% Text title            : Madhva Tantra Mukha Mardanam by Appaya Dikshitar
% File name             : madhvatantramukhamardanam.itx
% Category              : misc, sahitya, appayya-dIkShita
% Location              : doc\_z\_misc\_general
% Author                : Shri Appaya Dikshitar
% Transliterated by     : Rahul Maity
% Proofread by          : Rahul Maity
% Latest update         : July 7, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Madhva Tantra Mukha Mardanam ..}##
\itxtitle{.. madhvatantramukhamardanam ..}##\endtitles ##
\section{upodghAtaprakaraNam}
shivaM viShNuM vA yadyabhidadhati shAstrasya viShayaM
       tadiShTaM grAhyaM naH saguNamapi tadbrahma bhajatAm |
virodho nAtIva sphurati nahi nindA nayavidAM
       na sUtrANAmarthAntaramapi bhavadvAryamuchitam || 1||
tathA.apyAnandatIrthIyaM matamagrAhyameva naH |
yatra vaidikamaryAdA bhUyasyAkulatAM gatA || 2||
ataH pa~nchAdhikaraNIM lakShIkR^ityaiva tanmate |
dUShyasthalAni sarvatra sUchyante sudhiyAM mude || 3||
ityupodghAtaprakaraNam |
\section{jij~nAsAdhikaraNapUrvapakShadUShaNaprakaraNam}
AtmA brahmetyadhItaH shrutishikharagaNairnivesheShashcha sarvaiH
       kiM tatra svaprakAshe guNalavarahite vastu shAstreNa chintyam |
ityAkShepo gurUNAM natichayaviShaye svApraNamyatvavAdaM
       shrutyantAnAM nirUpyaH sa yadi jaDamate kena shAstrasya na syAt || 4||
prAmANyaM siddhameva hyakR^itakavachasAM tvanmate tarkashAstre
       shastrasyA~NgaM yadasya smarasi harikR^itaM brahmatarkAbhidhAnam |
tachchedbhajyeta nityaM sphuradaguNalavaprtayAgAtmaidamarthye
       tannirvAhAya teShAM saguNaviShayatA pUrvapakShe.api te syAt || 5||
sAkShI jIvaH sukhAdInyanishamanubhavansarvamAnAdhikaste
       teShAM tarke tvadiShTo balavadabalatAsaMvibhAgashcha siddhaH |
tasyAtyantAnukUlaM shravaNamapi tava prAgvichArAdapekShaM
       shrutyantAnAM kutaH syAdaguNaviShayatApUrvapakShasya lAbhaH || 6||
shrutyantAnAmakhaNDo viShaya iti cha te kena boddhavyameta
       nnyAyaistAdarthyameShAM ghaTayadatidR^iDhaiH shAstramekaM na chetsyAt |
tachcheda~NgI kriyate pratihatavibhidapratyagAtmaikaniShThaM
       kasyAnArambhAsid.hdhyai prabhavati bhavataH pUrvapakShaprayAsaH || 7||
siddhe.asiddhe cha siddhAntyabhimataviShaye dUShaNaM chetkriyate
       nyAyApekShA na tasyonmiShati nijamataprakriyArthAnuvAde |
siddhAntyasvIkR^ite.arthe yadi tu viShayatApAdanaM pUrvapakShe
       kartavyaM tarhyupAyaH kathamiva sudhiyA tatra nApekShaNIyaH || 8||
ekaM vAkyaM vichArya yadi bhavati nayo vA.api sarvatra tulya
       statki~nchinnAyakL^iptyA.anAbhimatarachanA yujyate pUrvapakShe |
sarveShAmeva nAnAvidhanayanikarAnetAtparyasImnAM
