% Text title : Jambudvipe Navavarsha Varnanam from Brahmanda Mahapurana % File name : jambUdvIpenavavarShavarNanam.itx % Category : misc % Location : doc\_z\_misc\_general % Transliterated by : Ruma Dewan % Proofread by : Ruma Dewan % Description/comments : Brahmanda Mahapurana vAyuproktaM pUrvabhAgaH . anuShangapAdaH \- 2. adhyAyaH 15 % Latest update : November 12, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Jambudvipe Navavarshavarnanam in Brahmandapurana ..}## \itxtitle{.. brahmANDamahApurANAntargate jambUdvIpe navavarShavarNanam ..}##\endtitles ## sUta uvAcha \- evaM prajAsanniveshaM shrutvA vai shAMshapAyaniH | paprachCha niyataM sUtaM pR^ithivyudadhivistaram || 1|| kati dvIpA samudrA vA parvatA vA kati smR^itAH | kiyanti chaiva varShANi teShu nadyashcha kAH smR^itAH || 2|| mahAbhUtapramANaM cha lokAlokaM tathaiva cha | paryAyaM parimANaM cha gatiM chandrArkayostathA | etatprabrUhi naH sarvaM vistareNa yathArthataH || 3|| hanta vo.ahaM pravakShyAmi pR^ithivyAyAmavistaram || 4|| sa~NkhyAM chaiva samudrANAM dvIpAnAM chaiva vistaram | dvIpabhedasahasrANi saptasvantargatAni cha || 5|| na shakyante krameNeha vaktuM yaiH satataM jagat | sapta dvIpAnpravakShyAmi chandrAdityagrahaiH saha || 6|| teShAM manuShyAstarkkeNa pramANAni prachakShate | achintyAH khalu ye bhAvA na tAMstarkeNa sAdhayet || 7|| prakR^itibhyaH paraM yachcha tadachintyaM prachakShate | navavarShaM pravakShyAmi jambUdvIpaM yathAtatham || 8|| vistarAnmaNDalAchchaiva yojanaistannibodhata | shatamekaM sahasrANAM yojanAgrAtsamantataH || 9|| nAnAjanapadAkIrNaH puraishcha vividhaishshubhaiH | siddhachAraNasa~NkINaH parvatairupashobhitaH || 10|| sarvadhAtunibaddhaishcha shilAjAlasamudbhavaiH | parvataprabhavAbhishcha nadIbhiH sarvatastataH || 11|| jambUdvIpaH pR^ithuH shrImAn sarvataH pR^ithumaNDalaH | navabhishchAvR^itaH sarvo bhuvanairbhUtabhAvanaiH || 12|| lavaNena samudreNa sarvataH parivAritaH | jambUdvIpasya vistArAt samena tu samantataH || 13|| prAgAyatAH suparvANaH ShaDime varShaparvatAH | avagADhA hyubhayataH samudrau pUrvapashchimau || 14|| himaprAyashcha himavAn hemakUTashcha hemavAn | sarvarttuShu sukhashchApi niShadhaH parvato mahAn || 15|| chaturvarNashcha sauvarNo merushchArutamaH smR^itaH | dvAtriMshachcha sahasrANi vistIrNaH sa cha mUrddhani || 16|| vR^ittAkR^itipramANashcha chaturasraH samuchChritaH | nAnAvarNAstu pArshveShu prajApatiguNAnvitaH || 17|| nAbhibandhanasambhUto brahmaNo.avyaktajanmanaH | pUrvataH shvetavarNashcha brAhmaNastasya tena tat || 18|| pArshvamuttaratastasya raktavarNaH svabhAvataH | tenAsya kShattrabhAvastu merornAnArthakAraNAt || 19|| pItashcha dakShiNenAsau tena vaishyatvamiShyate | bhR^i~NgapatranibhashchApi