% Text title            : Shri Madhurapuri Stuti
% File name             : madhurApurIstutiH.itx
% Category              : misc, krishna, stuti
% Location              : doc\_z\_misc\_general
% Proofread by          : Mohan Chettoor
% Description/comments  : From Stotras Samahara Part 1 (ed. K.Raghavan Pillai)
% Latest update         : September 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Madhurapuri Stuti ..}##
\itxtitle{.. shrImadhurApurIstutiH ..}##\endtitles ##
shvetadvIpamadhiShThitA suvipulA sA satyalokasthitA
     chAyodhyA cha kushasthalI madhupurItyatyujjvalA nistulAH |
pa~ncha shrIkamituH prapa~nchakuhare puryaH sphuranti sphuTaM
     tAsAM madhyagatA vibhAti madhurA sA hanta sarvottarA || 1||
kA~nchI kAshipurI cha sA punarayodhyA sApi chAvantikA
     mAyAkhyA cha kushasthalI madhupurItyatyantapuNyottarAH |
puryaH sapta samullasanti paritaH kShoNItale tAsvaho
     madhyasthA madhurA virAjati saromadhye yathAmbhoruham || 2||
vR^indAraNyabR^ihadvanaM madhuvanaM tAlATavI shrIvanaM
     bhadrAkhyaM kumudATavI cha bakuLAraNya~ncha lodhrATavI |
mANDIrAkhyavanaM tathaiva khadirAraNya~ncha kAtyATavI\-
     tyetairdvAdashabhirvanaiH parivR^itA jejeti sA bhUtale || 3||
yogIndrAdR^itapuNyatoyamaritA bhAgIrathIsa~NgatA
     kALindI parikheva yatra saritAmagresarI bhAsate |
shrIgovardhanarohitAdibhiragashreShThaishcha goShThairvR^itA
     sA gopAlapurI vibhAti madhurA nAma prapa~nchodare || 4||
nirmAnti smAtirabhyAmahaha diviShado yAM puraivAdikAle
     dharmAsaktAntarAtmA bahuyugamavasadyatra madhvAkhyadaityaH |
nirmAyairmAnavaughaissatataparigatA nirmalA sharmadAtrI
     seyaM nirvANabhUmirjayati madhupurI sarvagIrvANasevyA || 5||
divyAM divyaikabhogyAM maNigaNakiraNApUritAsheShalokAM
     martyAnAM durvilokAM madhusutamathane yAM purA kosalendraH |
gIrvANAnAM prasAdAdakR^ita nijapurIM dhikkR^itasvargalokAM
     tAM sAkShAd brahmagopAlakadayitapurImIkShitAhe kadA nu || 6||
yatrAvirbhUya bhUyastaranijakalayA gUDhamadhyAsta goShTaM
     yAmevAbhyetya bhUyaH kShitipatimakarodugrasenaM murAriH |
yAmagre shUrasenashchiramanububhuje vajramukhyAstathAnte
     seyaM vR^iShNIshvarasya priyatamanagarI lAlasIti trilokyAm ||
hR^iShTAtmA muShTikAripramukhayaduvarairdvyaShTasAhasrayoShA\-
     juShTaH sammR^iShTashakropalatulitaruchiryatra chikrIDa chakrI |
chakrAdyaishshastrajAlairabhitanijamahashchakravidyotitAshA\-
     chakrairApAlitA sA jayati madhupurI shakramukhyairniShevyA || 8||
yasyAM yatsannidhau vA kvachidapi vipine yAM parItya sthitAsu
     dvArvatyAdyAsu vApi prathitahariharakShetratIrthA~NkiteShu |
pretA jAtAH sthitA vA na khalu shamalavanto.api pashyanti ghorAn
     pretAdhIshasya dUtAnapi bata madhurAM tAM vrajemAshubhAntAm || 9||
vyuShTyAM diShTyApi yasyAH smR^itirakhilanR^iNAM hanta naktandivAnta\-
     rjAtaM sarvAghajAtaM kShapayati tarasA ma~NgaLa~nchAtanoti |
