राष्ट्रगानम्
(गीतिका) (मात्रासमक जाति)
जन-गण-मङ्गलदायक । जय हे ।
भारतदेश । सदा तव जय हे ।
ज्ञान-ज्योतिरयममृत-सूति
शक्ति-भक्ति-हृत गौरव-भूति ॥ जन॥।
खग-रव-पूर्ण सुषमाऽऽकीर्णं
शस्य-श्यामलो गरिमोत्कीर्णम् ।
विश्वज्ञानदा विश्व-प्रेम-दा
विश्व-शान्ति-बन्धुत्व-भावदा ॥ जन०॥
हिमगिरि-शोभित-मञ्जुल-मूर्ति
विन्ध्य-शैल-शिखरार्चित-भूति ।
गङ्गा-यमुना सिन्धु-नर्मदा
ताप्ती-कृष्णा-जलरव-हृद्य ॥ जन०॥
उत्कल-बङ्ग-पञ्चनद-पुष्टः
असम-बिहार-हार-सजुष्टः ।
उत्तर-मध्य-देश-सपुष्टः,
गुर्जर-राजपुत्र-सहृष्टः ॥ जन०॥
आन्ध्रदेश-तमिलार्पित शक्ति
महाराष्ट्र-कृत-गौरव-पूर्ति ।
कर्णाटक-कृत-गति-लय-रम्य
केरल-सुषमा-प्रतिपल-हृद्य ॥ जन०॥
षष्टि-कोटि-जन-मङ्गल-घोषम्,
वेद-चारु-ध्वनि-सहृत-दोषम् ।
शौर्य-धैर्य-बल-सहृत-रोषम्,
मुक्ता-मणि-गण-सञ्चित-कोषम् ॥ जन०॥
आर्य-पारसी-यवन-सिख्ख-जन-
खिस्त-बुद्ध-जिन-मत-मन्तारम् ।
ब्राह्मण-क्षत्रिय-वैश्य-शूद्रजन
सहृत-भेद-भाव-सञ्चारम् ॥ जन०॥
तव आह्वान-समर्पित-देहा
वीरास्त्यक्त-धान्य-धन-गेहा ।
तव चरणार्पित-जीवन-स्नेहा
धन्यास्ते बलिदान-प्रवीणा ॥ जन०॥
स्नेहपुञ्ज है । शक्तिपुञ्ज हे ।
ज्ञानपुञ्ज हे ! गौरव-मूर्ति ।
क्रान्ति-दीक्षया देहि चेतना
शान्ति दीक्षया हर भव-तापम् ॥ जन०॥
ज्योतिमय हे भुवन-भास्कर ।
पास-नाश भय-दोष सहर ।
भ्रातृभाव-समता-ममतापा
प्रतिपलमविचल-भाव समर ॥ जन०॥
Proofread by Mandar Mali