pashchimena samAchitaH || 20|| tenAsya shUdrabhAvaH syAditi varNAH prakIrttitAH | vR^ittaH svabhAvataH prokto varNataH parimANataH || 21|| nIlashcha vaidUryamayaH shvetaH shuklo hiraNmayaH | mayUrabarhavarNastu shAtakaumbhashcha shR^i~NgavAn || 22|| ete parvatarAjAnaH siddhachAraNasevitAH | teShAmantaraviShkambho navasAhasra uchyate || 23|| madhye tvilAvR^itaM nAma mahAmeroH samantamaH | navaivaM tu sahasrANi vistIrNaM sarvatastu tat || 24|| madhye tasya mahAmerurvidhUma iva pAvakaH | vedyarddhaM dakShiNaM meroruttarArddhaM tathottaram || 25|| varShANi yAni ShaT chaiva teShAM ye varShaparvatAH | dve dve sahasre vistIrNA yojanAnAM samuchChrayAt || 26|| jambUdvIpasya vistArAtteShAmAyAma uchyate | yojanAnAM sahasrANi shataM dvAvAyatau girI || 27|| nIlashcha niShadhashchaiva tAbhyAM hInAstu ye pare | shvetashcha hemakUTashcha himavA~nChR^i~NgavAMstathA || 28|| navatI dve ashItI dve sahasrANyAyatAstu taiH | teShAM madhye janapadAstAni varShANi sapta vai || 29|| prapAtaviShamaistaistu parvatairAvR^itAni tu | santatAni nadIbhedairagamyAni parasparam || 30|| vasanti teShu sattvAni nAnAjAtIni sarvashaH | idaM haimavataM varShaM bhArataM nAma vishrutam || 31|| hemakUTaM paraM hyasmAnnAmnA kimpuruShaM smR^itam | naiShadhaM hemakUTAttu harivarShaM taduchyate || 32|| harivarShAtparaM chApi meroshcha tadilAvR^itam | ilAvR^itAtparaM nIlaM ramyakaM nAma vishrutam || 33|| ramyakAtparataH shvetaM vishrutaM taddhiraNmayam | hiraNmayAtparaM chaiva shR^i~NgavattaH kuru smR^itam || 34|| dhanuHsaMsthe tu vij~neye dve varShe dakShiNottare | dIrghANi tatra chatvAri madhyamaM tadilAvR^itam || 35|| arvAk cha niShadhasyAtha vedyarddhaM dakShiNaM smR^itam | paraM nIlavato yachcha vedyarddhaM tu taduttaram || 36|| vedyarddhe dakShiNe trINi trINi varShANi chottare | tayormadhye tu vij~neyo merurmadhya ilAvR^itam || 37|| dakShiNena tu nIlasya niShadhasyottareNa tu | udagAyato mahAshailo mAlyavAnnAma nAmataH || 38|| yojanAnAM sahasraM tu AnIla niShadhAyataH | AyAmatashchatustriMshatsahasrANi prakIrtitaH || 39|| tasya pratIchyAM vij~neyaH parvato gandhamAdanaH | AyAmato.atha vistArAnmAlyavA niti vishrutaH || 40|| parimaNDalayormerurmadhye kanakaparvataH | chaturvaNaH sa sauvarNaH chaturasraH samuchChritaH || 41|| sumeruH shushubhe shubhro rAjavatsamadhiShThitaH | taruNAdityavarNAbho vidhUma iva pAvakaH || 42|| yojanAnAM sahasrANi chaturashItiruchChritaH | praviShTaH ShoDashAdhastAdvistR^itaH ShoDashaiva tu || 43|| sharAvasaMsthitatvAttu dvAtriMshanmUrdhnivistR^itaH | vistArAttriguNastasya pariNAhaH samantataH || 44|| maNDalena pramANena tryasre mAnaM tadiShyate | chatvAriMshatsahasrANi yojanAnAM samantataH || 45|| aShTAbhiradhikAni