% Text title            : Shri Saketanivasacharyavirachitah Shriramanandavedantasarah
% File name             : shrIrAmAnandavedAntasAraHsAketanivAsAchArya.itx
% Category              : misc, rAmAnanda, shataka
% Location              : doc\_z\_misc\_general
% Author                : sAketanivAsAchArya
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : From Chatuh Sampradaya Dig-Darshanm
% Latest update         : December 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shriramanandavedantasarah ..}##
\itxtitle{.. shrIrAmAnandavedAntasAraH ..}##\endtitles ##
(shrITIlAchArya) (siddhAnta ratnamAlA)
praNamya bhAShyakR^id rAmAnandaM guruM cha rAghavam |
aushrIrAmAnandavedAntasAraM vakShye yathAmati || 1||
tattvaj~nAnaM cha mokShe hi mumukShorhitakArakam |
tadvij~nAnarthA mityetachChruterarjyaM cha tad guroH || 2||
pramANapratipanno.artha budhaistattvaM prakIrttitam |
tattvaM cha dvividhaM proktaM dravyAdravyavibhedataH || 3||
tatra dravyamupAdAnamadrarvya tadvilakShaNam |
jAjaDavibhedAchcha dravyaM dvidhA mataM budhaiH || 4||
svayamprakAshamajaDaM jaDaM tasmAdvilakShaNam |
prakR^itikAlabhedAchcha jaDaM tatra dvidhA matam || 5||
vij~neyA prakR^itistatra samaguNatrayAshrayaH |
chaturviMshatidhA sA hi sAvayavA matA budhaiH || 6||
vikArotpAdakatvAt sA prakR^itiriti kathyate |
avidyA kathyate sA hi yato j~nAnavirodhinI || 7||
mAyA.abhidhIyate sA yat vichitrasR^iShTikAriNI |
avyaktaM seshvarechChAtaH kAryonmukhI yadA bhavet || 8||
mahadutpadyate.avyaktAt tridhA tad guNabhedataH |
aha~NkArastridhA tasmAt sAtvikAdivibhedataH || 9||
ekAdashendriyANi syuH sAtvikAha~NkR^iteH kila |
j~nAnakarmendriyatvAbhyAM dvidhA tAni matAni hi || 10||
j~nAnaprasaraNe heturAdimaM ShaDvidhaM cha tat |
manaHshravaNachakShustvagrasanaghrANabhedataH || 11||
j~nAnendriyaM sukhAdeshcha shabdAdegrahakaM matam |
karmaNyuchchAraNAdau tu shaktaM karmendriyaM khalu || 12||
vAkpANipAdapAyUpasthabhedAt pa~nchadhA cha tat |
tAmasAha~NkR^iterjAtaM tanmAtraM shabdasa.nj~nakam || 13||
tasmAnnabhastataH sparshatanmAtraM cha tato marud |
tato rUpaM tatashchAnirjalahetustato rasaH || 14||
jalAd gandhastato bhUtaM jAyate kShitisa.nj~nakam |
etaiH pa~nchIkR^itairbhUtairaNDotpattirmatA budhaiH || 15||
tribhiH satvAdibhirhIno jaDaH kAlatayA mataH |
dvividhaH sammataH kAlashchAkhaNDAkhaNDabhedataH || 16||
tatrAkhaNDo vibhunityo bhUtAdibuddhikArakaH |
anityAstu muhUrttAdyA bhedAH khaNDasya kIrttitAH || 17||
ajaDaM tu dvidhA bodhyaM parAkpratyagvibhedataH |
bhAsamAnaM parasmai hi parAktattvaM dvidhA matam || 18||
tatra nityavibhUtirhi shuddhasattvamayI matA |
dharmabhUtaM cha yajj~nAnaM tanmatashchAparaH parAk || 19||
achetanaM mataM j~nAnaM shuddhasatvaM cha paNDitaH |
pramANaM tu shrutishchAdye tripAdasyAmR^itaM divi || 20||
matA nityavibhUtiH sA muktAnAM brahmaNastayA |
bhogyabhogopakaraNabhogasthAnamayI khalu || 21||
Urdhvadeshe.aparichChinnA sA.adhastAnna matA tathA |
nityA chaitanyahInA cha sA.a.anandAdipaderitA || 22||
j~nAturj~neyAvabhAso hi j~nAnatvena prakIrttitaH |
dharmadharmivibhedAddhi j~nAnaM dvidheti vakShyate || 23||