seyaM shreyassvarUpA dinakaraduhituH pashchime tIrabhAge
     gADhaM bAbhAti pR^ithvIkuchabharakalitA chandralekheva pR^ithvI || 10||
nityaM yatra parisphuratsu nitarAM puNyeShvaraNyeShvaho
     rAmAdyA nivasanti daivatagaNopAsyA harermUrtayaH |
nR^ityantyapsarasaH sahAmaragaNairatyantaharShodayA\-
     ditthambhUtamahodayA madhupurI jejeti sA bhUtale || 11||
dR^ishyA viShNupadojjvalA suvimalA nishsheShatApArdinI
     shashvadvishvajaneShu chidrasasudhAniShyandasandohinI |
kALindIsaridambubimbitakalAnAthArthabimbopamA
     maukundo parilAlasIti nagarI seyaM dharitrItale || 12||
yA guptA madhunA purA madhupurItyAkhyAmavApa sphuTAM
     sadyaH pApanimanthanena mathuretyAkhyAyate yA budhaiH |
yAM loke madhureti chAbhidadhate mAdhuryasarva~NkaShAM
     vR^iShNInAM niyatA purI vijayate seyaM dharAmaNDale || 13||
udyAdviR^imashAlinAM nijayashaHpradyotashauryoShmabhiH
     khadyotIkR^italokapAlamahasAM chakrAyudhAlambinAm |
AvAsAtkila shUrasenanR^ipatInAM shaurasenIti sA
     vikhyAtA bhuvane vikuNThabhavanaprakhyA vijejIyate || 14||
yasyAM dhyAturmukundaH pradishati bhagavAnAshu mukti visheShA\-
     dyasyAmaShTachChadADhyA vikasati vilasachchittapadmaM trilokyAH |
yasyAM tiShThanti hR^iShTAssatatamapi hariM draShTumaShTau digIshA
     vishvotkR^iShTA supuShTA vilasati madhurA nAma sA rAjadhAnI || 15||
ashrAntAnantashakteH pashupakulashishornityalIlAniketai\-
     rvishrAntyAdyaiH pavitrairhariharagirijAmandiraira~NkitAyAm |
ashrAntaM hanta vishveshvaramahitamahAviShNupuryAmamuShyAM
     vishrAntiM svAnta! kuryAstvamiha bhavapathe mA vR^ithaiva vyathethAH || 16||
yasyAM bhImormichakrAhatimatiparuShAM dUrato vArayantyAM
     shrImadvaikuNThanAmA pashupakulashishuH ko.api satkarNadhAraH |
kALindItIraniShThAM yadupatinagarInAmadheyAM gariShThAM
     saMsArAbdhestarIM tAmatulasukhakarIM gADhamadyAvalambe || 17||
yasyAM hA hanta vishvAdbhutamanujakishorAkR^iteshchakrapANe\-
     rlIlAvaMshIravAsvAdanaparamachidAnandasiddhA nimagnAH |
yogIndrAstAdvikuNThAspadamabhilaShitaM nAdhiroDhuM kShamante
     tasyau.N gopAlapuryAH shiva shiva ! mahimodrekasImne namo.astu || 18||
gADhodbhAsikushasthalImukhajagannAthAdhivAsasthalI
     madhyasthaM nijarochiShaiva haritAmApUrayanmaNDalam |
shrImanmAdhuramaNDalaM vijayate madhyedharAmaNDalaM
     jyotirmaNDalamadhyagaM divi yathA tArApatermaNDalam || 19||
shrIgopAlakamalamUrtiramalA sArA salIlotsukA
     tAruNyodayarAmaNIyakahaThAkR^iShTatrilokImanAH |
yasmin khelati veNunAdalaharI nirmajjitAshAmukhA
     tasmin mAdhuramaNDale bhavatu me gulmAdijanmApi vA || 20||
ityetAM madhurApurIstutikathAM shrutyantasAroditAM
     pratyUShe pratibudhya shuddhamanasA nityaM paThan mAnavaH |
mR^ityormastataTArpitA~NaghrirakhilAn bhuktveha bhogotkarA
     natyutkR^iShTamakuNThadhAma tadaho vaikuNThadhAma vrajet || 21||

iti shrImadhurApurIstutiH samAptA |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}