% Text title            : Shri Sukhanandacharyapranita Shrutisiddhantadipika
% File name             : shrutisiddhAntadIpikA.itx
% Category              : misc, rAmAnanda, advice, upadesha
% Location              : doc\_z\_misc\_general
% Author                : sukhAnandAchArya 
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampraday Dig-Darshan
% Latest update         : November 11, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sukhanandacharyapranita Shrutisiddhantadipika ..}##
\itxtitle{.. shrIsukhAnandAchAryapraNItA shrutisiddhAntadIpikA ..}##\endtitles ##
namaskR^itya paraM brahma sItayA saha rAghavam |
AnandabhAShyakR^idrAmAnandAchAryaM samAshraye || 1||
pAdapadmaM gurornattvA saMsArArNavatArakam |
kurve siddhAntabodhAya shrutisiddhAntadIpikAm || 2||
vishiShTAdvaitanAmA hi siddhAntaH shrutisammataH |
\ldq{}sadeva somyedamagre\rdq{} ityetaChrutimAnataH || 3||
tatra chidachidIshetibhedAt tattvaM tridhA matam |
\ldq{}kSharaM pradhAnami \ldq{}tyetachChrutestatra pramANatA || 4||
tatra j~nAnasvarUpo.aNushchidartho jIva uchyate |
parAgathAjaDaM nityaM vibhu j~nAnaM hi tadguNaH || 5||
saMyogagatimattvAchcha dravyatvamubhayormatam |
pareNa j~nAnavedyo.api svAtmA svenApi gR^ihR^ite || 6||
vikAritA matA j~nAne nAtmani sA hi sammatA |
sa~Nkochashcha vikAsashcha vikArau sammatau matau || 7||
\ldq{}ahaM jAnAmi\rdq{} ityeShA pratItiH sarvasammatA |
j~nAnAshrayastatashchAtmA j~nAnaM guNastathAtmanaH || 8||
Atmatajj~nAnayoshchAtha prakAshabhUtayostathA |
AdhArAdheyabhAvo hi dIpatatprabhayoriva || 9||
viShayANAM prakAshasya kAle j~nAnaM prakAshate |
prakAshate sadA chAtmA dharmibhUtaH sanAtanaH || 10||
anukUlastathA chaikaH sphuratyAtmA sadaiva hi |
j~nAnaM chApyanukUlatvAt sukharUpaM mataM budhaiH || 11||
\ldq{}ahaM sukhaM kilAsvApsami\rdq{} tthambhUtapratItitaH |
AtmA sukhasvarUpo.atra svasmai cha svaprakAshatA || 12||
j~nAne nityavibhUtau cha parasmai svaprakAshatA |
svAnyanirvAhakatvena dIpavat tatra sA matA || 13||
aNutve.apyAtmanastasya j~nAnaM vibhu yatastataH |
sukhaduHkhopalabdhirhi bhAlAdau sammatA budhaiH || 14||
ekakAle tathA.anekakAyagrahashcha yoginAm |
shrutaM j~nAnasya nityatvaM \ldq{}na vij~nAtu\rdq{} ritishrutau || 15||
utkrAntigamanAdibhyashchAtmA.aNurna vibhurmataH |
\ldq{}eSho.aNurAtmA\rdq{} ityevamaNutvaM chAtmanaH shrutam || 16||
bAlasya stanyapAne hi pravR^itternityatA.a.atmanaH |
\ldq{}ajo nityaH shAshvato.ayam\rdq{} pramANaM tatra vidyate || 17||
madhyamaparimANatve tvAtmA.anityo bhavet kila |
sAvayavatvahetorhi loke ghaTapaTAdivat || 18||
kR^intasya vipraNAshchAkR^itasyAgamanaM khalu |
anityatve mate jIve syAtAM doShau duruddharau || 19||
AtmA sharIrato bhinno \ldq{}mama dehaH\rdq{} pratItitaH |
jIve tAdR^ikpratIteshcha prANadhIndriyabhinnatA || 20||
sheShatvANutvadharmebhyo jIvo brahmavilakShaNaH |
baddhaH sa karmabhirbaddho mukto muktashcha karmabhiH || 21||
prArabdhamupabhujyAtha dehaM tyaktvA.archirAdinA |
sAkete.aShTaguNairyukto mukto rAmAnubhAvakaH || 22||
shrIrAmasya prapattyA vA bhaktayA mukto bhavennaraH |
jIvAH parasparaM bhinnAH sukhiduHkhivyavasthayA || 23||
\ldq{}nityo nityAnAmi\rdq{} tyevaM shrutyAM nAnA hi te shrutAH |
brahmaNo rUpahInatvAt pratibimbA na tasya te || 24||
