% Text title            : Kshamashodashistotram
% File name             : kShamAShoDashistotram.itx
% Category              : misc
% Location              : doc\_z\_misc\_general
% Proofread by          : Aruna Narayanan narayanan.aruna at gmail.com
% Description/comments  : Ramanuja Stotramala
% Latest update         : November 23, 2019, July 5, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kshamashodashistotram ..}##
\itxtitle{.. kShamAShoDashistotram ..}##\endtitles ## 
shrIvedavyAsabhaTTAryaputraratnaiH shrIvedAchAryabhaTTairanugR^ihItA
shrIrastu |
shrImate hayagrIvAya namaH |
shrImate rAmAnujAya namaH ||
yashchakre ra~NgiNasstotraM kShamAShoDashinAmakam |
vedavyAsasya tanayaM vedAchAryaM tamAshraye ||

shrIra~Ngesha! yayA karoShi jagatAM sR^iShTipratiShThAkShayAn
     atrAmutra cha bhogamakShayasukhaM mokShaM cha tattattR^iShAm |
tvatsvAtantryamapohya kalpitajagatkShemA.atihR^idyA svataH
     kShAntiste karuNAsakhI vijayatAM kShemAya sarvAtmanAm || 1||
pApAnAM prathamo.asmyahaM bhavati chechChAstraM pramANaM paraM
     shrIra~Ngesha ! na vidyate.atra vishayassantyeva te sAkShiNaH |
pR^iShTvA tAnadhunA mayoditamidaM satyena gR^ihyeta chet
     satyaM hyuktamiti kShamasva bhagavan sarvaM tadasmatkR^itam || 2||
tvatkShAntiH khalu ra~NgarAja ! mahatI tasyAH punastoShaNe
     paryAptaM na samastachetanakR^itaM pApaM tato mAmakam |
lakShyaM neti na moktumarhasi yataH kutrApi tulyo mayA
     nAnyassid.hdhyati pApakR^it tadadhunA labdhaM tu nopekShyatAm || 3||
puNyaM pApamiti dvayaM khalu tayoH pUrveNa yatsAdhyate
     tattvadvismR^itikArakaM tanubhR^itAM ra~Ngesha! sa~njAyate |
pAshchAtyasya tu yatphalaM tadiha te duHkhachChidaH smArakaM
     tenAnena kR^itaM tadeva shishunetyasmatkR^itaM kShamyatAm || 4||
puNyaM yattava pUjanaM bhavati chet tatkarturiShTe kR^ite
     tatsyAdra~Ngapate! kR^itaprakR^itikR^itaM sarve.api tatkurvate |
pApaM chedaparAdha eva bhavatastatkartR^isaMrakShaNe
     kShAntiste nirupAdhikA nirupamA lakShyeta tat kShamyatAm || 5||
na dvitrANi kR^itAnyanena nirayairnAlaM punaH kalpitaiH
     pApAnAmiti matkR^ite tadadhikAn kartuM pravR^itte tvayi |
tebhyo.apyabhyadhikAni tAnyahamapi kShudraH karomi kShaNAt
     tadyatnastava niShphalaH khalu bhavet tatte kShamaiva kShamA || 6||
sambhUyAkhilapAtakairbahuvidhaM svaM svaM phalaM dIyatAM
     sarvaM sahyamidaM mama tvayi hare ! jAgratyapi trAtari |
duHkhAkrAntamavekShya mAmiha jano duShTAshayatsvadguNAn
     kShAntyAdIn prati durvachaM yadi vadet soDhuM na tachChakyate || 7||
kShAntirnAma varo guNastava mahA~nchChrIra~NgapR^ithvIpate!
     so.ayaM sannapi sAparAdhanivahAbhAve na vidyotate |
tasmAnnaikavidhAparAdhakaraNe niShThAvatA nityashaH