syustryasre mAnaM prakIrttitam | chaturasreNa mAnena pariNAhaH samantataH || 46|| chatuHShaShTisahasrANi yojanAnAM vidhIyate | sa parvato mahAdivyo divyauShadhisamanvitaH || 47|| bhuvanairAvR^itaH sarvo jAtarUpamayaiH shubhaiH | tatra devagaNAH sarve gandharvoragarAkShasAH || 48|| shailarAje pradR^ishyante shubhAshchApsarasAM gaNAH | sa tu meruH parivR^ito bhuvanairbhUtabhAvanaiH || 49|| chatvAro yasya deshA vai chatuHpArshveShvadhiShThitAH | bhadrAshvA bharatAshchaiva ketumAlAshcha pashchimAH || 50|| uttarAH kuravashchaiva kR^itapuNyapratishrayAH | gandhamAdanapArshve tu paraiShA.aparagaNDikA || 51|| sarvartturamaNIyA cha nityaM pramuditA shivA | dvAtriMshattu sahasrANi yojanaiH pUrvapashchimAt || 52|| AyAmatashchatustriMshatsahasrANi pramANataH | tatra te shubhakarmANaH ketumAlAH pratiShThitAH || 53|| tatra kAlA narAH sarve mahAsattvA mahAbalAH | striyashchotpalapatrAbhAH sarvAstAH priyadarshanAH || 54|| tatra divyo mahAvR^ikShaH panasaH ShaDrasAshrayaH | Ishvaro brahmaNaH putraH kAmachArI manojavaH || 55|| tasya pItvA phalarasaM jIvanti cha samAyutam | pArshve mAlyavatashchApi pUrve.apUrvA tu gaNDikA || 56|| AyAmAdatha vistArAdyathaiShAparagaNDikA | bhadrAshvAstatra vij~neyA nityaM muditamAnasAH || 57|| bhadra shAlavanaM chAtra kAlAmrastu mahAdrumaH | tatra te puruShAH shvetA mahotsAhA balAnvitAH || 58|| striyaH kumudavarNAbhAH sundaryaH priyadarshanAH | chandra prabhAshchandra varNAH pUrNachandra nibhAnanAH || 59|| chandrashItalagAtryastAH striya utpalagandhikAH | dashavarShasahasrANi teShAmAyuranAmayam || 60|| kAlAmrasya rasaM pItvA sarve cha sthirayauvanAH | dakShiNena tu shvetasya nIlasyaivottareNa cha || 61|| varShaM ramaNakaM nAma jAyante tatra mAnavAH | ratipradhAnA vimalA jarAdaurgandhyavarjitAH || 62|| shuklA.abhijanasampannAH sarve cha priyadarshanAH | tatrApi sumahAnvR^ikSho nyagrodho rohito mahAn || 63|| tasyApi te phalarasaM pibanto varttayanti vai | dashavarShasahasrANi shatAni dasha pa~ncha cha || 64|| jIvanti te mahAbhAgAH sadAtdR^iShTA narottamAH | dakShiNe vai shR^i~NgavataH shvetasyApyuttareNa cha || 65|| varShaM hairaNvataM nAma yatra hairaNvatI nadI | mahAbalAH sutejaskA jAyante tatra mAnavAH || 66|| yakShA vIrA mahAsattvA dhaninaH priyadarshanAH | ekAdashasahasrANi varShANAM te mahaujasaH || 67|| AyuH pramANaM jIvanti shatAni dasha pa~ncha cha | yasminvarShe mahAvR^ikSho lakuchaH ShaDrasAshrayaH || 68|| tasya pItvA phalarasaM te jIvanti nirAmayAH | trINi shR^i~NgavataH shR^i~NgANyuchChritAni mahAnti cha || 69|| ekaM maNimayaM teShAmekaM chaiva hiraNmayam | sarvaratnamayaM chaikaM bhavanairupashobhitam || 70|| uttare vai shR^i~NgavataH samudrasya cha dakShiNe | kuravastatra