% Text title            : paurANaprayogadarpaNaH
% File name             : paurANaprayogadarpaNaH.itx
% Category              : misc, pUjA
% Location              : doc\_z\_misc\_general
% Transliterated by     : Parameshwar Puttanmane poornapathi at gmail.com
% Proofread by          : Parameshwar Puttanmane poornapathi at gmail.com
% Latest update         : October 6, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Paurana Prayoga Darpana ..}##
\itxtitle{.. paurANa prayoga darpaNaH ..}##\endtitles ##

athAchamanam |
keshavAya namaH\,  nArAyaNAya namaH\, mAdhavAya namaH\, iti trirapaH pibet |

atha pavitradhAraNam |
snAne dAne jape home svAdhyAye pitR^ikarmaNi |
pavitraM tu kare kuryAt sauvarNaM rAjataM tu vA ||
kushapANiH sadA tiShThennaro dambhavivarjitaH |
sa nityaM hanti pApAni tUlarAshimivAnilaH ||
pavitradhArako yashcha na sa pApena lipyate |
pavitrayutahastasya vidravanti disho disha ||
japahomaharA hyete asurAdivyarUpiNaH |
pavitrakR^ita hastasya vidravanti disho disha ||
iti pavitraM dhR^itvA hrIM iti prANAnAyamya tilakaM dhArayet |

mantrArthAH saphalAH santu pUrNAH santu manorathAH |
shatrUNAM buddhinAshostu mitrANAmudayastathA ||
tilakaM ku~Nkumenaiva sadA ma~NgalakarmaNi |
kArayitvA sumatimAnna shvetachandanaM mR^idA || iti ||

atha gaNapativandanam |
sid.h{}dhyA buddhyA sametaM guNagaNanichayaM sarvasa~NkaShTadAhaM\,
yakShairakShobhi rIshaprabhR^itibhiramalairdAnavairmAnavaishcha |
sarvArambhebhivandyA~NghrikamalamamalaM bhAlachandraM gajAsyaM\,
raktAbhaM padmamAlAdharamabhayakaraM vighnarAjaM bhajeham ||
iti mahAgaNapatiM natvA
shrI gaNeshAya namaH | shrI sarasvatyai namaH |
shrI gurubhyo namaH | avighnamastu 
ga~Nge cha yamune chaiva godAvari sarasvati |
narmade sindhukAveri kalashe sannidhiM kuru ||
ga~NgAdyAssarvatIrthadevatAssannihitAssantu |
iti tIrthAnyAvAhya\, deshakAlau sa~NkIrtya\, kariShyamANa karmA~Ngatvena
sharIrashud.h{}dhyarthaM tIrthasnAnaM gavyasnAnaM tatprAshanaM
upavItadhAraNaM cha kariShye || iti sa~Nkalpayet |

atha tIrthasnAnam |
deva deva jagannAtha sha~NkhachakragadAdhara |
Aj~nAM dehi cha me viShNo tavatIrthAvagAhane ||
namaH puNyajale deshe namaH sAgaragAmini |
narmade sindhu kAverI jalesmin sannnidhiM kuru ||
sAgaraH svananirghoShadaNDahastasurAntaka |
jagatsraShTarjaganmardinnamAmi tvAM sureshvara ||
tIkShNadaMShTra mahAkAya kalpAntadahanopama |
bhairavAya namastubhyaM anuj~nAM dAtumarhasi ||
uttiShThatu mahAbhUtA ye bhUtA bhUmipAlakAH |
bhUtAnAmavirodhena snAnakarma samArabhe ||
viShNupAdAgrasambhUte ga~Nge tripathagAmini |
dharmadraveti vikhyAtA pApaM me hara jAhnavI ||
jAhnavI sarvataH puNyA brahmahatyAghahAriNI |
vArANasyAM visheSheNa ga~NgAhyuttaravAhinI ||
majjanti munayaH sarve tvamekaH kiM na majjasi |
muktistvaddarshanAddevI na jAne snAnajaM phalam ||
prabhAte vahate ga~NgA madhyAhne tu sarasvatI |
aparAhNenyatIrthAni rAtrau vahati narmadA ||
viShNupAdAgrasambhUte ga~NgetripathagAmini |
dharmadraveti vikhyAtA pApaM me hara jAhnavI ||
kushamUle sthito brahmA kushamadhye janArdanaH |
kushAgre sha~Nkaro devaH tena nashyatu pAtakam || iti ||

