% Text title            : puruShArthanirNayaH
% File name             : puruShArthanirNayaH.itx
% Category              : misc, sachchidAnanda-shivAbhinava-nRisiMhabhAratI
% Location              : doc\_z\_misc\_general
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Purusharthanirnayah ..}##
\itxtitle{.. puruShArthanirNayaH ..}##\endtitles ##
puruShArthadAnadakShaM puruhUtapramukhanirjarArAdhyam |
puruShArthasiddhaye.ahaM puruShaM kR^iShNAdyapi~NgalaM naumi || 1||

tatra tAvatkaH puruShArtho nAma? na tAvadanukUlaputramitrakalatrAdiH;
tadanityatvasya pratyakShasiddhatvAt | na cha \ldq{}etattrayaM
jagati puNyakR^ito labhante\rdq{} iti tasyApi sukR^itasAdhyatvena
nityatvamiti sha~NkyaM; na hi jalajanyatvasAmye.api
budbudatara~NgaphenavArijAnAM sthiratvasAmyamasti; tasmAddharmArdha\-
kAmamokShAshchatvAraH puruShArthAH | tatra dharmo nAma\-\-AshuvinAshinAM
vihitakarmaNAM kAlAntarabhAviphalajanakatvAnyathAnupapattyA
kalpyamAno.adR^iShTapadArthavisheShaH | tathA
hi\-\-yAgaga~NgAsnAnashivapUjAdInAM haviHprakShepaNa\-
ga~NgAjalamajjanashivali~NgAdiShu puShpakShIrAdisamarpaNAdirUpANAM
yAvatkAryotpAdAsthAyitvasya sArvalaukikatvAttatkalpane tu
phalAvyavahitaprAkkShaNavR^ittisvasvavyApArAnyatarakatvarUpaphala\-
janakatvasya kAlAntarakR^itakarmaNAmapi sUpapAdakatvAt | artho
nAma\-pUrvoktadharmAnukUlayAgAdisAdhanIbhUtadhanadhAnyAdiH |
kAmastu\-uktadharmajanakakarmasu pravartakaH \ldq{}dharmo me
bhUyAt\rdq{} itIchChArUpaH | na tu niShiddhakarmakArakaH kAmaH\, tasya
puruShArthabhAvAtpratyuta puruShaduHkhahetutvAt | ki~ncha\, bhagavadgItAyAM
bhagavAnapyevamAha\-\-
\ldq{}dharmmAviruddho bhUteShu kAmo.asmi
bharatarShabha\rdq{} iti |

mokShastu\-\-tattvaj~nAnaikasAdhyaH | tatsvarUpamuntaratra varNyate ||

atredaM chintyate\-\-chaturShvapyeteShu kaH parama iti | na cha
puruShArthatvAvisheShAchchatvAro.apIme samAnA eveti nishchetuM shakyAH |
na hi manuShyatvAvisheShe.api sarve.api manuShyAH samAnA upalabhyante;
kashchitprabhuH\, kashchidbhR^ityaH\, kashchitsukhI\, kashchiduHkhIti
bhedadarshanAt | tasmAtprAptaM puruShArthatvAvisheShe.api chintyameteShu
pAramyamiti | na chArthakAmau paramau\, tayordharmahetutvena dharma
evopakShINatayA svataH puruShArthatvAbhAvAt | ata eva na dharmo.api paramaH
pumarthaH; tasya svargAdisAdhanatvenopasarjanatvAt | tathA hi shrutiH \-\-
\ldq{}jyotiShTomena svargakAmo yajeta\rdq{} \ldq{}vAyavyashvetamAlabheta
bhUtikAmaH\rdq{} iti svargAdisAdhanatvamAha dharmasya | na cheyaM shrutirna
\ldq{}dharmasya svargakAraNatvamAha\,\rdq{} api tu jyotiShTomAderiti vAchyam |
yAgAderdharmavyApArakatvasyAvashyakalpyatayA dharmasya svargakAraNatAyA
dharmigrAhakamAnasiddhatvAt | na chaiteShAM trayANAM puruShArthatvamapi
sambhavati |

