% Text title            : Rudrayamala Mangalani
% File name             : rudrayAmalamangalAni.itx
% Category              : misc, mangala
% Location              : doc\_z\_misc\_general
% Proofread by          : Aruna Narayanan
% Latest update         : December 24, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rudrayamala Mangalani ..}##
\itxtitle{.. rudrayAmalama~NgalAni ..}##\endtitles ##
o~NkAraH sakalAgama\-prasR^imara\-brahmopamaH sarvadA
      svachChandaH shruti\-sAra\-sambhR^ita\-vara\-svArasya\-santarpitaH |
omAdi\-tritayena yaH svarayutaH savya~njano yAmalaH
      svAntarnAda\-ninAditaH sa dishatu shreyaH sadA binduyuk || 1||
bindoH pashchAt trikoNaM yadatiruchikaraM rAjate yantrarAje
      tasmin divyaM gurUNAM tritayamapi lasatya~njasaivaugharUpam |
asya prApya prasAdaM tarati bhuvi janaH sAgaraM saMsR^iteH srAg
      divyAdyoghatrayaM tatsucharaNasaraNiH sannidhattAM hR^idabje || 2||
hR^idyAnAM sarvavidyAnAM, vidyotana\-paTIyasI |
sachchidAnanda kalikA, chidudyAne vikAsatAm || 3||
tantrANAMsakalA.api vA~Nmayasarid yasyAnanAnniHsR^itA
      bhUlokaM puruShArtha\-sAdhanavidhau samprerayantI sukham |
sA mantrorjita\-yantra\-tantra\-nichitA yogakriyA.a.ayojitA
      nAnA.archA\-vidhi\-rAjitA.amR^itamayI vishvaM sadA si~nchati || 4||
yo.avAtItaradatra yAmalamayaM tantraM svatantraM dishan
      vishveShAM nigamAgamoditashubhaj~nAnakramANAM nidhim |
lokAnAM hitasAdhanAya bhuvane prAsArayat sarvato
      bhUyAd bhUtivibhUShaNaH saH bhagavAn rudraH sadA shreyase || 5||
aneka\-tattva\-sa~NkulaM, vibhinna\-mArga\-ma~njulaM
      shivA\-shivoktijaM phalaM, pavitrayachcha bhUtalam |
upAsanA\-vidherbalaM pravardhituM sunishchalaM
      malaM harad dhiyAmalaM chakAstu \ldq{}rudrayAmalam\rdq{} || 6||
yad bhairavI\-bhairava\-bhAva\-bhUShitaM
      tantrA~NgagaNe kalpatarUpamaM sthitam |
puShpaiH phalaiH sarvasamohitapradaM
      rArAjatAM tad bhuvi \ldq{}rudrayAmalam\rdq{} || 7||

iti rudradeva tripAThinaH virachitaM rudrayAmala\-ma~NgalAni samAptA |

##
Proofread by Aruna Narayanan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}