achetanamachittattvaM chaturdhA samprakIrttitama |
kAlashcha prakR^itiH shuddhasattvaM j~nAnaM tathaiva cha || 25||
kAlo jaDo vibhurdravyaM khaNDAkhaNDetibhedataH |
dvividhaH sa nimeShAdiH khaNDo.anityaH prakIrttitaH || 26||
bhUtAdivyavahArANAM kAraNaM kAla eva hi |
nityastvakhaNDakAlo hi nityadhAmni na sa prabhuH || 28||
satvAditriguNAdhAraH prakR^itiH parikIrttitA |
achetanA parArthA sA nityA satatavikriyA || 28||
anAtmani sharIre sA chAtmabuddhividhAyanI |
Atmani paratantre sA svAtantryabuddhikAriNI || 29||
puruShArthatvabuddhiM sA tvaishvaryAdau karoti hi |
AtmanyanIshvare chApi sA karotIshatAmatim || 30||
rAmasheSheShu jIveShu bodhayatyanyasheShatAm |
karotyupAyabuddhiM cha sA.anupAye tathaiva hi || 31||
satvaM rajastama iti guNeShu prakR^iteratha |
vaiShamyAchcha bhavantIha vikArA mahadAdayaH || 32||
chatuviMshatirUpA tat prakR^itiH parikIrttitA |
prakR^iteshcha mahAstasmAdaha~NkArastridhA tataH || 33||
sAtvikAdindriyANi syurekAdashavidhAni hi |
j~nAnakarmendriyatvAbhyAM dvidhA, tatrAdimAni tu || 34||
manaH shrotraM cha chakShushcha tvagghrANarasanAni cha |
vAkpANipAdapAyUpasthAkhyAnyantyAni pa~ncha hi || 35||
tAmasAha~NkR^iteshchAtha shabdatanmAtrakodbhavaH |
tato vyoma tataH sparshastato vAyushcha vAyutaH || 36||
rUpatanmAtrakaM jAtaM tasmAt tejo rasastataH |
rasAdApastathA chAdbhyo gandho gandhAd vasundharA || 37||
rAjasAha~NkR^itiH proktA tUbhayoH sahakAriNI |
pa~nchIkR^itya cha bhUtebhyo rAmo jagat karoti hi || 38||
shrotrAdiviShayAstatrAdravyashabdAdayo guNAH |
pariNAmo jagat satyaM sadvArako hi brahmaNaH || 39||
\ldq{}tamasaH parastAde\rdq{} vaM shrutibhiH parivarNitam |
shuddhasattvAshrayo dravyaM shuddhasattvaM prakIrttitam || 40||
nityanAmatha muktAnAmIshvarasya tathaiva cha |
kAlAvashyaM cha nityaM cha bhogasthAnAdi tanmatam || 41||
prApyate taddhi bhaktyA cha prapattyA chArchirAdinA |
rAmAdhInaM cha taddhAma yad gatvA na nivarttate || 42||
j~nAnaM nirUpitaM chAtha rAma Isho nirUpyate |
yasya bhaktyA prapattyA cha sAyujyaM prApyate dhruvam || 43||
shrIrAmo.asti parabrahma vibhUtidvayanAyakaH |
upAdAnaM nimittaM cha jagato.asya mataH shrutau || 44||
vikAraH sammato yasmAchchidachitoH prakArayoH |
prakAriNi tato rAme chAkShatA nirvikAratA || 45||
sarvashaktiradoSho.atha rAmo divyaguNArNavaH |
ArttAdibhishchaturbhishchopAsyo mokShapradAyakaH || 46||
jagajjanmAdilIlashcha bhagavAn vibhuravyayaH |
sachchidAnandarUpashcha sItAnAthaH pareshvaraH || 47||
ArAdhyaH phaladashchAtha janAnAM sarvakarmaNAm |
divyadeho.atiramyashcha yogidhyeyashcha sarvavit || 48||
paro vyUhastathA.antaHstho vibhavo.archAvatArakaH |
pa~nchadhaivaM sthitaH sarvasheShI sarvasharIrakaH || 49||
chidachidbhyAM vishiShTatvAd vishiShTaM brahma manyate |
brahmaNo deha rUpatvAchchidachitoH prakAratA || 50||
sUkShmAbhyAM chidachidbhyAM hi vishiShTaM brahma kAraNam |
sthUlAbhyAM chidachidbhyAM tad vishiShTaM kAryamuchyate || 51||
ekatvaM hi shrutau yasmAt kAryakAraNa brahmaNoH |
vishiShTAdvaitasiddhAntastato.adoShashcha vaidikaH || 52||
rAmAnandAryasachChiShyasukhAnandAryanirmitA |
siddhAntabodhinI bhUyAchChrutisiddhAntadIpikA || 53||

iti shrIsukhAnandAchAryapraNItA shrutisiddhAntadIpikA sampUrNA |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}