% Text title            : Narasimhavatika Varnanam
% File name             : narasiMhavATikAvarNanam.itx
% Category              : misc, stotra, tIrthakShetra, vAsudevAnanda-sarasvatI
% Location              : doc\_z\_misc\_general
% Author                : vAsudevAnandasarasvatI TembesvAmi
% Description-comments  : From stotrAdisangraha
% Latest update         : May 12, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narasimhavatika Varnanam ..}##
\itxtitle{.. narasiMhavATikAvarNanam ..}##\endtitles ##
%75
ma~NgalAyatana te.astu ma~NgalA ma~NgalAya tanurAttama~NgalA |
ma~NgalAyatanasarvama~NgalAma~NgalA yata inAH suma~NgalAH || 1||
pAMsulaM vyAptalokaM sadvikramatrAtapAMsulam |
bhadradaM padametatte mama bhUyAdabhadradam || 2||
agrajanmAsi bhUtesha vishvabhUnmAnavo.apyaham |
agrajanmAsyato bhUyAdbrahmasambandha AvayoH || 3||
narasiMha ihAdvaitanarasiMhaH prabhuryatiH |
kR^iShNApa~nchanadIyoge tR^iShNAhArI kalau yuge || 4||
dhanyA vadAnyAshritasAratIrA mAnyA.astadainyA.amR^itasAranIrA |
kR^iShNA vitR^iShNAnhi vidhAya bhaktAnpuShNAti kR^iShNAchyutamUrtireShA || 5||
manye.atra dhanyeyamanantamUrtiH svasparshanAlokanakIrtanAdyaiH |
dInAnimAnpAvayituM svabhaktAnkR^iShNA.atra kR^iShNAbhidhanimnagA.abhat || 6||
yadAtmanoH pratyayabhedabhinnamekaprakR^ityoH prathitaM svarUpam |
harirharo darshayituM hyabhinnaM gatau dvinadyaikyamiyaM tu kR^iShktaim || 7||
aShTA~NgayogasiddhiH kaShTA miShTAshinAM kalau spaShTA |
tatsiddhidAni tIrthAnyaShTAto.asau dadhau svabhakteShTA || 8||
(gadyam)bhagavatI shrIkR^iShNeyameva
bhagavachcharaNAvanejanashobhanajIvanottama\-
kalevarAmareshvarAdhiShThitapratIrAmarapurasaMyogaparamaruchirAbhitaH
prachurasundara\-
mandirAla~NkR^itAmitAmarabhUruhamaNDitAsAditamanoharanirjarAparAmaranimnageva
babhau || 9||
vA kila svIyajIvanachintanakIrtanadarshanasparshanasevanAdinA
pavitrIkR^itabAhyAbhyantarAtmana uchchAvachasvabhaktAnaj~nAnataH svalokaM
prApayitumudyuktAnyAmyAndUtAnnivArayituM taddishaM jigamiShatIva || 10||
sahyAdrikanyeyamasahyavIryA sudhAdhikasvAdurasA pavitrA |
snigdhAtimugdhA mahiShI vR^iShaiH kairjAne.abhavatprAglavaNAmbudherno || 11||
tasyastaTe shrIbhagavAnnR^isiMhasarasvatI tatra pavitra deshe |
tiShThatyajasraM khalu tannivAsaH svarvAsivAsAdhisukhaM tanoti || 12||
nadyAH sakAshAdvipulAchalAmalA reje.atra sopAnaparamparA varA |
raudraprayatnai rachitAshvamedhasatpa~NktiryayaindraM padamArurukShubhiH || 13||
yatra brahmAnandasaMj~nA maThAste dAtuM brahmAnandahInAmarebhyaH |
brahmAnandaM kevalaM satkR^ipAto gachChantIvordhvaM satAM taddhi yuktam || 14||
(gadyam)sarvadA khila jAgarUkAkhilavaradAmaranikarakalpataru\-
varajAhnavyannapUrNAdyala~NkR^ite.asminsugamApAvR^itakAntapathe
dainyapApatApA evAlabdhamArgA antaH praveShTuM no itara ityetadevAtra
vaiShamyaM vyAloki || 15||
atra tvakhilA api bhUsurAH aj~nAnadhvAntadhvaMsanA inA iva\,
bhavatApaharAshchandrA iva\, bhaumA api sarvama~NgalA iva\, budhA api
nisargasaumyA iva\, subhaShitabhUShitAH sarvaguravo gurava iva\, vashakAvyAH
kavayaH kavaya ivAtipInastanajaghana\- lalanAmaNDalAkramaNamandA mandA
iva sthitA ata evaikaikagrahamaNDitaM grahamaNDalaM sphItAbhyasUyaM
svasthamapyasvasthamivAlakShyate || 16||
sArthako nAkaloko.ayaM nAkavArtaH parasya tu |
nAkasaMj~naiva yatrAste spardhAsUyAtyayAdikam || 17||
yatra smarasmeranarAH surA iva prItAH sthitAH sevitakAmitAmR^itAH ||
sa~NgItayukte sudhiyaH svayA striyaH sAdhvyo.api sachChIlajitAmR^itA~NganAH ||
yatrAyamAtmA sukhasachchidAtmA sandR^ishyate.aja shatasUryatejAH |
sattvapradhAne hR^idi sAvadhAne brahmeva bhikShoH shrutibhistitikShoH || 19||
devo.amaraH sahasrAkShaH parito nirjarairvR^itaH |
trilokArchitapAdAbjo maghavevAparo.astyayam || 20||
dharmarAjo daNDadharaH samavartI yameshvaraH |
sarvadA j~nAtadevAtmA jayatyatrAparo yamaH || 21||
pashyansatyAnR^ite karmayantritAnAM nR^iNAM sphuTam |
nArAyaNo.ayaM jayati prachetA iva pAtradhR^ik || 22||
manuShyadharmA devo.api shrIdaH puNyajaneshvaraH |
rAjarAjo jayatyatra naravAha ivAparaH || 23||
mAlAkamaNDaludharo vibhurvedaparAyaNaH |
sadAnando gatachChando brahmevAtra tapasthitaH || 24||
nArAyaNa ivAsheShasetuheturayaM hariH |
vishvarUpo hatakhalaH sadA bhaktamatAnugaH || 25||
mR^ityu~njayo.amR^itamayaH sha~NkarastripurAntakaH |
sarvaj~no jitakAmo.ayaM vashI shambhurivAparaH || 26||
sR^iShTvAtmedaM pravishyAntarmAyayA krIDatIha saH |
padAbhyAmeva pAti svAnpraj~nAnabrahmavAchakaH || 27||
pAdapatvaM svArthasiddhyai drumANAmitare viduH |
pAdapatvaM svarthasiddhyai satpaternetare viduH || 28||
(gadyam) sa eva paramakAruNiko bhagavAn jagadguruH kevalayuktyA muktyA iha
hi parasparaM vivadatAmasatAM shAstriNAM matAni nirAkurvan svabhaktAnAM
vimaladR^iShTyaiva svapadaparyAlochanAnmuktiriti shrutitAtparyamupadeShTumiva
sachchidAnandaM padamiha prakaTIkAra || 29||
paramAtmana ivAsya shrIguroH\, prabodhamaya iva
shibikotsavasamaye\, vishuddhaj~nAnadIpairiva pradIpaiH
prakAshite sattvapradhAnAntara iva shibikAntara upaviShTaM
svaprakAshAparokShAtmAnamiva sarvAtmAnaM ShaDvidhali~NgatAtparyA\-
vadhAraNarUpashravaNamanananididhyAsanasamAdhikramagatacharamavR^ittyeva
kevalAmaladR^i ShTyAparokShIkurvanta iva pashyanto\, yataya iva
uchchAvachajantavo vismR^itabAhyAbhyantaravyavahArAH santo brAhmI
sthitimiva paramAnandasthitiM prApnuvantyaho mahadAshcharyamidam || 30||
samAdheste parAkAShThAM prApudhryeyaikagocharAH || 31||
peshalaiH kApilAlApaiH kiM sheShAsheShabhAShitaiH |
kiM chAnyairmanya evaikA tArikA vATikA hareH || 32||
(gadyam) bhagavatpadadidR^ikShayA
paramavATigamAnnityAnityavastuvivekastatra
yadR^ichChayAptamAdhukarAnnasevanAdihAmutrArthaphalabhoga\-
virAgastriShavaNamaghaharaNakAShrNoM
NoniShevaNAchChamAdisampat
sapannajanasevitakAntAnantAyatanAlokanA\-nmumukShutvaM
nArAyaNArhaNaprekShaNAtparokShaj~nAnamaj~nAnadhvAntadhvaMsanajanArdana\-
padAlokanamaparokShaj~nAnamiti kimataH paraM paraM sAdhanam || 33||