tathA hi\-\-
puruShArtho nAma\-\-vastutaH sukham\, duHkhAbhAvo vA | tathA cha
loke.anubhavaH\-\- \ldq{}iShTaM me bhUyAdaniShTaM me mA bhUt\rdq{}
iti | na cheme trayaH sukhaM duHkhAbhAvo vA | tarhi\, kathameteShAM
puruShArthakoTipraviShTatvamiti chet\, tatsAdhanatvAditi brUmaH | yathA
lA~Ngalasya jIvanatvAbhAve.api jIvanasAdhanatvena \ldq{}lA~NgalaM
jIvanam\rdq{} iti prayogaH\, tadvatpuruShArthasAdhanatvenaiteShu
puruShArthapadaprayogaH | ki~nchaiteShAmanityatvAdapi na
paramapuruShArthatvam | tathA hi\-arthakAmayostAvatpratyakSheNaivAnityatvam |
dharmasya tvatIndriyatvena shrutyA smR^ityA chAvagamyate | tathA cha
shrutiH\-\- \ldq{}yadyatheha karmachito lokaH kShIyate\, evamevAmutra
puNyachito lokaH kShIyate\rdq{} iti | smR^itishcha\- \ldq{}kShINe
puNye martyalokaM vishanti\rdq{} iti | tarhi kaH paramapuruShArtha iti
chenmokSha evetyavehi | tathA hi\-\- tasya \ldq{}brahmavidApnoti param\rdq{}
ityAdishrutyA sukhasvarUpatvasya\, \ldq{}tarati shokamAtmavit\rdq{} ityAdyayA
cha duHkhanivR^ittirUpatvasya cha pratipAdanAtsvataH pumarthatvam\, nityatvaM
cha \ldq{}na sa punarAvartate\rdq{} \ldq{}teShAM na punarAvR^ittiH\rdq{}
\ldq{}etena pratipadyamAnA imaM mAnavamAvartaM nAvartante\rdq{}
ityAdishrutibhyaH ||
\ldq{}AbrahmabhuvanAllokAH punArAvartino.arjuna |\rdq{}
\ldq{}mAmupetya punajanma duHkhAlayamashAshvatam |
   nApnuvanti mahAtmAnaH saMsiddhiM paramAM gatAH ||\rdq{}
\ldq{}idaM j~nAnamupAshritya mama sAdharmyamAgatAH |
    sarge.api nopajAyante pralaye na vyathanti cha ||\rdq{}
\ldq{}yadgatvA na nivartante taddhAma paramaM mama |\rdq{}
ityAdismR^itibhyashcha | ki~ncha\, anityavilakShaNatvAdapi nityatvam |
loka utpAdyaprApyasaMskAryavikAryANAmanityatvaM dR^iShTam | na chAsau
mokSha utpAdyaH; nityo hi mokShaH sarvairmokShavAdibhirabhyupagamyate
| nApi prApyaH\, AtmasvarUpatvena nityAptatvAt | nApi saMskAryaH\,
nityashuddhaniratishayatvAnmokShasya | nApi vikAryaH\,
kUTasthabrahmasvarUpatvAnmokShasya | tasmAnnityatvAtsvataH
pumarthatvAchcha mokSha eva paramapuruShArthaH | na cha \ldq{}akShayyaM
ha vai chAturmAsyayAjinaH sukR^itam\rdq{} \ldq{}apAma somamamR^itA
abhUma\rdq{} ityAdishrutibhiH karmaphalasyApi nityatvapratipAdanAtkathaM
mokShasyaiva nityaphalatvamiti vAchyam; asyAH shruteH \ldq{}yatkR^itakaM
tadanityam\rdq{} iti nyAyopetayA \ldq{}tadyatheha\rdq{} ityAdishrutyA
bAdhena atratyAkShayyAmR^itapadayoH AbhUtasamplavasthAyisthAnaparatvasyaiva
vaktavyatvAt |
tathA cha smR^itiH\-\-\-

