% Text title            : Nakshatramalika
% File name             : nakShatramAlikA.itx
% Category              : misc
% Location              : doc\_z\_misc\_general
% Proofread by          : Aruna Narayanan narayanan.aruna at gmail.com
% Description/comments  : Ramanuja Stotramala
% Latest update         : November 23, 2019, July 5, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nakshatramalika ..}##
\itxtitle{.. nakShatramAlikA ..}##\endtitles ## 
shrImadabhirAmavaragurubhiranugR^ihItA
shrIrastu |
shrImate hayagrIvAya namaH |
shrImate rAmAnujAya namaH ||

asmAsu vatsalatayA kR^ipayA cha bhUyaH
     svechChAvatIrNami(va) ha saumyavaraM munIndram |
AchAryapautramabhirAmavarAbhidhAnaM
     asmadguruM paramakAruNikaM namAmi ||

shrImAn parA~NkushamunirjIyAt yajj~nAnamudrayA |
nendriyAshvayujo nR^INAM nityaM viShayavIthayaH || 1||
yadurasi bharaNIyA sragvikasitavakulAnaddhA |
sa jayati mahimA nAtho muraripupadasakto naH || 2||
nantA.anantA~Nghrinalinayugme kartA lokArtikabalanAnAm |
bhadrAya drAviDanigamAnAM draShTA puShTAya vakulabhR^itsyAt || 3||
syAdeva sA me phaNitishshaThAreH yayoditochchaissaraNirjanAnAm |
ArohiNI nApyavarohiNI hi vedoditA tu dvayamabhyupaiti || 4||
tilakamAha na kAchidapi shrutau trijatAmR^igashIrShasamutthitA |
sphuTataraM vakulAbharaNIyavAk puruShamAdimasheShapadairapi || 5||
pitrAdissakalavidho.api bandhuvargaH yasyAsItsarasijavAsinIsahAyaH |
AvissyurghanakaruNArasAvasekairArdrA me vakulabhR^itaH kaTAkShapAtAH || 6||
tAmAshrayAmi karuNAM vakulAbhirAmAM
     yA.asau punarvasumatIvalaye.avatIrNA |
praj~nAdR^ishonmiShitayA prathitAnubhAvA
     jyotiH paraM yadanidaM tadidaM chakAra || 7||
rachitavati ramAyA nAyakasyA~NghripuShyat\-
     praNayarasasudhAbdhisrotasi svairagAham |
prabhavati kaligharmaprAvR^iSheNyAmbuvAhe
     vakuladharamunIndre tApavArtA kathaM naH || 8||
namajjanasya chittabhittibhaktichitratUlikA
     bhavAhivIryabha~njane narendramantrayantraNA |
prapannalokakairavaprasannachAruchandrikA
     shaThArihastamudrikA haThAddhunotu me tamaH || 9||
manassphaTikadarpaNapratiphalatparabrahmaNaH
     pradarshanamivAcharan prathitabodhamudrA~NkitaH |
satAmabhayashaMsitA bhavabhayAbhitaptAtmanAmaghAni
     shamayeta naH shaThariporavAmaH karaH || 10||
ramayatu shaThashatruratyunnatAchArayuktairjanaiH
     avanatapadapadmayugmo.anukampAmR^itAmbhonidhiH |
bahuvidhakR^itapUrvaphalgunyagAchArachintAkulaM
     hR^idayamasadR^ishAtmapAdAravindAnuSha~NgAnmama || 11||
magnaM mAnasa! mAsma bhUH shaThariporavyAjasiddhA kR^ipA
     naukA kAchana nAviko.api sa punassantArakagrAmaNIH |
etenottara phalgunIrasaparikliShTopabhogormikaM
     duHkhAvartadurantapAragamanaM saMsAravArAkaram || 12||
ratnadIpikAyamAnahastamudrikAkR^itatrayIgirIndra\-
     kandarAntarAlagADharUDharUDhimannidhAnasUchanena |