     prApnotyeSha mayA prakAshamatulaM prApsyAmyahaM cha prathAm || 8||
matpApakShapaNAya yojayasi chedghoreNa daNDena mAM
     ra~NgAdhIshvara! kevalAghakaraNAdduHkhaM mama syAnmahat |
taddraShTurbhavato.api duHkhamatulaM ghoraM dayAlo! bhavet
     tasmAt te.api sukhAyamatkR^itamidaM sarvaM tvayA kShamyatAm || 9||
deva ! tvAM sharaNaM prapannamapi mAM duHkhAnyananyAshrayaM
     bAdhante yadi sarvapApanivahAt tvAM mokSha\- yiShyAmyaham |
ityuktaM tava vAkyamarthavidhuraM jAyeta yadvA bhavAn
     tatrAshakta iti pratheta hi tato mAM rakShatu tvatkShamA || 10||
na tvaM kShAmyasi chedidaM mama kR^itaM nAstyatra kAchitkShatiH
     pUrvaM yatsamabhUt tadeva hi punarjAyeta tajjAyatAm |
yadvA syAdadhikaM cha so.api sumahAn lAbho.astu me tAdR^ishaH
     svAmin ! dAsajanastavAyamadhikaM svaireNa dUrIbhavet || 11||
so.ahaM kShudratayA jugupsitatamaM duShkarma nityaM smaran
     kurvan kAmamashuddharItirabhavaM shrIra~NgapR^ithvIpate! |
etatte mahato vishuddhamanasA smartuM na yuktaM khalu kShAntyA
     vismara tattato.ahamasukhAnmukto bhaveyaM sukhI || 12||
tattatkarmaphalAnurUpamakhilo lokastvayA sR^ijyate
     tasmAtkarmavashaMvadatvamadhikaM vaktuM tavApi kShamam |
shrIra~Ngeshvara ! tatprashAntividhaye kShAntyA nirAkR^itya me
     sarvaM pAtakamAshu darshaya bhavatsvAtantryamatya~Nkusham || 13||
shrIra~Ngesha ! vacho madIyamadhunA vyaktaM tvayA shrUyatAM
     puNyaM tatphalasa~NgamAtravirahAdbhUyo na mAM prApnuyAt |
pApaM naiva tathA phalaM vitanute shakyaM na tadvAraNaM
     tatkShAntyA tava shakyameva tadiyaM sadyastvayA kalpyatAm || 14||
shrIra~Ngeshvara! puNyapApaphalayoH svAdhInatAM kurvatoH
     sarveShAM sukhaduHkhayoH svayamahaM magnAshayo mAmapi |
smartuM na prabhavAmi kiM punaraho tvAmantarantaH sthitaM
     tatte tvaM kShamayA nirasya kuru me tvad.hdhyAnayogyAM dashAm || 15||
alpaM chedanavekShaNIyasaraNAvAropyatAM matkR^itaM
     ki~nchidbhUri bhavedidaM yadi gurUn sa.nprekShya me tyajyatAm |
yadvA.anantamanantavaibhavajuSho ra~NgakShamAvallabha!
     tvatkShAntyAH khalu lakShyatAmanuguNA\- mAnIyatAM tattvayA || 16||
santyaktasarvavihitakriyamarthakAma\-
     shraddhAlumanvahamanuShThitanindyakR^ityam |
atyantanAstikamanAtmaguNopapannaM
     mAM ra~NgarAja! parayA kR^ipayA kShamasva || 17||
shrImAn kUrAnvavAye kalashajalanidhau kaustubhAbho.avatIrNaH
     shrIvedavyAsabhaTTArakatanayavaro ra~NgarAjasya hR^idyaH |
vedAchAryAgryanAmA viditaguNagaNo ra~NgiNaH stotrametat
     chakre nityAbhijapyaMsakalatanubhR^itAM sarvapApApanuttyai || 18||

iti kShamAShoDashIstotraM samAptam |

##
Proofread by Aruna Narayanan narayanan.aruna at gmail.com 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}