Sadguru Tirtha Stotram

सद्गुरुतीर्थस्तोत्रम्

%६८ वाक्याऽऽविवेचनाद्युत्था द्वैतद्रून्मूलनोचिता । प्रत्यक्परात्मैक्यसिन्धौ याऽखण्डैकरसप्रदा ॥ १॥ सङ्गता ज्ञानगङ्गाऽत्र सङ्कल्पत्यागपूर्वकम् । दयया केवलं शिष्यं यः स्नापयति बुद्धिमान् ॥ २॥ पापेच्छाविर्भवो भूयो नैव यत्करुणेक्षणात् । पुनरावृत्तिरहितदेवप्राप्तिकरश्च यः ॥ ३॥ तदेव सद्गुर्वभिधमहातीर्थं सतां मतम् । तीर्यतेऽस्मान्महापापस्तत्तीर्थं सद्गुरुः परम् ॥ ४॥ यस्मात्तीर्थात्परं तीर्थं न भूतं न भविष्यति । स्मरणाद्दर्शनाद्यस्य सेवनाच्च कतार्थता ॥ ५॥ तीर्थानि दिग्देशकालपरिच्छिन्नानि यान्यतः । विलक्षणं ज्ञानतीर्थं कृपया तद्ददाति यत् ॥ ६॥ तीर्थानां परमं तीर्थं तारकाणां च तारकम् । सद्गुर्वाख्यं महातीर्थं भजामि परमार्थदम् ॥ ७॥ इति श्रीवासुदेवानन्दसरस्वतीविरचितं सद्गुरुतीर्थस्तोत्रं सम्पूर्णम् ।