प्रयाणगीतम्
(गीतिका)
प्रयाहि वीर । सन्ततं
प्रयाहि वीर । सन्ततम् ।
प्रयाणमेव जीवनम्,
प्रयाणमेव जीवनम् ॥ प्रयाहि०॥
जगत् प्रयाति सन्ततं
धरा प्रयाति सन्ततम् ।
मरुत् प्रयाति सततं
सरित् प्रयाति सततम् ॥ प्रयाहि०॥
यतिः प्रयाति सन्ततं
मतिः प्रयाति सन्ततम् ।
चमू प्रयाति सन्ततं
धनं प्रयाति सततम् ॥ प्रयाहि०॥
गति सुधौघ-दायिनी
गति सदेष्ट साधनी ।
गति सुखावहा मता
गतिश्च दुःख-नाशनी ॥ प्रयाहि०॥
प्रघृष्ट शत्रु-संयुता
चमू विदारयन् सदा ।
जय ध्वनिं प्रणोदयन्
जय लभस्व सन्ततम् ॥ प्रयाहि०॥
स्व मातृ भारती स्तुवन्
स्व-देश-भक्तिमाश्रयन् ।
स्व-राष्ट्र-गौरवं भजन्
लभस्व गौरवं सदा ॥ प्रयाहि०॥
इयं धरा हुतात्मभि
स्व-रक्त दान-पाविता ।
न शत्रु-दोष दूषिता
तथा यतस्व सन्ततम् ॥ प्रयाहि०॥
अशेषप-क्लेष सन्तति
र्समस्त विघ्न संहतिम् ।
सदाऽऽत्म शक्ति संयुतं
सहस्व सिंहवद् मुदा ॥ प्रयाहि०॥
सदाऽशिषा युतो भव
नत स्व मात-पादयोः ।
सदा श्रयस्व गौरवं
स्वदेश-भक्ति भावितः ॥ प्रयाहि०॥
सदा अमित्र-मर्दन
सदा सुदृप्त भञ्जनम् ।
स्वदेश-कीर्ति-वर्धनं
प्रयाहि सिंहवत् सदा ॥ प्रयाहि०॥
Proofread by Mandar Mali