atha gavyasnAnam |
gomUtraM gomayaM kShIraM dadhisarpiH kushodakam |
sarvapApavishud.h{}dhyarthaM pa~nchagavyaM punAtu mAm || iti ||

atha pa~nchagavyaprAshanam |
yatvagasthigataM pApaM dehe tiShThati mAmake |
prAshanAtpa~nchagavyasya dahatvagnirivendhanam || hrIM iti prAshayet |

athopavItadhAraNam |
yaj~nopavItaM paramaM pavitraM prajApateryatsahajaM purastAt |
AyuShyamagryaM pratimu~ncha shubhraM yaj~nopavItaM balamastu tejaH ||
ityupavItaM dhR^itvA\, Achamya\, prANAnAyamya\, pradhAnasa~NkalpaM kuryAt |

sumukhashchetyAdideshakAlakIrtanAnte amuka karma kariShye ||
tadAdau nirvighnArthaM gaNapatipUjanaM\, kShetrapAlavAstoShpati prArthanaM\,
shAntyarthaM puShTyarthaM tuShTyarthaM vR^id.h{}dhyarthaM cha brAhmaNaiH
saha puNyAhavAchanaM cha kariShye || iti ||

atha gaNapatipUjanam |
shvetA~NgaM shvetavastraM sitakusumagaNaiH pUjitaM shvetagandhaiH\,
kShIrAbdhau ratnadIpaiH surataruvimale ratnasiMhAsanastham |
dorbhiH pAshA~NkusheShTAbhayadhR^itavishadaM chandramauliM triNetraM\,
dhyAyechChAntyarthamIshaM gaNapati mamalaM shrIsametaM prasannam ||
he heramba tvamehyehi ambikAtryambakAtmaja |
siddhibuddhipate tryakSha lakShalAbha pitaH prabho ||
nAgAsya nAgahAratvaM gaNarAja chaturbhuja |
bhUShitaH svAyudhaiH rdivyaiH pAshAM kushaparashvadhaiH ||
AvAhayAmi pUjArthaM rakShArthaM cha mama kratau |
ihAgatya gR^ihANa tvaM pUjAM rakSha kratuM cha me ||
shrI mahAgaNapataye namaH shrI mahAgaNapatimAvAhayAmi |
ityAvAhya\, pUjayet |
tatra snAne visheShaH \-
kAverI narmadA veNI tu~NgabhadrA sarasvatI |
ga~NgA cha yamunA toyaM mayA snAnArthamarpitam ||
tathA dUrvArpaNe \-
dUrvA~NkurAn suharitAn amR^itAn ma~NgalapradAn |
AnItAMstava pUjArthaM gR^ihANa gaNanAyaka ||
naivedye \-
satpAtrasiddhaM suhaviH vividhAnekabhakShaNam |
nivedayAmi devAya sAnugAya gR^ihANa tat ||
nIrAjanepi \-
karpUrakaM mahArAja rambhodbhUtaM cha dIpakam |
ma~NgalArthaM mahIpAla sa~NgR^ihANa sureshvara ||
mantrapuShpasamarpaNe \\-
tvAM vighnashatrudalaneti cha sundareti
    bhaktapriyeti sukhadeti varapradeti |
vidyApradetyaghahareti cha ye stuvanti
    tebhyo gaNeshavarado bhava nityameva ||
namaskAre tathA prArthane \-
namaste brahmarUpAya viShNurUpAya te namaH |
namaste rudrarUpAya karirUpAya te namaH ||
vishvarUpa svarUpAya namaste brahmachAriNe |
bhaktapriyAya devAya namastubhyaM vinAyaka ||
lambodaranamastubhyaM satataM modakapriya |
nirvighnaM kuru me deva sarvakAryeShu sarvadA ||
anena pUjanena gaNapatiH prIyatAm | iti ||
atraiva kShetrapAlaM vAstoShpatiM cha samprArthayet |

