हिमवता मुकुटेन विराजिता
हिमवता मुकुटेन विराजिता
द्विगुण-षोडशकोटि-सुतान्विता ।
स्मित - पराजित - पूर्णसुधाकरा
जयति भारतवर्ष-वसुन्धरा ॥
श्रीविन्ध्येश्वरीप्रसादशास्त्रिणां
हिमनग - भूषित - भालां
सुरधुनि - जल - धौत - जानपदजालाम् ।
प्रकृति - विभूति - विशालां वन्दे
त्वां त्रिदशकोटिजनपालाम् ॥
कविवर श्री श्रीधरपाठकानां
आहिमालय - कुमारिका - स्थलं
पूर्व - पश्चिम - समुद्र - मध्यतः ।
विस्तृतामिह नमामि भारतीं
जन्मभूमिमखिलार्थदां च नः ॥
- वी. आर. लक्ष्मी अम्माल देव्याः
Proofread by Mandar Mali