       vedAntAnAM vimarshAdviShayavirachanA tvekamIhate shAstram || 9||
tachChAstraM chodito.anyatkaraNacharamatavatkalpyate pUrvasiddhaM
       jIvaM tasya svasiddhaM viShayamuyato hanta te.asyaiva so.astu |
tenaikArthye virodhe.apyapahR^itaviShayaM sha~Nkyate chedihedaM
       jIvAMsadigdhatoktiH ghaTanI pUrvapakShasya te syAt || 10||
kA chAtrAnupapattirjIvasya svaprabhasya viShayatve |
AvidyakamAvaraNaM jAnIShe chAnumanyase cha tvam || 11||
puMstvAdivattviti naye puruShasya hi tva\-
       mAnandamAvR^itamabhinnamupetya nityam |
tattvAvabodakasamanantaramasmaduktaM
       muktau tadAvaraNabha~njanamanvavAdIH || 12||
abhede dR^iDhe tatprakAshAprakAshAvavidyAbhidhabrahmashaktyopapannau |
visheShe.api te jIvachaitanyarUpaM viroddhuM na shaknoti tasya prakAsham || 13||
mukhyo bhedaH sannapi brahmadR^iShTiM neShTe roddhaM tatra ko vA visheShaH |
taddR^iShTiste nityasiddho hi jIvastasmAdanyannAsti tadgocharatvam || 14||
iti tava savisheShAnandatadbrahmavachcha
       sphuraNayutamakhaNDAnanandamapyAdriyanteyante |
anadhigatamavidyAshaktibhUmnaiva dhIrAH
       sa hi sakalamanUdya prashnato.api prasiddhaH || 15||
yadi tvevaM satyapyaguNaviShayaM nAnumanuShe
       tadA shAstraM kAmaM bhavatu saguNabrahmaviShayam |
shrutInAM kAsA~nchittadapi kathayatyeva viShayaM
       mahAtAtparyeNa praguNamaguNe na sthitijuAm || 16||
tasmAttuchChaM prAchi pakShe shAstrAnArambhavarNanam |
tathaiva tatsiddhAnte.api tadArambhasamarthanam || 17||
iti jij~nAsAdhikaraNapUrvapakShadUShaNaprakaraNam |
\section{jij~nAsAdhikaraNasiddhAntadUShaNaprakaraNam}
advaite yadyesheShashrutisashikharagirAmeaikamatyaM nirAsyaM
       tAsAM brahmetishabdo guNagarimanimitto.api neShTe guNatvAt |
nirdoShAsheShadIvyadguNajuShi kalayansarvavedaikamatyaM
       tadbaddhatvAdivAchA tvamapi khalu tathaivA.anyaparyaM bravIShi || 18||
nA.a.asha~NkyotpattishiShTasthitiriha yata ityanyasiddhAnuvAdA
       tyaktaM chotpattivAkyAvagatimapi pashorbhUribAdhAdghaviShTvam |
asti shrutyantarAnugraha iti sushakaM tadghaviShTve.api vaktuM
       rUpatvAdIva kumbhe guNini guNagataM nApi nAmno nimittam || 19||
yashcheshe guNagarimA na jIvavarge bhUmAkhyastvadabhimato viruddha eShaH |
yattasminnapi ghaTate sadA sato.asya svAnandaprabhR^itivadAvR^iterabhAnam || 20||
api cha bhagavAneko.anekastanustanumAnapi
       svayamavayavA nAstyaishvaryAdvirodha itIdR^isham |
viShayaguNasA~NkaryaM varyaM tavAbhyupagachChataH
       kathamitaravadbhedaH sidhyedviruddhaguNAnvayAt || 21||
visheShaM vaikuNThe yadi vadasi bhedapratinidhiM
       tamekAnekatvaprabhR^itiguNasaMvAsaghaTakam |
sajIvabrahmatvavyatikaravirodhaM cha shamayat
       samaM khalvatrApi shrutishirasi bhedApavadanam || 22||