atha kalashasthApanam
atha bhUmiM spR^ishet \\-
vishvAdhArAsidhariNI sheShanAgoparisthitA |
uddhR^itAsi varAheNa kR^iShNena shatabAhunA || iti ||
atha kalashaM \\-
hemarUpyAdi sambhUtaM tAmrajaM sudR^iDhaM navam |
kalashaM dhautakalmAShaM ChidravarNavivarjitam || iti ||
atha jalapUraNaM \\-
jIvanaM sarvajIvAnAM pAvanaM pAvanAtmakam |
bIjaM sarvauShadhInAM cha tajjalaM pUrayAmyaham || iti ||
atha vastrAchChAdanaM \\-
sUtraM kArpAsasambhUtaM brahmaNA nirmitaM purA |
yena baddhaM jagatsarvaM veShTanaM kalashasya cha || iti ||
atha oShadhyaH \\-
devebhyaH pUrvato jAtA devebhyaH striyugaM purA |
shataM tanushcha yA babhrU jIvanaM jIvanAya cha || iti ||
atha dUrvAH \\-
dUrvehyamR^itasampanne shatamUle shatAM kure |
shataM pAtakasampattI shatamAyuShyavardhinI || iti ||
atha pallavAn \\-
ashvatthodumbaraplakShachyUtanyagrodhapallavAH |
pa~nchabhagA iti proktAH sarvakarmasu shobhanAH || iti ||
atha puShpANi \\-
vividhaM puShpasa~njAtaM devAnAM prItivardhanam |
kShipraM yatkAryasambhUtaM kalashe prakShipAmyaham || iti ||
atha mR^ittikAH \\-
ashvasthAnAdgajAsthAnAdvalmIkAtsa~NgamAddhradAt |
rAjadvArAchcha go goShThAnmR^idamAnIya nikShipet || iti ||
atha ratnAni \\-
kanakaM kulishaM nIlaM padmarAgaM cha mauktikam |
etAni pa~ncharatnAni kalashe prakShipAmyaham || iti ||
atha pUrNapAtrApidhAnaM \\-
pidhAnaM sarvavastUnAM sarvakAryArtha sAdhanam |
sampUrNaH kalasho yena pAtraM tatkalashopari || iti ||

atha varuNapUjanam
namo namaste sphaTikaprabhAya\, sushvetahArAya suma~NgalAya |
supAshahastAya jhaShAsanAya\, jalAdhinAthAya namo namaste ||
pAshahastaM cha varuNamambhasApatimIshvaram |
AvAhayAmi yaj~nesmin pUjeyaM pratigR^ihyatAm || ityAvAhya\, pUjayet |

tatra snAne visheShaH \-
paramAnandabodhAbdhinimagnanijamUrtaye |
sA~NgopA~NgamidaM snAnaM kalpayAmi jalAdhipa ||
naivedye \-
satpAtrasiddhaM suhaviH vividhAnekabhakShaNam |
nivedayAmi devAya sAnugAya gR^ihANa tat ||
nIrAjanepi \-
karpUrakaM mahArAja rambhodbhUtaM cha dIpakam |
ma~NgalArthaM mahIpAla sa~NgR^ihANa sureshvara ||
namaskAre \-
namo namaste sphaTikaprabhAya\, sushvetahArAya suma~NgalAya |
supAshahastAya jhaShAsanAya\, jalAdhinAthAya namo namaste ||
tatra prArthanA \-
shivaH svayaM tvamevAsi viShNutvaM cha prajApatiH |
AdityAvasavo rudrAH vishvedevAH sapaitR^ikAH ||
tvayi tiShThanti sarvepi yataH kAmaphalapradAH |
tvatprasAdimaM yaj~naM kartumIhejalodbhava ||
pAshapANe namastubhyaM padminI jIvanAyaka |
puNyAhavAchanaM yAvattAvattvaM saMsthito bhava || iti ||
anena pUjanena varuNaH prIyatAm |
tataH kalashaM spR^iShTvA devatA bhAvayet |
kalashasya mukhe viShNuH \-\-\- kalashe sannidhiM kuru || iti ||