AtmadharmatayA bhAti prabhAvat tatra chAdimam |
satyaM j~nAnami tishrutyA j~nAnasya dravyatA matA || 24||
na vij~nAturi tishrutyAM shrutA j~nAnasya nityatA |
Ishvare nityajIveShu j~nAnaM nityaM mataM vibhu || 25||
karmAvR^itaM hi baddheShu mukteShu prAk tadAvR^itam |
naShTotpannapratItistu sa~NkochAchcha vikAsataH || 26||
svApe j~nAnatirodhAnaM tamovisheShasannidheH |
j~nAne dravyatvasattve.api prabheva guNatA matA || 27||
viShayasatyatAhetorj~nAne svataH pramANatA |
svAnyanirvAhakatvena sUryavat svaprakAshatA || 28||
jIvo.aNushchetano vyApto j~nAnenAkhilavarShmaNa |
jhaTiti tena jAnAti sarvadehasukhAdikam || 29||
dadhAti yugapad yogI sharIrANi bahUni cha |
yAti lokAntaraM jIva AyAtyatra tataH punaH || 30||
tato jIvavibhutvaM na manyate j~nAnibhirjanaiH |
jIvAtmanastato.aNutvaM doShahInaM mataM budhaiH || 31||
adR^iShTaM rAghavechCheva sarvatra vyApakaM hi tat |
tatastat tat padArthAstu tatra tatrodbhavanti cha || 32||
jIvasya madhyame mAne tvanityatvaM ghaTAdivat |
akR^itasya cha samprAptirnAshastathA kR^itasya cha || 33||
AtmanityatvavaktrINAM shrutInAM cha virodhitA |
anyadehe cha samprApte shaithilyamAtmanashcha hi || 34||
jAnAmIti pratItyA cha jIvo j~nAnAshrayo mataH |
shrutau j~nAnasvarUpatvaM varNitaM pratyagAtmanaH || 35||
j~nAnadvayaM mataM tasmAd dharmadharmiprabhedataH |
ubhayorj~nAnayorvede varNitA nityatA.api cha || 36||
ekanAshe hi naShTA syAdindriyasa~NghajIvatA |
ekaikasya tu jIvatve tattannAshe vinAshitA || 37||
mate dehasya jIvatve vyabhichAro mR^ite bhavet |
anityatvaM bhavejjIve dehena sadR^ishaM tathA || 38||
mamandriyaM tanuH prANo buddhishchetipratItitaH |
manyate nAtmanaH prAj~nairindriyAdisvarUpatA || 39||
shrutismR^ityo rajonitya mityevaM nityatA matA |
pratyagAtmA.ajaDastasmAj j~neyo j~nAtA cha sammataH || 40||
sukhamasvAptamityetatpratItyA sukharUpakaH |
yatheShTaviniyogaH sheSho rAmasya sheShiNaH || 41||
dhAryatvAchcha niyAmyatvAdAtmA dehaH parAtmanaH |
bhinno jIvo vibhoH svasya chAtmanaH paramAtmanaH || 42||
tattvatpadoktayoraikyaM parAntaryAmiNoH khalu |
tattvamasItivAkye hi naikyaM jIveshayormatam || 43||
prabhAvataH prabhAtulyo vishiShTasya visheShavat |
brahmaNeM.asho mato jIvo jIvasya brahmatA na tat || 44||
pratibimbastvavidyAyAM jIvashcha brahmaNo nanu |
maivaM sidhyati nAvidyA hyAshrayAnupapatitaH || 45||
pratibimbe hi duHkhAderabhAvAjjIvatA na cha |
maivaM yat pratibimbo.asau vidvadbhirbimbavanmataH || 46||
iti vaktuM na shakyaM hi kutashcheduchyate yataH |
sarvairlokairvilokyante jIvA duHkhAdisaMyutAH || 47||
na cha duHkhAdayo bimbe nirvisheShe tu brahmaNi |
pratibimbe na jIvatvaM tasmAt sambhavenna hi || 48||
kiM cha rUpavihInasya pratibimbo na jAyate |
dR^ishyate pratibimbo nu rUpahInavihAyasaH || 49||
maivaM yat pratibimbo.asau prakAshAdermato budhaiH |
kuto nIrUpavAyoshcha pratibimbo na dR^ishyate || 50||
parichChinnavidhoreva pratibimbo jale khalu |
pratibimbaH kathaM jIvo.aparichChinnasya brahmaNaH || 51||
pratibimbo.asti jIvashchedekadeshasya brahmaNaH |
hanta tadA hyanityatvaM sAMshatvAd brahmaNo bhavet || 52||