vaktavyaM te viruddhaM ghaTayati bhagavachChaktirevetyavashyaM
       no chetkR^itsnaprasaktirniravayavavachaHkShobhaNaM vA kathaM syAt |
eko.anekaH sthitashchetyaNurakhilajagadvyApakashcheti vA te
       tatra vyartho visheShaH kvachana tava tayA sarvanirvAhasiddheH || 23||
ki~nchAyaM bhedasAdhyaM kamapi ghaTayituM kalpyate na tvayA.arthaM
       kintu vyAhAramAtraM kvachana kathamiva syAdviruddhArthayogaH |
sambandhaH syAdguNAnAM guNibhiritarathA gocharastatpratIte\-
       rna syAdbhedaH paTAdiShaShvapi cha ghaTayatA satsu tantuShvasattvam || 24||
aishvaryAjjIvabhAvaM kathamiva sa bhajedduHkhabhItyAdiduShyaM
       meaivaM duHkhAdayaste karaNaguNatayA na spR^ishyantyeva jIvam |
svAmitve na spR^ishantItyapi na tava mate tatparasyaiva hIShTaM
       tasmAttasyAkhilAntaH karaNagaNapaterjIvataivArthanIyA || 25||
duHkhitvAdyeva heyaM na yadi kathaya tatkiM na bandheShu heyaM
       nIchatvaM tatprayuktaM yadi tadidamiti vyAkuruShva sphuToktyA |
yachchAkrandAdi duHkhAdyutitanayahataM nApi sArvatrikaM ta\-
       dyatki~nchittasya kAryaM yadi tadiha jagadvyApR^ite nityasiddham || 26||
evaM sukhitvakR^itameva hi nartanAdi
       grAhyaM phalaM tava bhavenna sukhitvameva |
astvityushantamanubhUtimupakShipanta
       lokAH vishAcha iti nishchinuyurbhavantam || 27||
viShNau vishvAtishAyinyanvAdhiguNake jIvavargAdvibhinna
       sarvashrutyaikamatyaM samarasabalavalli~Ngasa~Ngatyupeyam |
advaite cha shrutInAmadhikavirasatAmatra saMsAdhya kuryAH
       siddhAntaM chetki~nchitaphalamupari tayoH sAdhakatve nayaughaH || 28||
agre vAchyo.api kaste kathaya naya iha sthApako bhinnatAyA
       jIveshitrorguNAnAM sa khalu viShamatA sA tu dattottaraiva |
nirbhedatvaM taveShTaM viShamaguNajuShAM shakrapArthAdikAnA
       manyatvasyoktiranyontara iti bahushaH sammatA bhedahIne || 29||
prAbalyaM bhavato.apyabhedavachasAM bhedashrutibhyo mataM
       no chedannamayAdayo vada kathaM bhinnA bhaveyurna te |
bhede satyapi yujyate hi bhagavachChaktyaiva nirdoShatA
       shaktaH kiM na sa eka eva bahudhA bhinno hariH krIDitum || 30||
shabdAntarAdikathanaM tviha bhedasid.hdhyai
       hAsAspadaM sadasi darbhapavitranItyA |
pUrvatra tantra iva kAlpanike.api bhede
       teShAM ghaTeta kimihApi na chAritArthyam || 31||
nirmayAdapravR^itte tava tu hatamate so.api bhedo na sidhye\-
       dyastvaM nAnAdhikArashrutaparaguNasA~NkaryamichChasyupAstau |
aMshAnAM khalvabhede.apyatha cha bhagavatA santi shabdAntarAdyA\-
       statasyAnmatsyAdirItyA sakalajanimatAM vAsudevAMshabhAvaH || 32||
itthaM jIvabrahmabhede niraste
       shAstrArambhasthApanArthaM tvadiShTe |
jIvAbhede.apyAvR^ittatvAdvichAryaM