atha yajamAnaH mAtR^idevo bhava | pitR^idevo bhava | AchAryadevo bhava |
ityAshiSho gR^ihItvA\, brAhmaNahaste jalaM dadAti |
hrIM ApaH shivA ApaH santu |
hrIM gandhAH sugandhAH pAntu |
hrIM akShatAH astvakShatamariShTaM cha |
hrIM sumanasaH saumanasyamastu |
hrIM dakShiNAH svasti dakShiNAH pAntu | santu pa~nchopachArAH |
shAntirastu ||
kalashaM spR^iShTvA vadati |
dIrghA nAgA nadyo girayastrINiviShNupadAni cha |
tenAyuH pramANena puNyaM puNyAhamastu me || iti ||
puNyaM puNyAhaM dIrghamAyurastu |
patnyAnvArabdhayajamAnadakShiNabAhunAnvArabdhaH kalashadhArako manaH
samAdhIyatAm | iti vadati | brAhmaNAH \-samAhitamanasassmaH ||
iti prativadanti |
prasIdantu bhavantaH prasannAH smaH ||
shAntirastu | puShTirastu | tuShTirastu | vR^iddhirastu | avighnamastu |
AyuShyamastu | Arogyamastu | shivaM karmAstu | ityuktaM pratibrUyAt ||