\ldq{}AbhUtasamplavaM sthAnamamR^itatvaM hi bhAShyate\rdq{} | iti |

itthaM hi vyavasthA\-shrutismR^ityorvirodhe ...nusAreNa smR^itirneyA\, shrutyoH
parasparaM virodhe nyAyopetashrutyanusAreNa shrutyantaraM neyamiti | tasmAnmokSha
eva nitya iti siddham || \,

mokSho nAma\-sAlokyasAmIpyasArUpyasAyujyakaivalyabhedena pa~nchavidhaH |
\ldq{}tatra sAlokavyaM tattadupAsyadevatAvAsasthAnabhUtalokaprAptiH |
sAmIpyamupAsyadevatAsamIpavartanam | sArUpyaM devatAsamAnAkAradehaprAptiH |
sAyujyaM saguNasya devatArUpasya aha~NgraheNopAsanAM kurvataH upAsya\-
devatAtAdAtmyam | kaivalyaM tu sachchidAnandanityashuddhabuddhamuktasvabhAva\-
pratyagabhinnakUTasthanahmasvarUpeNAvasthAnam | idamevAvidyAnivR^ittipadenA\-
pyabhidhIyate | tathA choktam\-
\ldq{}avidyAstamayo mokShaH sA cha bandha udAhR^itaH | \rdq{} iti |
\ldq{}nivR^ittirAtmA mohasya j~nAtatvenopalakShitaH |\rdq{} iti cha |
api cha\,
\ldq{}tasmAdavidyAstamayo nityAnandapratItitaH |
   niHsheShaduHkho.abhedAchcha puruShArthaH paro mataH ||\rdq{} iti |

iyaM kaivalyarUpA muktireva mukhyA | tathA cha sUtasaMhitAyAM
svasvarUpAvasthAnamuktiM prakR^itya\-\-
\ldq{}ShaDbhAvavikriyAhInA shubhAshubhavivarjitA |
    sarvadvandvavinirmuktA satyavij~nAnarUpiNI ||

   kevalaM brahmarUpoktA sarvadA sukhalakShaNA |
   na heyA nApyupAdeyA sarvasambandhavarjitA ||

   na dR^iShTA na shrutA viShNo na chAsvAdyA na tarkitA
   sarvAvaraNanirmuktA na vij~neyA nirAshrayA ||

   vAchyavAchakanirmuktA lakShyalakShaNavarjitA |
   sarveShAM prANinAM sAkShAdAtmabhUtA svayamprabhA ||

   pratibandhavinirmuktA sarvadA paramArthataH |
   avichAradashAyAM tu pratibaddhA svamAyayA ||

   eShaiva paramA muktiH proktA vedArthavedibhiH |
   anyAshcha muktayaH sarvA aparAH parikIrtitAH || \rdq{} iti |

na chAnyAsu sAlokyAdirUpAsu kathaM muktishabdaprayoga iti vAchyam;
tAH prAptAnAM punarAvR^ittyabhAvena krameNa mukhyamuktidarshanAttAsu
muktishabdopachAraH |
tathA choktam\-\-
\ldq{}brahmaNA saha te sarve samprApte pratisa~nchare |
   parasyAM te mahAtmAnaH pravishanti paraM padam ||\rdq{} iti |

