% Text title            : nigamAnandadarshanasamIkShaNam
% File name             : nigamAnandadarshanasamIkShaNam.itx
% Category              : misc, sahitya, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : May 13, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. nigamAnandadarshanasamIkShaNam ..}##
\itxtitle{.. nigamAnandadarshanasamIkShaNam ..}##\endtitles ##
lekhakaH \- nandapradIptakumAraH

shrIchaitanyapathasya bhaktitanayAM sa.nghIyadhArAM shubhAM
     shrImachCha.nkaramArgataH priyatamaM j~nAnAtmajaM shAshvatam |
dhR^itvA mantramahAnidhiM jayaguruM premAmbudhau majjati
     vande taM parameshvaraM guruvaraM bhaktasya chintAmaNim ||
svAminigamAnandaH va.ngapradeshasya nadIyAmaNDalAntargata\- kutavapurAkhye grAme 1879 khIShTAbde agaShTamAsasya Unavi.nshatidinA.nke shrAvaNapaurNamAsyAM shubhatithau rAtrau dvivAdanasamaye ekasmin brAhmaNaparivAre janimalabhata | asyapiturnAma bhuvanamohana bhaTTAchAryaH mAtushcha mANikyasundarI AsIt | asya pUrvanAma nalinIkAntaH AsIt | tantra\-j~nAna\-yoga\-premasiddhasya nirvikalpasamAdhivyutthitasya svAminigamAnandaparamaha.nsaparivrAjakAchAryapravartitasya idaM j~nAnabhaktisammelanAtmakaM darshanaM bhAratIyadarshanAkAshe dhruvatArAprAyaM pratibhAtIti niHsandehameva |

shrImadAdisha.nkarAchAryaproktamadvaitamatasyAdhikAriniyamadR^iShTyA sa.nkIrNamiti matvA tasyaivamataM shrIchaitanyadevapravartitaprashastabhaktisiddhAntamAdhyamena prachArayitumanena paramarShiNA yadabhinavadarshanasyAviShkAraH kR^itastadeva bhAratIyadarshaneShu svakIyaM mahattvapUrNasthAnaM bhajate | svAminigamAnandadarshane tvayaM visheShaH\-R^ite j~nAnAnna muktiH iti yat shA.nkarasiddhAntaH sa cha sAdhanachatuShTayasa.npannAnAM tattvamasyAdishrutisaiddhAntikAnAM pakShe sambhavati | evaM tatra adhikAridR^iShTyA mArgaH sa.nkIrNa iti pratIyate | shrIchaitanyamate kintu bhaktireva mukteH pradhAnopAyatvena nirUpitA | yadyapi anena mahAnubhAvena bhagavataH shrIkR^iShNasya  bhajanavyatiriktaH kashchidupAyo na vihitastathApi tatproktabhaktimArgastu adhikAridR^iShTyA prashasta eva | prANimAtrasya bhaktAvadhikArashravaNAt | etasmAtkAraNAt shrIchaitanyadevasya bhaktipathena shrIsha.nkaraproktaj~nAnalAbhaH sukara iti darshayitumanena sha.nkarasya mataM chaitanasya panthA iti sammelanAtmakamArgo darshitaH | 

yadyapi santi bhAratIyaprAchInapara.nparAyAM bahUni darshanAni tathApyasya j~nAnabhaktisammelanAtmakadarshanasya tattvapratipAdanaprakAraH sarvAnatishete | nigamAnandadarshane anekA viShayA sajjIkR^itAH | teShu vishiShTaviShayAstvete brahmacharyasAdhana\-AdarshagR^ihasthajIvana\-sa.nghashaktipratiShThA\-bhAvavinimaya\-bhaktasammilanI\-sat shikShAvistAra\-shivaj~nAne jIvasevA\-sanAtanadharmaprachArAdayo mukhyAH dR^iShTipathaM samAyAnti |

nigamAnandadarshanoddeshyastu pUrNAnandAnubhavaH | asAvanubhavaH sAkShAtkArajanyaH | pUrNAnandapadena na dvaitaM nApyadvaitaM j~neyam, kintu dvaitA.advaitayoryat sandhisthalaM tadevAsmAkaM pakShe paramAnandaviShaya iti bhAvaH | j~nAnaM vishleShaNAtmaka.n, bhaktistu sa.nshleShaNAtmikA | anayoH kAryeNa kAraNasya kAraNena cha kAryasya yugapat j~nAnakaraNameva pAramArthikam | anyathA ye vishleShaNAtmakaM j~nAnaM j~nAnamArgeNa sa.nshleShaNAtmikAM bhaktiM cha bhaktimArgeNa manyante vastutaste sa.npradAyAndhA eva | j~nAnamArgeNApi j~nAnakarmabhaktInAM samanvayasatvAt | atredaM boddhyam\-jaDajagadviShaye neti netIti vadantaH sthUlasUkShmAtikramapUrvakaM ye brahmAnande vishrAmyanti te j~nAnamArgiNaH | ye brahmasvarUpaM samyak j~nAtvA.akhilaM jagattasya lIlAvayava iti matvA lIlAnande vishrAmyanti te bhaktimArgiNa ityanayorbhedaH phalitaH | yathA j~nAninAM kR^ite lIlAnandasya atyantAbhAvastathA bhaktAnAM kR^ite brahmAnandasya | kintu yaH vishleShaNamArgeNa gachChan sa.nshleShaNamArgeNa punarAyAti arthAt yugapat brahmAnandaM lIlAnandaM cha bhoktuM shaknoti sa eva pUrNaH | sa eva paramaha.nsaH | sa eva pUrNAnandasya vishiShTo j~nAtA | asau sarvadharmasamanvayasya paribhAShA | ayameva sArvabhaumagurusvAminigamAnandadarshanasya maulikasiddhAntaH | atrAdvaitashabdena svarUpAnando dvaitashabdena cha lIlAnando boddhavyaH | pUrNAnandAnubhavAtmakoddeshyasya satyAsatyamupapadyate na veti vimarshaH parIkShA | sA tu sadgurusevApekShA | prayojanaM dvividham | svarUpAvasthAnaM premabhaktivilAsashcheti | sadgurusevayA prayojanaM siddhyati | tattvapipAsurevAdhikArI | 

