% Text title            : Niti Pradipa
% File name             : nItipradIpaH.itx
% Category              : misc, subhaashita, sahitya
% Location              : doc\_z\_misc\_general
% Author                : vetAlabhaTTa
% Proofread by          : Seshadri N, PSA Easwaran
% Description/comments  : Kavyasangraha, Ed. John Haeberlin, 1847, Jibananda Vidyasagara 1888
% Latest update         : June 12, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Niti Pradipah ..}##
\itxtitle{.. nItipradIpaH ..}##\endtitles ##
ratnAkaraH kiM kurute svaratnairvindhyAchalaH kiM karibhiH karoti |
shrIkhaNDakhaNDairmalayAchalaH kiM paropakArAya satAM vibhUtiH || 1||
karNAvaghAtairapi tADyamAnA dUrIkR^itAH karivareNa madAndhabudyA |
tasyaiva gaNDayugamaNDanahAnireShA bhR^i~NgAH punarvikachapadmavane charanti || 2||
yenAkAri mR^iNAlapatramashanaM krIDA kariNyA saha
      svachChandaM bhramaNashcha kandaragaNe pItaM payo nirjharam |
so.ayaM vanyakarI nareShu patitaH puShNAti dehaM tR^iNai\-
      ryaddaivena lalATapatralikhitaM tat projjhituM kaH kShamaH || 3||
shashidivAkarayorgrahapIDanaM gajabhuja~Ngamayorapi vandhanam |
matimatA~ncha vilokya daridratAM vidhiraho balavAn iti me matiH || 4||
vyomnyekAntavihAriNo.api vihagAH samprApnuvantyApadaM
      vadhyante nipuNairagAdhasalilAnmatsyAH samudrAdapi |
durnIte hi vidhau kimasti charitaM kaH sthAnalAbhe guNaH
      kAlo hi vyasanaprasAvitakaro gR^ihNAti dUrAdapi || 5||
api dalanmukule bakule yayA padamadhAyi kadApi na tR^iShNayA |
ahaha sA sahasA vidhure vidhau madhukarI badarImanuvartate || 6||
gato.asmi tIraM jaladheH pipAsayA sa chApi shuShkashshulukI kR^ito mayA |
na dR^ishyate doShalavo.api toyadhermamaiva tatkarmaphalaM vijR^imbhate || 7||
siMhakShuNNakarIndrakumbhagalitaM raktAktamuktAphalaM
      kAntAre badarIdhiyA drutamagAt bhillasya patnI mudA |
pANibhyAmaguhya shuklakaThinaM tadvIkShya dUre jahA\-
      vasthAne patatAmatIva mahatAmetAdR^ishI syAdgatiH || 8||
kinte namratayA kimunnatatayA kinte ghanachChAyayA
      kinte pallavalIlayA kimanayA chAshoka puShyashriyA |
yattvanmUlaniShaNNakhinnapathikastomaH stuvannanvayaM
      na svAdUni mR^idUni khAdati phalAnyutkaNThamutkaNThitam || 9||
dUre mArgAnnivasasi punaH kaNTakairAvR^ito.asi
      ChAyAshUnyaH phalamapi cha te vAnarairapyabhakShyam |
nirgandhastvaM madhuparahitaH shAlmale sArashUnyaH
      sevAsmAkaM bhavati viphalA tiShTha nishvasya yAmaH || 10||
haMsAH padmavanAshayA madhulihaH saurabhyalAbhAshayA
      pAnathAH svAduphalAshayA balibhujo gR^idhrAshcha mAmsAshayA |
dUrAdunnatapuShparAganikarairniHsAramithyonnataiH
      re re shAlmalipAdapa pratidinaM kena tvamAva~nchitaH || 11||
kintena hemagiriNA rajatAdriNA vA yatra sthitA hi taravastaravasta eva |
vandAmahe malayameva yadAshrayeNa shAkoTanimbakuTajAnyapi chandanAni || 12||
nirvANadIpe kimu tailadAnaM chaure gate vA kimu sAvadhAnam |
vayogate kiM vanitAvilAsaH payogate kiM khalu setubandhaH || 13||
shIte.atIte vasanamashanaM vAsarAnte nishAnte
      krIDArambhaH kuvalayadR^ishAM yauvanAnte vivAhaH |
setorbandhaH payasi galite prasthite lagnachintA
      sarva~nchaitadbhavati viphalaM svasvakAle vyatIte || 14||
navaM vastraM navachChatraM navyA strI nUtanaM gR^iham |
sarva~ncha nUtanaM shastaM sevakAnne purAtane || 15||
samAyAti yadA lakShmIrnArikelaphalAmbuvat |
viniryAti yadA lakShmIrgajabhuktakapitthavat || 16||

iti shrImahAkavi vetAlabhaTTavirachitaM nItipradIpakAvyaM samAptam ||
##
Encoded by Seshadri N
Proofread by Seshadri N, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}