% Text title            : Panchamahayajnavishleshanam
% File name             : panchamahAyajnavishleShaNam.itx
% Category              : misc, sahitya, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : May 13, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Panchamahayajnavishleshanam ..}##
\itxtitle{.. pa~nchamahAyaj~navishleShaNam ..}##\endtitles ##
lekhakaH \- nandapradIptakumAraH

tatrAdau yaj~nashabdArthaH vyAkhyAyate | agnimIDe purohitaM yaj~nasya devamR^itvijaM hotAraM ratnadhAtamam (R^i0ve0\-1)iti sarvaprAchIna vaidika\-apauruSheya\-siddhAntena yaj~nasya  mahanIyatA sarvavyApakatA cha pramANIkriyate | tatra R^igvede (1/164/35) ayaM yaj~no bhuvanasya nAbhiH | atharve.api (9/10/14) yaj~no vishvasya bhuvanasya nAbhiH, yaj~nena yaj~namayajanta devAH (yaju035/16) yaj~na indramavardhayat (sAma0\-1339)ityAdiShu sarveShu vaidikagrantheShu vishvasya jagataH kendrarUpo yaj~naH  devAnAM janakatvena poShakatvena cha svIkR^ito.asti | shatapathabrAhmaNasya ekAdashatame kANDe bhUtayaj~na\-manuShyayaj~na\-pitR^iyaj~na\-devayaj~na\-brAhmayaj~nAdInAM prakhyAtayaj~na eva mahAyaj~na nAmA~Nkito.asti(11/5/6) | bhAratIyasa.nskR^itau asya sthAnaM mahatvapUrNamatyAvashyakamiti na visa.nvAdaH | j~nAna\-karma\-bhaktInAM trayANAM samAhAra eva yaj~ne tiShThati | sarvaM yaj~namayaM jagat (31/40) iti kAlikApurANavachanAt yaj~nAt hi sR^iShTiprakriyA balavattarA chalAyamAnA sa.njAtA | yaj~nArthAtkarmaNo.anyatra lokoyaM karmabandhanaH (gI0\-3/9) iti bhagavadvachanAt  manuShyANAM kR^ite sarvANyeva karmANi yaj~nasvarUpANi sthirIkR^itAni | puruShajIvanaM yaj~nasvarUpamiti ChAndogyopaniShadi (3/16 )dR^ishyate | yaj~nadevapUjAsa.ngatikaraNAdi yaj dhAtoH na~N pratyayena yaj~nashabdo niShpannaH | devapUjArthakatvena indrAdidevAnAM satkArabhAvanaM yaj~naH | sa.ngatikaraNena dharmadeshajAtimaryAdArakShAyai mahApuruShANAmekIkaraNaM yaj~naH | dAnArthenApi devatoddeshena shraddhApuraHsaraM vahnau havirdAnaM yaj~naH | yaj~naH kasmAt? prakhyAtaM yajati karmeti nairuktAH (3/4/19) AkhyAyante | yatra prakShepA~Ngako devatoddeshapUrvako dravyatyAgo.anuShThIyate sa yAgapadArthaH (4/2/12) iti mImAsako bhATTadIpikAkAraH |
      devAnAM dravyahaviShAM R^iksAmayajuShAM tathA |
      R^itvijAM dakShiNAnAM cha sa.nyogo yaj~na uchyate ||
iti matsyapurANa(144/44) vachanena karmavisheShe AhavanIyapadArtha\-dravya\-mantra\-R^itvija\-dakShiNAnAmekIkaraNena yaj~nashabdaH siddhyati |

shAstreShu nAnAvidhAH yaj~nAH uktAH | teShu pa~nchamahAyaj~nAH sarveShAM gR^ihasthAnAM kR^ite anirvAyAH kathitAH | te cha manunA\-
     pa~ncha sUnA gR^ihasthasya chullI peShaNyupaskaraH |
     kaNDanI chopakumbhashcha  badhyate yAstu vAhayan || (3/68) ityuktam |
sUnA nAma prANivadhasthAnam |  yatra jIvahatyArUpakaM pApaM vidyate | tatpApaM pa~nchasthAneShu  sa.npadyate | Adau kaNDanIjanitam | kaNDanI nAma
udUkhala\-musalAbhyAM niShpannam | dvitIyaM

peShaNIjanitam | tR^itIyaM chullIjanitam | chaturthaM jalakumbhajanitam | turyaM tu upaskara\-samArjanI janitaM pApaM yattu kShudrajIvahananarUpamasmAbhiH pratidinaM kriyate | sutarAmeteShAM pApAnAM kShAlanArthaM  dainikaM pa~nchamahAyaj~nAH svIkarttavyAH gArhasthaiH | tathAhi\-
     etAni vAhayan vipro vAdhyate vA muhurmuhuH |
     eteShAM pAvanArthAya pa~nchayaj~nAH prakIrttitAH ||
api cha\- tAsAM krameNa sarvAsAM niShkR^ityarthaM maharShibhiH | pa~nchaklR^iptA mahAyaj~nAH pratyahaM gR^ihamedhinaH ||(manu0\-3/69)iti | te tu shAstre nirdiShTAH santi | yachchokta.n\-
     devabhUtapitR^ibrahmamanuShyAnAmanukramAt |
     mahAsatrANi jAnIyAtta eva hi mahAmakhAH ||
     adhyApanaM brahmayaj~naH pitR^iyaj~nastu tarpaNam |
     homo devo balirbhauto nR^iyaj~no.atithipUjanam ||(manu0\-3/70)
iti | tatrAdau brahmayaj~no nirUpyate | sashcha

vaidikamantrANAM brahmasUtrANAM vedA.nga\-gItA\-bhAgavatAdipurANAnAM cha adhyayanamadhyApanam | asau j~nAnayaj~navisheShaH | dvitIyo pitR^iyaj~naH | paralokagatAnAM pitR^INAM kR^ite shrAddha\-tarpaNAdikaM karma | devoddeshena sa.nskR^itavahnau ghR^itAdihavyatyAgo devayaj~nastR^itIyaH | balivaishvadevashchaturtho bhUtayaj~naH | pa~nchamo manuShyayaj~naH atithisevAparaka uktaH | eteShAM pa~nchayaj~nAnAmakaraNena pratyavAya iti smR^itikArA nigadanti | gArhasthyAshramechChunA uparoktadharmAH sevitavyAH, nityatvAt | tathaivAha yAj~navalkyaH\-
     shrutiH smR^itiH sadAchAraH svasya cha priyamAtmanaH |
     samyak sa.nkalpajaH kAmo dharmamUlamidaM smR^itam ||(1/7) iti |

                                       \-\-\- lekhakaH \- nandapradIptakumAraH
##
Written by Dr. Pradipta Kumar Nanda, Kendrapara, Orissa pknanda65 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}