brAhmyaM puNyaM maharyachcha sR^iShTyutpAdanakArakam |
vedavR^ikShodbhavaM nityaM tatpuNyAhaM bruvantu naH ||
mahyaM saha kuTumbine \-\-\- puNyaM puNyAhaM bhavanto bruvantu |
puNyaM puNyAham |iti prativachanam |
svastyastu yA vinAshAkhyA puNyakalyANavR^iddhidA |
vinAyakapriyA nityaM tAM cha svastiM bruvantu naH ||
mahyaM saha kuTumbine \-\-\- svastyastviti bhavanto bruvantu |
AyuShmate svasti |iti prativachanam |
sAgarasya yathAvR^iddhir mahAlakShmyAdibhiH kR^itA |
sampUrNA suprabhA vAchA tAM cha R^iddhiM bruvantu naH ||
mahyaM saha kuTumbine \-\-\- R^iddhiM bhavanto bruvantu |
karma R^id.h{}dhyatAm |iti prativachanam |
samudramathanAjjAtA jagadAnandakArikA |
haripriyA cha mA~Ngalya tAM shriyaM cha bruvantu naH ||
mahyaM saha kuTumbine \-\-\- shrIrastviti bhavanto bruvantu |
astu shrIH |iti prativachanam |
pR^ithivyAmudhR^itA yAntu yatkalyANaM purAkR^itam |
R^iShibhiH siddhagandharvaiH tatkalyANaM bruvantu naH ||
mahyaM saha kuTumbine \-\-\- kalyANaM bhavanto bruvantu |
astu kalyANam |iti prativachanam |
atha kalasha jaladhArAM karoti |
shukrA~NgArakabudhabR^ihaspatishanaishchararAhuketusomasahitA
AdityapurogA sarve grahAH prIyantAm | karmA~NgadevatAH prIyantAm |
shakunanimittasvapnAH shivA bhavantu |
AyuShobhivR^iddhirastu AyuShobhi vR^iddhirastu |
shivaM shivamastu |
sarvagrahasaMsthityamastu |
satyA etA AshiShaH santu |
bahirdeshe ariShTanirasanamastu |
iti ki~nchitkalashodakamIshAnye ninIya\, yatpApaM tatpratihatamastu |
yachChreyastadastu |
uttare karmaNyavighnamastu |
uttarottaramaharaharabhivR^iddhirastu |
uttarottarAH kriyA shshubhAssampadyantAm |
tithikaraNamuhUrtanakShatradigdevatAH prIyantAm ||
atha kalashajalamanyonyaM saMsrAvya tajjalaM pAtrAntare ninIya\,
tatra hiraNyaM nidhAya\, darbhairbrAhmaNAH sapatnIkaM yajamAnaM
saMskAryaM cha prokSheyuH | tatkAle patnI vAmabhAge upavishati ||
surAstvAmabhiShi~nchantu brahmaviShNumaheshvarAH |
vAsudevo jagannAthaH tathA sa~NkarShaNo vibhuH ||
pradyumnashchAniruddhashcha bhavantu vijayAyate |
AkhaNDalognirbhagavAn yamo vai nirR^itistathA ||
varuNaH pavanashchaiva dhanAdhyakShastathAshivaH |
brahmaNA sahitAH sarve dikpAlAH pAntu te sadA ||
kIrtirlakShmIrdhR^itirmedhA puShTiH shraddhA kriyA matiH |
buddhirlajjAvapuH shAntiH kAntistuShTishcha mAtaraH ||
etAstAmabhiShi~nchantu devapatnyaH samAgatAH |
AdityashchandramA bhauma budha jIva sitArkajAH ||
grahAstvAmabhiShi~nchantu rAhuketushcha tarpitAH |
devadAnavagandharvA yakSharAkShasapannagAH |
R^iShayo munayo gAvo devamAtara eva cha ||
devapatnyodrumAnAgA dyaityAshchApsarasAM gaNAH |
astrANi sarvashastrANi rAjAno vAhanAni cha ||
auShadhAni cha ratnAni kAlasyAvayavAshcha ye |
saritaH sAgarAH shailAstIrthAni jaladAnadAH ||
ete tvAmabhiShi~nchantu sarvakAmArthasiddhaye |
sahasrAkShaM shatadhAraM R^iShibhiH pAvanaM kR^itam ||
tena tvAmabhiShi~nchAmi pAvamAnyaH punantu te |
bhagaM te varuNo rAjA bhagaM sUryo bR^ihaspatiH ||
bhagamindrashcha vAyushcha bhagaM saptaR^iShayo dadhuH |
yatte kesheShu daurbhAgyaM sImante yashcha mUrdhani ||
lalATe karNayo rakShNorApo nighnantu te sadA |
amR^itAbhiShekostu ||
atha gR^ihaM \\-
vAstoShpate bhUmishayAna deva\, pAhi tvamasmAn sakalAdariShTAt |
chatuShpadAM cha dvipadAM shivaM no\, bhavatvabhIkShNaM tava suprasAdAt ||
iti prokShya\,
shivaM shivaM shivaM iti sheShajalamapsu visR^ijet |
anena puNyAhavAchanakarmaNA shrI parameshvaraH prIyatAM iti samarpya\,
shraddhAM medhAM yashaH praj~nAM vidyAM buddhiM shriyaM balam |
AyuShyaM teja ArogyaM dehi me jalanAyaka ||
iti prasAdaM svIkR^itya\,
yAntu devagaNAH sarve pUjAmAdAya matkR^itAm |
iShTakAmyArthasid.h{}dhyarthaM punarAgamanAya cha || iti visR^ijet ||
tataH puNyAhavAchanaphala samR^iddhyarthaM asmai AchAryAya yathAshakti
phalahiraNya taNDulaM sampradade na mama | iti tyajet ||
AchAryaH puNyAhavAchana phalasamR^iddhirastu iti prativadati |