       brahmatyasmadrItirevA.a.ashrayaste || 33||
(iti prathamAdhikaraNadUShaNam |)
appadIkShitasudhIvinirmite madhvadarshanamukhApamardane |
AdimAdhikaraNasya dUShaNaM bhUShaNaM bhavatu dhImatAmidam || 34||
iti jij~nAsAdhikaraNasiddhAntadUShaNaprakaraNam |
\section{janmAdyadhikaraNadUShaprakaraNam}
tadbrahmetyasya rUDhyA tanudharaparatAmujjhato.anUktyayogA\-
       tkiM tvannAdyeShu yuktA bhavati tava mate sA yato vetyanUktiH |
brahmaikyAtte, yuktA yadi kimiti tadA jIvavarge na yuktA
       jIvAnbhede.apyAbhinnAnapi kathayasi bho brahmaNA tadguNena || 35||
yato vetyAdyuktiH kathamiva hi jIve na ghaTate
       kathaM tadbrahmetishrutirapasaredrUDhiviShayAt |
jagatsraShTuM sarvaM prabhavati khalu dhyAnaviShayaH
       samaste.ayaM mAnorathika iti jIvastava mate || 36||
sthUlaprapa~ncho yadi chAnuvAdyaH so.apyasti te dhyAnamanorathArthaH |
santyeva tatrApyatidurghaTitAni sarvAparokShAdiShu ko virodhaH || 37||
yadyevaM rochayethAH kathamipi na gatiM sveShasaMsiddhabud.hdhyA
       labdhuM te vR^iddhimR^iddhAM dhruvamabhilaSho mUlameva praNashryet |
atyantAbheda eva parataranudharayorApatettadvirodhe
       rAjanyokthyAdirItyA bata vipariNamedbAdhyate.atrAnuvAdyam || 38||
ukthyAnniShTomasaMsthAparikaravidhayo viprajAtAvivaite
       sarvasraShTR^itvavAdAH  paraparapaThitAH santu kasminhatAH |
atraivA.a.aropabAdhadvitayamanubhavantvadvitIyatvasid.hdhyai
       chityagnihotre  vidhaya iva payaHshastaye jartilAdeH || 39||
tadbrahmetyeka eva prabhavati nikhilasraShTR^itAvAdavR^indaM
       viShNornAnAshrutasthaM vidhirapavadituM tvanmate pUrvarItyA |
sarvAdvaitashrutibhyo yadi hi sa balavAnyaugiko brahmashabdaH
       sarvadvaitashrutibhyaH kathamiva na bhavettatra rUDiM prapannaH || 40||
ki~ncha shrutyekagamya rava iva rasanaM sAdhanaM bAdhanaM vA
       kartuM shaktaM na mAnAntaramakhilajagatkartarIti svarItiH |
smR^ityArUDhAM kathaM na vyapagamayati te lokadR^iShTyA nirUDhA\-
       mekatvAyogasha~NkAM paratanudharayorvalganaM tanmudhaiva || 41||
(iti dvitIyAdhikaraNadUShaNam |)
ityapyadIkShitakR^itau madhvamatArambhamardanagranthe |
dvaitIyIkAdhikaraNadUShaNamastu trayIvidAM prItyai || 42||
iti janmAdyadhikaraNadUShaprakaraNam |
\section{shAstrayonitvAdhikaraNadUShaNaprakaraNam}
kathaM nirasyA kathaya tvayA.anumA prasAdhayantIdamanekakartR^ikam |
tathaiva tAtaparyamapi shruterhi sA naye tadekArthaniyatyabhAvataH || 43||
karmabrahmobhayArthaM khalu sakalamapi vyAkaroH karmakANDaM
       brahmasvArthobhayArthAnupaniShaduditAnapyatadvAchishabdAn |
anyAMshchomAdivAgAdyubhayavidhaparAnvA~NmanaHprANamukhyA\-
       nkena syAdvAkyamarthatrayamaparimitArtaM cha vahnyAdisUktam || 44||
