% Text title            : Jayatu Bharata Sainika Vahini
% File name             : jayatubhAratasainikavAhinI.itx
% Category              : misc, sanskritgeet, hkmeher
% Location              : doc\_z\_misc\_general
% Author                : Harekrishna Meher meher.hk at gmail.com
% Transliterated by     : Harekrishna Meher
% Proofread by          : Harekrishna Meher
% Acknowledge-Permission: Dr. Harekrishna Meher
% Latest update         : November 21, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Jayatu Bharata-Sainika-Vahini ..}##
\itxtitle{.. jayatu bhArata\-sainika\-vAhinI ..}##\endtitles ##
prakR^iti\-vaibhava\-maNDita\-vigrahA
vividha\-bhAsvara\-chArukalAmayI |
jagati ma~NgaladA sukha\-shAntidA
jayati naH priya\-bhAratabhUriyam || 1||
trividha\-ra~Nga\-sushobhita\-ketanaM
vidadhatI ruchiraM jana\-ra~njanam |
sakala\-tIrthamayI chira\-pAvanI
vijayate priya\-bhAratamAtR^ikA || 2||
aribalAnnija\-desha\-surakShaNe
bahuvidhAdhunikAyudha\-barddhitaH |
vahati mAtR^ikR^ite svakalevaraM
jayati nirbhaya\-bhArata\-sainikaH || 3||
svaparivAra\-sukhaM parihR^itya vai
satata\-desha\-surakShaNa\-jAgratA |
vitanute priyabhArata\-gauravaM
sthala\-nabhojala\-sainika\-saMhatiH || 4||
ari\-vinAshana\-chaNDa\-dhurandharA
praharaNAdi\-susajjita\-tatparA |
amita\-keshari\-shakti\-samUrjitA
jayati bhArata\-sainika\-vAhinI || 5||
ripu\-balAkramaNAnnija\-bhArataM
sabalameva hi sImni surakShitam |
prakurute nirataM priya\-sainiko
ravi\-sudIptidharo jita\-sa~NkaTaH || 6||
adhigR^ihaM sakalAstu sunidritAH
sukhabharaM svajanaiH sahitA vayam |
paramasau nija\-bhArata\-sImni naH
satata\-jAgrata eva surakShakaH || 7||
prabala\-shaitya\-savR^iShTi\-kharAtapaM
nijabalaiH praviShahya divAnisham |
vahati deshahite.arpita\-jIvanaM
chira\-suvandita\-sainika eva saH || 8||
tadavadAnamihAsti samunnataM
suchira\-susmaraNIya\-parAkramam |
ripunipAtana\-shaurya\-vibhUShitaM
svabalidAnamapi priya\-bhArate || 9||
jaya vibhArata\-bhArata\-vIra he !
ripu\-vidAraNa he ! raNadhIra he !
tava kR^ite priyavarga ! samarpyate
janagaNaiH praNateH kusumA~njaliH || 10||
priyajanI\-dharaNIM prati hArdikaM
svabalidAna\-mahojjvala\-karma te |
savinayaM janatA smaratIha vai
sahR^idayAshrubharA cha savandanam || 11||
dharaNibhR^itsama\-dhairyadharAH svayaM
janani\-rakShaNa\-yaj~na\-hutAsavaH |
amara\-vIragatiM khalu ye gatAH
praNatayaH prati tAn priyasainikAn || 12||
na hi kadA paradesha\-kR^ite ripu\-
rbhavati bhAratamatra mahItale |
uchitamuttarituM sabalA vayaM
yadi kadAkramaNe yatate paraH || 13||
jayatu bhArata\-saMskR^itirakShayA
lasatu bhArata\-gaurava\-saurabham |
jayatu bhArata\-ketanamujjvalaM
jayatu bhArata\-rAShTriya\-saMhatiH || 14||
vividha\-maulika\-supratibhA\-rataM
lasatu bhAratamAtmavibhA\-ratam |
jayatu bhAratamAtma\-sunirbharaM
jagati suprathitaM bhuvanaM param || 15||

  \-\- rachayitA \- DA.c harekR^iShNa\-meheraH
  (maulika\-saMskR^ita\-kavitA drutavilambitachChandasA praNItA)

##
Copyright Dr.Harekrishna Meher

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}