avidyayA.advitIyatvaM nashyati brahmaNo yataH |
nAto.avachChedikA.avidyA jIvabhAve tu brahmaNaH || 53||
brahmaNo bhedashUnyatvAjjIvasya na vivarttatA |
sarpabhramo na sarpe hi kintu rajjau budhairmataH || 54||
AchAryasArvabhaumena rAmAnandena dhImatA |
vedAntadarshanAnandabhAShye jIvAstridhA matAH || 55||
baddhA muktAstathA nityA baddhA baddhAshcha karmaNA |
rAmabrahmAnukampAtaH puNyAt satAmanugrahAd || 56||
mumukShA jAyate bhavyA jIvasya hR^idaye shuchau |
tadA satsa~NgatiM kurvan guruM chAsau prapadyate || 57||
rAmapAdaprapanno.asau tato gurumukhAd bhavet |
shrImadrAmaprapattyA cha ChinnamAyAnvayastataH || 58||
tato.archirAdimArgaM cha yAti hArdAnukampayA |
tatashcha virajAsnAnAd divyadeho bhaveddhi saH || 59||
sAkete cha samApnoti rAmaM brahma parAtparam |
svaM rUpaM tatra samprApya rAmaM chAnubhavatyapi || 60||
bhogasAmyamavApnoti rAmasya brahmaNastadA |
tato nAvarttate mukto mR^ityuloke.atha karhichit || 61||
mAmupetya tu kaunteya punarjanma na vidyate |
ityetad bhagavadvAkyaM pramANaM tatra chAsti hi || 62||
sarvalokagatau shakto muktaH sR^iShTyAdivarjitaH |
saMsAritAM cha na prAptA nityA hanumAdAdayaH || 63||
Ishvaro brahma rAmashcha shabdA hyekArthabodhakAH |
tatra vedAntibhishchoktaM brahma hi vibhu chetanam || 64||
mahAntaM vibhumi tyevaM vibhutvaM brahmaNaH shrutau |
vibhu brahma svarUpeNa svabhAvAchcha mataM budhaiH || 65||
j~naH kAlakAla ityevaM shrutaM brahma hi chetanam |
vedAhaM samatItAni ityuktAvapi tAdR^isham || 66||
kAlasya vibhutAyAM chAchetanatvAnna brahmatA |
jIvasya chetanatve.api brahmatA nAvibhutvataH || 67||
sadA doShavihInashcha svata eva hi rAghavaH |
svataH so.atha mato nityaM kalyANaguNasAgaraH || 68||
rAme.apahatapApme ti heyA guNA hi varjitAH |
shrutAstu satyakAmashche tyevaM divyA guNAH khalu || 69||
ete chAnye cha bhagavan nityA yatra mahAguNAH |
ityevaM rAmachandrasya guNAnAM nityatA matA || 70||
svAbhAvikI tivedokteH svAbhAvikA harerguNAH |
brahmasvabhAvo nAvidyA te.avidyopAdhikA na tat || 71||
tadyathA rathasyAreShu ityAdishrutimAnataH |
sarvAdhAro mato rAmaH prANAkhyaH parameshvaraH || 72||
sa bhagava kasminne tachChrutivAkyapramANataH |
sve mahimni sthitvAddhi rAmAdhAro na kashchana || 73||
chidachidAM cha sarveShAM niyantR^itvaM nira~Nkusham |
AntarabAhyabhedAbhyAM dvidhA tat paramAtmanaH || 74||
antaryAmitayA chAdyaM shrutyA smR^ityA.antimaM matam |
eSha sarveshvaraH eSho.antaryAmI ti shruteshcha hi || 75||
pradhAnakShetraj~napatiH ityetachChrutimAnataH |
rAmasheShA matAH sarve sarvasheShI cha rAghavaH || 76||
sarvandehakatA rAme sarvAtme ti shrutau shrutA |
jagat sarvaM sharIraM te itivAkye cha brahmaNaH || 77||
tachchaitanyApR^ithaksiddhadravyaM hi tattanuH kila |
rAmaM prati tathA bhUtAH sarve rAmatanurmatAH || 78||
sarvakarmasamArAdhyaH sarvakarmaphalapradaH |
sarvadehashcha sarvastho rAma eva na chAparaH || 79||
yato ve yAdirUpeNa brahmaNi nikhilAtmani |
bhR^iguvallyAM shrutA rAme jagajjanmAdihetutA || 80||
upAdAnaM nimittaM cha jagato rAma eva hi |
nimittAntarasadbhAve kupyedadvayatAshrutiH || 81||