shreShaprAye kavitve pramitaparatayA shlAghanIye cha sUtre |
       nAnAkarmopayogashrutisamadhigatAnekabodhye cha mantre |
ekArthatvavyavasthAtyajanamanumataM sarvamImAMsakAnA\-
       mantratrApIchChayA tadyadi bhavati tava brahmavAkyeShvapi syAt || 45||
sR^iShTyAdishravaNairvisheShavachanAnnArAyaNaikAntibhiH
       spR^ishyA netaradevatA iti vachastvekArthavAdochitam |
tasmAttaparatA bhavatteva paraM nAnyArthadhIvAraNaM
       sraShTR^INAM cha vimuktavattava mate nA.a.asha~NkyamIrShyAdikam || 46||
sraShTuM pratyekamIshAH sakalamapi parabrahmabhUtAsrayashche\-
       tsambhUyaite mR^ijeyuH kimiti bhajati te nAtra sha~NgAvakAsham |
sraShTuM shakto vinaiva svayamupakaraNairachyutastadvyapekShA
       sR^iShTau lIlA.asya daNDagrahaNamiva gatau jA~NghikasyetigantuH || 47||
kartraikatvaM vadantI kalayatu phaNitirvAraNeranArthavattA
       ekaikasyaiva kartubahubhavanamukhAnItabhedaprasakteH |
yena tvaM neha nAnAprabhR^itimupaniShadbhAratIM vipralabdhuM
       nirdvaitabrahmachauryavyasanamanubhavannIhase sAhasena || 48||
yo yasyopAstiyogyaH sphurati niyamatastasya kartA sa eve\-
       tyarthaM taM tAvadaikyashrutaranuvadatu shrota\-dhIbhedabhinnam |
kL^ipto yasyAlpabhUyo nakilaguNaparopAstiyogyatvabhAjA\-
       mAtmetyevetyupAsAvidhiravadhR^itimAnitthamarthaM bruvANaH || 49||
pUrNatvaM te nimittaM niravadhigaNanaM bhUmashabdasya vR^ittau
       vaikuNThe tadguNAnAM tadapi kila tatastAratamyena vedyam |
itthaM vastusvabhAvaM kvachidavigaNayanbodhyadhIvR^ittibhedA\-
       dvedaH syAdastivAdI yadi tava bhavati vyAsakaH kA.atra chintA || 50||
ki~ncha sthANuviri~nchayorapi jagatkR^irtR^itvamAvedaya\-
       nnAstyeva shrutimastakeShu bahudhA vaishiShiko gIrgaNaH |
aikArthyaM sahate sa sR^iShTivachasAM naiva tvadIye mate
       tattannAmapadaprasid.hdhyatigatau hetushcha nAstyeva te || 51||
(iti tR^itIyAdhikaraNadUShaNam |)
ityapyadIkShitakR^itau kR^itinA mate.asmi\-
       nnAnandatIrthakR^itashAstramukhApamarde |
etattR^itIyamadhikR^itya nayaM pravR^ittaM
       doShapradarshanamupaskaraNIyamAryaiH || 52||
iti shAstrayonitvAdhikaraNadUShaNaprakaraNam |
\section{samanvayAdhikaraNadUShaNaprakaraNam}
roddhA nopakramAdiH shrutiShu nayagaNastvanmate.arthAntArANAM
       roddhA chetkarmakANDe kathamapi na bhavedbrahmaniShThA padAnAm |
ki~nchAtropakarmAdAvapi tava visaredbhUmashabdasya rIti\-
       stasmAtsarvastameva shrayati nayagaNaM svasvasiddhAntasid.hdhyai || 53||
sphArAttattatpurANAgamavachanashataprApitA yA.anyanindA
       tattadbhaktyAdisid.hdhyai stavanavirachane sA bhavaddvAramAtram |
karmAnuShThApanArthaM kimi niratishayAM brahmasaMstAdinindA\-
       mApastambAdivAkye na kalayasi tataH kA.asya hAnistaveShTA || 54||