atha kR^ichChrAcharaNam
kariShyamANa amuka karmaNi mama dehamanovishuddhipUrvakaM
adhikArasid.h{}dhyarthaM kR^ichChrapratyAmnAyatvena hiraNyadAnaM kariShye |
iti sa~Nkalpya\,
namaH sakalakalyANadAyine brahmarUpiNe |
sadase sarvapUjyAya duShkR^itAraNyavahnaye ||
iti pradakShiNaM kR^itvA \ldq{}hrIM hiraNya garbhagarbhasthaM\rdq{}
iti paThitvA\, mama dehamano vishuddhipUrvakaM kariShyamANa karmaNi
adhikArasid.h{}dhyarthaM kR^ichChrapratyAmnAyatvena pariShadupaviShTebhyaH
brAhmaNebhyaH yathAshaktidakShiNAM vibhajya\, dAtumahamutsR^ije |
iti tyajet ||
sarve dharmavivektAro goptAraH sakalA dvijAH |
kurvantu mama dehasya saMshuddhiM gatakilbiShAH ||
pUjyaiH kR^itapavitrohaM bhaviShyAmyanaghastathA |
prasAdaH kriyatAM mahyaM shubhAnuj~nAM prayachChatha ||
purA kR^itaM mahAghoraM j~nAtAj~nAtaM cha kilbiSham |
janmatodya dinaM yAvattasmAtpApAtpunantu mAm ||
asheShe he pariShat ! bhavatpAdamUle samarpitAmimAmalpIyasImapi dakShiNAM
yathoktadakShiNAmiva svIkR^itya mama dehamanovishuddhipUrvakaM kariShyamANa
karmaNi adhikArasiddhirastviti\-anugR^ihANa ||
iti pariShadaM namaskR^itya anuj~nAM sampAdayet |
anena kR^ichChrAcharaNena shrI parameshvaraH prIyatAm ||
iti ||

pradhAna sa~NkalpAnte R^itvijo varayet | yathA\-
amuka karmA~Ngatvena AchAryAdi R^itvijo varayiShye |
iti sa~Nkalpya brAhmaNAnnamaskR^itya\,
AchAryastu yathA svarge shakrAdInAM bR^ihaspatiH |
tathA tvaM mama yAgesminnAchAryo bhava suvrata ||
iti sva dakShiNapANinA tasya dakShiNapANiM spR^iShTvA varayitvA\,
bhavantaH sarvadharmaj~nAH sarvadharmabhR^itAM varAH |
vitate mama yaj~nesmin R^itvijo bhavata dvijAH ||
iti R^itvijaH atha gR^ihIta\-kusumA~njalinA yajamAnena brAhmaNa prArthanA \-
brAhmaNAssantu me shAstAH pApAtpAntu samAhitAH |
devAnAM chaiva dAtAraH pAtAraH sarvadehinAm ||
japayaj~naiH tathA homairdAnaishcha vividhaiH shubhaiH |
devAnAM cha pitR^iNAM cha tR^iptyarthaM yAchakAH smR^itAH ||
yeShAM dehe sthitA devAH pAvayanti jagattrayam |
te mAM rakShantu satataM japayaj~ne vyavasthitAH ||
aduShTabhAShaNAssantu mA santu paranindakAH |
mamApi niyamAhyete bhavantu bhavatAmapi || iti ||