nanu pUrNAnandashabdaH saguNo nirguNaH sAkAro nirAkAraH savisheSho.avisheSho veti chedubhayameva satyam, shrutismR^itiprAmANyAt | kintvadhikArivisheShAt tattadanubhavastattadupAsakeShu pramANitaH | 

upAsanA dvividhA | svarUpataTasthabhedAt | tatrAdyA nirguNA, sannyAsino.adhikAriNaH | phalaM nirguNabrahmasAkShAtkAraH | gatirihyaiva jIvanmuktirante cha brahmanirvANam | dvitIyA saguNA taTasthA, phalaM brahmAtmabhagavatAM yugapatsAkShAtkaraNam | dArshanikeShu j~nAnino bauddhAshcha brahmaj~nAH | phalaM para.nbrahmasAkShAtkAraH | Atmaj~nA yoginaH, phalamAtmasAkShAtkAraH | bhaktA bhagavaddraShTAraH | phalaM cha premabhaktilAbhaH |

bhagavAn brahmANDapatiH, kUTastho bhAvagamyaH | dvividho bhAvaH | mAdhuryaishvaryabhedAt | tatra mAdhuryabhAvavAdino vaiShNavA yIshoranuyAyinashcha | aishvaryabhAvavAdinaH shAktAH muhammadAnuyAyinashcha syuH | mAdhuryAnAM kramamuktirabhipretA | sA sAlokyasArUpyasthAnIyA | aishvaryashAlinAmapi kramamuktirabhipretA, kintu sA sAyujyAtmikA iti visheShaH | 

upAsanA tu gurusevAparaparyAyarUpA pAra.nparikI | guru brahmA guru viShNurgurudevo maheshvarapramANasAhacharyAt sarvadevamayo gurureva bhuktimuktipradAtA parameshvaratvena sarvopAsyo lakShyaH | nanu shravaNamanananididhyAsanAdayo j~nAnasya mukhyahetavarUpeNa sthirIkR^itAH, tatkathamupAsanA iti chet satyam | shravaNaM hi gurumukhAt bhavati sutarAM tatpUjA sarvAdau karttavyA iti nyAyAt gurupUjAsevAdibhisteShAM charamaj~nAnadarshanAt tadvAkyamananaM dhyeyaM pashchAdnididhyAsanamiti vichAre  tviyaM vyavasthA susthA phalavatI cha | 

narAkArasya sadgurorbhojanashayanAdidehadharmo divyaH  | tatra  sandeha akaraNIyo devo vA mAnuSho veti, jIvita uta mR^ito vA | tadvAkyameva pramANam | tadeva satyam | tamanusaramiti | tathAhi vivekachUDAmaNau\-
      svArAjyasAmrAjyavibhUtireShA bhavatkR^ipAshrImahimaprasAdAt |
      prAptA mayA shrIgurave mahAtmane namo namaste.astu punarnamo.astu ||(518)
iti | api cha tatra ma.ngalAcharaNe\-
      sarvavedAntasiddhAntagocharaM tamagocharam |
      govindaM paramAnandaM sadguruM praNato.asmyaham ||
kiM chAnyatra\- yatra shrIguroranugamanaM sarvatra sarvabhajanasAdhane anusaraNaM sarvadA sarvakAle jIvane maraNe vipadi sa.npadi dUre nikaTe dinAdau nishAdau sa.nkIrtanAdau mahAprasAde anushIlane ityevamAdibhiH gurureva mukhyatvena nirddishya tadanusandhAnena bhAvyo mArgaH samudghoShitaH  |

tantraj~nAnayogapremANashchaturvidhamArgAH tattvAni vA | tantraM shaktitatvamatigopanIyam | AtmatatvaM yogaH | brahmatatvaM j~nAnam | tattu vedAntAparaparyAyarUpam | bhAvatatvaM bhaktiH | j~nAnaM nAmAnubhAvaH | anubhavo bhAvavAchakaH | bhaktiratra bhAvapradhAnayA chittavR^ittyA vigrahAdipUjana.n, sadguro vA kasyApi upAsyadevasya shraddhAmAtreNa vishvAsena mumukShuchetasA vA yadupAsanaM tattu bhaktirarthaiH pragumphitaM tattadAchAryaiH | 

gurustattvadarshI paramAchAryaH | tachChushrUShayA  praNipAtena cha ko bandhaH kathaM vimuktiH iti spaShTaM bhagavatA gItAyA.n\-
      tadviddhi praNipAtena pariprashnena sevayA |
      upadekShyanti te j~nANaM j~nAninastattvadarshinaH ||(4/34)
kaThe \-durgaM pathastat kavayo vadanti (2/3/14)

ChAndogye cha \-AchAryavAn puruSho ved (6/14/2) ityAdayaH shrutismR^itayo na maunAH gurutattvaviShaye | etasmAdAchAryopAsanaM sarvAdau phalitamiti nigamAnandadarshanasya matamiti dik |

                                       \-\-\- lekhakaH \- nandapradIptakumAraH
##
Written by Dr. Pradipta Kumar Nanda, Kendrapara, Orissa pknanda65 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}