% Text title            : sanyAsigItikA
% File name             : sanyAsigItikA2.itx
% Category              : vedanta, misc, sAhitya, upadesha, vivekAnanda
% Location              : doc\_z\_misc\_general
% Author                : Engilsh poem Song of the Sannyasin by Swami Vivekananda, Sanskrit translation by Tryambak Bhandarkar
% Translated by         : http://www.ramakrishnavivekananda.info/vivekananda/volume\_4/writings\_poems/the\_song\_of\_the\_sannyasin.htm
% Description-comments  : meter - Shardulavikridita
% Latest update         : January 21, 2018, October 6, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Song of the Sannyasin 2 ..}##
\itxtitle{.. sa.nnyAsinaH gItiH 2 ..}##\endtitles ##

dUrAdaihikarUpashUnyagiritaH protthaM ghanAraNyato
shAntaM yaddhanakAmakIrtibhirapi vyAhanyate.adyApino |
satyaM j~nAnasukhapravAhasahitaM, nityaM yaduchchasvarai\-
rgItaM tannanu gIyatAM sthirayate! OM tatsadomityadaH || 1||
bhrAtarnAshaya bandhakaM svanigaDaM haimaM bhavedvAyasaM
premerShAsadasatsvarUpamakhilaM dvandvaM parityajyatAm |
dAsau pUjitadaNDitAvapi samau yatkA~nchanaM bandhanaM
stheyo dhIrayatesti gAyatu bhavAnontatsadomityadaH || 2||
yA tvaj~nAnamarIchikAndhatamasaM saMvardhayantI bhR^ishaM
mR^ityormR^ityumabhIkShNamAnayati yA tAmaihikehAM tyajeH |
\ldq{}vishvaM jetumalaM kR^itAtmavijayo\rdq{} jAnannidaM duHkhito
mA bhUrdhIrayate.adya gAyatu bhavAnontatsadomityadaH || 3||
\ldq{}bhogyaM karmaphalaM\rdq{} bruvanti niyataM kAryaM nidAnAtsataH
hetoH satphalametyasattadasato, bAdho na vidyAshrayaH |
rUpaM bandhanavat tathApi nitarAM tvaM nAmarUpAtigo
muktAtmA, nanu gIyatAM sthirayate! OM tatsadomityadaH || 4||
yanmitraM jananI pitAtha tanayastatsvapnatulyaM vR^ithA
mAtA kasya suto.atha mitramathavA.ali~NgaH sa eko.asti chet |
sarvaH sarvagataH sa eva na paraM ki~nchittato vidyate
sattvaM dhIrayate.asi, gAyatu bhavAnontatsadomityadaH || 5||
eko lA~nChananAmarUparahito muktastathA chinmayo
mAyA yaM samupAshritAvasR^ijati svapnena tulyaM jagat |
sAkShI sattriguNAtmakaprakR^itivadrUpeNa saMlakShyate
sa tvaM dhIrayate.asi, gAyatu bhavAnontatsadomityadaH || 6||
bhrAtarmuktimimAM kva vA mR^igayase? nAyaM na loko.apara\-
staddAtA na cha labhyate.atra bhavatA shAstre tathA mandire |
hastenAkalitA tvayaiva rashanA yAkarShati tvAmimAM
tyaktvA dhIrayate.atha gAyatu bhavAnontatsadomityadaH || 7||
brUyAH svastivachaH samastajagate matto na ki~nchidvyathA
bhUyAtprANiShu tu~NganIchasamanusyUto.asmi nityaM vibhuH |
AshA sAdhvasanAkamR^ityunirayAvalyAmanAstho galad\-
bandho dhIrayate.atha gAyatu bhavAnontatsado mityadaH || 8||
kIdR^iggachChati jIvane tava tanurmA chintito bhUH suhR^it
kAmaM karmavashAdiyaM vicharatu, syAstulyanindAstutiH |
ekatve sati ko.astu pUjakajanaH pUjyo.athavA nindakaH
shAnto dhIrayate.adya gAyatu bhavAnontatsadomityadaH || 9||
lobhe lAbhavilAsakIrtikalite satyaM kuto labhyate
nArIM pashyati yaH kalatramiti sa prApnoti kiM pUrNatAm?
martyaH krodhamamatvayugmavashago mukto na mAyAbhayAt
tyaktvaitannanu gIyatAM sthirayate! OM tatsadomityadaH || 10||
vartasveha nirAshrayastava nivAsArhaM na ki~nchitsakhe!
AkAshaM paTalaM tR^iNaM cha shayanaM bhakShyaM tathA yAchitam |
annaM pAnamadUShaNaM kila bhavedAtmaj~na! yatprApyate
yAnsvAdhInadhunIva gAyatu yate! OM tatsadomityadaH || 11||
dvitrA eva bhavanti tattvaniratA anye dviShanto hasa\-
ntyetAnprApaya bhAsamandhatamasAtproddhR^itya mAyAvR^iteH |
deshAddeshamavApya duHkhasukhayostulyaH svatantro bhraman
gItaM dhIrayate.adya gAyatu bhavAnontatsadomityadaH || 12||
kAlenodbhavakarmabandhanabalAdAtmA vimukto bhave\-
nnotpattirna bhavAnna chAhamathavA martyo na vApIshvaraH |
jAtaH \ldq{}sarvamahaM\rdq{} tathA\rdq{}khila\rdq{}mahaM svAnandasAndro vibhu\-
rjAnan \ldq{}tattvamasI\rdq{}ti gAyatu yate OM tatsadomityadaH || 13||

svAmivivekAnandarachitA \ldq{}sannyAsinaH gItiH\rdq{}
sharA~NkavasuchandravarShe, julAI mAse, sahasradvIpodyAne virachitA)
sAhityAchArya\-adhyApaka\-ema\. e\. \-bhaNDArakaropAhvatryambakasharmaNA
saMskR^itashlokeShu anUditA ||

##
\medskip\hrule\medskip
Encoded by Sunder Hattangadi,
Proofread by Sunder Hattangadi

Song of the Sannyasin by Swami Vivekananda
Sanskrit translation by bhANDarakara

The English meaning is available at 
http://www.ramakrishnavivekananda.info/vivekananda/volume\_{}4/writings\_{}poems/the\_{}song\_{}of\_{}the\_{}sannyasin.htm

Also see Marathi, Hindi, Bangla translation links at
https://maasarada.blogspot.com/2015/06/uthaao-sanyaasi-uthao-se-taan-himaadri.html
There is one another sanyAsagItI in Marathi available in audio on this site.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}