% Text title            : About Francis Bacon
% File name             : phrAnsisbekanadarshanam.itx
% Category              : misc, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : June 27, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. About Francis Bacon ..}##
\itxtitle{.. phrAnsis bekanadarshanam ..}##\endtitles ##
lekhakaH \- nandapradIptakumAraH
deshaH kAlaH parichayashcha\-
nATyakAraH seksapiyarasamasAmayikaH

phrAnsis bekanaH mahAn dArshanika eva | i.nlaNDadeshIya ayaM mahAtmA 1561tame khrIShTAbde svAstitvasa.npanna AsIt | jAnuyArimAsasya dvAvi.nshatitame dinA.nke i.nlaNDapradeshasya laNDana bhUmaNDale iyarkahAusa ##York house ## ityatra kuline parivAre sosjAyata | nikolAs bekan nAmakastasya pitA tadAnIM mahArAj~nAH elijAbeth ityasyA mahAshayAyAH sampattirakShaka AsIt | mAtA leDIAnnekuk vishiShTA ekA sAhityikA yA lATina\-grIk sAhityayoH niShNAtA AsIt |

dvAdashavayasi bekan kembrij vishvavidyAlayasya TriniTi mahAvidyAlayaM gatvA varShatrayaM yAvat vidyArjanaM kR^itavAn | vishvavidyAlaya\-paThanasamaye tanmanasi j~nAnAnurAgaH sa.npannaH | tadAnIM ArisTaTalamahodayasya darshanasya vyApakatA vishvavidyAlaye AsIt | bekan tanmataM nAdR^itam | phalataH tena vishvavidyAlayaH tyaktaH | aShTAdashavayasi tasya pitR^iviyogo jAtaH | jIvikAnirvAhArthaM nItishAstraM prapaThya adhivaktA rUpeNa AtmAnaM sthApayAmAsa | dvAvi.nshati vayasi pArlAmeNTa sadasyatvena nirvAchitaH | eTarnI jenerAla, larDachAnselara Adipada\-padavIShu  dakShatA tena pradarshitA | darshanashAstrasa.nskAre andhasa.nskAravAda pratipAdane tasya niShThA sudUradarshI  sudUraprasArI eva | 1626 tame khrIShTAbde ihalIlAM samApya paramadhAma samavApa |

bekan mahodayaH mahAn vidvAn utkR^iShTasAhityikaH kushalarAjanItij~naH atyanta chaturo dhIrasahiShNuH indriyAnubhavavAdI prayogavij~nAnavAdI tathA dArshanikashcha AsIt |
j~nAnamImAsA (andhasa.nskAravAdaH)

pratyakShAgamAbhyAM prakR^itiparyyavekShaNapUrvakaM mUlatattvasya anveShaNaM bekanadarshanasya pradhAnalakShyam | tanmatAnusAraM j~nAnArjanaM tu sarvadA vaij~nAnikapaddhatyA karttavyam | etadarthaM pUrvaprachalitAnAM kusa.nskArANAM sarvAdau parihAraH karttavyaH | yathA malinadarpaNe mukhasya prativimbo malino dR^ishyate tathaiva kusa.nskArAchChane manasi prakR^ityAH prativimbAbhAvAt samyagj~nAnaM nodeti | evaM priyajanAnAM doShAdarshanaM apriyajanAnAM guNadarshanaM cha kusa.nskArakAraNAd hi janyate | andhavat yasya kasyApi mataM  agrahaNIyamiti etAdR^ishasiddhAnta eva andhasa.nskAravAdaH phalitaH | ayaM andhasa.nskAravAdaH na kevalaM vyaktiShu apitu sAmAjikakShetre vaij~nAnikakShetrepi bahulatayA darIdR^ishyate | samAjasya chaturShu sthAneShu te andhasa.nskArAH parivyAptAH | yathA\-1\-jAtigatAndhasa.nskAraH(##Idola Tribes##)
2\-vaiyaktikAndhasa.nskAraH (##Idola specus##)
3\-lokAyatAndhasa.nskAraH (##Idols of Market place##)
4\-nATyashAlAgatAndhasa.nskAraH (##Idols of the thearti##)

1\-jAtigatAndhasa.nskAraH\- ayaM kusa.nskAraH mAnavamAtreShu vyavahriyate | sahajasa.nskArarUpeNAyaM doSho vichAryate | jAtigata ityatra na brAhmaNAdijAtInAM kR^ite apitu prakR^ititulyajAtIyo sajAtIyo vijAtIyo vA bodhyaH | atra prakR^itiviShayakaM niShpakShamadhyayanaM vinA j~nAnotpatirasambhavAt |

2\- vaiyaktikAndhasa.nskAraH\-shikShAkShetre   ayaM doSho vichAryate | yadi mAnavAnAM shikShA sImitA bhavet bhAShAspi sImitA syAt tarhi iyaM samasyA utpadyate | yathA kUpamaNDukasya kUpaviShayakaj~nAnaM bhavati na samudrasya tathaiva sthiranirdiShTakShetre ayaM sa.nkIrNo guhAdoSho vyaktigatAndhasa.nskAra ityuchyate |3\-lokAyatAndhasa.nskAraH\- lokeShu AyataM nAma vistR^itam | vastutaH bhAShAgatAndhasa.nskArosyaM doShaH | kadAchit bhAShAvyavahAre yeShAM shabdAnAM vyavahAro dR^ishyate teShAM nAsti kospi visheShosrthaH | kintu para.nparAta eva vyavahriyate | 4\- nATyashAlAgatAndhasa.nskAraH\- yathA kalpanAprasUtaM nATakaM bhavati tathaiva dArshanikAnAM Agama\-dharma\-darshaneShu varNitaM sa.npradAyasiddhAnta eva kalpanAprasUtamiti bekanayuktirbalIyasI | AgamanAtmakatarkeNa hi vastusvarUpaM nishchIyate nAnyathA |

AgamanAtmakavidhiH (##Inductiv Method##) bekanamahodayasya ayaM siddhAntaH ArohAnumAnapaddhatirvA AgamanAtmakatarkapaddhatiH nAmnA parichayaM prAptaH | tannaye yathArthaj~nAnaM na indriyAnubhavairjAyate | indriyavaikalyAt kadAchit mithyAj~nAnaM jAyate | sutarAM nirIkShaNapUrvakaM vastUnAM svarUpaj~nAnaM tu ArohAnumAnapaddhateH mUlalakShyam | vastusvarUpaM vishleShaNe yantrAdInAmapi prayogaH karttavyaH | sAdharmya\-vaidharmyAbhyAM vastuvichAre hetusvarUpo nirNetavyaH | anvaya\-vyatirekAbhyAM hetvAbhAsaM nirAkR^itya vyAptij~nAnamavashyameva karttavyam | bekanamatena satyasyAbhivyaktiH AgamanAtmakapaddhatyA eva sambhavati | tarkospi vyAptij~nAnopari nirbharashIlaH | bekanamahodayasya ayaM siddhAnto na nUtanamiti kechit vadanti | kintu pAshchAtyadarshaneShu tasya yogadAnaM mahattvapUrNamiti naiva sandehasyAvakAshaH |

                       \-\-\- lekhakaH \- nandapradIptakumAraH
                             shrIjagannAthasa.nskR^itavishvavidyAlayaH purI
##

Written by Dr. Pradipta Kumar Nanda, Kendrapara, Orisa pknanda65 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}