atha sarve R^itvijaH tattatkarma vidhivadanuShThAya pradhAna
karmAnte pUrNAhutimAcharanti |
atha pUrNAhutiH |
idaM phalaM mayA deva sthApitaM tu hutAshana |
tena me suphalAvAptirbhavejjanmani janmani || iti phalaM samarpya\,
AchAryaH sruchi dvAdashavAraM chaturvAraM vA sruveNAjyamAdAya dvAbhyAM
sha~NkhamudrayA gR^ihItvA yajamAnAnvArabdhastiShThan pUrNAhutiM juhuyAt |
tatra mantrAH \-
devA yaj~nabhujo ye te sA~NgaM kurvantvimAM kratum |
rakShatvasmAn sadA yaj~ne tebhya AjyAhutiM namaH ||
yo viShNustripadaiH sarvamAkramya bhuvanatrayam |
adhitiShThati sarvAtmA tasmA AjyAhutiM namaH ||
tvaM yaj~napuruShaH sAkShAdagne tvaM yaj~na eva cha |
vaiguNyadoShashAntyarthaM tubhyamAjyAhutiM namaH ||
ehyehi sarvAmara havyavAha munipravaryairabhitobhijuShTa |
tejovatA lokagaNena sArdhaM mamAdhvaraM pAhi kave namaste ||
kalyANadAtrIM kalyANIM sarvakAmaprapUraNIm |
havanasya phalaprAptyai pUrNAhutyai namo namaH ||
divyavastrA divyadehA nAnAla~NkArabhUShitAH |
vasordhArA mahAbhAgA varadAH santu me sadA ||
shuddhasphaTikasa~NkAshA divyAyudhakarAvR^itAH |
ekabhogAH sAkShasUtrAH vasordhArA natA vayam ||
bho agne! havyavAhana! vaishvAnara! sarvadevamaya! sarvadevatAmukha!
jAtavedastanUnapAtkR^ishAno hutabhugvibhAvaso bR^ihadbhAno
hiraNyaretaH saptArchirdamanashchitrabhAno ! jvalanapAvakeLAhvayAya
tubhyamimAM sarvakarmaprapUraNIM pUrNAhutiM dadAmi | enAM
gR^ihANa | gR^ihANAsmAkamanAmayamanishaM kuru kurviShTaM dehi dehi
sarvatosmAnduritaduriShTAtpAhi pAhi bhagavannamaste namaste |
hrIM agnaye namaH | agnaye idaM na mama ||
pUrNAhutimuhUrtaH sumuhUrtostviti bhavanto
bruvantu | sumuhUrtostu | iti prativachanam || iti ||

atha karmAnte shreyograhaNam ||
AchAryaH svastyastu dIrghamayuH shreyaH shAntiH puShTistuShTishchAstu |
bhavanniyogena mayA ebhirbrAhmaNaissaha yatkR^itaM amuka karma tadutpannaM
yachChreyastubhyaM sampradade | tena tvaM AyuShmAn ArogyavAn putrapautravAn
dhanadhAnyavAn bhava | ityuktvA yajamAnA~njalau akShatajalaM nikShipet |
tato yajamAnaH brAhmaNAnabhyarchya\, bhUyasIM dakShiNAM dadAti |
santuShTAste AshiShamAshAste |

AshIrvAdamantrAH
mantrArthAH saphalAH santu pUrNAH santu manorathAH |
shatrUNAM buddhinAsho.astu mitrANAmudayastava ||
ArogyaM savitA tanotu bhavatAminduryasho nirmalaM\,
bhUtiM bhUmisutassudhAMshutanayaH praj~nAM gururgauravam |
kAvyaH komalavAgvilAsamatulaM mando mudaM sarvadA\,
rAhurbAhubalaM virodhashamanaM ketuH kulasyonnatim ||
divA vA yadi vA rAtrau vighnashAntirbhaviShyati |
naranArInR^ipANAM cha bhaveddussvapnanAshanam ||
aishvaryamatulaM teShAmArogyaM puShTivardhanam |
grahanakShatrajAH pIDAstaskarAgnisamudbhavAH ||
tAH sarvAH prashamaM yAnti vyAso brUte na saMshayaH |
na cha chorabhayaM\, na cha sarpabhayaM\, na cha vyAghrabhayaM\,
na cha mR^ityubhayaM\, yasyApamR^ityurna cha mR^ityuH |
sa sarvaM labhate | sa sarvaM jayate ||
yastvannimittena mayA kR^ito.ayaM sa puNyasArastava dIyate mayA |
tasmAtvadIyaM parigR^ihyasAraM sapuNyavAn puNyasamR^iddhimAn bhava ||
hrIM shrIrvarchasvamAyuShyamArogyamAvidhAchChobhamAnaM mahIyate |
dhanaM dhAnyaM pashuM bahuputralAbhaM shatasaMvatsaraM dIrghamAyuH ||

iti paurANa prayoga darpaNaH samAptaH ||

sampAdakaH
parameshvara puTTanamane

##
Encoded and proofread by Parameshwar Puttanmane poornapathi at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}