% Text title            : prakRitistotram
% File name             : prakRitistotram.itx
% Category              : misc, stotra, devii, devI
% Location              : doc\_z\_misc\_general
% Transliterated by     : Ravi Mukku ravi\_mukku at hotmail.com
% Proofread by          : Ravi Mukku ravi\_mukku at hotmail.com
% Latest update         : August 28, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. prakRitistotram ..}##
\itxtitle{.. prakR^itistotram athavA bhagavatI bhuvaneshvarI stutiratnam ..}##\endtitles ##

prasIda prapa~nchasvarUpe pradhAne prakR^ityAtmike prANinA.n prANasa.nj~ne |
praNotu.n prabho prArabhe prA~njalistvA.n prakR^itApratarkye prakAmapravR^itte || 1||

stutirvAkyabaddhA padAtmaiva vAkya.n pada.n tvakSharAtmAkShara.n tva.n maheshi |
dhruva.n tvA.n tvamevAkSharaistvanmayaistoShyasi tvanmayI vAkpravR^ittiryataH syAt || 2||

ajAdhokShajatrIkShaNAshchApi rUpa.n para.n nAbhijAnanti mAyAmaya.n te |
stuvantIshi tA.n tvAmamI sthUlarUpA.n tadetAvadambeha yukta.n mamApi || 3||

namaste samasteshi vindusvarUpe namaste ravatvena tattvAbhidhAne |
namaste mahatva.n prapanne pradhAne namaste tvaha~NkAratatvasvarUpe || 4||

namaH shabdarUpe namo vyomarUpe namaH sparsharUpe namo vAyurUpe |
namo rUpatejorasAmbhaH svarUpe namaste.astu gandhAtmike bhUsvarUpe || 5||

namaH shrotracharmAkShijihvAsthanAsAsyavAkpANipatpAyusopastharUpe |
manobuddhyaha~NkArachittasvarUpe virUpe namaste vibho vishvarUpe || 6||

ravitvenabhUtvAntarAtmA dadhAsi prajAshchandramastvena puShNAsi bhUyaH |
dahasyagnimUrtirvahantyAhuti.n nA mahAdevi tejastraya.n tvatta eva || 7||

chaturvaktrayuktA lasaddha.nsavAhA rajaHsa.nshritA brahmasa.nj~nA.n dadhAnA |
jagatsR^iShTikAryA jaganmAtR^ibhUte para.n tvatpada.n dhyAyasIshi tvameva || 8||

virAjatkirITA lasachchakrasha~NkhA vahantI cha nArAyaNAkhyA.n jagatsu |
guNa.n sattvamAsthAya vishvasthiti.n yaH karotIha so.n.asho.api devi tvameva || 9||

jaTAbaddhachandrAhiga~NgA trinetrA jagatsa.nharantI cha kalpAvasAne |
tamaH sa.nshritA rudrasa.nj~nA.n dadhAnA vahantI parashvakShamAle vibhAsi || 10||

sachintAkShamAlA sudhAkumbhalekhAdharA trIkShaNArddhendurAjatkapardA |
sushuklA.nshukAkalpadehA sarasvatyapi tvanmayaiveshi vAchAmadhIshA || 11||

lasachCha~NkhachakrA chalatkhaDgabhImA nadatsi.nhavAhA jvalattu~NgamauliH |
dravaddaityavargA stuvatsiddhasa~NghA tvameveshi durvApi sargAdihIne || 12||

purArAtidehArdhabhAgA bhavAnI girIndrAtmajAtvena yaiShA vibhAti |
mahAyogivandyA maheshA sunAthA maheshyambikA tattvatastvanmayaiva || 13||

lasakaustubhoddhAsite vyomanIle vasantI.n cha vakShaHsthale kaiTabhAreH |
jagadvallabhA.n sarvalokaikanAthA.n shriya.n tAmaha.n devyaha.n tvAmavaimi || 14||

ajAdrIDguhAbjAkShapotrIndrakANAm mahAbhairavasyApi chihna.n vahantyaH |
vibho mAtaraH sapta tadrUparUpAH sphurantyastvada.nshA mahAdevi tAshcha || 15||

samudyaddivAkR^itsahasrAbhabhAsA sadA santatAsheShavishvAvakAshe |
lasanmaulibaddhendulekhe sapAshA~NkushAbhItyabhIShTAttahaste namaste || 16||

prabhAkIrtikAntI divArAtrisandhyAH kriyAshA tamisrA kShudhAbuddhimedhAH |
dhR^itirvA~NmatiH santatiH shrIshcha
bhaktistvameveshiye.anye cha shaktiprabhedAH || 17||

hare bindunAdaiH sashktyAkhyashAntairnamaste.astu bhedaprabhinnairabhinne |
sadA saptapAtAlalokAchalAbdhigrahadvIpadhAtusvarAdisvarUpe || 18||

namaste samaste samastasvarUpe samasteShu vastuShvanusyUtashakte |
shritasthUlasUkShmasvarUpe maheshi smR^ite bodharUpepyabodhasvarUpe || 19||

manovR^ittirastu smR^itiste samastA tathA vAkpravR^ittiH stutiH syAnmaheshi |
sharIrapravR^ittiH praNAmakriyA syAt prasIda kShamasva prabho santata.n me || 20||

hR^illekhAjapavidhimarchanAvisheShAnetAstA.n stutimapi nityamAdareNa |
yo.abhyasyetsa khalu parA.n shriya.n cha gatvA shuddha.n
tad vrajati pada.n parasya dhAmnaH || 21||

iti hR^illekhAvihito vidhiruktaH sa.ngraheNa sakalo.ayam |
yo.asminniyatamanA mantrI yogI syAt sa eva bhogI cha || 22||

iti-Adyasha~NkarAchAryavirachita.n prakR^itistotram ||

##
Encoded and proofread by Ravi Mukku ravi\_{}mukku at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}