(iti chaturthAdhikaraNadUShaNam |)
ityappadIkShitakR^itau madhvatantravimardane |
dR^iShTvA santo.anugR^ihNantu chaturthanayadUShaNam || 55||
iti samanvayAdhikaraNadUShaNaprakaraNam |
\section{IkShyatyadhikaraNadUShaNaprakaraNam}
na dhyeyaM brahma nedaM yadidamiti giri hyabhyupetaM tvayA.ato
       dhyeyArthAnAM shrutInAM kvachidapi na cha tadvAchyamityabhyupeyam |
no chenna dhyeyametatkathamiti bhavati syAdavAryaiva sha~NkA
       yadvAcheti shrutishcha kShipati tadasanAyaiva vAchyatvamasya || 56||
dhyeyArthA eva vAchyAstava nigamagiraH sraShTR^itAdInvadantya\-
       stvaM hi dhyAnaikaniShThAM guNagaNaphaNitiM brahmaNo vakShyasheShAm |
tattAsAM brahmaNaH syAtpratiphalanabhidA kA.api vAchyA mate te
       yadvAchetyevamAdyaiH katipayavachanaibrahma shuddhaM cha lakShyam || 57||
(iti pa~nchamAdhikaraNadUShaNam |)
madhvashAstramukhamardane manAgapyadIkShitakR^itAvidaM budhAH |
pashyata praNayavashryachetasaH pa~nchamAdhikaraNasya dUShaNam || 58||
itIkShyatyadhikaraNadUShaNaprakaraNam |
\section{upasaMhAraprakaraNam}
itthaM tvatkL^iptyaiva pratihatimayati nyAyamaryAdayA te
       shAstrasyAsyAntara~Nge mukhanayanikare dUShaNIyaM kimagra |
tenaivAgre nayA hi sphuTamatishithilAste yadi syuH samarthA\-
       stvaddR^iShTairvedavAkyairjahihi jaDa tadA nyAyachintAM durantAm || 59||
ityappadIkShitenedaM madhvopakramamakramam |
tadrItyaiva mataM dhvastaM sa~NkShepeNa samantataH || 60||
tasmAdyatte.anupAsyaM vimalasukhatanu brahma kUTastamiShTaM
       shAstre.apyasminvichArya gamitamupaniShallakShyatAM muktabhogyam |
so.asAvAnanda evetyuchitamasumatAmAvR^ito yastvayokta
       stadbhede nAsti mAnaM kimapi nigamato lAghavenaikyasiddheH || 61||
madhvAdibhirmuShitamatra sadadvitIyaM
       pratyAharantadidamAgamamauliratnam |
AchChAdya gopitamasArataraistadarthai\-
       statkShullakAdhikaraNasthalamardanena || 62||
AdriyadhvamidamadhvadarshanaM
       vyadhvanaM tyajata madhvadarshanam |
shA~NkaraM bhajata shAshvataM mataM
       sAdhavaH sa iha sAkShyumAdhava || 63||
AsurAnvijigIShoH svayamadvaitabrahmaratnaharAn |
vibudhendrasya sakhAyo maruta iva santvime mukhyAH || 64||
vidvadgurorvihitavishvajidadhvarasya
       shrIsarvatomukhamahAvratayAjisUnoH |
shrIra~NgarAjamakhinaH shritachandramauli\-
       rastyappadIkShita iti prathitastanUjaH || 65||
so.ayaM mitapadamakaronmihAtArthaM madhvashAstramukhabha~Ngam |
prItyai purAmarAteH shrIkAmAkShIsametasya || 66||

ityupasaMhAraprakaraNaM samAptam ||

iti shrImadappayyadIkShitavirachitaM madhvatantramukhamardanaM sampUrNam |
##
Encoded and proofread by Rahul Maity

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}