प्रावृट्
चातकानां विरसवदनं
मण्डुकानां मञ्जुलनिनादं
दृष्ट्वा श्रुत्वा तटिनीनां काकुस्थक्रन्दन-
मायाति वारिदः क्षिप्रमाशुगेन सह
परिधाप्य अमावास्यावासम् । १
नृत्यन्ति मयूराश्छन्दे गर्जन्ति कुलिशा-
श्चपलाश्चपलायन्ते नीरधरक्रोडे
कूजन्ति कोकिलास्तत्र गुञ्जन्ति झिल्लिकाः
झिं झिं झिं झिं कानने वास्स्क्रीडे । २
मिहिरो लज्जते धूमयोनेः
श्यामलिमा हसति पलाशे
आसारार्थमादिदेश देवस्सुनासीरः
आषाढस्य प्रथमदिवसे । ३
वरटाचुम्बनं
मधुपस्य विकचेन केलिं
भेकादीनां मैथुनमालोक्य
दृष्ट्वा बाला कामे विमोहिता
पश्यति सल्लजं
विस्मरति विगतरमणं
उपेक्षते स्वकीययौवनं
अपेक्षते प्रेमिकस्य मधुरालिङ्गनम् । ४
हृष्यति धरित्री
शब्दायन्ते नील-उर्मिमालाः
विषधरो गिरति दर्दुरं
धूमायते चारुपर्णशाला । ५
केशवेशे मालतीप्रसूनं
ललाटिका इन्द्रधनुविन्दुः
ब्रजति द्वितीया
रोदिति विधवा
यजति सा नीलाचलनाथं
मीमांसार्थं प्रारब्धावसानम् । ६
इति प्रावृट् ।
Composed, encoded, and proofread by
Dr. Pradipta Kumar Nanda, Kendrapara, Orisa pknanda65 at gmail.com