adhvaiSha yadidaM kAryaM kAryaM satpadadarshanam |
vimanovAsanastajj~no na pramAdyedato.anisham || 34||
kandarpadarpadalitAlalitA~NganA~NgasambandhabandhanavashA avashAstu ApuH ||
nedaM padaM paramayA ramayApi yendhAste hanta hanta
kudhiyA vidhiyAntyadhodhaH ||
lulallAlaM lIlAlalitalalanAlolalapanaM
kva kIlAleTbAlo laladamalalIlolitilakaH ||
kva lolAliprAlirlalitakalibhAlaH kva malalaM
bilaM lolanmUtraM kva kanakaghaTau mAMsalakuchau || 37||
(gadyam)ahaha mUrkhapratAraNeyaM pashya pashya sarandhraghaTakalpaM
sa~NghANapi~njUShAdiliptaM shleShmalamala~NkArAdyAnItashobhaM malImasaM
lapanaM niShkala~NkakalAnidhiriti\, mAMsalau muktAvalyAdira~njitau
stanagolau svarNakalashAviti\, charmashakalaM dvidhA bhinnaM
galanmUtramapAnodgAradhUpitamamUlya chailatirohitaM kR^imikulasthalakalpaM
galanmadakarigaNDasthalamiti\, hiMsrava~nchanArthaM tvagAvR^itA
raktamAMsAsthighaTitAtyama~NgalA\, ma~NgalamAtrapavitrA mamatAhantAvR^itA
svaparamUrtiriyamAsechanakakanaka\-mUrtiriti\, bhrAntyaivapashyanta etAn
bhraShTapathAnasato dhigdhigaho hara hara harimAyeyaM kila j~nAninAmapi
chechChatIti maharShivAkyAya shatasho namo namaH || 38||
tyaktAnityAshuchiduHkhamayobhayalokabhogasAdhanasa~NgA
dustaraiShaNApAragA parAvR^itakharatarAsurasmarasharavisaravargA
bhagavaddarshanamAtrakAmAshritavATikAyogA ashrAntamAptabhagavatpAdAbhogA
uditaparamArthabhAgA niHsa~NgA amI narasiMhavATikAsthitAH sarve.api
narasiMhayatikR^ipAprasAdenaiva kR^itakR^ityAH syuH || 39||

