% Text title            : jIvanamuktastotram
% File name             : jIvanamuktastotram.itx
% Category              : misc
% Location              : doc\_z\_misc\_general
% Proofread by          : Jonathan Wiener wiener78 at sbcglobal.net
% Source                : shrutiratnAvalI
% Latest update         : August 27, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. jIvanmuktastotram ..}##
\itxtitle{.. jIvanmuktastotram ..}##\endtitles ##

akhaNDaM paramAdvaitaM svatantraM paramaM shivam |
sarvagaM sachchidAnandaM jIvanmuktaM namAmyaham || 1||
nirAlambaM nirAta~NkaM dvaitAdvaitavivarjitam |
sarvAtmAnaM sadA shAntaM jIvanmuktaM namAmyaham || 2||
chinmayaM paramaM tIrthaM sunityaM nityanirmalam |
brahmachittaM satAM sevyaM jIvanmuktaM namAmyaham || 3||
sarvasadguNasampUrNaM shuddhasattvamayaM shubham |
janmamR^ityujarAtItaM jIvanmuktaM namAmyaham || 4||
dhanyaM dhanyaM sadA dhanyaM svarUpAvasthitaM param |
sukharUpaM sadA pUrNaM jIvanmuktaM namAmyaham || 5||
dveShyaM nAsti priyaM nAsti yasya nAsti shubhAshubham |
svArthahInaM samaM shuddhaM jIvanmuktaM namAmyaham || 6||
bhavanti yasya karmANi lokakalyANahetave |
mAyAtItaM guNAtItaM jIvanmuktaM namAmyaham || 7||
IshvaraM sarvavishvAnAM sarvavishvasvarUpakam |
sarvopAdhivihInaM taM jIvanmuktaM namAmyaham || 8||
chitsvabhAvaM svatantraM cha heyopAdeyavarjitam |
niShkalaM paramAnandaM jIvanmuktaM namAmyaham || 9||
naiva nindAprashaMsAbhyAM yasya vikriyate manaH |
AtmatR^iptaM sadA tuShTaM jIvanmuktaM namAmyaham || 10||
nityaM jAgradavasthAyAM suptavad yo.avatiShThate |
puNyApuNyavihInaM taM jIvanmuktaM namAmyaham || 11||
mAyA nAsti jagannAsti yasya j~nAnamahodadheH |
sarvadoShavinirmuktaM jIvanmuktaM namAmyaham || 12||
rAgadveShabhayAdInAmanurUpaM charannapi |
antarvyomavadAchChannaM jIvanmuktaM namAmyaham || 13||
yasya nAha~NkR^ito bhAvo buddhiryasya na lipyate |
kurvato.akurvato vA taM jIvanmuktaM namAmyaham || 14||
yasmAnnodvijate loko lokAnnodvijate cha yaH |
harShAmarShabhayonmuktaM jIvanmuktaM namAmyaham || 15||
yaH samastArthajAleShu vyavahAryapi shItalaH |
nirdvandvaM vAsanAhInaM jIvanmuktaM namAmyaham || 16||
chaityavarjitachinmAtre pade paramapAvane |
akShubdhachittaM vishrAntaM jIvanmuktaM namAmyaham || 17||
idaM jagadahaM so.ayaM dR^ishyajAtamavAstavam |
yasya chitte na sphurati jIvanmuktaM namAmyaham || 18||
svayameva svayaM haMsaM svayameva svayaM sthitim |
svayameva svayaM pashyan jIvanmuktaM namAmyaham || 19||
brahmabhUtaH prashAntAtmA brahmAnandamayaH sukhI |
svachCharUpo mahAmaunI jIvanmuktaM namAmyaham || 20||
shuddhachaitanyarUpAtmA sarvasa~NgavivarjitaH |
nityAnandaH prasannAtmA jIvanmuktaM namAmyaham || 21||

iti jIvanmuktastotraM sampUrNam |
##
Proofread by Jonathan Wiener wiener78 at sbcglobal.net

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}