% Text title            : mAlAvatyAH parameshvara evam mahApuruSha stotram brahmavaivartapurANAntargatam
% File name             : mAlAvatIparameshvarastotraBVP.itx
% Category              : purana, stotra
% Location              : doc\_z\_misc\_general
% Transliterated by     : Singanallur Ganesan singanallur at gmail.com, PSA Easwaran
% Proofread by          : Singanallur Ganesan, PSA Easwaran
% Description-comments  : brahmavaivartapurANa brahmakhaNDam adhyAya 18 shloka 9-34
% Latest update         : January 21, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. mAlAvatyAH parameshvarastotram ..}##
\itxtitle{.. mAlAvatyAH parameshvara athavA mahApuruShastotram ..}##\endtitles ##

vande taM paramAtmAnaM sarvakAraNakAraNam |
vinA yena shavAH sarve prANino jagatItale || 9|| 1
nirliptaM sAkShirUpaM cha sarveShAM sarvakarmasu |
vidyamAnamadR^iShTaM cha sarvaiH sarvatra sarvadA || 10|| 2
yena sR^iShTA cha prakR^itiH sarvAdhArA parAtparA |
brahmaviShNushivAdInAM prasUryA triguNAtmikA || 11|| 3
jagatsraShTA svayaM brahmA niyato yasya sevayA |
pAtA viShNushcha jagatAM saMhartA shaMkaraH svayam || 12|| 4
dhyAyante yaM surAH sarve munayo manavastathA |
siddhAshcha yoginaH santaH saMtataM prakR^iteH param || 13|| 5
sAkAraM cha nirAkAraM paraM svechChAmayaM vibhum |
varaM vareNyaM varadaM varArhaM varakAraNam || 14|| 6
tapaHphalaM tapobIjaM tapasAM cha phalapradam |
svayaM tapaHsvarUpaM cha sarvarUpaM cha sarvataH || 15|| 7
sarvAdhAraM sarvabIjaM karma tatkarmaNAM phalam |
teShAM cha phaladAtAraM tadbIjaM kShayakAraNam || 16|| 8
svayaM tejaHsvarUpaM cha bhaktAnugrahavigraham |
sevA dhyAnaM na ghaTate bhaktAnAM vigrahaM vinA || 17| 9
tattejo maNDalAkAraM sUryakoTisamaprabham |
atIva kamanIyaM cha rUpaM tatra manoharam || 18|| 10
navInanIradashyAmaM sharatpa~Nkajalochanam |
sharatpArvaNachandrAsyamIShaddhAsyasamanvitam || 19|| 11
koTikandarpalAvaNyaM lIlAdhAmamanoharam |
chandanokShitasarvA~NgaM ratnabhUShaNabhUShitam|| 20|| 12
dwibhujaM muralIhastaM pItakausheyavAsasam |
kishoravayasaM shAntaM rAdhAkAntamanantakam || 21|| 13
gopA~NganAparivR^itaM kutrachinnirjane vane |
kutrachidrAsamadhyasthaM rAdhayA pariShevitam || 22|| 14
kutrchidgopaveShaM cha veShTitaM gopabAlakaiH |
shatashR^i~NgAchalotkR^iShTe ramye vR^indAvane vane || 23|| 15
nikaraM kAmadhenUnAM rakShantaM shishurUpiNam |
goloke virajAtIre pArijAtavane vane || 24|| 16
veNuM kvaNantaM madhuraM gopIsaMmohakAraNam |
nirAmaye cha vaikuNThe kutrachichcha chaturbhujam || 25|| 17
lakShmIkAntaM pArShadaishcha sevitaM cha chaturbhujaiH |
kutrachitsvAMsharUpeNa jagatAM pAlanAya cha || 26|| 18
shvetadvIpe viShNurUpaM padmayA pariShevitam |
kutrachitsvAMshakalayA brahmANDe brahmarUpiNam || 27|| 19
shivasvarUpaM shivadaM svAMshena shivarUpiNam |
svAtmanaH ShoDashAMshena sarvAdhAraM parAtparam || 28|| 20
svayaM mahAvirADrUpaM vishvaugho yasya lomasu |
lIlayA svAMshakalayA jagatAM pAlanAya cha || 29|| 21
nAnAvatAraM bibhrantaM bIjaM teShAM sanAtanam |
vasantaM kutrachitsantaM yoginAM hR^idaye satAm || 30|| 22
prANarUpaM prANinAM cha paramAtmAnamIshvaram |
taM cha stotumashaktA.ahamabalA nirguNaM vibhum || 31|| 23
nirlakShyaM cha nirIhaM cha sAraM vA~NmanasoH param |
yaM stotumakShamo.anantaH sahasravadanena cha || 32|| 24
pa~nchavaktrashchaturvaktro gajavaktraH ShaDAnanaH |
yaM stotuM na kShamA mAyA mohitA yasya mAyayA || 33|| 25
yaM stotuM na kShamA shrIshcha jaDIbhUtA sarasvatI |
vedA na shaktA yaM stotuM ko vA vidvAMshcha vedavit || 34|| 26
kiM staumi tamanIhaM ca shokArtA strI parAtparam |
ityuktvA sA ca gandharvI virarAma ruroda ca || 35|| 27

iti mAlAvatikR^itaM mahApuruShastotram ||
shrIbrahmavaivarte mahApurANe brahmakhaNDe aShTAdashAdhyAyAntargate
gandharvajIvadAna mahApuruShastotrapraNayanam ||

##
brahmavaivartapurANa brahmakhaNDaM adhyAya 18 shloka 9-35

Encoded and proofread by
Singanallur Ganesan singanallur at gmail.com
PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}