvakaM
shrImachChuddhAdvaitatrahmabidyAdhigamaprakArapradarshanArthaM pravR^ittA |
tasyAm \ldq{}parIkShya lokAn karmachitAn brAhmaNo nirvedamAyAt\rdq{}
iti\, \ldq{}tadvij~nAnArthaM sa gurumevAbhigachChetsamitpANiH
shrotriyaM brahmaniShTham\rdq{} iti\, \ldq{}yenAkSharaM puruShaM
veda satyaM provAcha tAM tattvato brahmavidyAm\rdq{} iti cha
shrUyamANatvAt | ato.anadhigatArthabodhakatvarUpaprAbalyavatpUrvokta\-
shrutyanusAraNaiba kevalavidyAbodhakachChAndogyAdishrutayo neyAH | itthaM
cha gautamasmR^itisUtasaMhitAdivachanAnAM pUrvoktashrutyanusAreNa neyatvaM
kaimutikanyAyasiddham ||
yattu\, hInavarNasyApi brahmavidyAgurutvapratyAyanechChayA
shukopAkhyAnodAharaNam\, tadupahAsAspadameva | tatra
pitR^isakAshAchChrutopaniShatkasyaiva shukasya pitranuj~nAtasya saMvAdArthaM
janakasamIpagamanasya pratipAditatvAt | na cha prAchInashAlasatyayaj~nAdInAM
vidyApradaH kekayarAjaH sa.nnyAsyeveti vAchyam |

\ldq{}mukhajAnAmayaM dharmo vaiShNavaM li~NgadhAraNam |
  bAhujAtorujAtAnAM naiva dharmo hi vidyate ||\rdq{}
iti kShatriyasya sa.nnyAsaniShedhAt | yadi cha kShatriyasyApi
sa.nnyAsitvabodhikA kAchichChrutiH smR^itirvopalabhyeta\, tadA siddhaM naH
samIhitam | yato na vayaM kShatriyatvAdikamuddeshyatAvachChedakIkR^itya
brahmavidyAgurutvAbhAvaM sAdhayAmaH\, kiM tu
sa.nnyAsitvAparanAmabrahmaniShThatvAbhAvamuddeshyatAvachChedakIkR^itya |
yadi kekayarAjaH sa.nnyAsI syAttadA kiM nashChinnam | varNavinimayastu
nAsmAkameva doShaH || ki~ncha\, sUtasaMhitAyAM hInavarNasya
uttamavarNagurutvakathanaprakaraNe \ldq{}gurutvaM kechidichChanti
svottamaM prati keshava\rdq{} ityatra shrUyamANaM kechitpadaM dInavarNasya
uttamavarNagurutvaviShaye sUtasaMhitAyA na mukhyaM tAtparyamiti dyotayati ||

yadi kashchidbrUyAt\-\- hInavarNasya
uttamavarNagurutvAbhAve.api hInAshramiNo.api vidyotkarShabalena
uttamAshramigurutvapratipAdakasUtasahitAvachanabalAt \, hInAshramiNaH
uttamAshramigurutvaM niShpratyUhameveti; sa chetthaM praShTavyaH\- kiM
tvadabhimataH hInAshramiNaH uttamAshramigurutvaprayojakIbhUtavidyotkarShaH\,
muNDakopaniShadvivaraNe shrImadbhagavatpAdavyAkhyAtabrahmaniShThatvAparanAmA\,
AhosvidvAgvaikharyAdirUpaH? hInAshramiNaH pUrvoktAdyavidyotkarShA~NgIkAre
hInAshramiNo hInAshramitvameva gaganakusumAyitaM bhavet | dvitIyasya
tUtkarShasya vrahmavidyAgurutvAprayojakatvam \-
   vAgvaikharI shabdasarI shAstravyAkhyAnakaushalam |
   vaiduShyaM viduShAM tadvadbhuktaye na tu muktaye ||
   ataH prayatnAjj~nAtavyaM tattvaj~nAttattvamAtmanaH ||
ityAdi vadadbhiH shrImadbhagavatpAdaireva prakaTIkR^itamiti hInAshramiNaH
uttamAshramigurutvasiddhau\, vatsa tava kA vA pratyAsheti ||
idaM tvavadheyam\-\- itarAshramiNAM mochakabrahmavidyAyAmadhikAra eva nAsti |
\ldq{}trayaH puNyA lokabhAjaH\, eko.amR^itatvabhAk\,
brahmasaMstho.amR^itatvameti\rdq{} iti shruteH |
\ldq{}tyaktAsheShakriyasyaiva saMsAraM prajihAsataH |
  jij~nAsoreva chaikAtmyaM trayyanteShvadhikAritA ||\rdq{}
iti vArtikAchcha | paraM tu\, svasvakarmAvirodhena kR^itaH
kevalabrahmavidyAbhyAsasteShAM pApakShayAya bhavatIti | \ldq{}svayaM
taritumakShamaH kimaparAnasau tArayet\rdq{} iti nyAyena itarAshramiNAM
brahmavidyAgurutvaM shashaviShANatulyam | etadvistarastu
shrImadbhagavatpAdavirachitaitareyopaniShadvivaraNAdibhAge
vidvadbhiranusandheyaH; tasmAdrahmaniShThasyaiva
brahmavidyAgurutvamiti siddham | evaM cha sati keShA~nchit
gR^ihiNo.api brahmavidyAgurutvasya shAstrIyAtmabhramamUlako
vaishvAnaravidyAdR^iShTavinimayasAmyamAtreNa sa.nnyAsinirUpitagurutvabhramaH\,
tadadhIno yo grahikarmakasa.nnyAsikartR^ikavandanasya shAstrIyatvAdivichAraH\,
sa kathaM janmavandhyAyAH prapautrapoShaNavichArasadR^ishatAM na
vrajatIti sudhiyo vidA~NkurvantvityalamaprastutachintayA | ato vividiShuH
paramahaMso maitryAdi\- guNagaNamaNDitaM brahmaniShThaM gurumAsAdya tannikaTe
kR^itashravaNamananaH pashchAttaddattayuktyA chirakR^itanididhyAsanaH tataH
sa~njAtabrahmasAkShAtkAraH sukhaM viharediti sarvamavadAtam ||

manmAnasagatichaturaH chidachitkShIrAmbubhedakR^itidakShaH |
narasiMhanAmalasitaH kR^ityA prItiM prayAtu parahaMsaH || 2||

iti shR^i~Ngeri shrIjagadguru shrIsachchidAnandashivAbhinavanR^isiMha
bhAratIsvAmibhiH virachitA shrIshuddhAdvaitabrahmavidyAdhigamaprakAramImAMsA
sampUrNA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}