% Text title            : Harihara Kshetra Mahatmyam
% File name             : hariharakShetramAhAtmyam.itx
% Category              : misc
% Location              : doc\_z\_misc\_general
% Transliterated by     : Shri Abirami abikool2006 at gmail.com
% Proofread by          : Shri Abirami
% Latest update         : September 19, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Harihara Kshetramahatmyam ..}##
\itxtitle{.. hariharakShetramAhAtmyam ..}##\endtitles ##
sarvatIrthasvarUpaM tat kShetraM hariharAtmakam |
praNamya likhyate divyaM mAhAtmyaM tasya chAdbhutam || 1||
samAlochya purANAni shrutvA janashrutIstathA |
prAmANikaM cha pratyakShaM yattadeva bravImyaham || 2||
kalau hariharakShetraM munibhiH parikIrttitam |
labhyante yatra vastUni chepsitAni tu kArtike || 3||
kAshItaH prAgbhR^igukShetraM tataH pUrvottare sthitam |
vihAre shobhate tadvai kShetraM bhuvi sudurlabham || 4||
ga~NgAnArAyaNInadyoH sa~Ngamo yatra vidyate |
tasmAtkroshayuge.adUre kShitau kShetraM pratiShThitam || 5||
pATalIputrapArshve yat puraM svarNapurAbhidham |
tatraitanmelakaM divyaM prativarShaM bhavatyuta || 6||
devotthAnAtsamArabhya kArtikyAM tu visheShataH |
gItAjayantikaM yAvanmAsaikaM \ldq{}melanaM\rdq{} mahat || 7||
puNye hariharakShetre vishAle shivamandire |
hareshvaturbhujasyAgre harali~NgArchanaM bhavet || 8||
ata eva samAkhyAtaM divyaM hariharAtmakam |
tatsthAnaM hariharakShetraM vishAlaM vishvavishrutam || 9||
kArtike yatra sarve hi brahmaviShNushivAdayaH |
devo devyashcha nadyashva nivasanti maharShayaH || 10||
sa~Ngame parame ramye yakShagandharvakinnarAH |
snAtuM draShTuM samAyAnti manuShyAH sArvadeshikAH || 11||
yatrAshvagajagomeShA mahiSharkShavR^ikAstathA |
nakulAjavarAshchApi kapimArjArashUkarAH || 12||
shvAnoShTramUShakAH siMhA mR^igAdipashavastathA |
vikrayArthaM samAyanti tasmai sthAnAya vai namaH || 13||
kokakokilakAkAshcha kekIkAdambakukkuTAH |
kAmukI kalakaNThA.a.aTI kareTUkalahapriyA || 14||
kapotakIrakrau~nchAshcha kushikorakakukkubhAH |
vikrayArthaM samAyanti tasmai sthAnAya vai namaH || 15||
kundaH kuravakairnAgaiH kuTajairdADimairapi |
ketakImallikAjAtI\-yUthikArAjibhistathA || 16||
nArikelaishcha pUgaishcha champakairjambubhirdhavai |
khUrjarAshokabakulairjambIrairvAtala~NgakaiH || 17||
nAragairvadarIbhishcha nichulaiH kesarairapi |
chUtaishcha kapichUtaishcha madhurairAmlakaistathA || 18||
punnAgai panasairbilvaidrAkShAmadhusadAphalaiH |
mItAphalakapitthAdiphalaiH krayyairvirAjitam || 19||
evaM nAnAvidhaiH puShpaiH phalaiH krayyaiH samanvitam |
vidyate yanmahatkShetraM tasyai bhUmyai namo namaH || 20||
sUkShmAtisUkShmarUpANi sthUlAtsthUlatarANi vA |
UShNe shItakarANyeva shIte chiShNakarANi vai || 21||
svalpamUlyAnyamUlyAni vastrANi vividhAni cha |
vikrayArthaM vilokyante yatra tasyai namo namaH || 22||
kAchakA~nchanatAmrANi lohapittalakAni vA |
rajatAdIni raupyANi hyaShTadhAtumayAni cha || 23||
pAtrANi vividhAnteva mR^iNmayAnyapi kArtike |
vikretuM yatra dR^ishyante taddeshAya namo namaH || 24||
sumahArhANi ratnAni nIlapItasitAni cha |
vaidUryyamaNijAtAni santi yatraiva te namaH || 25||
evaM vidhAni yAvanti loke lokAntare.api vA |
shrUyamANAni vastUni tAvanti santi yatra vai || 26||
tatprakalpitamUlyaistu krayo vA vikrayobhavet |
teShAM samastavastUnAM yatra tasmai namo namaH || 27||
prAsAdaistR^iNagehaurvA paTamaNDaparAjibhiH |
kR^itrimA.akR^itrimaiH ku~njairvividhaiH sumanoharaiH || 28||
veNuvaMshaiH samAkIrNaM kadalIkhaNDamaNDitam |
puNyaM hariharakShetraM sevitavyaM budhaiH sadA || 29||
rAjAno bahavo vApi shreShThinaH sAdhavastathA |
vyApAriNo virAjante kArtikottamaparvaNi || 30||
bhAratIyA narAshchAnye dUrato.api videshinaH |
snAtuM draShTuM cha kretuM vA vikretuM ye samAgatAH || 31||
asmin hariharakShetre pAvane lokabhAvane |
AgatyakArtike mAse snAnaM kurvanti ye janAH || 32||
te niShpApA dhruvaM yAnti shivalokaM tathA punaH |
viShNuloke sukhaM bhuktvA brahmalokaM vrajanti te || 33||
kraya\-vikrayasaMlagnAH snAnadhyAnaparAyaNAH |
yathAkatha~nchidapi te yAtriNo.atra taranti vai || 34||
ata eva naraiH sarvairdraShTavyaM tadapUrvakam |
kShetraM hariharAkhyaM yad vidyate gaNDakItaTe || 35||
shrIga~NgA\-sarayUnadI\-sutaTayormadhyebhR^igukShetrataH |
prAggavyUtimite sthite "dubahare" grAme.atha gargAnvaye ||
sa~njAtena hi ThAkurAtmajanuShA vij~na \ldq{}dvijendreNa\rdq{} vai |
bhaktAnAM hitavA~nChayA virachitaM mAhAtmyametadvaram || 36||
netragrahA~Nkachandre.abde vaikrame ravivAsare |
kArtikIpUrNimAyAM vai mAhAtmyaM pUrNatAM gatam || 37||

iti shrI \ldq{}kavitAkalAnidhi\rdq{} paM0 shrIsarayUprasAdashAstriNA virachitaM
shrIhariharakShetramAhAtmyaM sampUrNam |

idaM hariharakShetraM vihAraprAnte sAranamaNDale vartate |

##
Encoded and proofread by Shri Abirami

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}