na chAsyAH kUTasthabrahmasvarUpAyA mukteH svataHsiddhatayA tadarthaM
mumukShUNAM gurUpasadanavichArAdiShu pravR^ittirna syAditi vAchyam;
tasyAH svataHsiddhatve.api vismR^itakaNThachAmIkaranyAyenAj~nAtatvena
tatprAptyai mumukShUNAM vichArAdiShu pravR^ityupapatteH |
vismR^itakaNThachAmIkaranyAyastvevaM\-kashchitpuruShaH svakaNThasthameva
chAmIkaraM vismR^itya \ldq{}aho madIyashchAmIkaraH kutra vA sthApitaH
kena vApahR^itaH\rdq{} itItastataH paryaTankutrApyalabdhvA bahudhA
shochaMstiShThati | atrAntare kashchanAgatya chUte\- \ldq{}tAvake kaNTha
eva khalu chAmIkaro vartate\, kimarthaM bhavAn mahAntaM shokamApannaH\rdq{}
iti | sa tadvAkyashravaNAnantaraM yathA svakaNThasthameva chAmIkaraM j~nAtvA
alabdhasya lAbhAdiva tuShyatIti | anena nyAyena svata.asiddhApIyaM mukhyA
muktirAtmasvarUpA aj~nAtatvena alabdheva satI svalAbhAya kAraNamapekShata
eveti yuktA tadarthaM mumukShUNAM pravR^ittiH | kAraNaM tu j~nAnameva;
\ldq{}nAnyaH panthA vidyate.ayanAya\rdq{} \ldq{}tarati shokamAtmavit\rdq{} |
\ldq{}nAstyakR^itaH kR^itena | tadvij~nAnArthaM sa gurumevAbhigachChet\rdq{}
brahmavidApnoti param \ldq{}brahmavidbrahmaiva bhavati\rdq{} \ldq{}sa yo
ha vai tatparamaM brahma veda brahmaiva bhavati\rdq{}
ityAdishrutibhyaH ||
\ldq{}bahUnAM janmanAmante j~nAnavAnmAM prapadyate |\rdq{}
\ldq{}tato mAM tattvato j~nAtvA vishate tadanantaram ||\rdq{}
ityAdismR^itibhyashcha | tajj~nAnaM kIdR^ishamityapekShAyAM
aparokShAnubhUtau shrImadbhagavatpAdaiH\-\-
\ldq{}brahmaivAhaM samaH shAntaH sachchidAnandalakShaNaH |
   nAhaM deho hyasadrUpo j~nAnamityuchyate budhaiH ||
   nirvikAro nirAkAro niravadyo.ahamavyayaH |
   nAhaM deho hyasadrUpo j~nAnamityuchyate budhaiH ||
   nirAmayo nirAbhAso nirvikalpo.ahamAtataH |
   nAhaM deho hyasadrUpo j~nAnamityuchyate budhaiH ||
   nirguNo niShkriyo nityo nityamukto.ahamachyutaH |
   nAhaM deho hyasadrUpo j~nAnamityuchyate budhaiH ||
       nirmalo nishchalo.anantaH shuddho.ahamajaro.amaraH |
   nAhaM deho hyasadrUpo j~nAnamityuchyate budhaiH || \rdq{} iti |

\ldq{}tattvamasi\rdq{} \ldq{}ahaM brahmAsmi\rdq{} \ldq{}ayamAtmA brahma\rdq{}
\ldq{}praj~nAnaM brahma\rdq{} iti mahAvAkyajanyAkhaNDAkAravR^ittyaparanAmakam |
tatprAptyupAyastu shrutau \ldq{}AtmA vA are draShTavyaH shrotavyo
mantavyo nididhyAsitavyaH\rdq{} iti\, \ldq{}shAnto dAnta uparatastitikShuH
shraddhAvitto bhUtvA.a.atmanyevAtmAnaM pashyet\rdq{} ityAdivAkyairudghuShyate |
pAdme shivagItAyAM cha\-\-
\ldq{}kathaM bhagavato j~nAnaM shuddhaM martyasya jAyate |
tatropAyaM hara brUhi mayi te.anugraho yadi ||\rdq{}
iti shrIrAmeNa pR^iShTaH san shrIbhagavAnAha\-\-
\ldq{}virajya sarvabhUtebhya Aviri~nchipadAvadhi |
   ghR^iNAM vitatya sarvatra putramitrAdikeShvapi ||
   shraddhAlurmuktishAstreShu vedAntaj~nAnalipsayA |
   upAyanakaro bhUtvA guruM brahmavidaM vrajet ||
   sevAbhiH paritoShyainaM chirakAlaM samAhitaH |
   sarvavedAntavAkyArthaM shR^iNuyAtsusamAhitaH ||
   sarvavedAntavAkyAnAM mayi tAtparyanishchayam |
   shravaNaM nAma tatprAhuH sarve te brahmavAdinaH ||
   lohamaNyAdidR^iShTAntayuktibhiryadvichintanam |
   tadeva mananaM prAhurvAkyArthasyopabR^iMhaNam ||
   nirmoho niraha~NkAraH samaH sa~NgavivarjitaH |
   sadA shAntyAdiyuktaH sannAtmanyAtmAnamIkShate ||
   yatsadA dhyAnayogena tannididhyAsanaM smR^itam |
   sarvakarmakShayavashAtsAkShAtkAro.api chAtmanaH ||
   kasyachijjAyate shIghraM chirakAlena kasyachit |\rdq{} iti |

tasmAdbrahmaj~nAnaikasAdhyaH svasvarUpAvasthAnalakShaNo
mokSha eva paramaH puruShArtha iti sarvaM chaturashram ||

puruShArthanirNayo.ayaM guruvarakR^ipayA mayA vyarachi |
vIkShya prayAntu modaM vidvAMso vItamatsarAstamimam ||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitaH puruShArthanirNayaH samAptaH |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}