% Text title            : Navayojana Saphalyam
% File name             : navayojanAsAphalyam.itx
% Category              : misc, sanskritgeet
% Location              : doc\_z\_misc\_general
% Author                : Kapiladeva Dwivedi
% Proofread by          : Mandar Mali
% Translated by         : Mandar Mali
% Description/comments  : Rashtragitanjali, Kapiladeva Dwivedi (Ed.)
% Acknowledge-Permission: Kapiladeva Dwivedi, Vishvabharati Anusandhan Parishad, Varanasi
% Latest update         : May 1, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Navayojana Saphalyam ..}##
\itxtitle{.. navayojanAsAphalyam ..}##\endtitles ##
(drutavilambitam)
sukhada\-siddhikaraM navayojanaM
     dishatu bhArata\-bhU\-valaye sukham |
anudinaM janatA jana\-tApa\-ha
     svakR^itibhishcha samarthanamedhayet ||
idamabhedya\-tamastati\-nAshakaM
     durita\-duShkR^ita\-dainya\-nivArakam |
sukR^ita shAnti\-sudhArasa\-varShakaM
     jayatu santatameva niyojanam ||
vasana\-bhojana\-peya\-samuchchayo
     bhavana\-bhUti\-nivAsa\-sukhochchaya |
kR^iShi\-samunnati\-rAShTra\-guNochChrayo
     vasatu bhArata\-bhU\-janatA.a.alaye ||
nava\-navodyama\-shakti\-pradodyamo.a\-
     navarataM vasu vR^iddhi\-karaH shramam |
satatamAtma hitAya shramAshrayo
     dishati rAma sukhaugha samedhitam ||
kR^iShikR^itau nalakUpa\-samAshrayaM
     pratidishaM tanute kR^iShi\-vardhanam |
haritimA harate kR^iShakA.a.avale
     sakala\-duHkhatatiM sukha\-sAdhane ||
bhavana\-hIna\-janairbhavanaM kR^itaM
     avani\-hIna\-narairavani shritA |
vasana\-hIna\-nR^ibhirvasanaM ghR^itaM
     kR^iShi\-vihIna\-naraiH kR^iShibhUrvR^itA ||
prativishaM nagareShu sukhochchaya
     pratipadaM suShamA shramiNA gR^ihe |
bhavana bhojana\-saukhya samuchChrayoH
     vasana vAsa\-mukhaM tanute hitam ||
nava\-vidhAna\-samAshrayaNena yad
     hitamidaM vihitaM hita kAmyayA |
R^iNaja\-bandhana\-grasta\-janAvaliH
     sukhada\-muktimaho labhatetarAm ||
dhanivarA dhana sa~Ngrahameva ye
     hitadhiyA vyadadhurduritAvaham |
sakalameva tu taddhana\-sa~NgrahaM
     apahR^itaM nR^i\-hitAya prashAsakaiH ||
nikhila\-grAmachaye.adya virAjate
     vipula vidyudupaskara\-sa~Ngraha |
kR^iShija dhAnyatativasanAvaliM
     nava\-vikAsaja\-saukhya\-samuchchaya ||
sukhavidhA vividhA nagareShu cha
     pratipadaM vitanoti sukhashriyam |
saraNi\-nIra\-prakAsha\-gR^ihAshrayA
     katividhA suvidhA nahi lambhitA ||
satatamadya vilokyata eva yat
     prashamitA jana\-tApa\-karI kR^itiH |
baTujane nagare na pure.api cha
     kvachida\-shAnti\-tatistanute padam ||
baTujane vitatA.abhiruchirguNeH
     shramachaye ruchirA hitadhI shritA |
jana hitAya samAja\-sukhAya te
     shramamavekShya hitaM dadhate shivam ||
paThana pAThana\-sAdhana sa~Ngrahe
     hitatatiM tanute.atra prashAsanam |
baTujanasya cha shikShaka\-saMhate
     dishati shAsanamadya sukhAvalim ||
guNadhi\-gAndhi mahAtmabhirAshritA
     bharata bhU\-viShaye ruchirA sthitiH |
sukhamaho sa hi svapna\-samuchchaya
     saphalatAmiha yAti sukhAvaha ||
pratidinaM yadupaityupayogitA |
     tadiha vastu niyantrita\-mUlyakam |
na sahate.ardha\-vivR^iddhimathaH kvachid
     anaya\-vAraNa\-dAruNa shAsanam ||
kR^iShaka\-karmaNi ye niyataM ratAH,
     dharaNimApurime kR^ipi\-karmaNe |
vitaratIha prashAsana\-sUtrakaM
     jalamalaM vimalaM pravaraM\-bIjam ||
layamupaiti kurIti\-prathA.akhilA
     prashamameti divaM gamanaM kShudhA |
sukhadametyanushAsana\-jAlakaM
     udayameti cha bhArata\-gauravam ||
pratidishaM parivartanamIkShyate
     pratigR^ihaM dhana dhAnya\-samuchchaya |
pratijanaM janatA hita lAlasA
     pratipalaM pragati sukha\-sAdhane ||
varada\-yojana\-kAryamidaM mude
     sukha\-samunnati shAnti\-hitAvaham |
jana\-manaH su dadhad navachetanA
     sakalaloka\-samarthanamAvahet ||

##
Proofread by Mandar Mali 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}