% Text title            : mantrarAjastotra brahmavaivarta purANAntargatam
% File name             : mantrarAjastavaBVP.itx
% Category              : purana, stotra, shiva, mantra, stava
% Location              : doc\_z\_misc\_general
% Transliterated by     : PSA Easwaran
% Proofread by          : PSA Easwaran
% Description-comments  : brahmavaivartapurANa brahmakhaNDaM adhyAya 19 shloka 55-80
% Latest update         : January 25, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mantrarajastotra from Brahmavaivarta Purana ..}##
\itxtitle{.. mantrarAjastotraM athavA bANakR^itam shivastotram ..}##\endtitles ##
brahmavaivartapurANAntargatam |

sautiruvAcha |
idaM cha kavachaM proktaM stotraM cha shR^iNu shaunaka |
mantrarAjaH kalpatarurvasiShTho dattavAn purA || 55||

OM namaH shivAya |

bANAsura uvAcha |
vande suraNAM sAraM cha sureshaM nIlalohitam |
yogIshvaraM yogabIjaM yoginAM cha gurorgurum || 56||
j~nAnAnandaM j~nAnarUpaM j~nAnabIjaM sanAtanam |
tapasAM phaladAtAraM dAtAraM sarvasampadAm || 57||
taporUpaM tapobIjaM tapodhanadhanaM varam |
varaM vareNyaM varadamIDyaM siddhagaNairvaraiH || 58||
kAraNaM bhuktimuktInAM narakArNavatAraNam |
AshutoShaM prasannAsyaM karuNAmayasAgaram || 59||
himachandanakundendukumudAmbhojasannibham |
brahmajyotisvarUpaM cha bhaktAnugrahavigraham || 60||
viShayANAM vibhedena bibhrantaM bahurUpakam |
jalarUpamagnirUpamAkAsharUpamIshvaram || 61||
vAyurUpaM chandrarUpaM sUryarUpaM mahatprabhum |
AtmanaH svapadaM dAtuM samarthamavalIlayA || 62||
bhaktajIvanamIshaM cha bhaktAnugrahakArakam |
vedA na shaktA yaM stotuM kimahaM staumi taM prabhum || 63||
aparichChinnamIshAnamaho vA~NmanasoH param |
vyAghracharmAmbaradharaM vR^iShabhasthaM digambaram || 64||
trishUlapaTTishadharaM sammitaM chandrashekharam |
ityuktvA stavarAjena nityaM bANaH susaMyataH || 65||
praNamat sha~NkaraM bhaktyA durvAsAshcha munIshvaraH |
idaM dattaM vasiShThena gandharvAya purA mune || 66||
kathitaM cha mahAstotraM shUlinaH paramAdbhutam |
idaM stotraM mahApuNyaM paThedbhaktyA cha yo naraH || 67||
snAnasya sarvatIrthAnAM phalamApnoti nishchitam |
aputro labhate putraM varShamekaM shR^iNoti yaH || 68||
saMyatashcha haviShyAshI praNamya sha~NkaraM gurum |
galatkuShThI mahAshUlI varShamekaM shR^iNoti yaH || 69||
avashyaM muchyate rogAt vyAsavAkyamiti shrutam |
kArAgAre.api baddho yo naiva prApnoti nirvR^itim |
stotraM shrutvA mAsamekaM muchyate bandhanAt dhruvam || 71||
bhraShTarAjyo labhedrAjyaM bhaktyA mAsaM shR^iNoti yaH |
mAsaM shrutvA saMyatashcha labhedbhraShTadhano dhanam || 72||
yakShmagrasto varShamekamAsthiko yaH shR^iNoti chet |
nishchitaM muchyate rogAt sha~Nkarasya prasAdataH || 73||
yaH shR^iNoti sadA bhaktyA stavarAjamidaM dvija |
tasyAsAdhyaM tribhuvane nAsti ki~nchichcha shaunaka || 74||
kadAchidbandhuvichChedo na bhavet tasya bhArate |
achalaM paramaishvaryaM labhate nAtra saMshayaH || 75||
susaMyato.atibhaktyA cha mAsamekaM shR^iNoti yaH |
abhAryo labhate bhAryAM suvinItAM satIM ramAm || 76||
mahAmUrkhashcha durmedhA mAsamekaM shR^iNoti yaH |
buddhiM vidyAM cha labhate gurUpadeshamAtrataH || 77||
karmaduHkhI daridrashcha mAsaM bhaktyA shR^iNoti yaH |
dhruvaM vittaM bhavet tasya sha~Nkarasya prasAdataH || 78||
iha loke sukhaM bhuktvA kR^itvA kIrtiM sudurlabhAm |
nAnAprakAradharmaM cha yAtyante sha~NkarAlayam || 79||
pArShadapravaro bhUtvA sevate tatra sha~Nkaram |
yaH shR^iNoti trisandhyaM cha nityaM stotramanuttamam || 80||

iti shrIbrahmavaivarte mahApurANe brahmakhaNDe sautishaunakasaMvAde
stavarAjo.ayamUnaviMsho.adhyAyaH ||

##
brahmavaivartapurANa brahmakhaNDaM adhyAya 19 shloka 55-80

Encoded and proofread by
PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}