tadvarShaM puNyaM siddhaniShevitam || 71|| tatra vR^ikShA madhuphalA nityapuShpaphalopagAH | vastrANi cha prasUyante phaleShvAbharaNAni cha || 72|| sarvakAmapradAstatra kechidvR^ikShA manoramAH | gandhavarNaraso petaM prakSharanti madhUttamam || 73|| apare kShIriNo nAma vR^ikShAstatra manoramAH | ye kSharanti sadA kShIraM ShaDrasaM hyamR^itopamam || 74|| sarvA maNimayI bhUmiH sUkShmakA~nchanavAlukA | sarvartusukhasampannA nniShpa~NkA nIrajA shubhA || 75|| devalokachyutAstatra jAyante mAnavAH shubhAH | shuklAbhijanasampannAH sarve cha sthirayauvanAH || 76|| mithunAni prasUyante striyashchApsarasaH samAH | teShAM te kShIriNAM kShIraM pibanti hyamR^itopamam || 77|| mithunaM jAyate sadyaH samaM chaiva vivarddhate | samaM shIlaM cha rUpaM cha priyatA chaiva tatsamA || 78|| anyonyamanuraktAshcha chakravAkasadharmiNaH | anAmayA hyashokAshcha nityaM sukhaniSheviNaH || 79|| trayodashasahasrANi shatAni dasha pa~ncha cha | jIvanti te mahAvIryA na chAnyastrIniSheviNaH || 80|| || iti brahmANDamahApurANe jambUdvIpe navavarShavarNanam || || brahmANDamahApurANam | vAyuproktaM pUrvabhAgaH | anuSha~NgapAdaH \- 2| adhyAyaH 15 \- pR^ithivyAyAmavistaraH || ## Notes: .. brahmANDamahApurANam . vAyuproktaM pUrvabhAgaH . anuSha~NgapAdaH - 2. adhyAyaH 15 - pRRithivyAyAmavistaraH .. Brahmāṇḍa Mahā-Purāṇa ##brahmANDa mahApurANa ##; in this chapter has the description about the spread of the nine Varṣa ##varSha ## (parts of Land separated by Mountain Ranges, akin to subcontinents) viz; Il̤āvṛtavarṣa ##iLAvR^itavarSha##, Ramyakavarṣa ##ramyakavarSha ## / Ramaṇakavarṣa ##ramaNakavarSha##, Hairaṇyavatvarṣa ##hairaNyavatvarSha ## / Hiraṇmayavarṣa ##hiraNmayavarSha##, Kuruvarṣa ##kuruvarSha##, Harivarṣa ##harivarSha##, Kimpuruṣavarṣa ##kimpuruShavarSha##, Bhadrāśvavarṣa ##bhadrAshvavarSha##, Ketumālā ##ketumAlA##, and Bhāratavarṣa ##bhAratavarSha ## (Haimavatavarṣa ##haimavatavarSha ## / Himavatavarṣa ##himavatavarSha##) - that together constitute Jambūdvīpa ##jambUdvIpa ## - one of the seven dvīpa ##saptadvIpa ## (akin to continents). The main Mountain Ranges demarcating these lands are known as the Varṣa-Parvata ##varShaparvata##; and these include - Nīla ##nIla##, Śveta ##shveta##, Śṛṅgavān ##shR^i~NgavAn##, Niṣadha ##niShadha##, Hemakūṭa ##hemakUTa##, and Himavān ##himavAn## (Himālaya ##himAlaya##). Mount Meru ##meruparvata ## is central to all of the above lands and mountain ranges; and, is surrounded by four main deśa ##deshaH ## Bhadrāśva ##bhadrAshva ## towards East, Bhārata ##bhArata ## in the South, Ketumālā ##ketumAlA ## in the West, Kuru ##kuru ## in North. Encoded and proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}