% Text title            : kalahapriyaH nAradaH from Gargasamhita
% File name             : kalahapriyaHnAradaHgargasamhitA.itx
% Category              : misc
% Location              : doc\_z\_misc\_general
% Transliterated by     : Vishwas Bhide vrbhide at rediffmail.com
% Proofread by          : Vishwas Bhide, PSA Easwaran
% Description-comments  : gargasamhitA
% Acknowledge-Permission: Vishwas Bhide http://satsangdhara.net/
% Latest update         : February 3, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. kalahapriyaH nAradaH ..}##
\itxtitle{.. kalahapriyaH nAradaH ..}##\endtitles ##

shrIgarga uvAcha \-
evaM te vyAsavachanAtsapatnIkA dvijA nR^ipAH || 1||
AnetuM gomatItoyaM prayayurbaddhapallavAH |
devakIM rohiNIM kuntIM gAndhArIM cha yashomatIm || 2||
puraskR^itya tu jagrAha kumbho bhaiShmyA yuto hariH |
tathA rAmastu revatyA sastrIkA ye.api bhUmipAH || 3||
suvarNaraupyakalashaiH sapuShpaishcha sapallavaiH |
rukmiNyA sahitaM yAntaM kR^iShNaM dR^iShTvA samAgame || 4||
nAradaH kalahaM kartuM satyabhAmAgR^ihaM yayau |
dR^iShTvA chaikAM harerbhAryAM sampR^iShTaH sa tayAbravIt || 5||
nArada uvAcha \-
AdaraM sadane nAsti satrAjitasute tava |
gataH kR^iShNastu rukmiNyA chAhartuM gomatIjalam || 6||
bahubhiryAchitA tvaM tu pArijAtakahAriNI |
kR^iShNasa~NkalpakaraNI maNiyuktA cha mAninI || 7||
IdR^ishIM tvAM varArohAM garuDopari gAminIm |
vihAya bhaiShmyA shrIkR^iShNaH shobhAM draShTuM jagAma ha || 8||
yasyAH putrashcha pradyumno yasyAH pautro.aniruddhakaH |
sA darshayati bho mAtarvArtAM mAnaM cha gauravam || 9||
garga uvAcha \-
iti shrutvA prANanAthaM rukmiNyA sahitaM gatam || 10||
ruroda duHkhitA rAjansatyabhAmA ruShAnvitA |
tadaiva kR^iShNo bhagavA~nj~nAtvA nAradacheShTitam || 11||
satyabhAmAgR^ihaM shIghraM rupeNaikena chAgatam |
gatvA pratyAha vachanaM sarvaj~nAtA rameshvaraH || 12||
na gato.ahaM samAje vai rukmiNyA sahitaH priye |
Agato bhojanaM kartuM gato rAmashcha bhAryayA || 13||
iti tadvAkyamAkarNya satyabhAmA mudaM gatA |
bhIto nArada utthAya gehaM chAnyaM jagAma ha || 14||
gatvA jAmbavatIgehaM tasyAgre sarvamabravIt |
shrutvA hasantI sA prAha mR^iShA mA vada he mune || 15||
karoti shayanaM gehe shrInAtho bhojanAntare |
iti shrutvA sha~Nkitastu tvaraM nirgatya nAradaH || 16||
mitravindAgR^ihe gatvA pratyuvAcha vilokayan |
nArada uvAcha \-
na gatAsi nR^ipasthAnaM mAtargehe sthitAsi kim || 17||
AhartuM gomatItoyaM prayAti yatra mAdhavaH |
bhaiShmIM satyAM jAmbavatIM saha neShyati tatra vai || 18||
mitravindovAcha \-
keshavasya priyAH sarvA gantAsau yAM vihAya cha |
sA na jIvati kR^iShNastu pautraM lAlayati gR^ihe || 19||
tato muniH samutthAya sarvANi mandirANi cha |
babhrAma kR^iShNabhAryANAM sakR^iShNAnItyamanyata || 20||
punarvichArya devarShirgopInAM mandirANi cha |
prayayau kathituM vArtAM rAdhikAyai cha mAnada || 21||
tatra dIvyantamakShaishcha rAdhayA nandanandanam |
gopIbhiH sahitaM vIkShya R^iShirgantuM mano dadhe || 22||
tadaiva kR^iShNa utthAya gR^ihItvA pANinA munim |
tatraiva sthApayAmAsa pUjayitvA yathAvidhi || 23||
shrIkR^iShNa uvAcha \-
kiM kariShyasi viprendra vR^ithA bhramasi mohitaH |
gehe gehe svapatnIenAM mayA tvaM tu vilokitaH || 24||
mayA dhR^itAni rUpANi tvadbhayAdR^iShisattama |
nAhaM dAsye damaM tubhyaM vipratvAtprArthayAmyaham || 25||
sarveShAM chaiva devo.ahaM mama devAshcha brAhmaNAH |
ye druhyanti dvijAnmUDhAH santi te mama shatravaH || 26||
ye pUjayanti viprAMshcha mama bhAvena bhUjanAH |
te bhu~njanti sukhaM chAtra hyante yAsyanti tatpadam || 27||
mAyayA mama puryAM tvaM mohitashchApi mA khidaH |
sarve muhyanti devarShe brahmarudrAdayaH surAH || 28||
iti tadvAkyamAkarNya saMstutaH sa mahAmuniH |
Ayayau maNDape tUShNIM bhUtvA R^itvigjanairvR^ite || 29||
atha te gomatItIraM jagmuH kR^iShNAdayo nR^ipAH |
rukmiNyAdyAH striyashchaiva vAditrairvividhairapi || 30||
nArINAM chaiva vR^indena gAyantInAM hareryashaH |
valayAnAM nUpurANAM shabdo.abhUnmadhuradhvaniH || 31||
pUjayitvA jalasurAnvyAsaH sArddhaM mayA muniH |
kalashaM toyasaMyuktamanasUyAkare dadau || 32||
tatashcha jagR^ihuH kumbhAn revatyAdyAshcha yoShitaH |
notthitAH kalashAH sarve komalaishcha karairapi || 33||
dhArayanti kathaM kumbhaM puShpabhAreNa pIDitAH |
tatashcha jahasU rAj~no nR^ipANAM cha parasparam || 34||
kathaM yAmo yaj~navATamityUchuH kalashairvinA |
rukmiNyAdyAH striyaH sarvAstA UchurmanasA harim || 35||
he shrIkR^iShNa jagannAtha bhaktakaShTavinAshana |
sabalastvaM chakradhArI hyasmAnpAlaya sa~NkaTe || 36||
evaM bruvantyo jagR^ihuH sakalAnbhAravarjitAn |
sve sve shirasi sandhAya saMyuktairmaNimauktikaiH || 37||
yaj~navATaM samAjagmurnAryaH shIghraM sabhartR^ikAH |
yatra bheryashcha sha~NkhAdyA vAdyante paNavAdayaH || 38||
AnIya gomatItoyaM prApitAstatra te nR^ipa |
shyAmakarNena sahitA yatra vai yAdaveshvaraH || 39||

iti shrIgargasaMhitAyAM hayamedhakhaNDe
gomatIjalAnayanaM nAma pa~nchapa~nchAshattamo.adhyAyaH || 55||

##
Garga Samhita, Hayamedhakhanda, Adhaya 55 verses 27-65
Encoded by Vishwas Bhide vrbhide at rediffmail.com http://satsangdhara.net/
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}