drAviDAgamopagItimUlasekashItavItanidrapatra\-
     divyatintriNIsamIpagena nAthavAnahaM parA~Nkushena || 13||
natyA natyAgakArI kShaNamapi chidachittrayakAmeyakAme
     ChandashChandasvarUpe mahasi kamalayA bhAsamAne.asamAne |
shreyaH shreyasvisa~NghaiH parichayasurabhiH kaisarANAM sarANAM
     pAtAtpAtAdbhavAbdhau shaTharipuriha no vIkShaNena kShaNena || 14||
naprapattivartmanaHpravartanApadAnavAsanAnusAri
     navyapetasarvadAjalAshayAnvayaM kathaM samaM sarojam |
svAtikAmiyogivR^indachittapadmabaddhasauhR^idAnurakta\-
     rUpayoshshaThAripAdayoryugena sannatArtibha~njanena || 15||
natvA yAM kusumAyudheShudhiruchivyAghAtamAtanvatIM
     shemuShyA mahatAmahAyi taruNIja~NghAsu ja~NghAlatA |
vistIrNachChavishAkhayA shaThariporvR^ittAnupUrvIjuShA
     ja~NghAkalpatarushriyA surabhita~nchintAvanaM mAmakam || 16||
kanadavayavalolashobhAbhidhAnApagAsrotasaH
     samuditagurubudbudAkArasandehasandAyinoH |
kakudadhigatamitrabhAvaM svabhAvAdyugaM jAnunoH
     mama hR^idi shaThavairinAmno munIshasya sandIvyatu || 17||
tulAsaraNisImani prathitarUpayA hastinAM
     karaNa karabheNa vA kadalikAprakANDena vA |
tathopari cha pashyatAM nayanabandhanajyeShThayA
     chamatkR^itimatI matishshaTharipUrulakShmyA mama || 18||
mahaHprarohama~njarImanoj~naratnamekhalA\-
     kalApapuShpitA kaTItaTIpaTI shaThadviShaH |
urassravatprabhAjharInipAtanimnanAbhikA\-
     .avaTotthaphenamaNDalIvitarkamUlameva naH || 19||
nayanasubhaganAbhImuddishantI shaThAreH
     sara iti paribhAShA Dhaukate sArthakatvam |
satatamitarathA naH saMhatA netramInAH
     kathamiha vihareyuH kautukodrekayuktAH || 20||
tAM madhyadeshasuShamAmavalokayAmi
     romAvalitrivalikAruchirAM shaThAreH |
rekhottarA yadupamAmadhikAbhilAShA
     Dhauketa vA yadi na vA vaTapatrashobhA || 21||
bhAsA na vyatibhidurIbhavanti bhR^i~NgA
     hArasthAdurasi harinmaNeshshaThAreH |
ArUDhA vakulamayIM srajaM sugandhiM
     shabdena shravaNasukhena yAnti bhedam || 22||
damavataH kurute madanoddhatAn sughaTayatyabudhAn budhaniShThayA |
prathitamudramanidrasaroruhapraNayi pANitalaM shaThajinmuneH || 23||
neha saMsaraNarogasaMhR^itiH jAyate shatabhiShakchikitsayA |
antareNa shaThavairikandharAlambamAnavakulasrajAM rajaH || 24||
janmadhvaMsaM dishati janAnAM vaktraM dIproShThapadamanoj~nam |
mandasmeraM madhurakaTAkShaM subhrUlekhaM subhagakapolam || 25||
lasati hi bhajatAM bhadrottarapadakaraNArUDham |
shaTharipumakuTaM bhAsA parihR^itaduritadhvAntam || 26||
antareNa shaThArAtiM kassaMsAre.avatIha naH |
tadahaM hR^idaye nityaM nidadhe tadvapuHshriyam || 27||
vAchikI varivasyA me tArakAmAlikAtmikA |
parA~NkushapadAbjena pariShkAravatI bhavet || 28||

iti nakShatramAlikA samAptA |

##
Proofread by Aruna Narayanan narayanan.aruna at gmail.com 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}