% Text title            : jalabhedaH
% File name             : jalabhedaH.itx
% Category              : misc, puShTimArgIya, vallabhaachaarya
% Location              : doc\_z\_misc\_general
% Author                : vallabhAchArya
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. jalabhedaH ..}##
\itxtitle{.. jalabhedaH ..}##\endtitles ##

namaskR^itya hariM vakShye tadguNAnAM vibhedakAn |
bhAvAn viMshatidhA bhinnAn sarvasandehavArakAn || 1||
guNabhedAstu tAvanto yAvanto hi jale matAH |
gAyakAH kUpasa~NkAshA gandharvA iti vishrutAH || 2||
kUpabhedAstu yAvantastAvantaste.api sammatAH |
kulyAH paurANikAH proktAH pAramparyayutA bhuvi || 3||
kShetrapraviShTAste chApi saMsArotpattihetavaH |
veshyAdisahitA mattA gAyakA gartasa.nj~nitAH || 4||
jalArthameva gartAstu nIchA gAnopajIvinaH |
hR^idAstu paNDitAH proktA bhagavachChAstratatparAH || 5||
sandehavArakAstatra sUdA gambhIramAnasAH |
saraHkamalasampUrNAH premayuktAstathA budhAH || 6||
alpashrutAH premayuktA veshantAH parikIrtitAH |
karmashuddhAH palvalAni tathAlpashrutibhaktayaH || 7||
yogadhyAnAdisaMyuktA guNA varShyAH prakIrtitAH |
tapoj~nAnAdibhAvena svedajAstu prakIrtitAH || 8||
alaukikena j~nAnena ye tu proktA harerguNAH |
kAdAchitkAH shabdagamyAH patachChabdAH prakIrtitAH || 9||
devAdyupAsanodbhUtAH pR^iShTvA bhUmerivodgatAH |
sAdhanAdiprakAreNa navadhAbhaktimArgataH || 10||
premapUrtyA sphuraddharmAH syandamAnAH prakIrtitAH |
yAdR^ishAstAdR^ishAH proktA vR^iddhikShayavivarjitAH || 11||
sthAvarAste samAkhyAtA maryAdaikapratiShThitAH |
anekajanmasaMsiddhA janmaprabhR^iti sarvadA || 12||
sa~NgAdiguNadoShAbhyAM vR^iddhikShayayutA bhuvi |
nirantarodgamayutA nadyaste parikIrtitAH || 13||
etAdR^ishAH svatantrAshchetsindhavaH parikIrtitAH |
pUrNA bhagavadIyA ye sheShavyAsAgnimArutAH || 14||
jaDanAradamaitrAdyAste samudrAH prakIrtitAH |
lokavedaguNairmishrabhAvenaike harerguNAn || 15||
varNayanti samudrAste kShArAdyAH ShaT prakIrtitAH |
guNAtItatayA shuddhAn sachchidAnandarUpiNaH || 16||
sarvAneva guNAn viShNorvarNayanti vichakShaNAH |
te.amR^itodAH samAkhyAtAstadvAkpAnaM sudurlabham || 17||
tAdR^ishAnAM kyachidvAkyaM dUtAnAmiva varNitam |
ajAmilAkarNanavadvindupAnaM prakIrtitam || 18||
rAgaj~nAnAdibhAvAnAM sarvathA nAshanaM yadA |
tadA lehanamityuktaM svAnandodgamakAraNam || 19||
uddhatodakavatsarve patitodakavattathA |
uktAtiriktavAkyAni phalaM chApi tathA tataH || 20||
 iti jIvendriyagatA nAnAbhAvaM gatA bhuvi |
rUpataH phalatashchaiva guNA viShNornirUpitAH || 21||

iti shrIvallabhAchAryavirachito jalabhedaH samAptaH |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}