मम देवाः
मातापितरौ गुरवो ज्येष्ठाः
देवाः खलु तान् प्रणमामः ।
अतिथिर्बन्धुः सकलो लोकः
श्रद्धेयास्तान् प्रणमामः ॥
सूर्यश्चन्द्रस्तारा गगनं
वन्द्याः ननु तान् प्रणमामः ।
धेनुर्वृषभः खगाश्च पशवः
उपकर्तॄन् तान् प्रणमामः ॥
जननीं भूमिं भारतदेशं
भक्त्या वयं नु प्रणमामः ।
गिरीन् तरूनपि नदीश्च कूपान्
प्रभातकाले प्रणमामः ॥
अनिलजलादीन् अनलतृणादीन्
सर्वान् मनसा प्रणमामः ।
वाग्देवीं तां ज्ञानदायिनीं
प्रयता नियतं प्रणमामः ॥
--डाॅ जनार्दन हेगडे
% Text title : mamadevAH % File name : mamadevAH.itx % itxtitle : mamadevAH mAtApitarau guravo jyeShThAH devAH khalu % engtitle : mamadevAH % Category : misc, sanskritgeet % Location : doc_z_misc_general % Sublocation : misc % Author : Dr. Janardan Hegde % Language : Sanskrit % Subject : philosophy/hinduism/religion % Indexextra : (1, 2) % Latest update : April 24, 2021 % Send corrections to : (sanskrit at cheerful dot c om) % Site access : https://sanskritdocuments.org
This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.