गणतन्त्र दिवसः
(गीतिका)
गणतन्त्रम् । स्वागतं ते,
गणतन्त्रम् । स्वागतं ते ।
तव गौरवं पुरस्तात्
कीर्तिं श्रियं तनोति ॥ गणतन्त्र०॥
राष्ट्रोद्धृतावपूर्वां
शक्तिं तनोषि नित्यम् ।
त्वद्गानमेव ज्योतिः
क्रान्तेश्च दाववह्निः ॥ गण०॥
संस्मृत्य गौरवं ते
वीराः गुणानुरक्ताः ।
शक्ताः स्वदेश-भक्ताः
शूलिं मुदा श्रितास्ते ॥ गण ॥
त्वं देशभक्ति-भावं
समता क्रियाऽनुरागम् ।
धर्मान्धतां विराम
तनुषे च लोकतन्त्रम् ॥ गण०॥
कार्ये प्रभाषणे च,
स्वातन्त्र्यमेव लेखे ।
स्वत्वाधिकार-रक्षा
सृष्टं त्वयैव सत्यम् ॥ गण ॥
त्वां प्राप्तुमेव सत्यं
शान्तेश्च क्रान्तिशीलैः ।
आत्माहुति प्रदत्ता
शूलिर्वृता मुदैव ॥ गण०॥
साम्राज्यवादिनस्ते,
त्वां वीक्ष्य भीतभीता ।
कृत्यैर्निजेजघन्यैः
भस्मान्तभावमाप्ता ॥ गणतन्त्र०॥
सम्पूर्ण-शक्ति-युक्तं
लब्धं तु भारतीयैः ।
गणतन्त्रमेतदेवं
क्रान्तिं तनोतु लोके ॥ गणतन्त्र०॥
गुण-गौरवाभिवृद्धिः,
धन-धान्य-सौख्य वृद्धिम् ।
सद्भाव-स्नेह-वृद्धिः
सिद्धिं तनोतु सद्यः ॥ गणतन्त्र०॥
त्वद्रक्षणेऽनुरक्ताः
भक्त्याऽर्पिताऽऽत्मदेहा ।
क्रान्तेर्दवाग्नि-दूता
कुर्वन्तु देश-स्वर्गम् ॥ गणतन्त्र०॥
Proofread by Mandar Mali