pretesti nAstIti yathAsya saMshayastathA yadantasya cha nirguNAdgataiH |
tadbhrUsharAsAddhi kaTAkShamArgaNairviddhA na chAddhA yatayo namo.astu vaH || 40||
dhanyA hi sannyAsina eva yaddR^igvarmANa etairasurairna viddhAH |
viddhA harIshAjamukhAH kilaitaiH punarmR^itaprAyanR^iNAM kathA kA || 41||
tasmAnna chAsmAtprapadAchCharaNyAnna kAyanaM nAsya sharaNyamIsha |
niyojayAnena padA sadA mAM tavAntikasthena sudurlabhena || 42||
kR^iShNAveNIkakudmatyaH prapa~nchopashamAntike |
akhaNDaikarasA aikyAtparAtmAnAtmavachChivAH || 43||
yaj~nA~Nga Agamastatra sadA sevyo dvijAtibhiH |
antaraprAkR^itaiH pUrNo bahishcha prAkR^itaiH phalaiH || 44||
sevyo.ayamAgamo nityamarthahInairdvijAtibhiH |
sArthaistu brAhmaNaiH sevyaM tadviShNoH paramaM padam || 45||

iti shrIvAsudevAnandasarasvatIvirachitaM
      shrImannR^isiMhavATikAkShetravarNanaM sampUrNam |

##


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}