vaidikaM sammataM prAj~nai rAme cha hetutAdvayam |
sR^iShTyAdau hi shrutAvuktamUrNanAbhinidarshanam || 82||
upAdAnaM yathA hyAtmA nimittaM cha sukhaM prati |
tathopAdAnatA rAme jagatashcha nimittatA || 83||
sUkShmAchichchidvishiShTo hi rAmo vishvasya kAraNam |
sthUlAchichchidvishiShTashcha shrIrAmo jagadAtmakaH || 84||
abhedashchAnayoryasmAt kAryakAraNabrahmaNoH |
vishiShTAdvaita siddhAntaH sammato vaidikaistataH || 85||
bhedasya vAdikAshchAthAbhedasya vAdikAH khalu |
sa~NgatAH shrutayashchAtra siddhAnte yuktayastathA || 86||
sadvArakamupAdAnaM jagato rAghavo yataH |
tato vikAradoShasya shrIrAme sambhavo na hi || 87||
rAmo vishvasya hetutvAnnirvisheSho na sammataH |
samAdhikaniShedhAt sa na mAyopAdhiko mataH || 88||
tameva viditvA chetadvedavAkyapramANataH |
mumukShUNAmupAsyashcha shrIrAmaH sakaleshvaraH || 89||
rukmavarNamitishrutyA rAmo.alaukika vigrahaH |
divyarUpAdivaishiShTyaM \ldq{}bhArUpa\rdq{} iti tatra hi || 90||
na tasya prAkR^itA mUrtirmAsamedo.asthisambhavA |
niShiddhaH prAkR^ito deho rAme divyatanAviti || 91||
tadvishvarUpavairUpyaM rUpamanyaddharermahat |
varjitaM prAkR^itaM rUpaM divyarUpe harAviti || 92||
nAkAraNAt kAraNAdvA kAraNAkAraNAnna cha |
ityAdyuktayA cha rAmasya dehagrahoM nijechChayA || 93||
shrutyanvitashcha sarvaj~naH sarvashaktiH shrutishrutaH |
muktidaH parayA bhaktayA shritAghaM naiva pashyati || 94||
sAdhanasaptakAjjAtA j~nAnakarmA~NgiNI tathA |
rAmasmR^itiravichChinnA bhaktiH sammatA budhai || 95||
sAdhyasAdhanabhedAbhyAM sA dvidhA parikIrttitA |
navadhA sAdhanabhaktirhi shravaNAdirmatA budhaiH || 96||
sAdhyabhaktiH prapattirhi rAmAyAtmanivedanam |
prArabdhanAshinI chaiShA tvAnukUlyAdikA~NginI || 97||
janAn saMrakShituM rAmo.avatArI pa~nchadhA sthitaH |
antaryAmI paro vyUho vibhavo.archAvatArakaH || 98||
anantakaruNAshAlisItayA saha shobhitaH |
parAtpare cha sAkete rAmo paratayA mataH || 99||
divyadehaguNo divyashAstrAstrabhUShaNastathA |
archirAdikapaddhatyA samprApyo mokShasaukhyadaH || 100||
vAsudevAdayo vyUhA guNadvayavibhUShitAH |
upAsituM janAnAM cha karttuM cha sarjanAdikam || 101||
matsyAdayo.avatArAshcha vibhavatvena sammatAH |
antaryAmI cha rAmohi sarvAntaHsthaH prakIrttitaH || 102||
rAmasyArchAvatArastu hemAdripratimAtanuH |
ShADguNyena vishiShTashcha sulabho muktidastathA || 103||
adravyaM dravyabhinnaM hi dashadhA tat prakIrttitam |
satvaM hi j~nAnakR^it tatra pravR^itteH kAraNaM rajaH || 104||
pramAdamohahetustu tamashcha prakR^iterguNAH |
shrotrasya viShayaH shabdaH sparshastvachashcha sammataH || 105||
rUpaM cha chakShuShastadvad rasanAyA raso mataH |
ghrANasya cha mato gandhashchaite vyomAdipa~nchake || 106||
shaktistu hetuhetutvanirvAhikA matA budhaiH |
saMyuktaMvyavahArasya saMyogaH kAraNaM matam || 107||
shaktistathA cha saMyogaH sarvadravyaguNau smR^itau |
siddhAnte j~nAnatattve tu nAdravyatvaM hi sammatam || 108||
shrIsAketanivAsAkhyaTIlAchAryeNa nirmitA |
siddhAntaratnamAleyaM bhUyAt siddhAntabodhinI || 109||

iti shrIsAketanivAsAchAryavirachitaH shrIrAmAnandavedAntasAraH sampUrNaH |
##
Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}